eatingeating1的个人专页

呢個名好似好有歷史，而且入親嘅都係遊客，一定係奶茶加蛋撻，本來我都諗住咁樣揀，但係我見到搭枱嗰位仁兄個酥皮蛋撻實在覺得唔值$11呢個價錢，老老實實，揀咗個茶餐算，星期六3:30嘅時候瑞士雞髀剩返最後一隻，不過size迷你，佢嘅瑞士汁做得好食㗎，非常入味，不過啲肉都係有啲柴，嗰劈沙律相比情況下就好似抵食啲，落足沙律醬😛，埋單如圖$55，一試無妨，but唔抵囉。餐廳門口隔離有個Bakery嘅小角落，價錢一啲都唔優惠㗎，從頭到尾都係食情懷唔係食物。…查看更多

大熱天時，本來冇乜胃口，喺零售館一food court見到呢一間都多人排，好似啟德airside嘅food Court都有一間，隨便嗌咗個叉燒肥牛，以為啖啖肉之外，肥瘦相間做得好好食燒得好入味，每啖肥牛，同埋叉燒入口都好嫩滑，唔會太甜，驚喜嘅係肥牛，唔會吉x家嘅咁薄，個汁我都覺得啱啱好唔會太過甜，$68佢對得住個價錢，會再encore👍…查看更多

一直都以為呢一間係輕食Cafe淨係得包點之類，從來都唔知道呢一間係可以有熱lunch set，行到去個環境真係wah咗一聲, 可以望住嗰個啟德青年體育館, 配上落地玻璃環境配自然光，感覺真係幾靚，上餐時間非常快，可能會有人覺得食物鹹咗少少，但係個人覺得味道唔錯, 雖然唔食得辣，但係個冬陰功配意粉味道啱啱好，可以揀小辣，$68嘅價錢有餐湯同埋熱飲，青口數量有一打12隻, 唔使額外+1，件事高CP值，好有誠意👍…查看更多

$77連加一嘅早餐一啲都唔平，我點咗檸茶冇嗌到咖啡，因為我知道另外一間好飲好多，而呢一間出名嘅係食烘焙，我係平日朝頭早11:30仲可以嗌早餐嘅時候入去，室內佈置都舒服，但係千祈唔好坐圓枱，因為食嘢張枱同張凳嘅高度唔吻合，我點咗一個牛角包，微暖鬆脆，我估呢間舖頭做得出色嘅係酥皮之類嘅烘焙，沙律菜都新鮮嘅，打卡位就一定係嗰一套茶杯，每一款都好靚，食物質素我覺得OK啦，總算嚟過呢度打卡都可以encore嘅，最緊要唔好要排隊時間入嚟，否則就enjoy唔到嗰種小店寧靜嘅感覺。…查看更多

星期日嘅中午天氣非常之好，只不過M痛, 食完止痛藥之後近近地12:30之前見呢間咖啡店竟然室內有位，行入去嗌咗個燒牛肉意粉，原來可以送黑咖啡，賣單$58性價比極高。首先個燒牛肉意粉係好食嘅，意粉煮到適中，就算我冇胃口嘅情況下都覺得個汁啱啱好，我食到total有六嚿燒牛肉，牛肉唔會太韌，而且我食到佢啲黑胡椒唔係平常喺街食嗰啲，10分我比8分。至於杯黑咖啡就係平常飲開嗰啲，好彩佢唔酸，而且坐室內係舒服啲嘅，如果冇乜idea唔想人騷擾嘅情況下落嚟呢一度食個lunch我覺得OK。…查看更多

呢間茶餐廳應該有好耐歷史，之前一直嘅印象都係得地盤工人幫襯，喺假期前夕以為會冇乜人，點知都坐到八九成滿，時間係公眾假期嘅朝頭早11:05，事頭婆肯破例為我加多個早餐，價錢$36，好似比起快餐連鎖店仲要抵👍沙嗲牛通粉牛肉份量足夠，沙嗲汁又好夠味道，通粉煮得啱啱好唔會太腍又唔會太硬，加兩隻太陽蛋，自問自己係茄汁怪佢都有提供茄汁，我記得隔一條街嗰啲所謂茶餐廳竟然可以冇茄汁😅，成件事街坊得嚟又抵食，以後食早餐都係個好去處! 呢間餐廳由朝頭早五點做到夜晚五點，淨係提供早餐午餐同下午茶，有得收八達通，做街坊生意又有人情味，值得推介！…查看更多

