shaywu的个人专页

天氣轉冷，老婆鐘意食壽司刺身，我又想食熱辣辣野，係旺角兜左個圈….食咩好啦，宜家好多都舖食嘅野差唔多咁，由於要老婆想法優先，所以簡左壽司放題，因為半年前黎過呢度，覺得正常唔差，所以同老婆大人提議番去神戶屋，難得老婆無ban我！7點幾係兆萬估唔到咁少人，以前都叫排住隊等電梯上去樓上果幾間食肆食野，家下直行直入，位都唔洗等，坐好點餐，由於刺身優先原則，老婆自己叫，雖然呢度係食刺身放題，其實佢都有打邊爐啊！想食熱食嘅我就叫左一堆熱食加邊爐。開頭上檯嘅牛肉都係唔差，食完仲可以係出面自己拎，但應該係唔同款牛肉，仲有少少丸類，菜等，湯底係壽喜燒，一路滾一路食非常夠味，仲有其他小食好似小龍蝦，一口牛（食落唔硬剛剛好），炒烏冬都唔係整定，我估都係即叫即做，未叫有鑊氣，但以一間食刺身嘅店黎講都算係咁，係個人參雞湯失色左啲，上到檯我都唔知係咩😂！最後食埋甜品豆腐花，雪糕雪條，就咁用左2個鐘就走嚕。…查看更多

係我印象神戶屋都開左好多年，對上一次黎應該都有6年前，係兆萬差唔多層層都有刺身放題的競爭下都仲生存到，都有番咁上下底氣，以前黎呢度都係同朋友夜晚聚會，今次就一家大細星期日中午時份黎食，估唔到上到黎無咩人，好多位，雖然位同位唔係闊，但都放得落BB椅，坐低第一時間都係掃code叫野食，款式其實算係咁，種類生到熟，任你淥嘅打邊爐都有，而刺身拼盤都一定係每檯客嘅頭盤，邊度都係每次都一定整得靚靚出餐，呢度都唔例外，三文魚 鮑魚 魚蝦蟹 仲有乾冰煙霧效果，點影點拍都靚，三文魚貨一定係新鮮嘢，其他凍貨刺身都唔係差，反而熱食有驚喜，因為刺身都係拎貨返，熱食要加都睇廚房手勢，好似個牛舌咁，咁鬼厚，未食前都怕咬唔開，點知咁厚都燒得幾好食軟淋淋😋，而其他炸物都唔係差，炸鮮奶都係唔錯選擇，其次蒸扇貝都係合格貨色，無蒸過頭（急凍貨蒸唔好好易成舊扇貝橡膠咁），說到尾就甜品時間，雪糕/雪條，好多韓式雪條簡架，同叫左個燒菠蘿🍍，最驚喜都係呢一樣，唔知係咪客人唔多嘅關係，師父成個菠蘿燒出黎好鬼靚！燒到菠蘿面都少少焦糖化，最好食都係呢樣，咁就一餐了！…查看更多

請咗上午假陪我老婆大人睇醫生，睇完10點幾，問我有咩地方去，見臨近聖誕節不如行花墟睇下花，由旺中沿路走去花園街，就係路經嘅時候見到呢間老餅家，我對傳統既食物一直都大興趣，由佢門面，舖內裝修格局更顯得舊有味道，不同產品的價錢向貼在舖頭兩邊，幫襯既都係50歲左右人士，身為80後忽然我都覺得自己好後生😅，顧客圍繞都係買牛耳、紅豆燒餅、光酥餅.....，經過一輪視察，最後買咗$20/5個紅豆燒餅、$20/4個嚤囉酥。紅豆燒餅：買紅豆燒餅係睇落似最熱熱熱賣嘅食品，事實就真係👍下午返到公司食左一件燒餅，而燒餅本身有厚度同軟身，燒餅皮上亦有烤過嘅芝麻，故燒餅亦有一絲絲嘅芝麻香味，食落口除咗好香口嘅芝麻濃香，再咬深點燒餅皮夾雜紅豆蓉嘅清甜卻中和左芝麻嘅濃味，相得益彰，難怪成為此舖大熱！嚤囉酥：好老實聽就聽得多食就未食過，外層咬落似光酥餅味道，內層餡料都是清清甜甜的味道。下次希望可以試埋香蕉糕同牛耳等等食物👍…查看更多

