Run for Eat的个人专页

XO醬蟹肉露筍果露筍蟹肉滿滿，口感豐富入面本身加左XO幾香但再點埋佢碟XO，好食程度提高！好食👍🏻貴妃醉蝦餃未咬先聞下，淡淡酒香一啖咬落去，外皮煙韌內裡多汁，蝦肉彈牙今餐之最🫶🏻鮑魚花膠海味灌湯餃價錢好進取，但見到有都想試下🤤個湯好濃，有成粒乾瑤柱湯底應該有用金華火腿，好好飲灌湯餃皮簿，比好多坊間既優秀！個涵豐富多料，整體好食但食唔出鮑魚花膠既感覺🙈銀湖天鵝酥天鵝身炸得好脆唔乾身同唔厚粉，高質！個涵應該係鵝肉加上其他配料配搭新奇，內裡多汁，好食！上湯浸牛肉球個湯清清地好飲牛肉球細細，有陳皮味完全唔需要點喼汁味道唔錯，幾得意麻香蛋散看似簡單其實見盡廚師功架雖然比較細件，但乾身輕盈糖漿上枱前已撈好食落鬆脆，推介！…查看更多

情人節食好西系列Omakase lunch set沙律+茶碗蒸+刺身*5+壽司*8+手卷*1太多款色真係記唔晒🙈講下d比較有印象先🤣🤣胡麻沙律正常水準茶碗蒸較軟身，但味道幾好有不少配料在內刺身：生蠔海水味淡，一淡食落口幾滿足吞拿魚腩肥美得黎又唔太膩，正！💯鮟鱇魚肝估佢唔到咁正😍壽司：魷魚鹹鹹地又有咬口，好特別瀨尿蝦好好食，正😋鵝肝(?)帶子又係好好食，好夾😋海膽就中規中矩北寄貝原來可以咁易咬😯手卷好好食，包住吞拿魚蓉同其他配料口感好豐富，好食🤤第一次食Omakase印象大好💯所以另外加多兩款壽司🤣玉子大大舊，睇住師父好細心咁整味道一流👍🏻牡丹蝦肉質有彈性，新鮮好味🤤好少打咁長....我無野補充🫣總括黎講CP值不錯，推薦以上食評只反映本人立場，如有雷同，實屬不幸…查看更多

又是新會道的一間小店店舖以藍白色為主名物當然係天馬拉花既Latte啦係網上已經有不時post講過近距離睇住店主拉出天馬圖案確係吸晴味道當然同樣重要咖啡豆是偏nutty的先是少少甜味，再黎就係Almond都幾啱口味以上食評只反映本人立場，如有雷同，實屬不幸…查看更多

一間少少咖啡店只能容納5-6人但試過一次之後已經成為我一間十分喜愛既咖啡店咖啡師每次都會解釋用咩豆重會問你啱唔啱口味沖奶啡之前又比你聞一聞espresso原味依種交流實在少有除左互動外，咖啡質素都相當高奶泡打得棉密，都係坊間少有質素現今通街都咖啡店但質素確係參差不齊選豆都有質素，飲過一次已經愛上真係無得挑釁總括黎講就係高質，銅鑼灣奶啡首選！以上食評只反映本人立場，如有雷同，實屬不幸…查看更多

今次係誤打誤撞先揾到依間咖啡店本身係星街揾食點知無啱心水餐廳於是向灣仔方向出發途中先遇上依間小店，好好彩店鋪雖小只有十個位左右但感覺舒服叫左炸魚all day breakfast, full份量真係唔少炸魚香脆熱辣辣，好食麵包都有烘過的，抵讚炒蛋creamy，富有蛋香其他配料都唔錯當然少不了Latte偏向nutty但不苦，啱口味奶泡也不錯，滿意整體黎講不錯，食物咖啡都有質素街過路過可以一試以上食評只反映本人立場，如有雷同，實屬不幸…查看更多

