CardigansB的个人专页

同事知我放假去西貢遊車河，一早已經介紹定幾間好野叫我去試，由於我幾乎日日返工早餐都係菠蘿包，同事即刻推介我去呢度試食佢出名嘅菠蘿油仲有葡撻。去到見到佢有少少座位，可以坐喺度食嘆埋奶茶咖啡，亦可以直接買走。由於想周圍行吓睇吓，所以都係決定買走，差唔多到門口已經見到出邊排晒隊，但應該因為舖頭日日都排長龍，店入面嘅店員係非常有規律咁安排收錢同出貨，所以好快已經有得食啦！買左菠蘿油、葡撻同鮮奶撻試。菠蘿油好鬆軟，個皮又好食，牛油超級大塊，非常邪惡葡撻同鮮奶撻個皮好脆嫩，而且個餡都好香好滑，唔會焗過龍而乾同硬😍果然冇介紹錯，下次去西貢嘅時候可以再encore…查看更多

見到日本天氣仲係負幾度〜旅行前去outlet買定啲大褸出發先！去到outlet行咗幾個鐘，餓到肚都攣，直接喺商場搵間餐廳開餐見個餐廳門面幾靚，仲係食我喜歡嘅魚生丼飯即刻唔洗諗，試試佢見到menu 佢主打係一丼兩食，叫一碗丼飯食剩1/3時可以找店員加湯，再當漬飯試第二種風味💛 枱上有放食法步驟，店員亦會細心講解，而且價錢比我心目中平，一丼兩食最平百幾蚊已經有，如果唔揀兩食就咁普通丼飯就更平，而且配料都多同新鮮！抵食…查看更多

同事請食生日飯〜但由於同事係懶鬼，叫我想食啲乜就自己直接book 枱再通知佢🙈🙈激死！不過都好啦，想食啲咩自己揀，一間佢揀左我唔鍾意食嘅野仲慘🤣🤣一直鍾意食壽喜燒嘅我，最近成日見到social media啲壽喜燒和牛外賣套餐都流晒口水🤤 難得有人請，就搵壽喜燒餐廳啦用OpenRice 比我搵到哩間夠曬近公司，放工行過對面就係✨✨預約嘅時間remark咗慶祝生日，唔知係咪咁所以我地兩人預約都安排左房比我地坐，超級細心 好有feel👍🏻揀左個二人壽喜燒套餐✨✨服務員會放到靚靚咁比您相機食先，之後每一個步驟都會幫您整好同埋細心講解，啲牛好靚，入口即溶但又唔會覺得好膩，服務都好好。最後仲送左一件蛋糕有happy birthday 牌比我哋，咁好服務態度嘅餐廳真心值得推介會再介紹朋友來✨…查看更多

公司附近開咗間新居酒屋〜啱曬我哩啲忙完一日嘅打公仔鬆一鬆🥹🍻三人行，收工去飲返杯放下負先🔥🔥門口外面都幾精緻，望落好似有少少高級餐廳嘅感覺✨✨入面放咗好多日式擺設同Figure🎎店內座位全部都係好似omakase 嘅形式咁，店員會係中間位置落單同出菜，店員都好有禮貌為我地介紹菜式，幾乎我地都係叫佢地嘅推介，老實講無諗過漬物同豆腐都可以咁出色！！海膽鮑魚 都好推介，平常我係香港真係好少食海膽，但佢又真係無我好憎果陣奇怪嘅臭味，而且鮑魚都好夠腍。A5牛輕輕煎咗兩邊後出餐前再用火槍燒一燒，生熟剛好，唔會over cook，癲到我哋要encore 。仲有推薦魚鮫同飯團！！魚鮫仲要係多肉勁滑，汁燒飯團我第一次食，初時心諗 “下，無涵嫁喎？剩飯？”，點知一上已聞到勁香，本身我地已經勁飽，但最後都食左兩個🙈🙈真係大開眼界，難怪店員勁推！唔知係咪新開張有優惠，最後只係每人2xx ，平到我哋唔信🙊 overall 所有野都一定唔至哩個價錢，廁所都乾淨企理設備齊全，好似係收凌晨，一定會再來幫襯，放工好去處！✨✨…查看更多

婆婆珈琲屋係出名靚！靚！靚！打卡一流嘅餐廳無論周圍嘅裝修佈置、餐牌、餐具及食物都精心挑選，入到去舖頭一定會被周邊所有嘢吸引住今日終於同朋友兩個人去試食lunch ，一入門口已經比周邊嘅嘢吸引住，鋪入邊仲有啲小飾物小雜物係可以購買嘅，食完嘢之後仲可以滿足埋個購物慾。食物質素正常，每一個餐都有前菜主菜甚至乎飯都有唔同嘅選擇，適合想咩都試吓嘅您，而且份量都算多，一定唔怕會有唔夠飽嘅情況。周邊實在太靚太舒服，下次都會同朋友再嚟坐吓食吓午餐。…查看更多

