瑪莉餅的个人专页

傍晚六點幾去到，唔駛等位，同朋友坐低。但叫餐、用餐以至走的時間，男餐廳經理都o係餐廳唔同位置「做低頭族」。每次都要叫佢先知客人等緊。而且餐飲永遠遲黎，我差唔多食完所有野，先黎杯奶茶；朋友個杯仲要漏單。而且見到D野飲出左，經理同員工係水吧傾偈，講左一段時間先出野飲。食物方面，我只不過叫最基本既通粉餐，但麵包係凍既，通粉味道亦好差。冇諗過現在既牧場水準咁差，唔會再幫襯。…查看更多

今晚婆生日食飯，揀左呢間，唔會有下次。明白香港餐飲業完全係重災區，無諗過咁差姐。食物差，上菜混亂，同侍應反映意見時，侍應回覆「我都係打工姐，有乜唔好同我講」，叫片皮鴨，隻鴨燒到黑色，成舊炭咁，取消order 後，侍應仲要話「好，唔駛我切」，嘩！東家唔打打西家，都唔駛咁呀！半碗飯焦的白飯也是第一次吃。成餐飯大家都黑面完成。…查看更多

今晚行過呢間餐廳，見佢有buffet。個時八點八，待應同我地講話食物會不斷refill ，但九點半就last order ，我地好天真咁相信佢講既 ，咪入左去羅。點知俾人呃左入去，食物完全無refill ，十個盆有七個盆係無野食，同待應反映，個待應勁無禮貌，話佢地有紙俾我地填，但要再晏d 先可以俾我地，仲晏d，都九點，咁幾時俾我地丫！個待應就話出面仲有好多野食，叫我地食住先。火都黎，出面只剩餸頭餸尾，餐飯一位要幾百蚊又加一，食d 咁既野。真係叫經理黎，冇經理，只有個話唔到事既主任，佢地話唔想浪費食物，所以唔會再refill ，我地同佢講係因為你們話仲有得refill，我地先入黎， 咁即係貨不對辦啦！未試過咁差既餐廳，差到唔想俾錢！！…查看更多

不止一次幫襯過呢間餐廳，但今晚卻令我徹底失望。雖知佢一向人流多，一定要預先訂位。但我本打算在bar 那邊飲酒吃東西，但…bar 那邊也滿了，我唯有坐在外面。但一女待應走過黎，毫不客氣叫我「讓位，唔好阻住我拍我既枱」。我無奈讓位給她後，佢將我原本坐的枱與椅子，全俾新黎既客，我位冇，枱冇，又冇人理，而且氣憤地走了，但…沒想到，呢間餐廳d 服務態度可以差左咁多。我以後都唔會幫襯！…查看更多

下午茶時間，雖然食物唔算太差，普通。但服務態度真係唔得。等位等到最後一個，見有卡位，要求坐卡座，被服務員話「搶卡位坐」。什麼搶卡位坐，我係最後一個客等位，卡座有人走，要求坐卡坐，不叫「搶」，而且當住個客面前講。什麼服務態度。再加上食至尾聲，舅母帶着一個五歲，一個三歲小朋友黎坐一陣，加理我阿姨，就收四位茶錢，收茶錢唔緊要，你要有service 先得。我舅母她們茶又冇，餐具又冇，我地都冇再叫任何點心，就要收茶錢。同待應講番，回應一句，「坐係度就算食野」。就算係收茶錢，都唔該俾番杯茶黎飲先啦！乜都冇，就要收多12蚊茶錢。之後雖然肯改單，一句唔好意思都冇講！乜生意真係咁唔憂做咩？…查看更多