ssssssss的個人專頁

星期六晚一班朋友睇戲前食飯。除了德國豬手是拿手菜式，其它各類菜式都唔錯。德國咸豬手皮脆，肉嫩，不太咸。豬肉意式餛飩都有驚喜。當晚還有現場音樂演奏。可惜大部分火腿+腸 菜式都混有牛肉。對我這類戒食牛肉的人士來說，選擇很有限。…查看更多

在時代廣場Citysuper 內，咁方便的地方竟然有間精品咖啡店，有位坐，又有得睇咖啡師“表演”。店內都有一台冰滴咖啡塔。歇腳或去睇戲前都係好去處。咖啡店不容易寫到200字食評，無得提供評價，唯有自己加“好平公仔”…查看更多

星期日晚，幾個朋友睇完戲食晚飯。最後因為見到2人套餐有羊架，有很多 course，套餐價比單點只係貴少少，大家點了幾個2人餐，全部選要羊架main course。點知，大部分食物都可以，羊架實在太生，有些甚至是一面熟一面全生。退回廚房翻煮都仍然外熟內生，咬唔到。餐廳經理態度誠懇，極力挽救提出好多補救建議，添飲紅酒，送 tiramisu。最後大家選了 pizza替代，反而有驚喜。原來此家餐廳有明火烘烤 pizza。今次羊架極差，而且是全晚主菜，要給負評但服務態度，餐廳環境，其它食物綜合來睇，純粹以今次經歷就給予中評。下次來要主力試 pizza + pasta。…查看更多

叫了Main Dish Lamp chop 羊扒，可hkd50 另加鵝肝。法國餐廳沒理由唔食鵝肝。羊扒要求5成真係5成（大部分餐廳會偏熟），共有4塊，無欺場。鵝肝不油不膩。其它餐廳鵝肝會配上煮熟的蘋果/梨。這裡沒需要。另一個 Main Dish 為白酒煮青口。不算極鮮甜，但算煮得好味。青口乾淨無碎殼。汁蘸 Sourdough bread 麵包食唔停。如果2人叫2個 Main Dish，廚房會同時上。所以如果其實想 Share 唔想同時上青口+羊扒，咁要提早講。週末/假期來太古坊一定有位。地方較淺窄。主菜咁大個碟加薯條，酒杯，麵包，自己的碟 (share)，張枱就覺得唔夠用。服務算醒目，該換碟就換，其它時間唔會過來打擾客人傾偈，都唔會望到實（個人不太喜歡侍應望到實好有壓力，或者太勤快成日過來問要唔要換碟，打斷談話）…查看更多

在太古城中心的酒樓中，一直覺得西苑算是好食。起碼飲茶+“片皮鴨”都比北京樓好。平時如有家庭或朋友聚會都會建議這裡。但今晚食後要改觀。片皮鴨本來就不夠熱，而且肉老皮韌。可能星期日晚的關係，座無虛席，因此影響了廚房。短期內不會再來，起碼不會食片皮鴨。:(…查看更多

太古坊附近極少數的精品咖啡店之一。2:30 後已經無lunch menu, 只有Tea Set。怕唔夠飽肚，Waitress 介紹說分量最多的Tea set 是 PREGIO Combo, 是類似All Day Breakfast的組合，餐飲包Espresso, Tea, 或 Orange Juice。加5元可以選其它意式咖啡。PREGIO Combo 的麥包有點驚喜，經過輕微toast 過後包邊爽脆，中間鬆軟。Bacon 香脆，不會過硬。值得推介。餐飲本來想要較濃味的Flat White，但menu 沒有，所以要Cappuccino。果然是Specialty Coffee shop, Cappuccino 的espresso 味道濃郁，苦中帶甘甜。甜味應該來自本身咖啡豆的質素，奶，及恰到好處的調製。整體味道口感與本來期待的Flat White有得揮。下次會試試午餐。…查看更多