約咗朋友食lunch ，突然好想食西班牙嘢哩間LA BARRA其實之前都經過幾次想試，不過晚市真係太忙了，而且地方唔算大，基本上冇book位都唔會入座到，所以想試晚市嘅朋友記得要book位啊。好好彩今日lunch時間唔算多人，唔需要等位就可以入座，入到舖頭已經聞到好香 即刻覺得好肚餓引起晒食慾今日同朋友兩個人食lunch ，Entree - 試咗凍湯同埋西班牙蒜油蝦，個湯都幾多 兩個人share都無問題 (貼心嘅職員上菜時仲已經準備咗一個碗仔俾我哋) ，天氣咁熱諗返個凍湯少少酸酸地 解熱又開胃；蒜油蝦超級香但又唔會太油，一份有4隻，口感同味道都好好Main - 揀咗一個西班牙海鮮飯同埋封門柳，海鮮飯好足料，夠入味之餘又唔會太咸，份量都啱啱好；封門柳我覺得生熟程度係啱啱好，唔會太韌，同埋唔需要太多調味已經好好食，配菜黃瓜青瓜同埋薯蓉吸晒肉汁嘅味，正最後仲有甜品係自家製嘅Gelato，幾好幾滑，唔會太甜。今餐好滿足，食過就知道點解佢晚市成日爆滿，朋友平時勁細食，今日竟然全枱清晒。會再介紹朋友嚟，下次預約定試下晚餐…查看更多

公眾假期同朋友搵個地方晚飯聚下，打邊爐就最好不過，可以慢慢食，一路淥下野食又一路傾下計。係OpenRice 見到哩間canton pot 評價幾好，地方環境又唔錯就試下先地方都幾近地鐵站出口，樓下條街唔覺有店舖亦唔多人流，唔係網上見到一定唔會係度搵野食，上到去個環境真係好舒服，店員仲安排咗房間比我哋坐，房入面有電視同隔音幾好，成件事即刻變左好高級幫我哋嘅staff - Winnie 非常有善，熱心推介湯底同食物/酒水，仲有哩度混醬嘅配料有成10幾款 好有heart，最後我哋叫左個雙併 花膠+西川麻辣，一黎到已經聞到好香，Winnie 建議我地飲左湯食咗花膠先，之後再加湯淥野食。食物質素好好，牛 新鮮又切得好、所有嘅丸都係手打、餃啲味特別而且皮薄多料、連響鈴卷都係自制 食得出少咗陣油溢味，好食Staff 介紹左隻西班牙sparkling wine ，易入口但又唔會好甜，啱啱好。仲有佢哩度加湯係有分番不同湯底的，refill完都唔怕愈食愈無味同埋愈食愈咸最後埋單都只係$500/位，以服務質素/食物同環境嚟講係非常抵食，一定會再幫襯…查看更多

一早已經係open rice booking 咗先，遇著哩啲日子真係周圍都full booking 嫁〜好彩好彩 一行六人都仲有位💛因為聖誕節week ，入座時每位枱上都有一份Christmas Set (有聖誕帽、哨子、閃燈戒指…etc)。餐牌勁多選擇 乜都想試 今次成六個人真係乜都可以叫勻曬〜開心壽司刺身都幾好，算新鮮又抵食朋友去到邊見到薯條都會發曬癲咁，今次就試下佢個芝士忌廉薯條，重口味嘅朋友嫌佢唔夠熱氣，我就覺得幾好，加左忌廉之後食落無咁油膩。牛好食，油脂適中，洋蔥撈埋生蛋黃做汁，一個人食曬成份都無問題和牛三文治就麻麻，黎到凍曬，一睇佢哋以為係吉列豬扒，再連埋個包真係好乾，同埋有4個味嘅醬其實唔係好覺有咩分別，淨係覺得好乾。串燒ok受大家歡迎嘅牛舌好encore 咗兩轉蟹肉薯仔沙律食咁多牛又清下個口先，入面加左洋蔥，但係一啲都唔討厭 仲幾fresh。未夠飽，待應哥哥推薦試蠔，size 都幾大隻 味道ok ，其實幾抵，不過都係鍾意食法國蠔，鍾意重海水味多啲。最後食多個壽喜燒做結尾，結尾又有啲喜出望外喎，真心個牛係入口即溶，個湯又唔會太咸同太甜，其中一個朋友好唔鍾意食壽喜燒就係因為覺得香港嘅店成日整到個湯勁甜，今次連佢都話正，仲要價錢勁平。今餐真係超級滿足，open rice 預訂除左asahi 有買一送一外，仲有88折優惠，超級抵，地點又方便，隨時都可以番去encore …查看更多

