Joeyyau~的个人专页

有日經過發現大埔有間隱藏的日本鐵板燒，就book尼試試佢，舖仔細細，得兩張枱，總共可以坐到12人。當晚我嗰枱坐左兩對人= 4 人，所以都鬆動既，隔離枱就係4個男士包左成張枱。我地叫左龍蝦二人餐，餐包左以下既野食：➡️前菜係豬肝洋蔥：幾特別但本人麻麻地洋蔥➡️燒帶子：鮮+燒得啱啱好➡️龍蝦：呢個係最出色既！個汁用埋啲蝦膏整，好好食！➡️北寄貝：👍🏻➡️清酒煮蜆：👍🏻➡️沙律➡️薄牛肉捲住啲蔥：燒得啱啱好～➡️炒飯➡️龍蝦頭面豉湯➡️炒雜菜➡️焦糖多士 配雪糕整體尼講，係夠飽，好食！…查看更多

呢間係九龍城經常性排長龍既泰國餐廳之一，但佢條龍係會由街中排到街尾，而且係6點前去到都已經有成9個人排緊（唔排除有部分人係同枱既人）！尼得泰國餐廳，第一件事梗係叫左個魚爐先！！我地一行6人叫左以下既野食：➡️明爐鰂魚：好好食！不過大家去食既時候要留意，條魚上枱既時候係生生地架，個爐要真係滾先煮得熟條魚架。➡️燒豬頸肉：第二次尼叫仍然係燒得咁靚咁好食。➡️燒雞翼：喺門口望到燒緊雞翼，忍唔住叫左尼食，好食🤭🤭➡️炒金邊粉：OK➡️炸蝦餅皮蛋：呢個係最好食！因為個皮蛋係流心既！➡️馬拉盞炒芥蘭：OK!!!…查看更多

依家喺大埔食海膽就會諗起鮨一佢有加拿大海膽（$168一份）同埋北海道馬糞海膽（$388一份）揀今次係情人節到訪，又叫左份加拿大海膽食，真係好鮮甜！自從上次食完第一次之後，我就經常性念念不忘，到左情人節又搵到個原因又尼呢度食今次叫左：➡️牛油果蟹肉沙律➡️加拿大海膽一份➡️味噌煮牛舌➡️壽司（蟹柳、北寄貝、甜蝦、蟹肉蟹膏係尼錯左既）➡️海膽帶子卷全部都好好食！沙律入面材料既配搭好fresh，海膽就好鮮甜脹卜卜！牛舌啖啖肉，有啲似食緊蘿蔔牛腩既感覺。壽司同埋海膽帶子卷好鮮甜！…查看更多

食完幾次晚飯經過舖頭聞到好香，今次食飯特登留肚，經過既時候買左幾款串燒/燒肉尼試下：➡️豬頸肉一塊 $30➡️羊架一塊 $50➡️雞腎一串 $15➡️雞軟骨 $15➡️牛脷 $15➡️雞翼 $15拎外賣既時候 姐姐問我要唔要辣，我話放側邊，姐姐極力推介話試少少淋喺面啦，我地啲辣好好食架。臨閂埋外賣盒前，姐姐落左少少辣同埋淋左蜜糖喺面！果然，落左辣同蜜糖係令啲串燒生色不少，款款都燒得好靚，特別係個雞翼、豬頸肉、同埋雞腎。唯獨是羊架有陣幾強烈既s羶味。。。Overall尼講，好食！…查看更多

去到大角咀 想搵間日本餐廳食壽司見佢有成板海膽咁嗌，好想食，即刻入左去🤭一入去就叫左：半板日本海膽（連埋紫菜&白飯）軟殼蟹沙律壽司（蟹柳、甜蝦、珍寶帶子）個半板海膽好鮮甜，日本既味道軟殼蟹即叫即炸 好食珍寶帶子夠大隻同鮮味😋😋😋甜蝦都好夠鮮甜如果唔想食刺身/ 壽司，都仲有晚餐定食/ 串燒揀，見到當日晚餐餐牌有牛肉炒烏冬，同埋丼飯。雖然舖仔細細，款式未必係好多，但勝在麻雀雖小，但壽司刺身好齊全！！下次再食壽司會再考慮！…查看更多

星期五去左白沙灣，見遊艇會附近有間食西餐既餐廳就book左夜晚食生日飯。一年一次決定食豪啲，叫左一個buffalo wings, 一個龍蝦, 同埋一個steak.Buffalo wings個醬幾惹味，唔會太咸同太辣，恰到好處。重點係佢啲雞翼唔會好似營養不良咁，隻隻都幾大隻。龍蝦係燒既，最怕個肉燒得太乾，不過佢仲好有水份。個Angus steak都好好食雖然龍蝦同steak stand-alone好似好少野食，但佢地每份都有得揀配菜，而我地揀左薯條同薯蓉，都好好食…查看更多

呢間係我上年偶然入西貢發現既舖頭，好奇心驅使下入去試左第一次佢地既Greek yogurt, 真係返唔到轉頭…首先，佢地個yogurt口感似雪糕，但又唔會似雪糕咁好甜，佢係yogurt所以會有少少少酸酸地既味道，食完唔會話好滯，反而有種好fresh既感覺。佢配料都幾多選擇，有醬料、水果同其他餅既option，間唔中會有啲特別既醬料/配料可以揀。我就最鍾意同每次都會揀焦糖脆脆同朱古力醬！呢間真係我每次去西貢都必食既yogurt!…查看更多

