wy1123的个人专页

今日我同朋友去觀塘駱駝漆大廈第三座行下，發現到「Day One Cafe」呢間西餐廳，見佢嘅午餐餐牌有唔同健康嘅選擇，例如低糖、生酮、全素咁，就俾佢吸引左我哋入去食下。😋我哋叫咗煙三文魚牛油果沙律配檸檬柚子醬，沙律裡面有羽衣甘藍、生菜同埋蕃茄仔，味道清新，特別係搭配個檸檬柚子醬，酸酸甜甜，真係好開胃！🥑🥬🍅 🥗另外，我哋仲叫咗一碟招牌蒜香橄欖油煙鴨胸翠玉瓜麵，唔好睇少呢碗麵，麵條係由翠玉瓜切絲而製成，口感非常特別，微辣香口，鴨胸肉質嫩滑，配上蒜香橄欖油好惹味呀！🍝🦆我哋升級做套餐就可以包埋餐湯同飲品，餐湯係南瓜湯，入口香滑🎃朋友叫咗杯冷萃咖啡，原來佢係用冰水低溫浸泡12小時，可以降低咗咖啡酸度同苦澀味，令咖啡更加純淨清新，真係好適合夏天飲！❄️🥃我就叫咗杯熱朱古力，舖滿可可粉，甜而不膩，暖心又暖胃！❤️ 🍫☕️…查看更多

約咗朋友去屯門時代廣場行街，見到牛摩「卜卜蜆x特色牛肉火鍋」做優惠就嗌呢款做晚餐🍲 鴛鴦湯底一邊係浸滿卜卜蜆嘅昆布湯，另一邊我哋加$18揀咗博多美人骨膠原啫喱雞白湯、舊骨膠原啫喱係牛摩公仔，睇住佢溶好得意😊呢個放題打邊爐真係好抵食，可以任食超過30款美食，卜卜蜆新鮮又爽口。肉類我哋點咗阿吉豚梅肉、精選牛肩、星級牛肌腹、牛舌、羊肉卷，全部都肉質鮮嫩🥩 火鍋配料我哋仲叫咗帆立貝、蟹籽墨魚滑、芝士牛肉貢丸、鴨血、鱔片，全部都好好食😋 特別一讚係佢哋嘅炸物，我哋點咗炸蟹鉗、雞皮餃子、洋蔥圈、炸雞塊、脆皮香蕉、日式章魚燒，又多款、全部都係新鮮炸起好香口🦀🧄🥟🍌🐙 自助放題區又係好吸引，有各款特色火鍋配料、蔬菜、麵飯。芝士丸、甜不辣片、麻吉燒、響鈴等食材都好正，蔬菜有生菜、油麥菜、羽衣甘藍等又健康🥬 最正係雪糕機🍧 有白桃烏龍加牛奶味扭紋雪糕，仲可以自己加唔同嘅脆脆，好好食🍑🥛特別值得一讚呢度裝修好玩味、又有日本同屯門主題，屯門牛嚟到一定好有共鳴🤭…查看更多

今日我同朋友去咗位於佐敦逸東酒店嘅「永年士多」，一間好出名嘅港式車仔麵餐廳。因為我哋無食午餐，所以肚子好肚餓，叫咗好多嘢食！🍜首先，我哋叫咗牛筋腩蝦籽撈麵套餐，湯底我揀咗多豬腸汁，真係好香！麵配上菜心，餸就加咗魚皮餃。撈麵食落去口感層次十足，牛筋腩又嫩滑，真係好滿足呀！😋接住嚟，我哋叫咗至尊麵套餐，靚餸有豬手、豬腸、豬紅、豬皮、魚蛋、蘿蔔、雞翼，仲有配菜心，麵底我揀咗油麵，湯底揀咗微咖喱辣，真係好有味道！🔥小食方面，我哋叫咗淨酸齋、鹵水雞翼、蠔油生菜。酸齋食完好開胃、鹵水雞翼肉質嫩滑。🍗 我哋仲叫咗班蘭咖央加鮮油，食落唔漏、味道都好正！🧈飲品方面，佢哋嘅特色飲品只要加$6就可以選擇，抹茶紅豆冰同凍樽仔烏龍茶都好清新！🍵…查看更多

