aryin0113的个人专页

由太子幫襯到呢度，由初初開店，到依家個分別真係太大，啲野難食左，啲湯難飲左，由本來全部都係椰子燉，變左好多都係普通湯，冇左本來椰個意義。錯漏百出不在話下，湯可以出錯，唔緊要，一個湯有味另一個湯冇味既，都唔緊要，證明真係分開整既，但客人比錢買餐，餐點有問題，係咪應該要作出更換？貴店係冇做到亦選擇不作回覆。今次實在太失望，一次又一次既支持，換來一次又一次既失望，唔知道貴店是否放棄了生存之道，如果還想繼續經營，真係需要作出大大既改善，我今時今日先知道原來社交平台嘅負平都有好多，但都多謝貴店令我當初品嘗到好味既《椰子》湯。…查看更多

前排人都幾多又十幾人排隊買外賣，第一係老闆娘，人地問佢野，佢態度好差串同鬧個老人家，之後係個仔鬧個排緊隊買既女人，一家三口都冇啲禮貌，我眼見亦親耳聽到問的人都係有禮貌的，我想講既係無禮貌連個客都可以鬧，可以冇耐性既，你地既野幾好食都係假，更何況你哋既野都唔係十分好食！你地咁既態度只會自己拆自己招牌，自己諗清楚啦，我冇比你們話過，只係我睇唔過眼你們鬧完一個客又鬧第二個客，如果不是客人幫襯你們，你認為你們店可以做落去嗎？不是出左名就大支野的，若你們還是咁態度去對待你們的客人，我猜你們很快光榮結業。…查看更多

去過呢間點心好多好多次，第一次去既時候應該系上個月，老闆好有禮貌招呼客人，其實當日都系碰下，入去前都怕唔好食，曾經系某家酒樓食過既叉燒腸厚到好似祝君早安手巾卷埋咁仲要凍冰冰，但呢間就唔同，叉燒腸好靚好薄皮好通透好新鮮，最緊要系皮夠薄又熱又好食，仲有樣流沙包，呢個都系無得彈，一咬即流，唔會太甜，食左咁多次都唔厭！菜苗餃，野菌餃同樣好通透，個人比較喜歡菜苗餃^_^其實都食過呢間鋪好多野，每一樣都是師父用心製作，最緊都系即叫即整，夠熱！多數都系晚市去食，所以都系叫煲仔飯多，有次試過中午去，個皮蛋瘦肉粥好好味！…查看更多