Eatislife93的个人专页

今日去銅鑼灣SOGO買嘢見到間餐廳喺SOGO11樓。見行到累，就入去食野。Sogo club係唔需要係會員先可以去到，可以選擇由地下搭升降機就可以到。我揀咗煎澳洲安格斯牛肉眼扒配燒汁同埋西班牙式燒乳豬。乳豬燒得好脆好香口。另外個安格斯牛眼扒肉香口多汁。主菜加錢就配有餐包同埋洋蔥餐湯，湯味濃郁好適合配牛油餐包一齊食。我哋都叫咗凍錫蘭紅茶飲品。La Serene Caffe 食物性價比高，服務員服務態度好好。大家嚟SOGO行街嘅朋友可以一試👍🏼…查看更多

天氣開始凍 同3個好姊妹去左劉一手打邊爐 叫左麻辣同豬骨湯底 豬骨湯底大概有2至3舊豬骨 好多紅蘿蔔同粟米 所以我地菜都冇叫 芝士牛丸好驚喜 牛味濃一咬開芝士流出尼 打邊爐點少得午餐肉 一點落麻辣果邊 正！ 水餃係友人最愛 皮薄足料 鴨血口感好好 唔似豬紅咁一夾即散 肥牛就一般 牛味唔算太重 下次會試下牛頸椎 響鈴索左d麻辣湯真係好好食😋 之前試過佢個薯粉 今次試佢個寬粉 仲好食 條條都沾到d辣汁 總結尼講個湯底出色 食材又新鮮 冇得輸 👍🏻價錢方面都唔算太貴 物超所值…查看更多

今日同女朋友嚟到西環石塘咀想間小店食晚餐，我哋就發現咗一間小店係食台灣野嘅。店舖雖小但係五臟俱全，我哋叫咗個招牌紅燒牛肉麵，招牌紅燒牛肉蕎麥麵，一個滷水拼盤，同埋一個皮蛋豆腐。呢度嘅麵條係店家自製、不含防腐劑非常健康，湯底味道濃郁，麵條亦都軟硬適中。配上彈牙牛肉，令到成碗面都非常吸引，好食！滷水拼盤亦都非常入味，送面一流👍🏼皮蛋豆腐通型剔透，配上肉鬆同埋蔥，特別有台灣風味，好開胃好好味。最後，每個顧客嚟到都可以獲贈一杯桂花薄荷酸梅湯薄荷再帶點甜貼，喺夏天飲非常暢快。…查看更多

話說今日同朋友贏咗馬，就想搵間附近就腳嘅餐廳去慶祝下。喺灣仔英皇駿景酒店地下，就有一間西式餐廳叫做’monkey cafe’。咁我就點左一個懷舊嘅西式鐵板西冷扒餐🤣 餐廳方便環境舒服，方便我同我朋友一齊傾計。首先頭盤就有羅宋湯配餐包同牛油，我鍾意佢嘅餐包係有穀物，健康有營養。跟住就有我嘅鐵板西冷配薯條同埋蕃茄配上洋蔥汁，當啲汁淋上去七成熟嘅西冷扒時，好治癒。 最後跟餐仲有一個甜品同埋餐飲，我揀咗個雪糕紅豆冰同埋雪糕格仔餅。甜品都好好食，令我諗返起以前細個時候。好回味和懷舊。我期待下一次再嚟食其他嘅款式😃…查看更多

同女朋友喺銅鑼灣行完街，係OpenRice就見到’松露屋’餐廳。顧名思義松露屋嘅菜式都會係以松露為主，咁我就決定去試一試。餐廳環境舒適高檔，近Times Square，而且有好多毛公仔可以比客人拍照影相。最後我地就叫咗一個set 晚餐。頭盤係北海道帆立貝配松露黃身醋。跟住小食係吞拿魚配醬油啫喱。最令我期待嘅就係迷你松露魚翅湯煮食埋甘鯛鱗立燒。個湯味道香濃，有松露和整排魚絲吃，非常開心好食。甘鯛個面炸得香脆，賣相滿分。頂級和牛面頰肉，個牛肉好送花入口即溶。松露飯，軟硬適中，粒粒米飯都有香濃嘅松露味道。最後甜品就有松露蛋糕配蜜糖雪糕。作為一個圓滿嘅完結for 一系列嘅松露菜式。…查看更多

重慶劉一手終於開到入嚟旺角！呢間高質重慶麻辣火鍋店終於喺旺角區開咗分店，咁我就唔使再過海到銅鑼灣同排好耐隊去食。餐廳裝修得好中國風，環境舒服！我哋叫咗雙拼山珍雜菌同埋麻辣鍋，個麻辣鍋好夠難辣，配牛肉冇得輸！嗰珍菌湯亦都有好多菇喺入邊，非常好食！醬料可以自己配搭，任君選擇。我哋亦都叫咗響鈴，午餐肉，枝竹，蘿蔔，龍蝦丸等等.....樣樣都好新鮮，好好食！不過最令我感到出色嘅係佢嘅水餃！皮薄餡靚，用佢嚟打邊爐配薯粉冇得輸！期待下一次同朋友再去嘗試！…查看更多

