左章良的个人专页

親友生日約食飯慶祝，來這裏欲試有名的巨型漢堡包，可惜落單後才通知巨型漢堡的麵包售罄，大家都很失望!唯有寄望其他所選的菜餚。 先上的是飲品，其他親友的飲料都很吸引，但喺哩度只評論我個人品嚐嘅部分，如下：薄荷仙子，賣相係明顯一杯甘津綠葉2分。香味方面就久奉，冇分。入口淡淡薄荷微酸，不算甜2分。滿分10分總共4分。燒豬手，做型合意1分，香味不足0分，味道尚算可口，肉質外皮微韌內嫩，你會想食畀4分。總共5分。炸魚薯條，外型1分，香味0分，薯條微脆炸魚軟淋帶韌冇魚味，正所謂食魚冇咩味!薯條幫補畀3分總共4分。煙燻火腿沙律，賣相幾好1分，唔香0分，味道清淡，用料平實畀2分，總分3分。冇巨型漢堡唯有食薄餅，上來的好明顯係一塊餅乾，外表1分，香唔嚟0分，入口煙煙韌韌藕斷芝士絲連，好啦放過你3分總共4分。最後嘅玫瑰雞翼，擺碟1分，唔覺香0分，玫瑰味不足雪雞味，皮不夠脆肉質合格，但整體唔配合失望勉強入口1分總共2分。總評：只係神似味不足，有好大進步空間。…查看更多

復活節前嘅午餐，星期日常到哩道食飯，係時候評吓佢。拿拿拿……睇……相先！估唔估倒呢？午餐乜乜蒸肉餅，幫幫眼睇吓見唔見有梅菜？哩道最出名係出人意表，次次有驚喜！係咪好介紹呢？講返個餐，外表清……醇，份量一定食得晒，加埋杯有顏色嘅應該係奶茶，滿意到畀0分。跟住出盡力聞一聞，奈何唔覺提神，0分。味道嘅嘢因人而異，健康算唔算一種呢？有分畀係0。不過附近嘅選擇不多，不相百仲只有更差，都係畀返同情分自己1……大分。最後係哩間店街知巷聞特別之處，阿姐不友善嘅招呼，無法估計不同方位上菜特技表演（例如：飛碟、後襲），真係嚇你一驚。最經典場面係鬧客，見過有次阿伯冇記性落錯單兩次，被追住當衆鬧三次直至阿姐口累為止，哩道好平常。娛樂咁豐富係咪好好介紹呢？想畀負分架，都係算總評：正！正！正！（唔使畀人鬧喎）阿門！十分滿分就畀（會唔會多得滯）…查看更多

今日假日去太子附近逛街購物，中午經過醉江南，好似曾經有人提過這間店，就入去試吓反正想食炸豬扒。等咗一陣，端上來係公整一套麵餐，有一點意想不到！先講賣相，豬扒炸得比較乾身顏色金黃，碗麵配搭兩棵小白菜，感覺好整齊而合理，賣相畀合格1分。至於香味，真失望係冇嘅畀0分。味道方面，先講個湯有豉油味不濃，麵質幼軟，炸豬扒外皮粗糙肉乾淡口，畀盡2分。另加服務一般，可能見我一位好明顯誠意欠奉，冇額外分加。總評：未算深入了解，下次隨緣吧！10分為滿分，今次係哩道畀盡3分。…查看更多

16/6/2016新裝修後，入內叫咗個叉燒燒鴨瀨粉，招呼很差態度傲慢。唔知$47哩個價錢算唔算貴，但服務同食物質素加埋落去就認真唔值；食到一肚子氣哩啲乜嘢食肆，香港幾時淪落到客人受番餐館氣，真係服務差價錢貴嘅典範。…查看更多

從上手至今之間，有一段日子冇去香港仔福緣食飯；今次又來試吓，尋找味道的故事開始。時間係晚上六時左右客人不多，因為同行親友午餐未食，坐下來即點菜。我亦好期待久違了的福緣味道！先來個雜錦刺身，蝦呀、帶子、八爪、三文魚……都好幾樣，買相唔錯睇見都流口水；入口上尚算鮮味，略嫌其中有隻黑頭蝦，美中不足。再上碟雜錦天富羅，做型健康得嚟又夠乾淨，食落清淡唔香口囉！唉～都好嘅！最低限度冇咁熱氣，有益有益！終於等咗好耐嘅老友嚟喇！以前嚟親都必食嘅豬扒蛋飯，明星嚟喇！點知一食入口……哦…妖！哩位老細邊位呀？唔單只外表今非昔比，炸豬扒甩皮冇肉味，用嘅蛋味道不足兼影響整碗飯觀感，又一位老友離去了，睇怕食唔返以前令人回味嘅福緣豬扒蛋飯，呼……（噴氣）…查看更多

很久沒來檀島飲嘢,進來的時候大約下午五時,店內客人仍不少,簡單招呼坐下,主要點了蛋撻,菠蘿油和奶茶.食物送來後急不及待品嚐,一看之下,唔係馬?檀島何時出品咗一種無菠蘿面的菠蘿包,唔信?各位可以番睇舊食評D相,無騙你的.再講那個有名的蛋撻,我諗因為物價貴變成個將貨就價,很流哦!按道理以上食品今時今日在香港大部分的餅店都可以找到不錯的水準,卓卓有名的檀島偏偏連最基本品質都做不好,真令人失望!再加上那些態度極差的侍應,仍然對食客們呼呼喝喝的嘴臉,原來檀島咖啡餅店出名在于 出品差! 服務差! 要客人印象差! 尤幸重有一杯奶茶可供入口,算了下次不來或以後也不來,心死了!我唔會畀分給這店,原全不入流的名店.正雞嘢!…查看更多