第一次食Owens, 印象好好😌我哋叫咗個二人餐，$408加一，有南瓜湯🎃、蒜蓉同芝士焗蠔🦪🧀🧄、濃蝦汁虎蝦意粉🦐、美國安格斯肉眼牛扒🥩、兩份牛角窩夫配雪糕🧇🍦同飲品，真係好豐富😋嘢食好好食，意粉醬汁食落好濃郁🦐牛扒易咬，配埋薯仔、蕃茄仔同西蘭花、洋蔥汁同芥末醬好食🥔🍅🥦🥩蒜蓉同芝士焗蠔熱辣辣，食落又唔漏🦪🧀🧄特別一讚店員嘅服務，當我哋啲碟有好多醬汁，或者食完焗蠔，都會幫我哋換碟，仲成日幫我哋斟水，好貼心👍🏻…查看更多

我同朋友最近去咗沙田新城市行街，去咗三期「Here Thai Market」食泰國菜，品牌係由兩位泰國米芝蓮名廚房四手聯合打造，見平日晚巿都咁多人一於入去試吓🇹🇭侍應一開始會遞上茶壺同茶杯，等你嘆杯麥茶先☕️🫖我哋叫咗幾樣嘢食，首先叫咗個冷盤泰式生蝦，蝦肉新鮮，點埋中間嘅酸辣醬，真係好開胃，天氣咁熱食個冷盤啱哂！🦐主菜我哋叫咗牛肉、牛丸、燉牛腱肉同燉牛筋船麵，呢碗河粉真係好足料！牛肉肉質嫩滑、牛丸爽口彈牙。牛腱肉燉得好夠火喉，口感滑溜、牛筋又軟又入味！🍜另一樣好有驚喜嘅小食係椰奶蟹棗，暖暖嘅蟹肉鮮嫩，點埋凍凍嘅香濃椰奶，冰火交融，咬落去仲有少少脆口感，真係一流！🦀飲品我哋仲叫咗杯芒果冰沙，超大杯，仲有個竹籃仔方便拎起杯凍飲。夏天飲一杯冰冰涼涼嘅飲品，芒果味濃郁，口感順滑🥭…查看更多

今次午餐我同朋友去咗「水門雞飯」呢間泰式餐廳，餐廳位於觀塘港鐵站，商場裕民坊地舖，真係好方便！🇹🇭🍜小食方面，我哋叫咗一碟泰式生蝦，總共有五隻生蝦，蝦肉好新鮮、啖啖肉，擺盤又靚！伴隨住泰式酸辣汁，再加上苦瓜片、蒜片同紅椒片，口感層次豐富，味道真係一流！🦐🌶️小食我哋仲叫咗一碟香辣鳳爪沙律，配搭芹菜、生洋蔥同埋芫茜，清新又開胃，辣度啱啱好，無骨啖啖肉、都好過癮！🥗兩碟小食都係冷盤，炎炎夏日食完真係透心涼！🧊🧊😋😋主菜方面，我哋叫咗一碟泰式炒鳳尾蝦金邊粉，熱辣辣嘅酸甜金邊粉，加上鮮甜嘅蝦肉，搭配埋櫻花蝦、炒蛋、芽菜、蔥段同青檸汁簡直恰到好處！🍋‍🟩🍤 飲品我哋叫咗杯菠蘿冰，清涼消暑，菠蘿味濃郁，仲有塊鮮甜菠蘿食，真係好正！🍍…查看更多