是日無特別野做想揾間cafe坐下打下卡咁啱係網上見依度有唔少人黎到食物賣相都幾吸引所以就黎試下點了all day breakfast同latte先講latte，咖啡偏nutty味，用上燕麥奶同一般咖啡分別不大，不錯主食賣相確係吸引有多士，一塊素肉，大啡菇同幾款生果及沙律基本上生果同沙律菜係新鮮既但其他就一般，唔突出而且價錢偏貴....總括黎講素食主義者必黎，但我唔係CP值唔高...未必再黎以上食評只反映本人立場，如有雷同，實屬不幸…查看更多

香港生活節奏急促假日好想揾個地方靜下嘆下咖啡上網揾左段時間終於比我揾到依間好野店舖位於西營盤高街假日都非常少人行地點真係啱晒我心水舖頭細細，只容納到10個人左右但環境舒適，牆上有不少拉花作品照入正題餐廳上只有輕食選擇我簡左貝果跟BBQ醬再配牛油果，三文魚及雞胸貝果是脆的，配上BBQ醬又另一番風味基本上配料不錯，只係雞胸有少少乾Latte當然少不了用了偏nutty既豆，但不會太苦啱晒我口味奶泡棉密，拉花圖案更加唔洗講咁複雜既圖都整到，佩服總括黎講食物同咖啡質素都幾好雖然地點少少遠，但絕對有機會反黎以上食評只反映本人立場，如有雷同，實屬不幸…查看更多

由於小弟今個月生日關係朋友專登簡左依間餐廳黎慶生原因係好多好評！入正題！可能閒日關係，只係坐左好人少環境少少暗，尚算有d氣氛既頭盤點了香辣椰汁燴藍青口味道偏淡，無乜辣味...而且汁比較少想點包都有d難度....青口好普通，有d失望好彩手工蟹餅攞返少少分數份量大，密度高，足夠2個人分享但蟹肉鮮味唔突出，中間加左太多野了只能說不過不失...到主菜極上海膽意粉份量及賣相都ok但味道比較特別...同之前食既有分別...個種味道太微妙，麻麻地...芝士菠菜意大利雲吞4樣之中最好，估唔到內裡充滿芝士菠菜，夠充實皮都唔厚，抵讚最後重點左甜品提拉米蘇佢係無手指餅的....但味道唔錯，算係為今晚加添分數總括黎講質素一般....CP值唔高相信同一價錢有更好選擇以上食評只反映本人立場，如有雷同，實屬不幸…查看更多

屯馬。開通。真的很興奮！有左屯馬線，入黎九龍城真係好輕鬆入正題先~話說Rings依個名已經聽左好耐今日終於有幸黎試下行完山專登坐車過黎，大約三點幾竟然要等一陣位，誇張.....坐低望望餐牌，最吸引既就係all day breakfast但我最後簡左牛油果煙三文魚班尼迪蛋上枱時覺得擺盤好靚其實更有內涵水波蛋狀態非常好蛋白成形得黎又唔算太熟，入面當然流心啦牛油果新鮮好食，唔會太硬，讚個包是脆的，三文魚就正常水準反而個沙律好得，密瓜超甜！再配上少少黑醋杏仁等，掂呀還點了一杯抹茶拿鐵少少甘苦味，不會太甜，啱晒口味整體黎講好滿意，絕對可以再黎以上食評只反映本人立場，如有雷同，實屬不幸…查看更多

見依間餐廳有不少好評今次lunch就專登過黎試下佢大約十二點半多d黎到唔洗等位直入望望餐牌，大路越南食物都有唯一係個火車頭河竟然有花膠！咁我就點左佢黎試下可惜既係期望你太多，注定難過湯底絕對係麵粉既靈魂但竟然一d都唔清甜...無論加多少魚露同辣椒乾...都係淡花膠雖大，但又唔夠膠質生牛肉都係韌的，本身質素問題真係無優點可言...跟餐的龍眼水都係淡...係龍眼肉甜囉除左失望都無咩好講...總括黎講就係失敗.....唔會再黎以上食評只反映本人立場，如有雷同，實屬不幸…查看更多