今日阿B黎接我收工〜諗住難得過海出到嚟，不如行去銅鑼灣 食番餐好嘅先番去〜但係可能最近晚市都比較靜好多都已經閂左門或者準備閂門，行到我筯歇力疲時就見到哩間餐廳啦。本來見到入面得一兩個客人，都擔心佢準備閂門，但當位女服務員見到我哋嗰時，對我地微笑同用手勢表示歡迎進入，我即刻鬆咗一口氣〜〜終於搵到嘢食啦！！ 而且日本餐廳，啱晒我同阿B❤️Menu 上推介嘅幾乎都係牛 (唔同種類嘅燒牛、牛肉丼、壽喜燒...)，好彩我地都鍾意食牛冇乜大問題，如果有唔食牛嘅朋友都有少少其他種類選擇，不過就唔係推介。我就揀咗我又鍾意食Menu上又特別推薦嘅壽喜燒，阿B就幫大家試吓佢個豚肉丼〜壽喜燒個湯底味道幾好，牛肉分開放鍾意幾時淥都得，唔驚啲牛會老晒，另外仲有一碟菜同烏冬，整體份量剛剛好，啲牛亦好鮮牛味！豚肉丼味道普普通通(唔難食) , 不過份量太少了啲肉好似比人偷食咗咁款，食完都唔飽。可能本身哩間店主攻做牛嘅料理，其他只係一個選擇，所以無乜特別，大家如果都想黎哩度試下，記得選擇試牛嘅料理呀，唔係真係可能會普通過茶餐廳碟頭飯嫁😆😆…查看更多

公司附近就係利東街，知道有間好似茶樓嘅嘢叫做喜遇，但係咁耐以黎都冇試過，由於公司同事成日去食，而且熱烈推介 👉🏻食物價錢都環境唔錯 ， 今日終於去咗試啦！叫左個下午茶餐 有一個前菜，我要左餚肉，主食係我最愛嘅牛肉麵，一杯飲仲有個甜品〜價錢都算合理。本人覺得食物味道都ok 比較淡味少少，但又唔會覺得好差好難食，都會推介大家試下〜最想最想表揚就係service 我果位年青人👉🏻好似叫阿康，態度好好，值得稱讚👍🏻 好有禮貌，做野快手又有heart ，拎杯熱飲比我時仲會叫我小心熱〜 眼見樓面仲有幾個講嘢唔正嘅阿姐係度大聲吹水，不過我身邊十張枱嘅客就十張都係哩個後生仔阿康去service (見到有講國語嘅客同講英文嘅外國人佢都應付到👏🏻👏🏻) ，多謝前多謝後，今時今日咁嘅服務態度真係好好好〜相反幾個阿姐真係要向哩個年青人學習！雖然食物普通 無話好食到難忘，但以service 嚟講我都會考慮再番黎幫襯。…查看更多

放假留係屋企懶下休息下，晚餐就係網上外賣平台  order外賣  ，哩間野之前都叫過，無特別好食唔好食，正常車仔麵囉，今次黎到 一打開入面全都係不知明毛，初時我以為係一條半條頭髮都諗住算啦，睇清楚啲 係成碗勁多細細條不知明毛真係痴x線！！🤬🤬 莫講話宜家疫情嚴重，就算平常見到都會反胃，咁樣嘅衛生情況一定唔會再幫襯！永久black list ‼️見到都想嘔，檢查過 係入面都有勁多，捱肚餓都唔會食 成碗掉咗！😡😡😡…查看更多

難得假期，今日同阿B 出去行街食飯，順便揀下聖誕禮物先。知道荃灣西新商場 - 海之戀 開咗間好大嘅Donki, 一心諗住去行下, 嘩〜勁多人排隊呀〜 我都阿B 都係唔鍾意排隊嘅人, 唯有係附近行下食個晚飯先啦〜其實海之戀入面只係得好少店舖係開咗, 本身諗住食係荃灣廣場搬咗過黎嘅Ruby Tuesday, 但係又係大排長龍。喺Open Rice 終於搵到哩間comment 唔錯嘅西餐廳，上到3樓都係幾入嘅地方，途中又會經過啲地産店剪髮店，如果唔係上OpenRice睇左地址，平常應該都唔會行到咁入。終於去到啦！ 舖頭環境幾安靜幾舒服， 啲客人或waiter 亦無好大聲係度講野，我同阿B叫咗一份Rib Eye 同比目魚，價錢好平。Rib Eye 好鬆軟，點汁或就咁點岩鹽都咁好味👍🏻比目魚滑一滑，好正，連啲side dishes 都好味😋門口帶位姐姐同侍應小姐都好nice〜唯一唔掂就係佢杯Mocha, 係一杯好似齋啡嘅野同埋自己另外落奶, 都幾難飲下〜價錢算平, 兩個人$400有找〜款式比較少希望遲啲會增加, 等佢開耐啲會再嚟試過😍…查看更多