原本想同女朋友食壽司郎，點知情況不似預期，一早爆晒無得食，打開openrice ，睇吓有咩附近餐廳，都唔知係乜嘢情況下就揀咗呢間神燈海鮮酒家，鑒於疫情關係同餐廳位置唔係主街道，人唔多，入到去計埋我都係得兩台客🤔心諗都唔知有冇中伏，坐低後職員詢問飲咩茶，特別地原來佢哋有玄米茶，女士應該喜歡啦！中餐廳例牌茶芥小食都另收費，同時上枱嘅小食同職員講佢都肯取消唔使收錢無怨言👍可能而家我都失緊業啦，見佢嗰個菜單都平均百幾蚊其實都覺得有點貴，最後叫咗價錢較廉宜的魚茄子煲、同比較少見的XO醬爆牛骨髓加碗白飯，冇乜客嘅關係啦餸都好快到，禮貌都做足，餸上到枱其實真係喜出望外，大大份，仲有鑊氣，個魚香茄子煲都仲係啫啫聲，XO醬醬牛骨髓又好香，好似牛骨髓，好難得小菜係配料少過主菜，勁多牛骨髓，好滑嘟嘟，加埋xo醬真係好惹味，到魚香茄子煲，份量都係大，撈飯真係無得輸，又香同惹味，無死鹹，兩個人食完剛剛好，仲估佢唔到原來有份福餅小食送，所以對呢間餐廳都真係喜出望外！值得一試！…查看更多

粉果佬我細細個就聽過佢名，其實早幾年佢係廣福邨都重開過一次，如今係大埔中心重開，嗰陣時仲大排長龍，行到門口望入去5-6人製作點心，好忙架，佢賣點係手工燒賣，食過後，魚肉燒賣餡味道或許同出面街賣差唔多，但燒賣皮好薄，同食落口係feel到唔同，煙韌口感，加埋豉油鹹鹹地就好好食，比出面機器做既好好多。因為人手製作啦，所以佢同出邊啲價錢都貴少少十蚊紙有六粒，但我都覺得抵嘅，因為出邊都好少數手做魚肉燒賣，佢仲有咖喱魚蛋同粉果，留返下次再品嚐！…查看更多

雖然有好高人氣，但今日去食確實食物質素方面有點失望，去完錦田一日遊，女朋友想食日本野所以坐番小巴出元朗市中心，打開Openrice 見魚一好似唔差咪試試，去到魚一當時都爆晒場（5點幾），員工都好繁忙，除咗堂食爆滿，外賣亦都不停有，咁人多等位都好正常，大概等左20分鐘左右先有位，由於等位嘅時候已經揀咗食物所以一坐低就可以落單，咁舖頭係用QR code去自動落單，比較方便，有問題店員都有禮貌回答，最後揀咗泡菜豚肉鍋，壽司（象拔蚌，赤貝，帆立貝），同丼飯（魷魚，帶子和劍魚腩），三樣食品不分次序大約7至10分鐘送到，咁多人嘅情況下出菜速度可以接受，講番食物方面泡菜豚肉鍋 - 除豚肉，還有娃娃菜，金菇及冬菇。湯底似辛辣麵嘅湯包（不過係淡味版本），份量是足夠的，但好奇怪食落口的時候所有味道都唔夾，湯還湯，肉還肉，菜還菜，味道各有各，所以用68再加一的價錢食呢個我覺得麻麻，或許熱食唔係呢間舖頭嘅熱門食物啦！壽司（象拔蚌，赤貝，帆立貝）壽司還比較正常，不過飯團有少許鬆散，象拔蚌赤貝及帆立貝味道都正正常常。丼飯（魷魚，帶子和劍魚腩）係魚一丼飯可以自己配搭，但最少三款刺身，價錢份量都會有所不同，值得讚的是他們的刺身很大方，都大大舊，但味道上，魷魚係我叫咗三個刺身裏邊反而最好的，厚度適中，食落又沒有癡牙的感覺，但其餘兩款刺身確實有點失色，第一次食帶子係冇果種少少海水鹹鮮味道，而劍魚腩他是很厚切，但因為魚嘅質感問題，作為腩位油份不足，太厚變成食落口有啲渣（利申-以前食過油份足既劍魚腩係好順口）或許係呢個落差，所以覺得揀錯魚生好唔抵。…查看更多

