為食豬兜的个人专页

叫咗個超值早餐（選擇唔多，好似得三四樣揀，但可以貴啲食其他早餐），我叫咗雪菜肉絲米（應該無得轉麵或通粉）、火腿炒蛋、牛油方包配熱咖啡，28蚊，比較附近幾間確實平得唔少，起碼有得揀食平啲定食貴啲，對於日日要出街食早餐嘅人嚟講，日日慳十蚊八蚊都好。講返早餐個質素，雪菜肉絲米味道正常，軟硬適中，（覺得有啲茶餐廳米粉偏硬，但係呢度唔係），多雪菜但無咩肉絲，呢樣我ok，返正我都係要雪菜，但係可能有人覺得唔得，炒蛋炒得唔錯，方包就係正常牛油搽麵包，軟熟就好，熱咖啡正常茶記味道，總括係正常，加上只係28蚊即時好食咗。另外呢度啲位唔迫，坐得幾舒服。…查看更多

出了九龍城，撞正午餐時間，見呢間有位，便走了入去。叫了一個三寶飯（豬扒、扎肉、雞翼），一個香茅豬扒扎肉湯河粉，凍奶茶少甜。三寶飯嘅飯太硬，豬扒嘅味有啲怪怪地，唔係變咗，但食落有陣油膱味。至於個湯河粉，無咩特別，好奇怪，湯河嘅豬扒無果陣油膱味，唔知係咪浸咗湯嘅原因，反正味道一般，上枱時已經唔夠熱，其實食物唔夠熱對味道真係會打節扣，另外凍奶茶就唔夠茶味，已叫少甜都感到過甜，不少甜多少是很主觀的，很多時候都會有這情況。本體來講麻麻地，返兜度是零。…查看更多

一行五人口喺近打波，因為大家都對呢頭唔熟，喺無選擇下走咗入去:(起初諗住呢啲街坊小廚差極有個譜，點知我哋叫咗六樣野:粟米魚肚羮都ok(但係呢樣應該無邊度唔ok);砵酒焗蠔算幾好(但要快食，因為一涼咗就唔好食);水煮牛肉勁重味精(而且牛肉得少少);刴椒魚頭味道一般(墊底嘅豆腐仲好食，失望);臘肉雞煲仔飯好大煲，但係超難食，所以食淨好多(真係好難得一煲煲仔飯嘅飯焦多成咁，根本成煲飯都係(火羅)味，所謂臘肉就好似粒啫喱糖咁透明，基本上係固體肥油).....其實我哋仲叫咗蒜茸豆苗，但係佢哋落漏單，我哋緊係算啦，唔通仲叫嚟整古自己咩！講真，全晚最正係可樂囉…查看更多

一直都覺得come buy嘅飲品唔錯,最近見佢出咗款新飲品"纖美小紫蘇",見到個樣已經覺得好靚,果日又熱熱地,行過咗買咗一杯,真係幾好飲,佢有一d好似啫喱咁嘅,上面就一粒粒好細粒,外面白色,裡面有粒好似芝麻咁嘅黑色野,杯野嘅味道有d酸酸甜甜咁,好解渴,好啱夏天飲,值得推介…查看更多

一句講晒,呢度可謂平靚正,8蚊一碟真係好鬼抵,而且食物都好新鮮款又多,又唔會因為價錢平而只出平野,好似海膽,帶子咁我都見經常出,真係可以食得好放肆,唔似有d迴轉壽司食完埋單先知食大咗!!…查看更多

呢度嘅小菜一般般咁啦,不過乳豬就真係好得,皮脆又唔太肥,好好食,另外呢度嘅石頭鍋飯都ok,但係我地要咗一個藥膳雞腳,上菜時係涼涼地,一d都唔熱,叫佢地再整熱啦,但係出來時都只係暖暖地:(,仲有要講嘅係,小菜份量偏小,所以都幾矛盾,真係好想再食呢d嘅乳豬,但其他野麻麻地,又真係唔知返唔返來再食好~~~P.S.有一個女部長講野好得意,佢講廣東話我地係一個字都聽唔明架!!!…查看更多

我同女友&佢嘅姨生仔姨生女一齊去食,我地叫咗3個餐,意大利雲吞,西冷牛排意粉&西冷牛排天使麵,餐湯一般,跟湯嘅餅乾條我就麻麻地,我都係鍾意蒜茸包多d,講返d主菜,意大利雲吞味道都ok,不過份量真係好少,明明係一個午餐,但係就好似一個下午茶嘅份量,而牛排就好似平時茶餐廳d牛排咁,又薄又無味,而意粉亦唔好食,好似擺咗好耐咁,食落口感覺係硬硬地嘅,不過天使麵就幾好,另外我都再叫咗兩杯木糠布甸,味道ok,不過$18一杯勁細杯....另外一提嘅係,我每次要杯要碟,佢地都差唔多10分鐘先俾到,仲要我地催成3,4次先有,真係唔明點解,店面都唔係好大啫??…查看更多