最近我同朋友去咗「大小姐冰室」茶餐廳食晚餐，起初見喺炮台山港鐵站幾方便去醫肚，但估唔到食物質素比預期簡直係超水準呢！小食叫咗一口豆腐，佢用避風塘整法，豆腐外脆內軟好滑嫩，配合炸蒜、辣椒粉同黑芝麻，口感層次豐富！😋 我哋仲叫咗兩隻百花炸釀蟹鉗，蟹肉鮮美啖啖肉，搭配甜酸醬好好味！🦀我哋叫咗兩個晚市套餐，第一個係紅酒燴牛尾煲配白飯，牛尾同紅蘿蔔份量超多，牛尾煲得非常入味，紅酒、西芹同香葉令到牛尾更加香氣四溢！🍾🥩🥕🍚 加$10仲可以享用是日燉湯，沙參玉竹紅棗煲瘦肉，湯底清甜，滋味十足，飲完真係暖心又健康！🥣第二個餐我試咗碧綠龍躉球，搭配白飯同即日燉湯，龍躉球口感滑溜，西蘭花圍住龍躉球擺盤又靚！🐟🥦飲品我哋加$9就可以叫特飲，我叫咗華田暴龍脆脆，朋友就叫咗大小姐紅豆奶茶，大大杯夏天飲完透心涼！🫘🧋…查看更多

「樂園魚蛋專家」位於屯門安定商場地舖，同朋友見呢間餐廳開咗無耐，一於入去食個午餐，真係一個食粉麵同牛腩嘅好地方！🍜🍜 今次我哋叫咗佢哋嘅牛三寶米粉，入面有牛腩、牛筋同牛肚，真係好滿足、餸菜大件、份量又夠！牛腩煮得軟嫩、好易咬，肉味濃郁！牛筋唔硬咬落去有彈性又入味！牛肚口感滑溜，搭配米粉一齊食正呀！湯底清清哋、唔會太油膩🥩🥩🍜🍜飲品方面，我哋揀咗凍檸蜜，咁熱嘅天氣飲落清新又解渴，檸檬嘅酸味同蜜糖嘅甜味完美配搭，食完粉之後飲一杯，真係好舒服！🍋🍋🥤🥤環境方面，餐廳乾淨整潔，冷氣又夠，夏天嚟食粉麵都唔會怕熱！😌😌 店員態度又友善呀！👍🏻👍🏻…查看更多

「Couch Club」位於旺角站上蓋，真係方便到不得了！🍽️ 嚟到呢間西式fusion日式餐廳，我哋首先叫咗個小食，煙燻蘋果木安格斯牛粒，估唔到佢上菜會放咗喺個玻璃樽入面，好有特色👍🏻 我哋叫咗七成熟，牛粒肉質鮮嫩，煙燻味道好特別，口感層次分明！🍏🥩主菜我哋叫咗油甘魚刺身明太子山藥茶漬飯，油甘魚刺身新鮮好食，配菜有秋葵、醃蘿蔔同紫蘇葉，倒埋茶落去食又係另一番味道🫖🍚🐟 加咗$5轉燕麥奶嘅牛油果髒咖啡，起初飲落去飲到濃郁嘅expresso味道，撈埋牛油果蓉中和甜度、口感順滑！☕🥑最後，慢煮三文魚配三文魚籽茶漬飯，三文魚煮得剛剛好，外滑內嫩，三文魚籽嘅鹹味恰到好處，配上茶漬飯真係正呀！🍣✨ 朱古力鮮奶咖啡轉咗燕麥奶，甜度適中、拉花又靚🍫🥛☕️…查看更多

