小飛彈的个人专页

找資料找到了這間叫小店的甜品, 好多人都給了很好的評價晚上十點去到, 仲有四枱客人, 我點了一份拿破倫, 這是我第一次食拿破倫的, 最上面, 中間同最底的一層像餅乾, 中間夾住士多啤梨, 蜜桃, cream 的餡料, 用义慢慢食, 味道不錯伴碟都經過細心的擺放, 用煉奶圍住個拿破倫劃了一圈, 加上兩件士多啤梨肉, 令這甜品又好睇又好食!價錢唔貴, 三十幾蚊一客, 街坊的價錢, 食得過!…查看更多

去到翠華醫肚, 食o左一碗魚蛋米同一杯竹蔗茅根雪梨茶!翠華俾我的感覺同太興差唔多, 都係高級少少的茶餐廳, 服務都比較好, 特別係唔旺的翠華分店, 服務更加好, 所以我唔會去中環分店, 因為個間好旺, 侍應都招呼唔切, 有時仲唔理人想讚係杯竹蔗茅根雪梨茶, 感覺好潤, 飲完個喉嚨都好舒服, 碗魚蛋米都幾好食, 米粉好幼, 有點銀絲米粉的風格! 魚蛋同魚片都好爽口, 好食!食物不錯加上服務ok, 所以翠華我都成日幫襯…查看更多

三個朋友仔, 老遠跑到入將軍澳, 就只係想食聰嫂的甜品我自己食的, 係一碗芒果涼粉豆腐花, 涼粉ok滑, 有少少杏仁味, 溝埋豆花食, 感覺像有點不夠凍, 豆腐花就幾好食, 夠滑, 無黃糖粉改為用芒果汁做甜味, 效果不錯, 芒果肉份量夠, 整碗甜品ok好食!老友食的榴槤pancake試o左一啖, cream 勁滑, 榴槤味夠濃, 正! 下次又再嚟食先得!…查看更多

下晝去富臨漁港飲茶, 都幾多人, 本來唔想寫呢間的食評, 因為食物只係一般, 服務都唔算好好, 不過有個點心好想品評一吓係個芝心牛肉卷, 好好食, 一碟三條, 好食之處一, 個卷小油, 但炸得好脆, 二, 芝士喺卷入面溶, 種感覺好香同好可口, 三, 牛肉味道都好, 之前食過一間有類似的牛肉卷, 入面的牛肉係無味的, 但係呢個就好食好多!如果去富臨飲茶, 可以試試…查看更多

我記得openrice上面坤記糕品係一間好出名的食店, 今日行完高登經過, 買了一件紅豆糕食糕點係用膠袋一早裝好, 放置在筲其上, 雖然袋口係開住, 但總好過就咁擺出嚟, 不過都唔係好衛生了, 紅豆糕都好味, 紅豆好甜仲幾大粒, 難怪咁多人食下次1想試芝麻糕, 個樣好似好正咁…查看更多

唔知係唔係落雨關係, 店內人數不多, 只有四枱客但食物味道幾好, 叫佐碗蟹肉拉麵, 麵豉湯底, 價錢係七十幾 (連加一), 但係味道好過八八八好多! 起碼個湯底唔會好咸!蟹肉其實係新一代假蟹柳, 但係味道好過以前o個種值得介紹係炸餃子, 皮就得好薄, 餡好多, 味道又好, 一客六件, 抵食!…查看更多

前日同阿媽飲茶, 去佐九龍城好彩, 對個炒飯留下好印象個炒飯叫和風燒汁牛柳粒炒飯, 超好食! 不過一碟要成七十八元, 未計加一, 牛柳粒切得好細粒, 但係有好多粒, 仲好好味, 又淋, 我自己食佐五份三碟, 阿媽同細佬只係食五份二不過唔係成日有, 上次兩個月前o黎飲茶都無見呢樣o野!點心都唔錯, 個棉花雞有塊小鮑魚, 好有鮑魚味o架!但係叫佐個雞扎, 由始至終都無o黎:( 玩失蹤!…查看更多

