pwttt的个人专页

週末諗住搵間餐廳lunch同屋企人坐得舒服可以傾下計💬，就搵倒呢間係利苑嘅飲茶☕️，座位闊落，不過冷氣有啲凍，著短褲嘅朋友記得帶件外套🧥 前菜有3款，西芹，青瓜🥒，豬軟骨粒🐖，3款都好開胃，最啱等嘢食嘅時候食住先☺️ 6個人嗌咗雞絲粉皮🐓陳醋紅蜇頭🪼蟹粉芋角🦀紅油抄手🥟香葱家常餅😋脆煎灌湯小籠包🥢灌湯生煎包😍棗泥鍋餅🤤黑糖糍粑🍡 黑松露珍珠燥溏心蛋🥚 可以按人頭嗌嘅溏心蛋，我地6個人所以叫咗3隻切半，溏心做得非常好，好流心，上面嘅胡椒粉點綴左成道菜，蓋過咗蛋本身嘅腥味☺️ 蜜汁脆黃鱔🐟 賣相好吸引，一望就知道脆卜卜，用蜜汁包住炸過嘅黃鱔🍯，香口惹味，好似薯片咁脆，忍唔住會不停食🤤 小籠包同生煎包都有脆底，用佢提供嘅迷仔鏟就可以好容易咁鏟起佢 ，唔驚穿 紅糖糍粑🍡 上到嚟唔係我expect咁嘅樣，似係一塊糯米搽咗紅糖再圈埋，唔似出面一條條糯米再點紅糖食，食完飯諗住食啲甜品結尾，不過呢個煮法略嫌比較油，所以最尾都係太膩食唔曬☹️ 總結: 樓底唔算高，所以餐廳多人嘅時候都會有少少嘈，如果想同屋企人飲茶，又坐得舒服，呢間會係唔錯嘅選擇， overall嘢食都好滿意👍🏻…查看更多

平日放假諗住去間cafe chill下 ，朋友建議咗呢間。冇諗過平日都要等位，好彩唔算太耐，等咗10分鐘左右就可以入座。舖面唔算大，坐倒10-15人左右，最尾我同朋友坐咗係bar枱。環境就不過不失，行輕工業風。坐喺吧枱嘅好處就係見到barista點樣沖咖啡同埋玻璃後面嘅廚師點樣砌我哋嘅Toast。Ricotta toast - $95本來見倒ricotta toast得兩片以為會唔飽，點知原來份量好足！Sourdough焗得好脆加上大大啖ricotta cheese好滿足😍落咗蜂蜜🍯同藍莓🫐提升咗成個層次🤤一啲都唔膩，唔怪得之咁多人都嗌呢個toast。Breakfast bowl - $90Breakfast bowl 入面好多水果🍓食倒比較少見嘅新鮮無花果，所有水果都好新鮮🍌擺盤靚顏色好鮮艷，用ricotta代替yogurt加上蜂蜜🍯令成個體驗冇咁酸 重有自家製granola加強口感😋個人覺得兩樣item都略貴，不過如果鍾意食ricotta cheese嘅話好值得一試💁🏻‍♀️…查看更多

成日經過見到呢間坐落喺第二街角落，裝修簡單嘅白色Cafe☕️，weekend終於得閒去試吓。雖然去嘅時候係星期日中午，suppose係食brunch嘅最佳時間，但係竟然唔使等位。☺️All day breakfast有誠意！厭倦左普遍all day breakfast嘅我覺得呢個有驚喜，唔使去到IKEA先有薯蓉肉丸食，滿足倒鍾意食澱粉嘅我😋。個Cranberry Pastry都好食，充滿牛油香，成個組合都好夾。曲奇略乾🍪，火腿芝士飛碟偏淡🥪，即使拉左絲，食落都冇乜芝士嘅鹹香味🧀，不過凍咗都仲係好脆。…查看更多