今個週末，我同朋友去咗元朗「泰斗」享受泰式美食，真係好開心！🥳 室外同室內環境都好靚，可以幻想自己去咗泰國咁🇹🇭我哋揀咗午市套餐，是日前菜係泰式鳳爪，酸辣可口。主菜係泰式雞肉炒金邊粉，味道香濃，雞肉嫩滑，金邊粉滑口！😋 我哋追加咗個飛天通菜，清新又爽口，真係唔錯！🍗🌿 是日甜品係椰汁糕，口感滑嫩！🥥 而特飲珍多冰，椰香四溢，飲到嘅條條充滿斑蘭味，清涼消暑，真係一流！❄️講到海鮮，泰式生蝦新鮮得令人驚喜，冰鎮上配埋青色酸辣汁，食落去鮮甜無比！🧊🦐 另外，兩隻燒乳山生蠔，超大隻啖啖肉，配埋蒜粒味道更加出色！🦪🦪 至於兩隻泰式燒老虎蝦，亦都係超大隻啖啖肉，肉質鮮甜，烤得啱啱好，配埋紅色酸辣汁，味道一流！🦐🦐 仲有兩串沙嗲豬串燒，醃製得恰到好處，點埋充滿花生粒嘅沙嗲醬，好好味呀！🥜🍖甜品方面，芒果糯米飯香甜可口，糯米煮得啱啱好暖暖哋，總共有三色，綠色係斑蘭、問店員原來藍色係蝶豆花，真係好特別！搭配甜甜嘅芒果，口感超級滑，點埋椰漿甜而不膩，真係好味到爆！🥭🍚天氣太熱，我哋仲叫咗兩杯沙冰！😆 芒果沙冰味道鮮甜，冰涼爽口！🥭🍧 而菠蘿沙冰就更加清新，真係消暑利器！🍍🍧總括嚟講，「泰斗」嘅美食真係唔可以錯過，樣樣都咁好食，環境又舒服，下次一定會再返嚟！🥰…查看更多

今日我同朋友去咗元朗呢間「法國小屋」享受一頓西餐🇫🇷 🍽️，真係好開心！店舖外面有吊燈，感覺優雅，餐廳氣氛輕鬆，令人放鬆心情。我哋點咗一個升級套餐，主菜係明大子蟹肉意粉🦀，意粉煮得啱啱好，蟹肉鮮甜，搭配濃郁嘅醬汁，一啲都唔漏真係好正！每一啖都感受到蟹肉嘅鮮味，非常滿足。套餐仲包一份凱撒沙律🥗，沙律嘅生菜新鮮脆口，搭配上凱撒醬，味道濃郁而不油膩，正好襯托出生菜嘅清甜。再加上香脆嘅麵包丁，口感層次豐富。甜品方面，我哋絕對唔可以錯過招牌咸牛油焦糖窩夫🍯🧇，外脆內軟，咸香同甜味交織，配上雲尼拿同曲奇雪糕，簡直係天作之合！最後，我哋仲叫個咗雙層tiramisu巴斯克芝士蛋糕🍰，口感濃郁，芝士香滑，做特價$99一個真係好抵。飲品方面，我揀咗杯凍檸檬紅茶🍋，清涼爽口，特別適合夏天，飲落去簡直係解膩良品。整體而言，今日嘅用餐體驗非常愉快，食物味道佳，服務態度又好，我肯定會再返嚟！…查看更多

今日我去咗荃灣搵朋友，佢話荃新天地2期地下一門町巿場開咗好多間高質餐廳😋 我哋去咗「一輪」呢間日式漢堡餐廳，有即叫即煎嘅和牛漢堡，食客圍住廚師坐，睇住廚師煎漢堡、火喉十足🔥 而我哋面前每人有一個私家鐵板爐，可以邊興住邊同朋友傾計，真係好爽💬我哋叫咗兩個套餐，套餐D有北海道和牛漢堡🇯🇵、微辛蕃茄汁和牛漢堡🍅同埋三重芝士汁和牛漢堡🧀 最勁揪一定係三重芝士汁和牛漢堡，廚師喺我哋面前落芝士汁同刨芝士🫕 真係無得彈套餐C就係甜洋蔥燒汁和牛漢堡🧅同黑松露忌廉汁和牛漢堡，廚師又會表演咁喺我哋面前落黑松露忌廉汁。一次過可以食哂五款味道嘅漢堡，真係好正，原來用咗北海道自家農場十勝庭和牛，唔怪之得肉質咁鮮嫩咁juicy🥩🤤套餐仲包埋麵豉湯、珍珠大米白飯🍚同日本生蛋🥚 店員建議我哋打落飯度食正呀🍳 小食我哋叫咗清酒煮蜆，鮮甜美味🍶飲品方面，我哋叫咗杯Asahi桃味有汽果酒，勁大杯、清新可口、底下仲有桃肉。另外仲叫咗罐葡萄味波子汽水🍑🍇…查看更多

