rita.shum的个人专页

午餐套餐有$88至$168不等，已經包前菜湯或咖啡，一個主菜同埋飲品。食物質素非常高，所有餐具亦都非常精緻。絕對係中上環區午餐嘅好選擇。餐廳環境亦都非常之好，由於人客不太多，絕對係傾偈嘅首選。意粉微辣非常惹味。南瓜意大利飯亦係超出預期。我哋亦都加咗錢叫咗兩個甜品。火焰火山非常大份，亦都好有儀式感。另外一個係crème brûlée, 連同開心果雪糕，非常好食。餐廳有兩層，地下嗰層有好大個長枱，可以同時容納10幾人。公司一班人食飯就最啱啦。…查看更多

餐廳裝修非常高級，冇諗過佢嘅午餐咁抵食。套餐有$88至$168不等。我哋選擇最平嘅海鮮意大利粉$88 ，同埋南瓜意大利飯$98。跟餐嘅沙律或湯都非常之高質量。另外我哋再加錢，識咗兩個甜品，非常好味。…查看更多

昨天買咗一個Super Green 沙律返公司食，竟然冇跟沙律醬。我買沙律咁多年嘅經驗都未試過。最後我好似一隻牛咁樣將個沙律幹掉。冇味道可言………都唔好研究佢啲食材新唔新鮮，淨係基本嘅服務都未能達到，實在非常令人失望:(咁大間公司都未能夠做好員工訓練，實在冇辦法接受。一個沙律冇沙律醬最少都俾少少檸檬汁同橄欖油啊。呢個係我有史以來第一個食評，因為實在忍受唔到咁差嘅經驗。奉勸其他人必須要檢查清楚你嘅沙律係咪正確同埋有冇跟沙律醬先好離開。…查看更多