jantoday的个人专页

之前都有幫襯依間野覺得佢都中中平平, 諗住貪佢近近地, 所以偶然食一次無咩所謂!點知昨晚出事了!!! 我order 左一碗 "芝麻溝合核", 黎到食第一啖......有無搞錯呀.......碗野都唔熱的!!!! 只是微暖 !! 算啦......諗住快快食完便走, 點知睇下成碗野的合桃糊成份都變成一塊塊咁(有大有細)!!! 我真係忍無可忍啦! 於是叫樓面呀姐埋黎同佢講 : 我 : 依碗野唔熱wor, 重有成碗野都有一塊塊的物體!!!! 樓面呀姐 : 係咁架wor, 果d係合桃糊黎的............(之後佢都唔係好理我走開左)跟住我見水吧個小姐行出來收錢, 我就叫佢埋黎睇下啦.........我 : 依碗野又唔熱又一舊舊咁點食!!!???水吧小姐 : 果d係邊位黎架, 係咁架..........(跟住行開左唔理我!)有無搞錯呀!!! 兩人都是敷衍我!!!! 我見倒碗野真係火都黎埋忍無可忍呀!!! 所以又叫樓面呀姐埋黎 :我 : 依碗野點食呀!!! 你同我換過一碗啦! 佢在唔係好願意之下問我想換咩野?? 我就換左碗穩陣d的紅豆沙, 價錢由 $13 變左 $9.碗紅豆沙稀到水咁!!! 只有極少量紅豆!!! 同埋碗野都係唔熱的, 同先前那碗 "極品" 一樣是微暖! 食了一啖.........淡到無朋友!!! 食左一啖我真係食唔落去啦, 留下那碗滿滿的 "極品紅豆沙" 在枱面, 比左$9走人~ 依間極品糖水店以後都唔駛指意我再幫襯!!!!…查看更多

成日都想叫依間 pizza box 黎食, 今日終於叫左啦~多寶超薄奇趣批 ----- 勁好食又趣, 好食過pizza hut 好多呀, 我最喜歡佢介開細細塊, good~薯波------ 送到仍是熱的, 薯香味好正, 要熱食先正, 一凍左就差左少少~紐約雞翼 ------ 以為你好辣的, 一般啦, 因為唔夠乾身, 相比起pizza hut 的會差左少少~睇黎要轉改食依間啦~ 主力會食奇趣薄餅~…查看更多