假日尼食晚餐，預先book左位就唔洗摸門釘舖頭唔係好大，但枱與枱之間有足夠空間，唔會太逼，坐得舒服😌叫左一個蒜香牛油日本帶子意粉，意粉口感剛好，唔會太淋，帶子有鮮味冇雪味😏另外仲叫左個慢煮加拿大豬鞍架配酸梅蛋黃醬，豬鞍口感唔會太un，個薯蓉好香好滑，好邪惡最後叫左個tiramisu做甜品，好大份，夠3-4人，好香咖啡粉味，同時又好滑😌😌但我地兩個人食就好快好飽，所以建議下次可以3-4人share應該就啱啱好🤭…查看更多

星期日尼叫左兩個lunch + 一個小食忘記入座時間13:30 尼左餐湯(南瓜忌廉湯)，飲到差唔到最後，咬到啲硬硬地既野（平時係冇既)，見到係南瓜核，都合理既。諗住溫馨提示返個店員，喺佢收碟既時候，指一指俾佢睇同佢講，佢竟然話：係南瓜渣🤨 (冇影到相，因為本來只係想溫馨提示店員，但佢既態度+下面既事令我決定上尼寫食評)13:50 尼左兩個意粉，一個係虎蝦龍蝦汁意粉，另一個係魷魚檸檬墨魚汁意粉。賣相係非常唔錯，但兩個都幾咸，之前都食過幾次個虎蝦意粉，但今次真係咸左。到14:05 問個staff個小食(雞翼)未尼，佢話幫我問下，一去冇回頭，但因為已經等左差唔多40分鐘，覺得冇落單就算。再問另一個staff話如果冇落到單就由得佢，佢問都唔問直接話有落架，炸緊…🫠最後14:15有雞翼食…即係個小食等左最少45分鐘….呢間餐廳既等候時間係比較長，如果係烹調時間長都明白，但係堂食經常有甩漏既情況出現導致等候時間長就真係需要改善。而外賣就多次出現獲店員告知15-20分鐘有得拎，但係最後就要等超過40分鐘先有得拎…今日去堂食又見到有顧客喺門口表示已經等左35分鐘都未有得拎…其實如果係要等得耐既，點會每次都估計錯誤係15-20分鐘就拎得…..之前食物味道好，所以就算等都冇問題，今次味道差左，態度亦都麻麻，再加上等候時間，所以決定上尼寫食評，希望餐廳會改善……查看更多

之前經過好多次都冇買到尼試，今日行過，決定買返屋企試下～佢真係有好多味！好多味都想試最後買左椰子味 同咖啡味返屋企試！➡️椰子味：食到有種好fresh既椰子味～淡淡既椰子味好香～➡️咖啡味：店主喺咖啡味個牌度寫左「回魂布丁燒」，一食落就明，真係好重咖啡味，好香；但重點係唔苦！（因為我本身唔係會飲咖啡既人，純粹覺得佢會好香所以買咖啡味尼試下～）呢兩隻味尼講，我會encore椰子味，而咖啡味，我諗會適合咖啡愛好者～～…查看更多

今日去左懷仁街既呢間西餐廳試下，門面好靚 同懷仁街既其他舖頭有啲唔同style:)我地叫左兩個lunch set食～Lunch set可以揀 要頭盤或者湯，我地就揀左Caesar salad 同 湯，今日個湯應該係mushroom soup，好creamy同重菇味我本身唔太鍾意食草，男朋友叫左Caesar salad，我試左，食到應該用左蛋黃醬，我幾鍾意呢個配搭至於main course，我地就揀左 -➡️香蒜大蝦伴有機茄蓉闊條麵：呢個闊條麵幾好食，麵既質地係有啲彈牙既感覺，個茄蓉都幾fresh，我最鍾意係個蝦夠彈牙！（本人比較鍾意食蝦😂）➡️燒牛腹排伴法式燒薯：呢道菜看似簡簡單單，但食落我幾有驚喜。首先個牛煎到外面少少香脆既感覺（我叫左7成熟），食落口係好有牛味，好好食！第二，個燒薯點埋個汁好食～第三，係我覺得幾特別既地方，伴碟有啲豆，有部分係鮮綠色啲，有另一部分係燒過/煎過既，所以食落口係香啲～個lunch set係包埋精選甜品 同埋 飲品既～今日精選甜品係芒果芝士蛋糕佢特別之處係有果肉喺中間～餐廳環境好靚，可能疫情關係，枱都擺得疏既，所以坐得都好舒服～如果想食西餐，或者搵個地方同朋友食個飯傾下偈，呢度都幾好～我期待緊佢既新menu，下次再去試過～順帶一提，呢度既服務係非常好，每上一個course都會考慮到食客可能會想落某啲調味料，然後問你需唔需要～而且擺餐具for食唔同既course都講究！…查看更多

星期日下午尼食，可能新開，所以唔算太多人～丼飯有蟹棒、帶子、灸燒三文魚同灸燒左口魚，燒得好香～小食叫左雞軟骨餃子：餃子皮好脆，好香胡麻醬豆腐沙律：好多胡麻醬，不過不失串燒汁燒雞翼：燒得好香，個汁好好味👍🏻…查看更多