是日晚餐簡左係我樓下既日本餐廳，其實呢間舖開咗好多年打但其實我都係食過兩三次，對以前的味道不太深刻，但今次去反而有想回味的感覺，本身我女人鍾意食日本野，係呢條邨日本野得呢間同隔離嗰間雜野日韓台，入門口店員已經幫我哋良好體溫安排好座位，睇睇餐牌，其實D餐都係50幾蚊起，又唔係真係貴，我叫左個牛肉鍋醬油湯底，由於而家咁嘅時勢周圍都唔多人食，所以好快上菜，以60幾蚊嘅價錢食呢個算性價比高，有麵豉湯，中華沙律，沙律菜同飯同一個滿滿蔬菜牛肉鍋，佢牛肉面還有一陣閃令令嘅鐵質，都唔係平價貨，加上佢個樣係剛剛熟嘅色水，食落都好滑口，雖然覺得醬油湯底有點鹹，但將湯拌飯也不錯，底部的蔬菜也很鮮甜，同睇落個鍋好似好大個但其實都唔夠我食，希望領展唔會趕走你啦😂…查看更多

車仔麵，好多香港市民嘅日常快捷食物，選擇可以好多，不同種類嘅食物，任君選擇，講番喺牛頭角呢間阿太車仔麵，雖然舖裝修似一間日本居酒屋（牆身），不過我坐唔慣佢D高櫈但佢係好港式的，落單都係拎張order紙自己選擇要嘅餸，麵底，湯汁等等，喺眾多嘅選擇入邊，我揀咗鹵水雞翼尖豬紅同韭菜餃配油麵，加配小食炸花枝丸，加埋都$38+$20=$58，不過好多地方都係呢D價錢，最緊要好味道，等左三分鐘左右到碗麵就上菜，係炸花枝丸耐左少少，但係新鮮炸熱辣辣，炸花枝丸上左層炸粉，咬第一口好脆，其後同平時食既差唔多, 加埋佢既酸甜醬配搭一起食味道唔錯!麵既餸每樣幾舊係餃子得兩舊較可惜,  不過餃子好好食, 好香, 豬紅無鬆泡泡一夾無散唔失敗啦, 翼尖入味, 湯頭慶幸唔係死味精湯底，加埋佢檯面的辣醬碗麵即刻惹味好多，值得一嘗。…查看更多

幾個月唔係香港, 最近返到黎見到大中有間餐廳新開試下啦, 見佢現時又光鮮同乾淨，不過好彩啱啱過咗食飯時間，唔使等位又冇乜人，但見幾檯都食緊咖喱飯，咖喱色水好似好好食咁，望左個餐牌呢度都係主力賣咖喱啦，以前食開行前些少的咖喱老店咖喱至尊，果邊選擇雖然多好多，但試吓新嘢嘛，叫左個咖喱牛3寶飯試試，上菜都算快，幾分鐘都到，份量算剛好我自己胃口，而牛3寶係包括有牛筋牛坑腩牛肚（係我最愛既金錢肚）都好淋好滑, 係牛筋膠膠地痴牙, 咖喱微香微辣，不過正常既，咖喱少少杰同有椰香，普通餐廳黎講做得算係咁。…查看更多

新記芝士麵係尖咀扎根多年，但我都係無食過😂，放工行過荃灣路德圍見到佢的蹤影，估計係新開張左無耐，由裝修，環境，碗碗碟碟都仲好新，唔通仲係3日香！佢裝修用番舊式冰室硬座，地板磚都用以前樣貌設計餐牌都係攝係檯面大玻璃下，唔洗怕污糟，選擇十數款，咁佢出名係芝士就梗係試試下啦，雖然我唔係芝士控😂，叫左個芝士汁雞翼芝心丸公仔麵+熱華田。當時夜晚7點幾，但唔知係咪無宣傳，間舖無咩人，所以好快上菜，咁影碗好大，份量好小，其實都係事實，以男人份量真係唔夠。算啦，講番食物，佢pat芝士醬明顯係重點，撈埋公仔麵又唔覺好漏,無食錯的話係車打芝士整出黎，芝士算濃但唔無好漏的感覺，公仔麵都無煮過龍淋啤啤，反而幾鐘意粒芝心丸，因為粒芝心丸有炸過，外皮係脆脆地，雞翼就普普通通生炸口味，肉有些少鞋。…查看更多