約左小黑去佢屋企樓下間茶餐廳睇波, 叫家樂小廚, 隔離係聰嫂, 近期幾出名的甜品店地方幾大, 電視幾大, 睇波o黎講, 環境唔錯!食物都唔太差, 件蛋牛治入面d蛋幾滑, 有流沙效果! 人手唔係好夠, 叫o野食要等好耐先有伙計落單杯華田都幾夠味, 下次睇波都會再o黎…查看更多

元氣最近出o左新的壽司, $9 大滿足一件的例如他他牛, 見相的賣相唔錯, 吸引了我這件壽司癡去試點知又係有點失望, 實物同相, 相差太遠了..:(:(:(睇o下我影o既相... "特大"螺片, 仲細件過件壽鮮蝦...他他牛味道怪怪地, 有點"笠" (黐黐)的感覺其他壽司味道都係一般..下次唔去lu…查看更多

食完台式鐵板燒, 回家途中, 經過了美珍香店員大叫大特價, 於是就買了半kg 辣味豬肉乾食原來辣味豬肉乾不在特價之列, 激死, 俾錢先知...返去打開包裝即刻試食, 一o的都唔好食...:(豬肉乾係乾, 我唔怪佢, 但一o的都唔香, 得個咸字, 點食仲好似係好出名的店, 原來不知所胃:(…查看更多

在mos burger 買了芝士漢堡食$22一個, 比mcdonald 貴差唔多一倍食落就比 mcdonald 好食差唔多一倍, 果然係一分錢, 一分貨點解咬落去味道會o甘好o既? 打開個包包睇睇先...原來有大量洋蔥粒 (多汁, 唔乾), 大pet 茄醬, 芥辣o係包入面, 唔怪得啦, o甘重手不過真係要o甘重手先好食加上個包好軟熟, 好好味雖然$22一個, 但係都會再食…查看更多

之前去台灣, 在士林夜市的檔仔食過呢種鐵板燒, 一試難忘o黎到香港, 最近終於發現同類型店一坐低, 廚師已經炒好芽菜同白菜擺在面前, 問侍應點解, 我都未叫o野食"人人都有的, 係set o黎"... 明白了, 即係無論叫o羊都有菜, 飯, 同湯, 係compulsory 的我就食黑胡椒牛柳吧味道比較淡, 不過鐵板燒香噴噴, 仲專人服侍, 個feel 幾正黑椒汁因為加入了紅辣椒, 食落都幾辣, 要叫汽水飲解辣白飯加入了黑芝麻, 更加可口味道無o係台灣食o甘好, 不過都唔錯, 下次一定會o黎!…查看更多

另一間人氣店, 金寶, 中午去食到門口, 十幾人等緊攞餐, 都幾旺場, 好彩唔使等太耐, 唔係遲到點算買o左份燒豬頸肉撈檬食, 豬頸肉都幾多, 有十三四小塊, 燒到香噴噴, 食法係用酸汁撈埋食, 味道開胃, 加$3 有zero coke 一罐, 總共幫襯三十九, 價錢唔係特別抵, 但價錢四十之內一般啦臨場見好多人食湯粉, 下次再試…查看更多

聽講勝利牛丸o既牛丸米好好味, 是日正身處元朗, 打算試試一碗牛丸米有六粒牛丸, 牛丸不很大粒, 好似平時食魚旦粉的魚旦咁上下大, 粒牛丸咬入去o既時候係有肉汁, 味道又真係幾正未試過o既朋友, 勝利牛丸都值得大家o黎試試…查看更多

宵夜落去天后搵食, 想搵一間多點人氣, 因為唔想食食吓就好似有人趕收工咁, 最好有人陪無咁怯!見到發記門口都坐左幾枱客, 想都唔想就坐低, 見到好多野都好想食, 鵝片, 筍蝦, 咸菜魚, 炒生菜, 辣菜堡叫到成枱都係...鵝片啖啖肉, 我鍾意佢唔會太咸, 雖然肉係瘦左啲, 但係唔會靭, 咬落仲好爽, 有咬頭, 掂播!筍蝦都幾好, 朋友覺得有股臭味, 其實係呢隻筍本身有咁嘅特性吧, 我就覺得幾好食!咸菜魚咸菜好味, 但係魚有啲梅了, 可能係煮過幾次, 唔係新整炒生菜無鑊氣,係咁多野比較無咁好嘅一味!白粥煲得幾靚, 打冷點可以無白粥, 白粥靚食得都放心啲…查看更多