EuniceIp9228的个人专页

昨天和兩位朋友到這間餐廳 afternoon tea,經歷極度不愉快，事原 我們點了經典朱古力鬆餅，由於其中一位朋友對奶類有敏感，所以特別同落單職員話鬆餅上面既 cream , 麻煩另上 cream, 或是將啲 cream 唧落鬆餅時一半要cream, 一半吾要 cream, 職員問完嗰個經理，嗰個男性經理拒絕呢個要求，佢話公司規定唔可以，一係成個鬆餅唔要cream，一係成個鬆餅要cream，一係成個鬆餅小cream，就唔可以鬆餅一半有cream一半唔要cream，我們覺得好唔合理，你個鬆餅係現場即刻整，啲cream係現場即唧上去，點解唔可以一半有cream一半唔要cream，我哋同個經理理論，我哋話食過好多次，都可以咁樣做，點解今次唔可以，佢話之前可以做到只係一個人情，其實公司唔容許咁做，我哋聽完之後，覺得好唔合理，感覺個經理有心為難，態度又好差，我哋三個決定以後都唔會再去呢間餐廳食嘢👎👎👎👎👎…查看更多

今日約咗兩個朋友去 lunch，冇諗過一間咁出名嘅餐廳，會有咁嘅水準招呼客人。首先一去到係咁催我哋落單，都未睇得切個餐牌，就喺你背脊後邊等，勁有壓迫感，唯有落單，跟住湯都未飲完，個主菜已經即刻上埋，點知食食吓主菜，又即刻上甜品餐具，甜品都未食完，又催我哋埋單，好啦，埋完單，又催我哋走，一個鐘頭內，要你食完麵包、前菜、主菜、甜品、咖啡或茶,成餐飯食到勁急,餐廳啲侍應，完全冇禮貌，個意大利飯，勁難食，飯又硬, 另外一個主菜煎魚墨魚汁飯，啲飯仲硬過啲石頭，對呢間餐廳極之失望，絕對唔會再去第二次…查看更多

話說琴日諗住試吓呢間，一樓滿左，佢就帶左我地上二樓，坐喺廚房對面！d野食其實唔差，普普通通敢...之後食食下，突然見到有個廚司行出黎嘩！冇帶口罩😷再有多一個，又係冇帶口罩！嚇死人😱我咪即刻行去睇下‼️原來全個廚房都冇帶口罩⁉️仲要一路煮一路傾偈📢超級恐怖我哋即刻同個待應反映，佢都好好人敢即刻入廚房提佢地，但係有兩個始終死都唔肯帶，仲專登大大聲敢講話「點解要我戴」之後個盡責侍應應該係落咗去樓下搵經理，先逼到呢個廚師帶返口罩！算啦～咁我地繼續食到7點幾，愈來愈多人上黎開頭以為佢會隔枱食因為佢枱與枱之間得15cm左右，又冇隔板！簡直係誇張 （完全同一樓既情況差天共地）應該係搏二樓無王管！哎！真係再忍唔到！即刻埋單閃人⋯⋯原因係： 唔想成為下一個爆發群組💥…查看更多

今日咁岩係中環經過，貪新鮮又見冇咩人排隊咪決定試下！排左大約20分鐘⋯叫左個生牛肉湯河同埋蝦醬炒通菜，普通到冇得再普通，真心一d特別之處都冇，完全係below expectation ！其實個人仲覺得個生牛肉湯河既湯底偏甜，少少奇怪！除左食物味道平平，環境都麻麻！d射燈太勁，張櫈又唔高唔矮，坐得唔舒服！但最差最差都係d員工既服務態度，尤其係個紫色冬菇頭、全場唯一一個冇着制服既疑似經理！態度惡劣又寸嘴！話說佢係負責帶位，但係佢只會企係門口，開度玻璃門比係外面既你入黎，然後用命令式既語氣：「你！坐呢度！你地兩個！坐個度」其實我想講，我地係你既「客人」，唔係你既「下人」！😡😡跟著食食下，突然記起杯話梅青檸梳打未黎，就叫左個待應幫手check下，點知冇feedback而杯野飲就繼續失蹤，隔左一陣再搵翻頭先個個待應再催催，而佢今次先至攞我地張單黎睇，先至發現原來因爲個款飲品已經賣曬，所以冇落單！！！🤷🏻‍♀️結論食物 ok啦服務 👎🏻👎🏻👎🏻👎🏻👎🏻—> 唔使試，費事受氣…查看更多

其實不嬲都係帝苑酒店Inagiku 嘅常客，不過最近香港興食omakase, 就決定去比較出名嗰幾間試吓！其中鮨文同鮨正都唔錯！ 👌🏻而今次就決定跟住去試下呢間鮨鶴！ 結果簡直係徹底失望而回😞👎🏻👎🏻👎🏻👎🏻👎🏻👎🏻👎🏻1）刺身，有骨！ 我諗，呢一個係作為壽司師傅可以犯嘅一個最低級，亦都係最不能接受嘅錯處！一個連普通壽司店都不會有的錯處，更何況我依家係比緊$1500去食既omakase🤷🏻‍♀️重點係，我哋同經理反映，經理話會立即入去同壽司師傅講，但當個壽司師傅出嚟，一啲想同我地交代既意慾都冇.........😳2）食過咁多間omakase, 壽司師傅都會為每一件刺身同壽司作出講解，包括食材嘅名稱、來源等等！但係在鮨鶴，你可以不用期望！壽司師傅「心情好」嘅時候，或者可能會用好似冷氣機風聲咁細聲，好似法拉利咁快嘅速度，拋下幾隻字！當然，亦唔使期望壽司師傅會望住你講個幾隻字！🙌另外，呢一位壽司師傅每整完一件壽司，都會消失一段時間，再出嚟一次過整兩三件壽司，放晒喺你面前，跟住又會消失！3）開始之前，壽司師傅同職員都冇問過我哋有咩食材係唔食既！都算啦，唯有我哋自己同經理講！我朋友已經 講眀唔食拖羅，但結果最後還是上了一件炙燒拖羅壽司！而壽司師傅放下這件壽司，沒有一點說明或介紹就走了！所以我朋友是已經將壽司放入口，才發現這是一件拖羅壽司🤦🏻‍♀️😡4）最後，連環境亦扣分！環境實在太暗，太細，太窄！坐得一d都唔舒服，咁又點樣享受食材?- - - - - - - 結論：食Omakase 應有嘅嘢，鮨鶴都冇！食Omakase 唔應有嘅嘢，鮨鶴都有！就算唔同Inagiku, 鮨文同鮨正 比較，我認為鮨鶴連千両都不如😤…查看更多