那夜被女朋友帶進元朗呢個美食老區，日頭車水馬龍，充滿人流既大馬路慢慢移進各個內街，都係為了食食食，中西日韓台的食物，最終都聽女朋友仔話，食佢想食既士林台灣麵，皆因佢講以前成日食，要試下🤷🏼‍♂️，點敢逆佢意，到左餐廳門口，貼滿台灣主理廚師的獎項，另門口街邊都放左幾張檯接待客人，不過街邊就無冷氣架喇，所以無咩人坐，客人都等室內座位，懶得等既我們同就得人的女朋友都決定坐街邊位置，簡單既餐單，點既都係熱門大路食物 1. 士林牛肉麵 2. 炸雞排 3.飲品兩杯（芋香奶茶和椰香奶茶）上菜速度其實算好快，飲品先到，不過好可惜，我覺得椰香奶茶其實唔好飲，味道好水既感覺，或許食物才是此店的強項！炸雞排：夠香脆，大塊，而且無炸過龍，雞排仲係食落鬆軟，唔油膩👍牛肉麵：食麵類食物湯頭好重要，更何況係台灣有名的牛肉麵，其份量一人應該剛剛好，先一口湯已有濃郁的味道，同係台灣旅行食時候有過之而無不及，麵都有咬勁，煮時間適中，牛肉亦沒有好柴好硬的感覺，入口鬆軟，帶點湯汁食其實好juicy 😂椰香奶茶：味道好水，唔係好推薦。…查看更多

南豐紗廠都開左一段日子，又喺附近返工，食過嘅都係茂一茂隔離間大光燈多，係近日見到佢係夜晚7:30後做買一送一，又咁啱加班到咁上下時間，就拖埋我女人黎食糖水sweet 下，店舖設計係舊式冰室風格座位有啲窄，不過鋪頭唔大，香港地寸金尺土算係咁，餐牌選擇唔算多，但貴精不貴多，專注好出品仲好，咁先贏到口碑嘛！價錢其實唔算貴同外邊其他糖水舖差唔多，但比其他糖水舖好嘅係可能地段同時間關係冇咁多人的逼😬我就簡簡單單叫咗個傳統嘅香滑芝麻糊，店員服務唔差都主動，上菜速度幾分鐘都有，講返芝麻糊先，份量係一個飯碗咁大，都剛好載滿童叟無欺，質地濃稠度合格唔水汪汪，無一舊舊，反而味道我幾喜歡，清甜唔苦，杰身滑口，係略嫌黑芝麻味唔夠重，但以$27價錢我覺得都算係咁。…查看更多

蘇杭街，小店林立，茶餐廳、點心店、涼果小吃、西式cafe、日式壽司飯店都有，百花齊放、豐儉由人。二十幾至過百蚊既lunch 都搵到，養活左不少嘴饞既中上環打工仔！是日走到近上環既蘇杭街頭搵野醫肚，路過門口舊舊既裝修，卻用一塊瑩光版作為餐牌，都幾吸睛！餐牌頭二位係金太陽快餐牌永不磨滅既筆跡，分別有唔見光既秘製切雞飯，同金太陽炸雞飯，其他就日日唔同款，以一個中午飯黎講，佢個價錢係接近無得輸的，加埋野飲都唔過三草野，難得啊！我買既時候都下午茶時段，舖內人煙疏落，係櫃檯俾錢叫外賣，要金太陽炸雞飯配中湯，憑票去水吧位自己拎外賣，都幾有8，90年代既快餐feel 。返到寫字樓，打開外賣盒.....一pat 醬就係雞扒上，佢醬就話係蜜味波羅汁，但我食落就似洋蔥茄汁，咁味道又確係甜甜酸酸，拎黎拌飯真係可以接受架；到塊炸雞扒，女仔既手掌咁上下大，咁店員都會斬好一舊舊排好，算係咁，由橫切面睇，炸粉略微厚左D，同埋係炸定既關係，雞係凍既，但因為有醬汁關係，掩蓋左炸粉厚呢個缺點，至於雞肉方面炸得算唔錯，未到好乾，仲有水份，唯香氣欠奉，想要食到脆卜卜咁我諗要等好彩炸起果時喇。食完飯梗係飲湯水通通腸胃啦，當日例湯係青紅蘿蔔豬骨，個炸雞飯雖然一段貨仔，但個湯好正，足料不在話下，仲有南杏等等，味道十足，唔會偏咸，係煲出黎果種感覺，味精唔多覺，但做餐廳點都會落些少。總括呢個價錢食到個飯連湯都算係咁啦，有咩好要求！…查看更多

