RebeccaYipp的个人专页

0645pm入座，但好多野食已經售罄，選擇極之少。標榜烤魚雞煲任食，但係所謂雞煲係炒雞肉，雞肉亦有酸叔味。 而其他食材方面，選擇十分之少，亦極之唔新鮮。肉類方面，最基本嘅豬牛羊，竟然沒有豬肉，而牛肉係又散又梅，羊肉又發臭，體驗極差。可以食用嘅只有一些基本丸類和蔬菜，自己屋企打邊爐重好過啦，除非你係地獄廚神啦。環境方面入座已經有live band唱足全程，台下食客班叔叔會keep住供應紅包。如果想成班friend坐低gathering 傾計，一定唔洗考慮。除非你有一啲年紀嘅，又好鍾意聽懷舊金典嘅，咁就好啱你，一定樂而忘返，記得準備紅包支持下。另外食食下，係有曱甴係枱面出沒，可想而知有幾乾淨，驚曱甴又想食嘅就做好心理準備先。啲食評唔知收左幾多錢，定唔知平時食開咩，啲相就影得真係好靚，但圖文不符，史上最伏食肆。希望大家選擇前要三思！如果係玩玩下嘅心態，想試下啲伏嘅食肆，依間一定Top1，唔試你會後悔。…查看更多