開頭真係印象麻麻嘅，覺得性價比唔夠高，今日晏晝同夜晚嗰餐都幫襯佢原因我發覺佢貼地咗好多，特登睇吓佢本Menu，發現原來有好多特色菜，如果佢識得宣傳一下應該會有得做，外賣咗一個菠菜咖喱同埋印度波波球$38，印度波波球叫做Puri, 係一個炸碎咗嘅外殼另外入邊加薯仔洋蔥，薯仔有啲辣粉，另外嗰個汁水鹹酸，全部加埋一次過part入口，感覺好得意。但係令我印象最深刻嘅就係後面綠色嗰坺要收$88嘅菠菜咖喱，全素，入面有啲一嚿嚿嘅素芝士，嗰個加上印度薄餅$24真係食到唔停得口👍…查看更多

無意中經過呢間舖頭，原來都有幾間分店，就咁睇Menu應該又係買台灣便當珍珠奶茶加飯或者麵之類，食完之後都覺得冇乜太大驚喜，不過都叫做舒服嘅，其實一入到去最eye Catching就係叫我哋去做member, 要有email Address同埋要有手提電話去登記，咁樣就會有九折，不過最緊要就係佢要令到我有返轉頭嘅願望，可惜我應該唔會特登再去。我揀咗佢Menu入邊第一個選項，豬軟骨便當，老老實實個豬軟骨啫喱嘅部份真係好腍好遠好好食，最大問題就係嗰啲佢哋好似木頭一樣咁硬，又柴又爛咬，本來諗住可以買個外賣返去俾屋企冇牙嘅老人家都一齊試吓，一食第一啖即刻放棄咗。你overall味道係咪好好食啦普通啦，冇乜特別之處。另外佢哋招牌嘅嘢飲伯爵奶茶係個Menu嗰度lunch time時間就話已經售罄啦。退而求其次飲一個普通奶茶，味道一般般啦。埋單連埋discount $78正正常常CP值唔係特別高。仲有一題枱上面有兩種特別嘅粉，我兩個都試過可以為食物添加咁多風味，但係並沒有畫龍點睛之後。…查看更多

一直都唔覺得呢間連鎖餐廳有乜嘢特別名菜，亦都唔覺得佢價錢特別平民化，唯一覺得佢呢間舖頭嘅位置較為休閒，其實成日都爆棚，我諗大家都係想搵地方Hea吓，今日過嚟食個下午茶都係因為地點就腳，不過有一樣嘢我想讚下，佢嘅炸雞髀同炸薯條真係好掂，全部都係現做，薯條脆卜卜唔會油淋淋，雞髀又大隻，皮入邊啲肉都仲好Juicy，熱飲都算叫做大杯，$42 OK啦！而且我覺得佢自從啲姐姐換咗之後服務態度比以前好好多，多數都係有求必應唔會等好耐👍唯一淨係希望佢之後嘅檸檬茶可以有返檸檬😝…查看更多

成日都有條龍喺出邊排隊，心想一定又係啲乜嘢貴價嘢，原來係平民餐，星期日嘅晏晝兩點左右，好彩唔使排隊就入到餐廳入邊，幫襯嘅有內地遊客同埋女傭，望吓啲餐牌肉vs菜嘅份量非常balance, 因為隔幾個舖位就會吉野家，我諗會唔會啲人唔會去吉野家呢間度食呢？😜原因除咗呢度嘅價錢平D, 味道亦都好D。有三個姐姐加一個哥哥做serve，感覺尚算禮貌，亦都會主動送上清茶一杯，因為係平價食店，所以一定要搭枱，我覺得對得住個價錢。👍…查看更多