約咗朋友去上水，見到呢間日式餐廳嘅便當好吸引，所以過嚟試吓🤩🍱今次我哋試咗沖繩便當，真係好好食同好豐富呀🍱🥢 吉列千層芝心豬扒外皮鬆脆，裡面包住香濃芝士同豚肉，豚肉捲起炸，咬落去味道一流🍖 配上汁燒金菇牛肉卷，肉質鮮嫩，金菇爽口，兩者一齊咀嚼完全唔會膩。刺身方面，三文魚、帶子同甜蝦都好新鮮，肉質滑口🍣🍤 每個便當仲配有前菜螺肉同燒汁飯，真係好滿足呀🐚🍱另外我哋試咗名古屋便當，蒲燒鰻魚香味四溢，日式蜜糖烤雞翼又香又脆，三種刺身更係為成個便當加分🍱🍗🍣最後我哋仲叫咗個日式甜品，就係福岡濃厚抹茶蛋糕，甜而不膩，抹茶味濃郁，真係令人心情大好🍵🍰值得一提係店員嘅細心，我唔小心入餐廳前𠝹損手指，店員見到即刻拎膠布俾我。咁優質嘅食物同服務態度，真係令人食完仲想再來❤️❤️…查看更多

最近我同朋友去咗荔枝角工廈「INN - I'm Not Nothing」呢間西式餐廳食飯，真係好正，環境又靚又舒服，充滿歐式格調😍🥰我哋叫咗兩個主菜，第一個係北海道帶子菠菜意大利飯，帶子鮮嫩，菠菜清新，飯粒口感煙韌，真係令人回味無窮😋另外我哋仲叫咗大蜆香草忌廉扁意粉，蜆肉新鮮，搭配香草醬汁嘅意粉，味道非常新鮮🌿🍝甜品我哋叫咗藍莓紅豆抹茶忌廉班戟加雪糕，真係無得輸！班戟鬆軟，藍莓酸酸甜甜，加上紅豆同香濃嘅雲呢拿雪糕，簡直係完美組合🫐🫘🍵🍦🥞飲品朋友叫咗杯青檸薄荷梳打，清新又解渴，薄荷味帶來一陣清涼🍹🍃我就叫咗杯牛油果奶昔，濃郁又滑順，加上面頭嘅cream同杏仁，飲落好滿足🥑🥛…查看更多

今日我同朋友去咗油麻地呢間「部屋咖啡室」，呢間樓上cafe位置喺旺角登打士街登打士廣場，非常方便我哋叫咗煙三文魚雜果沙律🥗，有唔同嘅生果、蘸滿沙律醬，味道清新，加埋煙三文魚同生菜，真係好開胃另外，我哋叫咗一個二人套餐，佢包一個小食炸蟹餅🦀，外脆內軟，蟹肉味道濃郁，配埋特製醬汁好食呀套餐仲包一個飯或者意粉，我哋叫咗一碟黑松露意大利飯🍚，黑松露嘅香氣撲鼻而來，醬汁令米飯滑溜，加埋香菇添咗鮮味呢套餐仲包一個薄餅，我哋叫咗個西西里PIZZA🍕，10吋剛好，有辣肉腸同雞肉粒，火箭菜添咗一啲清新，薄餅底唔厚，味道平衡得唔錯套餐仲包兩大杯飲品，朋友叫咗杯翡翠朱古力碎雪芭，薄荷同朱古力夾埋飲落好涼快。而我就叫咗杯黑森林mocha，咖啡同朱古力嘅搭配濃郁又唔甜，雪糕同cream令飲品更加滑順，真係好想再飲多一杯🍫…查看更多