最近飲茶興起，四處插旗開舖，捧場客應該不少，難得搵到幾個人肯陪太子飲茶，皆因果幾個都未去過（飲茶），去到門口，一個貨車頭就係門口裝飾，完全唔似飲茶既地方，而前台接待員位，就係一個大油桶，好特別.....店內設計就好似係一個工場入面咁，完全同大部分既酒樓設計差天共地！廚房都係開放式的，乾淨非常！到座位時，已經擺好所有（傢私），碗既設計就如一個小魚缸，好別緻！到睇張點心紙，其實選擇唔係話多，而佢改果啲點心名都好有創意，但可能太有創意，好多都唔知係咩黎。其後上菜速度都算好快，冷盤小食話咁快就到，1.川醬皮蛋-一上到檯心裡嘩一聲，皮蛋整到金魚咁！雖然叫川醬聽落好辣，但食落係酸醋味為主，辣就唔覺，以酸用黎打開胃口既序幕！2.雞絲粉皮-呢道菜既外觀同其它店都大同小異，味道上都係，味道淡淡既粉皮配上濃濃既芝麻醬，手撕既粗雞絲！味道雖唔係突出，麻醬唔係咁香，但因菜式大路，好快就搶購一空！3.三杯醉雞-平時食開既三杯雞都係熱既，但呢個係相反冷食，亦因為係冷既關係令味覺遲鈍、同雞本身無醃製過，只係淋醬汁上去，食落肉並不入味，味道都只食出微微醋味，酒味都唔太覺，香味都欠奉，唔太推薦！4.麻辣燒賣-味道幾盞鬼，小麻小辣，燒賣餡同外邊酒樓食開有唔同，呢個肉感較札實，亦有一種慢慢先麻後辣既感覺，食落感覺好實在！唔會一舊肥肉咁，不錯。5.有色蝦餃-一上檯時睇落平平無奇，睇真D原來蝦餃皮上有陣金色係蝦餃面上，真係整色整水；講番味道先，蝦餃皮做得尚可，未至於厚，而餡用上細號蝦加調味唔差既肥肉混合，一口一粒，食時蝦爽口肉細膩，不錯選擇！6. 睇住流奶 同 一籠八戒 - 呢兩道菜係菜單睇其實唔知係咩野點心，咁唯有食左先講，左面黃色一舊既係流沙包(睇住流奶)，係包上點晴後，頓然生色不少！食時都要小心，因為包餡好熱，燙親嘴呀⋯⋯，食落時餡好香好漏，好滑同好肥囉！到右面一籠八戒，幾個造型可愛既豬頭，呢個真係唔咬落去都唔知係咩料，係個豬屁股一咬，原來叉燒包黎架，不過餡料較少，叉燒肉較瘦同乾，味道只算一般貨色。7. 鴿吞鳳梨 -又係一個唔食唔知咩既野，呢個上菜真係用個鳥籠上菜，忽然好似以前茶樓阿叔撚雀咁樣，成個鴿頭一啪，原來呢個係鳳梨酥，鳳梨餡微微清甜，但個皮就不敢恭維⋯⋯或許要為左整個鴿造型，皮整得好厚，令酥度大減⋯食時候變得好粉唔好食⋯，呢個只是影相之選，食就..... 夾埋其實吸晴指數確係爆燈，好唔好食就一般啦⋯⋯但可能成本問題，份量都較細同食唔飽囉⋯⋯…查看更多

話說當日外訪粉嶺做運動，運動過後，梗係要補充補充啦，朋友講呢度有間好出名既腸粉，咁就Let's go 啦，朋友搵好位泊好車後，一落車就已經見到條龍仔， 排前些少就會見到佢個大餐牌，難怪咁受街坊歡迎，簡直時光倒流，抗通脹益街坊， 咩野都係$3起，除指定招牌腸粉外，選擇亦只有眼前5款餸簡，開放式既廚房，眼見姐姐熟手既技巧，半分鐘唔洗完成點菜，整好腸粉餸菜就一碟，厲害！ 排到我時叫左$3腸粉、魚蛋、燒賣、豬皮！先$12蚊，拎黎醫一醫肚確唔錯！買好後係街邊搵個位食 打開包裝，$12係真係好平，有7粒魚蛋，4粒燒賣，豬皮就4塊，同兩條腸粉；魚蛋就係用上小販隻陳皮魚蛋（最愛食）一口一粒，咬落厚實既感覺由細到大食果啲無唔同（如果加啲咖喱汁仲正），而魚肉燒賣硬硬地唔夠熱，豬皮就白灼即無味，無咩特別，主要味道就要靠混醬撈埋先好食，仲有腸粉唔係話好滑，粉皮較厚。但以呢個價錢食到確係難能可貴。…查看更多