tkw11的个人专页

其實佢出左火鍋好耐今次第一次食簡左滑雞鍋，泡菜味冇乜有一筒既餸，除左有面頭嗰啲下面全部係娃娃菜，食極都食唔完如果有烏冬/粉絲感覺會好啲西瓜汁幾好飲另外有兩件壽司算係抵食…查看更多

冬天當然一手黎食雞煲嗌左麻辣雞煲唔知佢辣既程度所以嗌左小辣味道好濃平時食開辣覺得小辣都算辣如果冇食開既應該食唔到半隻雞三個人食都幾飽好鍾意食啲洋蔥然後到火鍋叫左蔬菜拼盤啲菜望落都新鮮同埋乾淨肉方面嗌左豬肉佢啲餸既份量ok唔會好少另外叫左小食：炸大腸估唔到唔錯喎唔會好肥唔會話一食落去好多油出黎而且外脆內軟…查看更多

餐前沙律都幾有心思，唔係得菜，仲有幾塊煙肉。油酥餅係薄批嗰種，好香非常推薦呢個燒春雞，雞肉夠滑而且入味同埋有小椰菜作伴碟，煮得唔會苦澀，幾好食值得讚既係糖漿另上，可以因應個人口味落，不過杯咖啡味道略淡另外加點雞翼，好香脆，唔錯下午茶時間好少人，大家唔太肚餓只叫左兩個餐，老闆好好人地比三個甜品我地，話咁先夠分😂個甜品似係椰汁糕，好香椰奶味👍🏻一個餐幾實好豐富，算係幾抵食，而且裝潢幾舒服，唔會坐得逼，好岩同人過黎傾計食野。…查看更多

聽人推薦黎試下入面裝潢都幾懷舊但人實在太多啲位又好逼我係平日既中午黎都好多人，都幾多人嗌左個雞脾肉燥飯真係好大份！佢個餐都有餐湯一個人真係食唔哂味道方面反而有點失望普普通通反而飲品比較有驚喜杯野飲又係勁大杯我覺得正係飲杯野已經飽好香濃但都好邪惡🤣…查看更多

下午茶黎食個越南河呢到舖面比較細但都算坐得舒服而且乾淨Tea set價錢都幾抵既同朋友叫左牛河河同埋鮮茄河好大一碗，好多配料我地當lunch食都食唔哂牛肉都幾嫩湯底就冇咩特別蕃茄湯底比較特別奶茶幾好飲…查看更多

星期六中午黎到呢邊食野，人唔算多，環境都幾好，有種cafe既感覺。友人推薦胡椒豬肚飯，50幾蚊但非常豐富，性價比高。蔬菜好新鮮，冇黃葉，洗得好乾淨。胡椒豬肚湯既胡椒放得比較多比較辣，如果鍾意食辣會幾鍾意。白飯仲有小小藜麥，比較健康。水果好清甜。不過呢間餐廳比較自助，食完後要自己倒啲廚餘，把碗碟分類。但餐廳將個站放係一個細角落，只能容納1-2人係到整，周圍又有其他雜物，比較唔方便。如果可以整寬落啲會更好。…查看更多

作為鍾意食辣既米線愛好者，幾喜歡米線陣既麻辣湯底。湯底夠濃夠香辣，如果唔係咁食得辣可以食小辣。米線好入味，唔會太淋。不過價錢係比其他米線舖貴小小，配餸如果再多啲就更抵食啦。…查看更多

之間係日本排哂長龍冇食到，見佢係香港開就黎試下彌補遺憾雖然價錢有點貴，但係食物質素都唔錯，好新鮮，感覺比元氣嗰啲好食～不過見隔離枱食鰻魚壽司勁吸引，有成隻碟咁長，下次再黎試下！…查看更多

第一次黎HeSheEat食，知道佢係旺角都有分店，之前有幾次想去最後都去唔成，今次終於係荃灣分店食到啦🤣炸厚切黑毛豬滑蛋蓋意式紅飯食物好驚喜，首先估唔到係咁多沙律菜，好豐富健康！個豬扒炸得幾好，唔會老，而且炸衣薄，點埋醬好正！最鍾意係個飯底，係日式既蛋包飯既飯底，撈埋滑蛋同紫菜芝麻好好食！呢個價錢黎講都幾抵，食物高質！飲品嗌左orea沙冰，好飲～…查看更多

晚飯黎食個車仔麵，嗌左後等左好耐都未有，催單後話冇幾隻材料，要轉其他，車仔麵上枱後味道普普通通，我覺得湯底有啲油，但係又唔夠辣，我嗌既係米線，啲米線有啲淋，配料份量好少，而且都轉左配料都仲要比漏左又比錯左！有點失望。…查看更多

呢間舖真係好受歡迎，平日夜晚都好多人黎食，要拎飛等位，人均最低消費$100，入座時間90分鐘。約朋友黎食，煮下野食都幾得意。啲材料幾好，尤其係啲肉肥瘦均勻，只要跟住食譜整，不過食譜寫得唔算太詳盡，所以最重要係唔好炒燶，基本上都係幾好食既。不過真係好難整到menu上既樣入黎食野係要自己落手，想輕鬆食餐飯就唔建議黎啦～…查看更多

座位有啲逼，如果坐通道位，冇位比人行，有人行過一定要企起身收起張櫈。嗌左碗鴨肉撈粉，味道普普通通，米粉都算入味，食落就係咸味加蒜味，唔係好泰式，上面一粒粒既唔知係咩，有點硬，難入口。…查看更多

行完山過黎呢邊食野，下午間舖冇咩人，雖然環境比較狹窄，坐得冇咁舒服，不過30幾蚊有三餸，又真係幾抵。米線上到黎，啲配餸都幾豐富，每樣餸既份量都幾多，真係好抵食。我同朋友都鍾意食辣，佢個湯底好夠辣，味道唔錯！…查看更多

新城市少有地開左日式放題，當然要黎試下！午市同晚市食物相同，所以簡左午市黎食，因為抵，價錢$208加一，以食物質素同選擇黎講都幾抵。一般日式放題既都有，包括刺身，壽司，燒物，天婦羅等等，食物好新鮮，味道都唔錯。估唔到飲品同甜品選擇相當多，飲品有凍飲，暖飲（維他奶嗰類），仲有豆漿，清酒，梅酒，咖啡，果汁等等。甜品有雪糕，雪條，雪米糍，tiramizu,木糖布甸，楊枝甘露，豆腐花等等，真係好多選擇！相當滿意呢間放題，一次試唔哂咁多野，會再黎～…查看更多

呢間舖都開左幾耐，出名食炸雞，啲炸雞的確唔錯，皮薄，好入味，細細件容易食，肉質唔會乾，嗌左份辣既，又辣味好夠，喜歡食辣既朋友好鍾意。飲品方面，隻杯好靚，味道就不過不失啦～…查看更多