聞名不如見面門面裝修富有傳統特色，餐廳地方寬敞，好適合上班一族或者同朋友們聚餐嘅好地方！今次我哋就試咗兩個麵，分別係辣味蝦湯底、福建老麵。立美蝦湯湯底充滿濃濃嘅蝦香味，麵條軟硬適中，配上多隻鮮蝦，不但只令人食指大動，而且一試上癮！另外值得一提嘅就係福建老麵，對於唔鍾意食辣嘅朋友來講，呢個名真係不二之選！材料依然有鮮蝦更加有魚片同埋蛋碎。配上香蔥絕對係一碗出色之作！再加上魷魚作小食，不單止令人開胃而且煙銀！啱晒成班朋友嚟呢度食晏！…查看更多

香港打着正宗日本旗號的日本餐廳有不少，今日我同女朋友過周年紀念，我就揀攞咗2017米之蓮指南推介餐廳嘅岩浪天扶良日本料理餐廳。甫入店內已有驚喜，店門是較低的和式設計，大家要彎下身才能進入店內。店內裝修開陽，一坐低就可以見到個師傅standby為你準備食物。我地點左個omakase，就等廚師發板，廚師同店員佢哋好細心問我地有冇啲咩係唔食；同埋揀選一啲係最啱時令嘅食物俾我哋享用。頭盤，師傅為我地準備左日本直送厚身鮑魚，鴨胸肉同埋蟹籽三文魚。為我地開胃，準備好食接下來嘅美食！廚師亦都為我地準備左當做嘅長腳蟹，長腳蟹鮮味配上佢哋特定嘅醬汁，衝擊你既個口感，令你重新認識對長腳蟹嘅味道。刺身和壽司，係omakase 其中一個主要環節，我可以見到每個師傅都好用心同埋專注咁樣為我地製作壽司。拖羅，帆立貝刺身味道鮮甜，配上日本酒及醬油，味道更具層次。壽司同埋卷物亦製作特別，出邊其他餐廳係食唔到！廚師為我地準備左一道日本豚肉配溫泉蛋同埋蘿蔔。日本豚肉並沒有我想像中有嘅肥膩感，將溫泉蛋爆開，再撈埋啲豚肉汁，非常爽甜開胃令人難忘!海膽麵豉湯帶比我驚喜！原來海膽除咗當刺身新鮮食，配上麵豉湯亦都一樣特別好食！我以前認為海膽一定要新鮮食，先係最好食。今次飲完呢碗海膽麵豉湯，令到我重新好食定義海膽嘅。原來海膽唔一定要當刺身咁食。天婦羅鮑魚亦都好特別，睇住師傅將一個新鮮嘅鮑魚放入個鍋度烹製，需要好高嘅功夫去控制個火候，炸出嚟嘅鮑魚唔會粉底，保留左鮑魚既鮮味！非常好食！食完之後，佢哋會奉上有機綠茶俾我哋淸清味蕾。我個人好鍾意佢呢個綠茶，同出邊街買既唔同。個綠茶特別甘香，可以中和之前食物既油份，幫助消化。最後個甜品係佢哋自家製嘅綠茶蛋糕，配上日本直送嘅哈密瓜同埋青提子，好好食！好滿足，令我們盡興而歸！希望下次有機會再來品嚐！This restaurant will be one of my favourite Japanese restaurant in causeway bay 🤣…查看更多

今日我同女朋友去咗灣仔日月星街一間日本餐廳: 鮨月。餐廳裝修富有日本風味，而且又近灣仔地鐵站只需要行5-10分鐘。我地點左個omakase dinner，由師傅發板。牛秋魚刺身:師傅做到每一片都晶瑩剔透，魚肉好鮮甜，加埋柚子調味，無得輸! 師傅亦都為我地準備咗原隻空運北海道海膽和岩手蠔，海膽每片都好豐滿，而且色澤均勻，鮮甜帶甘！個岩手豪有成個手掌咁大，入口即溶，好新鮮。另外刺身都係omakase 既重頭戲，我哋食咗赤身，中拖羅，油甘魚等等....樣樣都新鮮，鮮甜，美味到令我好似身在日本食緊新鮮刺身一樣。福岡金星豚，肉質柔軟；配梅子素面都好食好停唔到！師傅仲會細心介紹每一道菜嘅特色同埋食法，好有心！希望下次可以再同朋友同屋企人黎再一試。…查看更多

