放假最怕就係陪老婆行街，今日又被捉咗嚟K11呢個「迷宮」。行到腳軟，佢話要食呢間「鏞鏞」，話咩環境靚喎。我哋兩個人，費事煩，就叫兩樣最穩陣嘅餸。我點咗至尊肥燶叉燒，我同佢講明，叉燒唔得就成間嘢都唔使旨意好食。好彩，呢碟叉燒無失禮，半肥瘦，燶邊夠焦香，肉質鬆化，蜜汁味都夠，算係交足功課。老婆叫嘅家鄉梅菜扣腩肉，用個瓦煲仔上，夠晒熱。腩肉炆得夠腍，肥膏入口即溶，梅菜索晒啲肉汁，鹹甜度啱啱好，呢個餸用嚟送飯就最實際。呢度啲價錢唔算平，但坐得舒服，老婆又開心，最重要係傳統菜都做得有板有眼，冇話得個樣。食飽有力，可以繼續陪「老闆」作戰下半場。…查看更多
以上食记乃用户个人意见 , 并不代表OpenRice之观点。
赞好
用餐途径
堂食