行完8咪半Ikea 又到晚餐時間啦，我哥之前話過愉景新城開左好多餐廳，既然今日咁近愉景新城就過去試下啦。見到哩間野個外觀好似幾舒服咁就入去試下啦！入到去有個姨姨好有禮貌咁安排座位比我地，餐牌上有好多野我同朋友都好想試〜〜最後我叫左個餐有個壽喜燒烏冬+角切魚生飯+茶碗蒸， 朋友果個有牛肉湯烏冬+迷你鰻魚飯+茶碗蒸仲有幾片魚生〜啱啱坐低嘅時候我同朋友都有好多嘢想試，但係都啲食物嚟咗嘅時候，真係太太太失望了！朋友個牛肉湯烏冬好似就咁叮翻熱，但係仲要一啲都唔熱只係暖暖地，啲烏冬硬到好似未煮透，個鰻魚飯都一樣一啲都唔熱，朋友話太難頂，兩樣都無食曬。而我呢，因為我嗰個係熱鍋上，都夠熱，烏冬都比朋友果個淋，但可能因為佢成個鍋煮熟曬先拎出黎，所以啲牛肉已經老曬，另外個魚生飯啲飯因為仲暖暖地，所以面頭啲魚生都係暖暖地，成件事好怪加唔好食個menu 好吸引，同啲食物質素好大差距，好失望呀…查看更多

好友嚷咗兩日好想食銀咖哩！！終於比佢搵到Coco 壱番屋係荃灣開咗分店啊〜無時間飛日本就食住銀咖哩懷緬下啦😭入到店內，格局都係同日本一樣，service 我地嘅男店員都好nice , 我哋就咁叫咗個飯再加杯熱咖啡，店員即刻推介我哋加$20轉餐，可以餐湯/ 沙律/ 飲品/ 雪糕 任選兩款，因為就咁叫一杯熱咖啡都要$27，轉餐仲抵左！朋友花多眼亂樣樣都想食，最後揀左 溫泉蛋雞肉+炸魚柳+ 漢堡扒 (一次過滿足曬三個願望)我就揀咗個咖喱菠菜蔬菜 + 吉烈豬扒每個飯都可以選擇飯量同埋辣度，細食嘅人怕浪費，怕辣嘅人都可以一齊食 (即係我🙈).終於嚟到喇，今日精選湯係麵豉湯，味道幾好好多料，唔會好鹹， 而個咖哩飯賣相都幾好份量亦都好多，日本咖喱我最鍾意食因為唔辣，味道都可以，唔係話非常好食但係係可以接受，而且人流唔多坐得舒服又唔會環境好嘈，兩個人總共食咗$300，都算好扺，可以encore!…查看更多

今日放假約左朋友去the Sky VIVO 睇戲，因為朋友未收工我又無所事事，就自己一個人落左奧海城諗住食個tea 再行下街Shopping 下。日日都要飲咖啡中左咖啡毒嘅我見到HABITŪ Cafe 就二話不說行左入去啦〜因為HABITŪ 有幾間分店，中環灣仔又一城我都去過，質素應該算是有保證吧🤔🤔入到店面，有一位帶眼鏡嘅男店員招呼我坐底同埋比Menu 我，態度幾親切，之後order 都係同一位店員幫我，我order 左一杯Caffe Brulee 同一份 Classic Carbonara.同一位男店員遞上咖啡後亦好細心地同我講左 小心熱，因為面頭嘅焦糖剛burn 過，然後個Carbonara 黎埋就係我惡夢嘅開始啦… 點解係一個好似湯意粉嘅野黎嘅… 我將隻碗打斜小小，係啲白汁稀到可以就咁倒出黎，以我認知嘅Carbonara 啲汁係無可能咁樣 (而且我去果幾次其他分店都係食同一樣嘅野😫) 我嘗試食落口。。嘩，個意粉凍嘅，啲湯汁都係凍嘅，啲汁稀到湯咁亦不出所料係無味嫁啦，我到底食野啲咩呀…我真係未食過咁難食嘅意粉，仲要講緊您哩間野係收得唔平嫁喎，可唔可以比番小小專業態度？俾多啲培訓你啲員工？真係好失望最後埋單計埋加一約$200，仲要係位黑口黑面長金髮紮馬尾女店員 拜拜都唔講聲 收完錢就即刻靠返喺水吧位置吹水(其實一路上都見佢一直靠係果個位hea..)，下次一定唔會再嚟食嘢，飲杯嘢都會考慮吓嘅…查看更多