CandyWyt的个人专页

叫左個船麵，加錢要左泰奶同札肉沙律。👉🏻船麵得個鹹字，勁多碎骨喺入面，唯一一塊生菜係爛到發霉都擺出來比客食？一啲泰式風味都冇，食完勁渴。👉🏻沙律得個辣字，咩味都食吾出，札肉口感好奇怪，好似食緊素午餐肉咁😂份量細，加十三蚊但得兩啖仔。👉🏻泰奶吾係即沖，係樽裝，飲落不過不失，但好失望，吾係即沖已經輸左，仲要加十蚊。感覺佢啲樽會重用，吾知洗得乾吾乾淨🥴👉🏻環境同衛生方面餐具好污糟，座位都好污糟，地板都好污糟。自取形式，但個餐盤吾夠防滑，一路攞啲野食一路喺盤上滑來滑去，勁驚飛出來淋到自己成身都係。👉🏻服務態度比錢前客客氣氣，比完錢冇人理你。個位置有啲差，所以手機收得差，問佢地Wi-Fi 密碼係咩野，佢地話冇WI-FI 。係咪真係冇，自己睇😬吾會再來食，我覺得間野啲質素對吾住米芝連個朵同依個價錢🙂…查看更多

Open rice 食營業時間去到18:00，但外賣平台佢地寫去到22:00，我21:30落完單，去到22:00車手先通知我原來間野關左門👉🏻完全聯絡吾到店家👈🏻又攞吾到餐，只可以取消訂單。見佢係新開餐廳當試下，被退單先過來依邊睇先知係關18:00，真係好低能。過左22:00外賣平台都已經冇乜選擇，搞到冇左食野既興致，仲要嘥功夫搞退錢，真係好心吾好咁低能啦，搞到人食吾到飯。嬲左，雖然吾關野食好吾好食事（試吾到）但咁既失誤都有（都吾知係咪有心）啲野食質素都吾覺會好得去邊，以後都吾食依間野。…查看更多

上年12月來食過一次，果陣食$680一位既omakase，質素覺得幾好，於是今日母親節再帶男朋友媽媽來食。可能上次來食果陣比較少人所以服務好好，記得果次係個男經理，好有禮貌，服務好周到又有問我地有冇野吾食，食哂後仲有問我地評論，由頭到尾都好好態度。.依次母親節正日，都預左個場會好嘈好忙，所以我地都吾會怪佢地服務得慢，但依次係個女經理，服務態度真係差到我地食到成肚氣，以後吾會再想來食！.1、前兩日打來確認訂左座會到，電話入面已經聽佢講野啲態度好差，確認完佢話好，我講句「吾該哂拜拜」都未講完佢就咳左我線，我心諗算啦可能人地忙姐，點知今日睇番，原來佢份人本身就係態度咁差！2、入座果陣得我地一枱客，我地坐低後同佢講「吾好意思呀，我地係食omakase架吾係應該坐吧枱？」佢好串咁話「下，係坐吧枱呀你訂枱果陣吾講？」我話「下我講左架啦有講架，我電話一向有錄音你洗吾洗聽番？」依個位覺得佢態度咁串咁我都吾需要有禮貌吧？佢先至死死地氣安排我地坐吧枱3、正常onakase 都會問你有冇咩吾食，要吾要wasabi 果啲，我相信依啲係基本。但佢完全冇問過我地有冇咩吾食，我地自己主動同佢講（例如吾要wasabi)，佢hea 我地話會同廚師講，結果上來份份都有wasabi，同廚師講我吾要wasabi ，廚師反問我做咩吾一早講，我地話同經理講過架，但佢話冇聽經理話我地有咁既要求（後尾佢先有記得走wasabi)🤷🏼‍♀️，依到我覺得係經理既辦事問題啦，由頭到尾我冇怪過個廚師。4、個場好忙，我地明白既，我地傾計都細細聲怕嘈到其他顧客，因為我地坐吧枱係一字排開坐，四個人頭尾會有啲距離所以聽野聽得好辛苦，而個經理不斷企正喺我地後面半個身位用唱山歌既聲浪同個廚師講xx 枱需要乜xx客落單落啲乜。本人天生耳疾聽力得6成，佢個聲浪係可以大到我耳仔勁痛，然後我男朋友都覺得佢好嘈，忍吾住好聲好氣同佢講「吾好意思呀，我知你地好忙，但係可吾可以吾好企正喺我地後面咁大聲講野呀，吾該哂你」我諗其實啲人去食omakase 就係食服務同氣氛架吧？佢咁樣嘈法我真係覺得成餐飯食到好冇癮，尤其是母親大人已經食到有啲吾高興。結果個女經理夠膽死答我地「咁係要咁大聲架啦吾大聲我點同啲師傅講野呀？」我覺得我地體諒你地忙、好聲好氣同你講，你都咁既態度我做乜要對你禮貌，於是我用好嬲既語氣同佢講「我吾理你地點溝通啦，我係你個客，吾係你伙記，你成間高級日式餐廳用茶檔呀姐既做法去做都係你既自由，依家你係超大聲，大聲到我地耳仔好痛，騷擾到我地食野，成餐飯好冇體驗，我依家淨係要求你吾好咁大聲係一個好基本既要求，一啲都吾過份吧？而你吾好意思都冇仲居然咁樣答我？依家係我服務你定你服務我呀？坐喺到話限時食兩個鐘，基本上有成個半鐘時間係喺到等，你仲要咁既態度，係咪你嗌爆我耳膜我告你呀？」跟住佢一句吾好意思都冇糸哂面睥到我地行一行先走開。.你問我，真心覺得如果要食既話，啲野食質素係幾好的，係值回票價，師傅手勢同態度都好好，其他侍應態度都吾錯。但我吾會再特登去食！因為個女經理態度真係超差，趕客咁款，成副「個場我惡哂」咁既樣，期間不斷走入廚房位對住握緊壽司既師傅用啲好惡既態度點佢地做野，勁騷擾啲師傅發揮，真心建議想趕客想執笠真係可以keep 住請佢千其吾好炒，高級日式餐廳活生生做成茶記大排檔咁既場我真係第一次見，真係吾係歧視，但冇文化既人真係有樣睇，著住套經理服但啲個氣質就係大排檔呀姐，你話$680一位，食質素吾算貴，但食服務真係可以吾洗去🙄…查看更多