Cat_chitung的个人专页

今日下午放假 心血來潮去食韓燒 諗住過咗lunch time唔使同人迫。見到佢係K11地鐵出黎方便就過黎幫襯 入到去舖頭都幾大 唔知係唔係過咗lunch time所以真係少人。不過服務真係唔太識得變通 有好多張卡位無人坐 佢願意比兩個人坐 但我問佢可唔可以坐卡位佢唔俾。其實係人多既時候都理解 不過其實成間舖約只有5檯客 大約6個員工 都係同樣咁執檯 唔明點解咁都安排唔到打算食午飯唔會太耐就了算 食物似一般韓燒無甚特別🤷🏻‍♀️ 唔值依個價 不過舖頭係K11都預左。最奇怪又唔係快餐 收左服務費 落單又自助 埋單又自助叫你行出去唔係櫃台既地方 我就覺得唔知個服務費係用係邊😂…查看更多

尋晚食完個海底撈自煮火鍋後，肚子覺得空蕩蕩的所以約10:00便會hubby去McCafe食個蛋糕當宵夜本來想提早感受一下聖誕氣氛，打算試一下新出既麥提莎蛋糕，可惜可能太夜既緣故已經售完。我便點了一個Earl Grey Cake和Latte...可惜是有點失望了，可能本人不太特別偏好Earl Grey既茶味，所以蛋糕只屬一般，而Latte淡味似水，質素下降了...希望只係屬個別情況吧...畢竟之前一直覺得這裡的咖啡性價比不錯👌🏻…查看更多

難得休假中，為咗避免長長嘅人龍，專程唔食早餐、11點多就嚟到深水埗嘅文記車仔麵。想不到11:30到達已經開始有一條小人龍出現，果然係名不虛傳嘅車仔名店，我立即上前排隊。不知是否疫情緣故，無論外賣定堂食，都要按照指示排隊落單，安排尚算順利，大約等咗10分鐘就可以落單。我點左舖頭必食嘅其中一樣-自製韭菜餃，仲有豬紅同生根😍薯粉都只係需要加多$11，比點米線嘅貴$1。姐姐好有禮貌咁幫我落單同安排座位，當我答要少少辣嘅時候，佢亦都好窩心咁問我辣醬嘅份量是否適中🙂店內嘅冷氣亦都充足，包保點大辣嘅你都不會覺得熱烘烘，車仔麵點可以唔搭配一杯凍奶茶😋好滿足嘅午餐，下次黎要再點過其他餸，或者也可以試一試綠色嘅係西洋菜餃吧🥰…查看更多

唔知大家鍾唔鍾意食蘋果批呢？細個我第一次食既係某美式連鎖快餐店既蘋果批，令我以為蘋果批係一種齋甜醬式凍冰冰唔脆既包...🙄後來有一次機會去過酒店自助餐食新鮮出爐、真係有一塊塊蘋果係上面既蘋果批，令我對佢重新認識...入正題，依間係西貢既蘋果批，絕對係你係貴價西餐廳/自助餐以外難得食到既超水準蘋果批。店舖以日本製造介紹其產品，酥皮鬆脆，裡面既蘋果醬熱哄哄，每次食都要好小心俾佢「辣」親...絕對係會令你想一食再食...唔係誇張，可能係香港可以食到最好食既蘋果批😍小貼士...最好就係當場食，如果你外賣買俾朋友，凍左可能會影響你對佢既印象😂…查看更多

一直都係唔同既文章介紹見過依一間擁有美麗海景既cafe, 當日亂打亂撞約左朋友週末同朋友見面, 見大家都未肚餓就慢慢沿海邊散步黎到%Arabia。如果唔係疫情既緣故，坐係出面飲住咖啡吹下海風傾下計絕對一流👍🏻可惜安全起見，我地選擇係店內享用，而又好好彩入到去見到仲朝最後兩個位。店內唯美純潔既白色設計，感覺傾向日系。我點左熱既Latte，朋友要左杯凍既，味道很好，不會太苦太甜，客人可選擇Single或者mixed beans，視乎你想要nutty定fruity。輕輕鬆鬆享受左一個下午，希望下次可以再來！…查看更多

尋日同朋友相聚，心血來潮相約於堅尼地城，打算尋找下午茶既好去處。剛於西環海傍享受著微風飲著咖啡，行著行著就到下午三點三，隨意跟隨OpenRice既附近餐廳提議，便找到了依間茶餐廳。一眼見到傳統式舖前既蛋撻椰撻，又見到難得消失既長龍，立刻走到樓上卡位坐下。指定飲品一定係港式奶茶，茶同奶既比例剛好，不會過於苦澀，奶味香醇😍蛋撻剛新鮮出爐，酥皮鬆軟牛油味香濃，那誘人既滑溜黃色蛋撻餡😋 本來仲想點多一個魔鬼西多士，可惜今日既quota已滿，唯有留待下次😄此類難得既茶餐廳富有濃厚香港傳統色彩，真係好值得我地保留下去😋…查看更多

依間台式飲品我飲過兩三次，今日適逢休假，又見到OpenRice做緊外賣自取既優惠，所以去買左杯鐵觀音珍珠奶茶。珍珠彈牙，茶味濃郁，加埋優惠真心抵飲！唯一美中不足可能係製作時間較長一點，可能下午三點三較多客人，值得一試！…查看更多

知道5月8日重開後，每日都心掛掛想黎幫襯。終於約到朋友們相聚，book左房方便大家傾計，只需加一，收費合理👍🏻最緊要係食得開心，理念一致，材料新鮮，手切肥牛同象拔蚌仔超正，個人最愛一口餃同各類魚蝦滑和丸類，餐前小食既雞軟骨同黃金魚皮都係非常香脆，真心推薦！朋友們都係愛好打邊爐之人，都一致認為材料新鮮。員工定時都會問我地駛唔駛加湯，完全唔駛擔心入左房就叫天不應叫地不暈既問題！希望可以好快再黎幫襯，加油！…查看更多