charles2的個人專頁

今次聽朋友介紹，光顧了位於深水埗西九龍中心food court的喇沙專門店。這間店舖都幾容易辨認，因為店面都係便利貼組成的連儂牆。點了一份豬扒喇沙，送巨峰葡萄紙包飲品，等候時間15分鐘。咁我覺得湯底係夠熱，椰味唔會過重，可以飲多幾口。至於麵底亦叫足夠，唔會太軟太硬。但係，最令我失望豬扒肉質太硬，一點都不鬆化，食落去好難咬希望手足加油↖(^ω^)↗…查看更多

每次午飯時候經過樂林米線，都見到大排長龍，終於有日放工去食晚飯。店舖係良心鋪頭，門面貼住學生有減價，叫三餸有免費熱飲，四餸免費凍飲。今次叫了三餸小辣米線 : 樂林豬軟骨、金菇和魚蛋。我覺得豬軟骨最有特色，鬆軟無豬🐷臭味，係有番茄醬 ? 金菇當然正常，但魚蛋就唔彈牙，細粒唔夠有咬口。但因為豬軟骨關係，搞到碗米線唔夠辣。如果你問我推薦與否，我會話你當良心車仔麵式米線就好，如果你追求麻辣酸辣，咁我諗樂林就不太適合你。…查看更多

今年冬至全家人去食素，試了一間位於大角咀的黃店，享用了素食自助餐。先支持一下小店，新年將近，見到門口雪櫃放了走肉朋友製作了的素食蘿蔔糕，所得收益會用來幫助有需要的朋友。回到正題，這間自助餐係先付款後入座，入座亦需要等候負責職員叫名。冬至夜晚六點入席，每人都係收150蚊，無多收，食個半鐘算抵食。一桌子的素菜，我最愛的有以下三款 : 時菜炆冬菇 (夠大隻有咬口)川味麻辣薯粉(比我想像中辣)巧克力🍫蛋糕(有人話甜，但sweet tooth至愛)不過，雖然話係良心黃店，但真係有一定的改善空間。首先係食物款式唔夠多，好多時缺乏refill，搞到想再添都無。坐我地旁邊的食客都話以前款式豐富，大家都覺得有些失望:(。第二個問題係自助餐大忌，真係要俾大家換碟，隻碟好污糟又點食甜品 ? …查看更多

在鴨寮街買東西，路經西九龍中心順便到八樓food court醫肚，發現多了一間泰國料理店。今次點了冬蔭功湯河，老闆好貼心好有禮貌，每份餐有龍眼蜜贈飲降火。河粉分量足，男仔食一碗都夠飽。湯底唔會太辣太酸，食完唔口渴，相信無咩點落味精，同夠熱，唔似好多連鎖店咁係微暖。海鮮方面，蝦同青口都好新鮮。美中不足就係配料略嫌唔夠多，如果蝦多一隻就好，菇菜都可以放多少少。希望小店日後做得有聲有色，讓這個本土food court吸引更多香港人光顧。…查看更多

這兩年，葵興葵芳新開了很多茶餐廳，大部分都是連鎖經營，價錢貴品質又麻麻。新落成的KCC有好多食肆，其中一間回頭率幾高的係南記。💜下午茶(2點半開始)款式唔係超多，但選擇係大部分香港人心水。今次叫了黑椒豬扒意粉(多汁)和星洲炒米，兩公婆都係一百蚊抵食。💙 黑椒豬扒意粉個汁夠香濃，又唔會太辣，豬扒夠入味唔硬，意粉夠彈牙，夠曬惹味。💚 星洲炒米係每間茶餐廳的必點，好多做到又乾身或配料勁少。南記星米配料尚算豐富，米粉唔會太乾，辣度亦恰到好處。💛服務方面，侍應勤快有禮貌。🧡 餐廳收銀都有擺一些支持香港人的絲帶，亦曾擺過生命麵包諷刺某些人的荒謬言論。…查看更多

如果你在鰂魚涌打工，你會發覺想食餐正常的三餸飯都好難，唔係去連鎖快餐店就係食頹廢茶記。今日朋友介紹話有間新開的小食店幾好食。本身知道小食店有一大堆大路港式小食，例如格仔餅雞蛋仔，同唔少得的瑞士雞翼，但去到發現原來仲有三餸飯，42蚊包可樂。食完覺得腐乳通菜唔會過韌，黑椒雞夠入味，白飯量又足。如果你想知道幾多打工仔支持，排到後期老闆話已經無白飯賣，其他人要轉麵，你就知道幾墟冚啦！唯一挑剔位係小店經營，人手緊張，排左好一陣隊先買到。…查看更多

