Cestbienhaha的个人专页

我係7月2晚去食嘅，對唔住咁遲先出食評🫡😂好好食，唔貴，甚至可以叫平，$22金菇肥卷，勁好食！好食到我兩個幾月後仲諗住，不得了🤤仲有墨魚餅！好好食！！好有誠意好有心嘅小店😊之前同friend去深xx堂，唔知食咗乜到四百幾蚊，但呢一晚喺初心小館，自動自覺嗌啤酒飲，食完又加單，食完再加單，同朋友吹吓水傾吓偈，雖然最後食咗好多，食咗六百幾，但完完全全覺得係值得，係好耐冇試過好舒服好暢快嘅一個宵夜🥰一定再返黎幫襯！等我💛…查看更多

👉珍珠帶子明太子忌廉意粉，$82，有啲咸得滯，搶晒明太子味，有啲可惜，同店家反映左☺️👍卡邦尼意粉就好好食！$82，好掛汁，煙肉多又香，100分💯💯💯👍Buffalo wings，$38有4隻，大大隻咁，酸酸少，又唔會話太太太辣(有時有啲會辣到飛起)幾好食！👍特濃朱古力，半價後$16，偏甜左，但都好好飲，下次會叫少甜🤏👉荔枝綠茶加蘆薈，半價後$11，正正常常清新。好鍾意可以自己揀加珍珠、蘆薈、仙草等。…查看更多

如題員工話「埋緊單」個個到都叫掃安心出行先 又無得入然後七點8、9話「都唔想你地等咁耐 介唔介意8點3再返黎？」其實客人就係唔想等先book枱架嘛下話？仲要話其實有90分鐘限時但d人唔走…um anyway門口個姐姐態度唔係差但眼見幾枱book左都無得入真係無語… 咁咪唯有7點幾8點幾條友要即刻搵個地方食囉😅下次唔會book架啦 因為都唔會食…查看更多

食左個$100嘅炭鰻魚飯，味ok因為有醬汁，但成舊炭咁，堅係燶左，希望大家唔好中伏……千祈唔好叫！三文魚好肥美好ok，都係$60👍👍店員態度好一般，問佢「雞翼」係咩雞翼，佢態度麻麻咁答「雞中翼」……其實都可以寫低係咩「雞翼」？例如炸雞翼、燒雞翼乜都好……店員咁都唔想答我無野好講😂😂咁雞翼就燒既，一啖無乜味一啖好咸，條邊又燶晒……$40 唔使叫🤗燒鯖魚都係冇乜味，有汁就好少少，$35，肚餓都可以叫下😂…查看更多

之前都有食過旺角間牛氣，今次見星期五排隊唔多人就食左。因為友人偏愛素，揀左北海道昆布湯底，然後諗住落晒菜食一輪先，點知出事咩肉都未落，個鍋竟然咁多油？呢d係平時淥完牛先會出現架嘛！然後仲要見到其實鍋邊有d橙色既油，令人懷疑係咪上一手叫蕃茄湯剩底架呢......？雖然同侍應講完有即刻幫我地搵個隔隔油，但件事係恐怖既，同埋如果一開始就落肉係唔會發覺😨除此之外，其他野都好好：侍應好主動黎收野、有好多其他野eg鰻魚壽司、甜品、咖哩牛肉個d，都很ok的，埋單都唔貴。雖然火鍋都係烚下烚下，但自動出油真係幾恐怖，希望牛氣留意返，如果唔係都幾嘔心......…查看更多

Open rice睇到餐牌，見到今時今日竟然仲有餐廳賣70蚊以下一個risotto/意粉，仲要好評多，即刻book去試下，果然算ok喎 😌(雖然一入去門口個staff睇落躁躁地😅)兩個人share左：汁好濃，魚同帶子都好味，份量唔少，尤其個risotto，但唔算正宗，因為食落少少硬即口感都無...另外麻麻地既係，兩碟我地都係等左有20分鐘先黎，上菜較慢。裝修都warm，又靜靜地可以傾下計，有電視(muted)，埋單有openrice訂座9折，$113咋想點呀大佬？幾扺食既小餐廳 👍…查看更多