比起一年前嗰個少人咗好多，又係吸引遊客嚟自虐嘅地方，夏天只有強勁嘅風扇，同埋檔主嘅小背心，行入去基本間間都係食差唔多嘅嘢，粥粉麵飯，下午茶最多整個西多，時間係星期日嘅晏晝3:00左右，揀咗個所謂招牌嘅雲吞撈麵，味道正常，調味就係你同我屋企都有嘅蠔油，$45喺尖沙咀OK啦，嗰罐嘢飲係出邊免費派嘅（亦都係尖沙咀嘅好處），主要係食感覺。喺右邊嗰碗湯其實幾夠味道，枱上有多種調味料，檔主話辣椒醬係自己調，本人唔食得辣，唔識得欣賞。另外聽聞佢哋講檔與檔之間都唔係friend，背後互相沮咒又話搶邊個客嘅生意，我當食花生聽吓都幾搞笑，希望你哋唔好打交啦。…查看更多

事先聲明今日係冇乜胃口，想飲杯咖啡，但係lunch time冇理由唔食嘢，之前睇佢嘅Menu有唔同口味嘅牛角包，其實都只係加啲唔同cream落去，做gimmick咁樣, 老老實實，我覺得杯咖啡又唔係真係咁好飲，勝在就喺商場入邊難得呢一間舖坐得比較舒服，又唔會人多擠迫, 一個lunch要收$88, 其實得一隻包，加兩款餸，我揀咗早餐炒蛋，同埋腸仔，絕對唔係為咗食飽，勝在你有時間嘅話可以喺入面慢慢坐，分食物望上去精緻，除咗杯咖啡就算堂食都係比紙杯，都叫做可以打得下卡，全香港得返佢一間有得坐，同朋友傾吓偈都係一間好嘅Cafe…查看更多

呢間咖啡店真係喺名古屋開到周街都係，由於去旅行期間都比較趕時間，所以根本冇慢慢去欣賞，今個七日長假搵咗一個朝頭早特登去市中心，就係試佢本身嘅咖啡味道，上枱嘅時候真係好香濃，聞到浸咖啡味令人好放鬆，當然去旅行嘅回憶都返晒嚟，雖然佢嘅早餐係厚切方包+牛油或者果醬+烚蛋或者蛋沙律，但係有陣時最簡單嘅嘢要做到好食食真係好難。埋單$39（其實而家去親邊度食早餐都要呢個價錢）但係杯咖啡真係冇得彈，而且屯門呢間店空間夠大，能夠享受到咖啡嘅香氣同埋舒服享受早餐嘅感覺。正！…查看更多

工作太過忙碌，終於有時間停下，瞓到自然醒行去友愛邨嗰個商場嗰度，呢間舖頭之前好似啲人嘅評語都一般般，見到嘅面積幾大，勇者試吓佢個早餐，唔係想像之中咁差喎，我嗌呢個牛扒加丹麥包早餐，老老豆豆片牛扒就好一般啦，上面好似好厚粉咁，而且偏鹹，雖然整體賣相，$46，我覺得都有D驚喜嘅，但係如果焗豆係暖翻少少，唔係好似喺雪櫃攞出嚟嘅冰凍，overall都OK，最緊要係嗰個舖位大，坐得舒服，再者，對於我個人嚟講已經好耐冇食香腸，明知道全部都係化學嘢，但係食返嗰浸味都幾感動，哈哈！…查看更多

主要以輕食為主，但係所有嘢都係真材實料，而且價錢對得住食物嘅質素，屬於區內CP值高嘅食店，今日係星期五晏晝1:30左右，過咗最繁忙嘅lunch時間，店入邊依然都有幾台客人，雖然店舖面積唔係好大，但係坐喺入邊亦都唔會覺得好逼夾，樓底非常高，最吸睛嘅就係喺廚房上面嗰幾幅畫，應該係畫屯門青山嘅，文青得來又唔做作跟住講吓啲食物，我覺得係全日餐ok抵食，樣樣都有啲有沙律有慢煮雞胸，而且慢煮雞胸真係廚師用兩日時間去準備，我相信喺區內其他店都比較少有，食得出係原形食物，而且好味道，呢個set全日都係$48另外最經驗嘅就係佢跟餐可以六折試佢其他嘅飲品，佢廚師推介我呢一杯水果酵母茶，我揀咗雜莓味，佢真係新鮮生果唔係用糖水溝出嚟嘅，雖然係熱飲，但係唔係細細杯，六折之後$18，呢個我一定要帶屋企人過嚟試總括嚟講呢一間餐廳值得推介👍…查看更多