記得以前喺沙田嘅A-1食過好好食,估唔到荃灣呢間一D都唔得,牛排唔好食,好似柴皮咁,湯唔好飲,最離譜係我地見到隔離檯叫咗一個餐配薯菜,D菜又新鮮又多,我地都特登問咗個侍應薯菜係咪就係呢D,佢話係,咁我地就叫啦,點知個餐來到得幾條荷蘭豆,叫返個侍應來問佢話係咁,後來我地叫個高級D嘅問,佢先同我地解釋因為廚房無晒材料,所以俾咗D荷蘭豆,如果我地之前無問過我地都無得講,但係我地問過,佢無材料係咪要同我地講咗先呢…查看更多

喺大戶屋食完飯想食甜品,見到呢間,又聽朋友講過在坑口果間好食,試下囉,但係失望而回~~~火焰雪山只係一般~~心太軟一上,第一個反應就係個樣好衰,好似擺咗好耐咁,食落口唔好食,成個都係淋嘅,好在裡面都仲有漿,不過已經扣晒分~~唯一好食嘅係d雪糕,因為佢係用伯伯加奴,但係咁,我不如直頭去伯伯加奴食雪糕係咪仲好呢??…查看更多

呢日女友去開鰂魚涌,又見到openrice好多笑臉,所以走去試下,去到真係都有好多人等位,大約15分鐘有位,我地叫咗一個蕎麥麵(我叫咗冷麵)加迷你吞拿魚飯餐,另外一個係泡菜豬肉煲定食,先講蕎麥麵幾彈牙,好好食,個迷你吞拿魚飯都好好食,吞拿魚咬落去好香,而泡菜豬肉煲定食直頭係驚喜,豬肉夠肉味,有咬口,泡菜辣度適中,個湯都好夠味,正,應該會再來食!!ps.坐地鐵係太古站落…查看更多

呢日我同女朋友叫咗2個餐,一個係牛油多士配火腿炒蛋&义燒燴意,另一個係鮮油多士配煎雙蛋&豬排雞翼,其實食物嘅味道唔錯,佢地d多士仲係厚多士,真係做到外脆內軟,咬落去真係好鬼正,义燒燴意都好夠味,炒蛋同煎蛋都好靚,不過豬排就老咗少少,同d野好多油,如果佢地可以少d油就好喇,始終大多油真係唔係咁健康,幾好食都好,真係唔敢食咁多!…查看更多

呢日同屋企人&女朋友(6大1細)一齊去咗榕榕食飯,因為上咗大陸做咗四個月野,所以呢晚係同老豆補祝生日,我地叫咗糯米蟹,燒鵝半隻,沙鍋雲吞雞,魚湯海味什菜煲,薑蔥桶蠔,班腩兩食(蒜茸蒸&西芹炒),仲有乳豬拼海蜇...糯米蟹同之前食過一樣,勁多蟹膏,糯米飯吸收咗蟹嘅鮮味同蒜茸嘅香味好好食,不過今次嘅糯米飯就腍咗少少...燒鵝皮脆肉香,又唔會太肥,正...沙鍋雲吞雞,呢個做特價$28,不過不失...魚湯海味什菜煲係我每次都會叫嘅,因為好夠味,呢次亦可以保持水準...薑蔥桶蠔呢個係一個驚喜,d蠔勁大隻,又新鮮,好食...班腩兩食(蒜茸蒸),其實幾好食,不過如果食埋d蒜茸粉絲就有少少咸...班腩兩食(西芹炒),呢碟就無咩特別...乳豬拼海蜇,乳豬皮好脆,食落口香得來又唔會成口油...基本上成晚嘅食物都好ok,埋單$995亦唔係貴!!…查看更多

今日叫咗個牛坑腩撈麵,牛坑腩都幾好食,有咬口,但係又無渣,不過麵嘅份量就少d喇,食一個其實唔係好夠,而且梘水味好勁!另外阿媽飲咗杯冰鎮咖啡,佢話勁甜,甜到要溝返淡先飲得,不過都飲唔晒!…查看更多

芝士扭扭粉都出咗一段時間,不過一直都無食過,今日終於賣咗一份嚟食,真係有d失望,初頭睇廣告仲以為有好多芝士,芝士味好濃,但係一大碗扭扭粉,得唔係好多芝士,下次都係食番熱香餅:(…查看更多

同女友上去上面間爭鮮食野,但有好多人排隊,我就落嚟買野飲,買咗杯鮮檸檬QQ,好夠檸檬味,而且喺買嘅時候佢主動問我要唔要少甜,我要咗少甜,真係o岩o岩好,椰果同珍珠好有咬口,整杯飲品配合得好好!十分解渴:)…查看更多