朋友生日，兩個麻甩仔當然要啤啤佢啦今次簡左位於太子既居酒屋諗住食下串燒飲下啤酒訂左枱7點，黎到約坐了一半人餐牌上款式比較少:(最終點了六款食物，如下：玉子燒/雞肉串/燒羊架清酒煮蜆/燒飯團/炸雞玉子燒偏甜，質感柔軟，不錯清酒煮蜆都係偏甜，帶少少辣味，唔錯燒飯團比想像中出色飯團是有調味的，唔乾身，推介炸雞都值得一試，外脆內嫩，掂！羊架都算嫩，無乜騷味，但又無太大驚喜雞肉串是最普通的，無乜特別總括黎講CP值一般，如果加多d款式會更好以上食評只反映本人立場如有雷同，實屬不幸…查看更多

一間用心經營既高質咖啡店位於銅鑼灣鬧市不少上班族都黎幫襯小弟已經幫襯過3次呢3次都係cold brew3次都唔同風味店員會解釋今日用咩豆，會有咩風味重會比張卡片你關於今次用既豆感覺比人用心，敬業咖啡豆會不定時轉，值得一讚:依間店舖絕對係我上班日咖啡首選以上食評只反映本人立場，如有雷同，實屬不幸…查看更多

為左同朋友慶生今次簡左間比較高級少少既餐廳聚會三個人，預早book枱直入點了三款食物，如下：香草白酒煮青口配黑松露薯條（1kg）16安士美國安格斯肉眼扒配黑松露薯蓉北海道帶子龍蝦汁意粉配三文魚子先講青口，份量挺多的白酒汁少少苦味，但可接受加少少檸檬汁就啱啱好青口尚算新鮮薯條熱熱的，印象中黑松露味淡淡的安格斯是大大塊，但質素一般有肉汁但又未算好好味朋友一致決定薯蓉都唔夠熱，份量少，失望意粉好食，濃濃的龍蝦汁3隻大大的帶子，滿意總括黎講係好食既，但牛扒未算高質ps：還是不能upload相片...以上食評只反映本人立場，如有雷同，實屬不幸…查看更多

行完山又落左黎元朗係網上得知依間咖啡店既存在專登過黎試一試佢三點黎到都差不多滿坐我同朋友剛剛好兩個人可以直入唔係太肚餓，叫左個蘋果批配雲呢拿雪糕加多杯Cold Brew依個配搭真係透心涼入正題，蘋果批熱辣辣肉桂味不會太濃，少甜，多汁加埋雲呢拿雪糕食，一冷一熱，正重有少少果仁碎伴碟一齊食又多層口感Cold Brew少酸味，重好似帶點可可味可惜小弟唔專業試唔真有咩味但係係好飲既！夏天之選！而朋友試了意粉同Latte，評價只係一般總括黎講我自己都幾滿意，絕對可以再黎食甜品同飲杯cold brewps:近排都upload唔到相.…..以上食評只反映本人立場，如有雷同，實屬不幸…查看更多

元朗有不少大大少少既咖啡店今次行完山落返黎就簡左依間試試星期六兩點零黎到，唔洗等位店鋪大約十多個坐位，裝修簡潔選擇未算太多最後跟朋友點了all day breakfast配熱Latte先講杯Latte，奶泡棉密咖啡味道偏向Nutty，整體算是不錯的小弟試過不少咖啡店好多都有形無實，失望了不知多少次但依間絕對合格而all day breakfast十分豐富有三文魚，腸，班尼迪蛋，牛油果等等種類之豐富不時經常見到每一種食物都是熱的，值得一讚味道方面都很好整體黎講今餐十分滿足，意料之外呢黎開附近可以考慮過去試下ps: upload唔到相...以上食評只反映本人立場，如有雷同，實屬不幸…查看更多