朋友下個月生日，但自己唔係香港，所以想同佢catch up兼慶生，搵到大角咀一家開左無耐的義大利餐廳。其實，準確來說，應該話係西餐廳，因為睇完menu就發覺義式元素唔強，不過款式都幾正常。我地兩個人點了兩份餐，分別係: 我: 雞肉沙律 + 海鮮義大利粉 + 雪糕蛋糕朋友: 餐湯 + 魚柳+ 雪糕蛋糕食物質素都係發揮正常，不過不失，雞肉唔會太老，菜幾新鮮，意粉都彈牙😍，係海鮮有少少"沙"，蛋糕比較硬身，係雲呢拿雪糕融得快。由於二人訂位關係，獲送一客甜品，但朱古力奶凍真係甜左少少。整體來說，份量夠，性價比高。加分位 : 侍應服務周到，不時加水，同會主動幫我地影相。我個朋友下個月生日，佢地會在甜品盤上寫了生日快樂，非常貼心。…查看更多

平時真的好少寫，今次真係食到有種搵笨感覺，仲要對唔住帶來食的朋友。首先，講講折扣問題，本身話6點半食有7折，去到獲告知龍蝦、套餐、飲品不包括在內，咁想問有咩可以包呢？咁以一間食龍蝦的專門店來說，算是取巧嗎？其次，侍應真係好生手，坐低又無杯水，問又唔知推介咩好，態度係好，但好似淨係識落單。點了一份pizza同意粉，打算試試再決定叫龍蝦餐，結果係普通快餐式質素的pizza同意粉，但埋單成三百幾。我諗好似隔離的顧客咁，叫龍蝦打打卡就覺得值得掛。…查看更多

旺角有個潮mall開張，走了一圈，嚇了一跳，吃了一驚。先說商場店舖「十室九空」，比較有看頭的只有一家韓流服飾店。行落一層，地庫有好幾家門面光鮮的食店，其中一家就是點心老店蓮香。好，就看看這家人人讚不絕口的點心店有甚麼驚喜。驚喜沒有，驚嚇倒是一大堆。燒賣的豬肉完全不新鮮，冷藏味濃，蓮蓉包蓮蓉餡顏色奇怪，甜到嗆嗓子，一咬下去還以為在嚼皮鞋，更帶有酸餿味，鳳爪排骨飯也不夠熱，感覺像保溫了好久。整體來說，質素比連鎖的T記點心差一大截，價錢卻貴好幾倍，我還以為自己身在唐人街的lian xiang吃飯。真想告訴老闆，蓮香這個金漆招牌不是會生金蛋的母雞，顧客不是沒有味覺的生物。…查看更多

本身唔知葵興多了好多新餐廳，在團購網站見到100蚊現金券可以用70蚊買，餐廳又話很多城中名人都幫襯過，咁就過去試下啦。我地一行三人星期六大約1點到，始終係食飯時間兼新店開張，我地都等了六張檯先到。餐廳其實唔太大，都算乾淨企理，keep住有人來。咁我地坐低都有人俾碗碟我地，算快手，每檯仲有一壺茶，不過就似大陸果款，茶壺無茶葉，得一堆茶水。排隊果陣為了節省時間，我地已經點好食乜 ： 回鍋肉粗炒、口水雞湯麵、乾煸四季豆、肉餡小籠包和豆沙煎餅。講下有咩好食先，粗炒炒得幾入味，火候十足，醬汁唔會多到浸住堆粉；四季豆唔會太濃味，恰到好處；口水雞亦無冰鮮味，又唔會辣得太誇張，香口適合香港人口味。講晒有咩好食，講下唔掂的食物。咁這間餐廳話自己源自上海，滬菜係佢主打，但小籠包d肉又硬又唔新鮮，一d彈性都無；口水雞麵果麵唔夠熱，在冷氣室內好快就凍左；最慘不忍睹係豆沙煎餅，個餅底似外判返來加熱，又韌又難咬，食剩完全唔覺曬。總括來說，個人認為中式小菜算夠鑊氣，可以當普通飯堂食個飯，畢竟葵興附近選擇唔多，但如果認真食滬菜咁就可能失望了。:(…查看更多