今日約咗成班friend 去牛繁食日文牛!呢間係日本遠道而來的分店，水準有一定嘅保證同口碑，令到我地成班都好興奮!叫咗牛肋條，牛味濃郁而且亦都好有咬感，十分推介。薄牛舌，由於好薄一煎就熟，配搭香蔥，方便又滋味!和牛牛扒，充滿雪花，脂肪均勻，食落去簡直好味到爆炸，好食! 朋友們都爭住食! 我哋都有叫溫泉蛋飯，隻蛋好滑同牛係絕配，而且食食牛再爬啖飯，夠飽。最後我哋都叫咗杯柚子蜜，清甜又解渴，可以中和牛既由油分，絕對值得嘗試。…查看更多

好味推介!!!!第一次食麻辣火鍋會一坐底就有潤喉糖(水雪耳紅棗)不過為左吾想太飽食吾落，係唔會食哂成碗既🤣呢間湯底同材料都比到驚喜我通常我都會叫鴛鴦鍋，滿滿既紅油同辣椒見到已經流口水，中間個湯要左蕃茄魚頭湯，用左新鮮蕃茄加魚頭配豬骨湯，真係可以當湯喝，清湯真係好重要雖然無辣不歡姐咁有菜，海鮮都想用清湯去食清一下個鮮味火鍋一定要配新鮮海鮮手打丸自家制響鈴，但係呢間無響鈴😆不過!!!!!!!!!!!!!!!!!!!!!!有現炸豆片 係麻辣鍋滾仲更加好食渝䁱用既係粗薯粉大大條好有質感，口感彈牙 推介!!!!!成餐我最鐘意個紅糖糍粑😋鐘意食芋圓糯米糍既一定要叫呢個，加上表面層紅糖一流…查看更多

今晚放工後約咗朋友去將軍澳食飯，朋友住係附近，就介紹我地食呢間餐廳打邊爐。以為係普通嘅邊爐舖，但一入舖頭就已經覺得好特別，見到每一張枱中間有個生鐵鑊，原來職員會即席係大家面前炒湯底d料，再加湯底，好有特色嘅邊爐!我地叫咗個胡椒豬肚湯湯底，一嚟到職員就爆香d胡椒同蔥，之後再加豬肚鹹酸菜,枝竹。依個時候已經勁香，再倒入胡椒湯底滾兩滾就飲得! 個湯好濃，超好飲又足料，飲得出唔係平時街邊嘅味精湯! 不過如果唔食得辣嘅朋友就記得叫職員唔好落咁多胡椒。飲完個湯，就正式開波打邊爐啦!我地叫咗個極上肥牛，唔會好油膩但又好嫩，正!我同朋友都一致推介芝士脆響鈴，就連平時唔食響鈴嘅朋友都話好好食! 響鈴係廚房新鮮整即刻上枱，職員哥哥亦好細心咁提醒我地小心熱。響鈴太好食 要encore !!仲叫咗d蘿蔔同菜，吸晒d胡椒豬肚湯味，好正!整體嚟講，今餐好有驚喜，好滿足！下次同朋友再嚟要試埋佢其他湯底 （見到隔離枱嘅花膠雞湯都好似好好味）…查看更多

和朋友在銅鑼灣利園商場行街，經過附近蘭芳道，見到有幾間食肆，越南pho就食得多, 於是就選了一間加拿大pho叫Pho Metro 我哋點了招牌食物：包括特別牛肉粉 ，燒牛肉湯檬，炸雞翼和鮮蝦紙米卷，還有芒果沙冰。特別牛肉粉包括牛的不同部位，有生牛肉、牛腩片、牛丸和牛柏葉，材料比另外那碗生牛肉湯粉較為豐富，燒牛肉和湯檬是分開載的，燒牛肉沒有浸在湯上，口感更加香口嫰滑，相信是加拿大上品牛肉，非常出色美味。炸雞翼是開邊炸，比較容易方便入口，四隻雞翼共有八件，鮮蝦紙米卷很清爽，伴着醬汁食很美味。芒果沙冰有很濃的芒果味，實在是夏天涼伴。…查看更多

同女朋友最鍾意就係吉野家拍拖打邊爐， 每一次我哋都會叫呢個芝士竹崙喎！配埋濃湯再加韓式粉絲，無論春夏秋冬都係我哋最愛嘅打邊爐之選！我同女朋友仲會每人加多一盒肥牛！仲有再加多個芝士竹崙同埋響鈴，邊個話夏天唔可以打邊爐㗎！吉野家打邊爐係我哋嘅最愛！…查看更多

同成班同事喺度煩惱午餐食咩好，今日想食日本野喎！咁所以就係食千兩啦！千兩嘅壽司真係性價比好高，最起碼係好好味先！我最愛嘅千兩甜蛋，三文魚腩，同埋牡丹蝦。但其實lunch set仲好抵㗎一次過可以滿足你唔同嘅願望！我叫咗個set lunch就係有六格嘅！每樣野都好的的式式，但好就好在冇一人都可以試少少！滿足我呢個有選擇困難症嘅人！千兩嘅壽司真係好新鮮好鮮甜好肥美！…查看更多