平時成日經過都見到有人攞蛋糕，一直都好想試呢一間Cafe。佢平時六點閂門，我哋就五點臨閂門入去，終於喺少啲人嘅情況下，試到佢哋最出名嘅開心果芝士蛋糕。明白佢哋係小店，但係都有少少唔開心一定要嗌一杯嘢飲，畢竟我哋都係衝着蛋糕而來。嘢飲方便，杯latte完全唔合格，而杯熱情果紅茶，只不過係正常。另外，佢哋蛋糕只可以堂食，如果想外賣嘅話就要買晒成個，都有啲麻煩。但係唔緊要，我哋今日係嚟食蛋糕。佢哋嘅留心巴克斯芝士蛋糕做得好好，甜而不利，開心果味真係同我喺意大利食到嘅開心果gelato一樣味，超級濃郁嘅果香味，佢哋應該有炒過啲果仁，因為真係超香。我哋仲另外嗌咗北海道牛乳特濃芝士蛋糕，雖然佢係特濃，但係一啲都唔膩。食完開心果啲咁香濃嘅蛋糕，再食返牛奶味重嘅輕芝士蛋糕，就啱啱好啦。佢嗰隻乳香係會齒夾留香，所以建議大家最後一啖食佢，咁就可以延長佢嘅香味喇。最後環境方面，我個人幾鍾意佢復古嘅設計，雖然有啲細，但係都有兩層分開咗兩個空間。總括而言，我會為咗個開心果蛋糕再返嚟食，不過下次可能直接買成個蛋糕慶祝朋友生日，而唔係在堂食。…查看更多

好多人講佢嘅午餐，但係晚餐就少啲講。咁啱尋日食嘅晚餐係佢哋第一日轉Menu，侍應仲特登過嚟問咗我哋攞評語添。嘢食嚟講不過不失，份量都幾大份。頭盤我哋嗌咗吞拿魚，吞拿魚好大舊，口感，個汁都幾清新，配埋薯片個口感都幾得意。不過個鵪鶉蛋就略嫌有啲唔夾，好似分開兩道菜咁。之後面course有豬肉，果汁都係酸甜同豬都幾夾，有驚喜嘅係下面啲椰菜花，煮到好淋，同酸甜嘅汁意外地夾。之後到咗Baby Chicken，好貼心咁樣切咗四舊俾我哋，每個人都有雞髀食。雞嘅外皮烤到恰到好處，有炭燒嘅香味。入邊嘅肉都唔會太過鞋，配埋個肉汁就啱啱好。我哋成餐叫咗一個頭盤，兩個main，再加一個Side 嘅薯條。四個人埋單$1000 ，晚餐嚟講算係咁。環境方面真係幾靚，好似去咗fine dining感，不過食物質素就同普通西餐差唔多。…查看更多

朋友生日，就諗住一試有咁多好評嘅意大利菜。頭盤小食都唔錯，但係main courses 就出曬事🥲南瓜濃湯好綿滑，配埋烘到金黃色又脆口嘅包的確好開胃。水牛芝士夾蕃茄作為開胃菜係唔少意大利餐廳都一定會見到，令到佢特別嘅係個意式沙律醬，清新得嚟又唔會搶左芝士嘅奶香味。到左正餐，出事係個pizza到。lunch set 簡左哩個pizza，等左10分鐘就以為新鮮出爐應該好好食，點知食落口係冇味，個crust係好鞋，又冇咩burnt 嘅爐火味。我地每人食左幾啖就冇食啦。雖然係為慶祝生日而食嘅生日飯，但係餐廳收費250切餅費，所以最後都冇係餐廳食。總括而言，唔值得一試，亦唔會再翻嚟食。…查看更多

平時食佢lunch set就食得多，今次第一次試佢嘅晚餐，比午餐有驚喜！平日嘅午餐時間一定逼到水洩不通，但係平日嘅夜晚入座率得一半，反而坐得好舒服。🐟第一道菜我哋就嗌咗油甘魚刺身。刺身鮮甜，配上麻油更能夠帶出油甘魚嘅油脂比例份量亦都剛好，我哋一行四個人，夾極都仲有得食。🍣之後一上碟就驚艷到我哋嘅，吞拿魚海膽壽司。啲吞拿魚滑到影影下相嘅時候上面舊海膽滑咗落嚟🤣雖然個壽司有啲大舊，普通女仔應該一啖食唔晒，但係海膽勁鮮甜，一啲都唔腥。吞拿魚好似Sir入你個口咁，超滑。🍢另外推介嘅就有佢哋啲串燒。牛舌串燒好彈牙，好Juicy，一咬落口啲肉汁都充滿牛味。🍲🍚最後，我哋都有試佢嘅海鮮蕃茄豆腐湯同埋鰻魚炒飯。呢兩道菜都係中規中矩，鰻魚炒飯，略嫌唔係好夠味，豉油好香，但係冇咩鰻魚味。最後埋單$1600 人均消費大概400，雖然呢個價錢可以有其他選擇，但係喺灣仔同埋居酒屋嚟講真係算係咁啦！…查看更多