一定要寫，因為唔值，真係唔值...一坐低見到餐牌d set dinner個個都150起，去到400蚊牛扒，對呢度係有expectation的，但令人感覺係以後唔考慮...😐首先，因為坐低之後無比水我地，於是叫左侍應生麻煩比d暖水(因為凍+有人想食藥)，佢亦都清楚覆朮到係「暖水」，但之後同一個侍應生每人派一杯水喉水(偏凍啦冬天)...其實無暖水，真心唔介意，但麻煩唔好應承我囉...😑 已經開始扣左分...睇返野食先，話說本人叫既係價值$228(未加一) 算係平少少既set：個risotto係ok的，軟硬度適中，份量正常，龍蝦尚算彈牙，蟹肉都夠，但成個飯係稍咸。跟餐有南瓜湯，味較淡；法式蒜蓉包有d奇怪，因為個包唔脆，同想像既唔同。同桌仲有朋友叫貴d既餐，分別在於會包埋new york cheesecake，包括肉眼扒($3xx, 朋友叫3成，但食落應該生過3成，味道ok，但配菜個薯好味過塊扒)、香煎比目魚扒(>$250, 朋友比較驚訝，因為見叫做「魚扒」，無諗住好多骨/有骨，但好多骨)、原隻龍蝦($298,無乜特別)...好，咁唔想再去既具體原因呢，第一係服務🤦‍♀️：除左以上所講既「暖水事情」，仲有 —— 喺主菜只食到一半既時候，貴餐份cheesecake就到了，咁朋友拆緊龍蝦，就好驚訝地：「吓，我主菜都未食完喎？」server答：「er我派餐架咋，佢出咩我就派，我都唔知架。」雖然佢收返幾件cheesecake，但之後上返，一食就知，無放返入雪櫃，個cheesecake軟晒想融 😥 咁呢個侍應朋友比人既感覺係點？就係一d都唔professional 😞(都幾sure唔係個種單純只派餐既staff，因為佢有幫我地落單)另外，上飲品時，亂到不得了，咖啡又講左做奶茶，少甜又變走甜...🙂其實我都明，錯漏可以有，但唔會係咁答，亦唔會係影響到食物品質；其實，二三百一個餐，講真我真係會expect professional少少既服務，唔會係普通X莉亞都好服務過你既level...所以第二個唔返去既原因係，價錢貴，性價比極低。順帶一提，唔知關唔關星期五晚事，間餐廳好嘈，想傾計有少少要鬥嗌。…查看更多

不嬲都係意粉屋會員，久唔久都黎食下，一向都滿意。今次喺書展前黎灣仔呢間食，忍唔住要開個post：呢個真係...太太太太太伏了！首先睇個名，以為係可能一片厚蘋果夾烤/煎豬扒，應該都會夾，無諗住會有個汁，仲要係超奇怪既一個汁！個汁好似蘋果派咁有蘋果粒同提子乾，但食落又似茄汁底...對不起我唔識欣賞... 仲要放落墨汁飯度？個墨汁飯本身算正常（有試過無染到汁既飯），舊豬扒都好味 —— 係個汁一野毀滅左成個菜式 🤢___咁但係to be fair，佢個都幾好味既：芝士焗到香噴噴，夾埋d好彈牙既蝦，唔錯。__可惜，呢個甜品：令我太失望！之前喺另一間分店食過一次，個陣超好味，令人念念不忘。但今次呢份，好油好油好油！我會prefer佢乾身返少少，想像下成浸油喺pancake面，仲要夾雪糕，真係幾嘔心。雖然食個日好似好繁忙時段，開頭lum晒檔，但d staff都算好nice好耐心。但唔好意思我今次真係忍唔住比左劣評，希望有所改善。…查看更多

之前見過有fd食好吸引所以想試好耐！朋友仔去先 等左大概四個字坐bar枱呢件事就有好有唔好，感覺無咁逼，但係望住出面，總之一有人行過黎望餐牌就有少少尷尬...我地未叫野食就有餐前麵包，個醬好好味，蕃茄包都唔錯。我地兩個都有叫左湯：湯既濃稠度啱啱好，但好淡味，朋友同我都前後落左兩次黑胡椒。主菜：首先有set dinner既 揀左7成熟。之後有dd後悔無叫焗薯而叫左薯條 (仲有薯蓉揀)，不過個薯條好熱，好味既。塊扒都幾好味，算juicy，炭烤味唔會太焦。但係個牛肝菌汁好令人失望，唔知係咪塊扒肉味濃，令到個汁無味，完全無用。價錢228 (set)第二樣係朋友仔揀既：個墨魚汁好濃好稠，但 好 咸 ！咸到我問朋友需唔需要換。帶子好味既，朋友話係全碟最好味；大蝦就正正常常無乜特別(好味既)。價錢168，加餐38蚊。跟餐叫左：比想像中甜，後尾d冰融左就好d，不過都好飲既。turn out無想像中咁正，性價比中等。值得一讚係飲用水有放薄荷葉(成抽)，飲落好清新，比一般放檸檬特別d。…查看更多

從open rice看到介紹而來。星期五晚，大概七點半，餐廳坐了一半人，不用等位真好。餐點來之前店家奉上前菜三款：微辣的芽菜、潰物(海帶、菌類)、小魚乾；以及涼麥茶享用。我先點了：醬油豚過湯底，濃郁！豬軟骨很入味，點點咽韌口感，但肉又入口即化，超好味！麵身較幼，可選硬身、普通或軟身。再來是：主角炭火叉燒味道濃，五花肉肥瘦比例很好，也是入口即化，推介！加了醬油的珍珠米飯為舌頭解膩，份量適宜；切開了一半的流心蛋為此菜畫龍點睛。蒲燒鰻魚似乎是此店人氣，但兩個胃食不下太多，唯有點一串過過癮⋯⋯ 鰻魚燒得剛好，外面不會太乾，好吃。另外我們還點了42元6件的餃子，但味道只屬一般，未有拍下照。店的氣氛不錯，我們二人坐靠收銀台的一邊，適合聊天，店員也不會趕走，還殷勤地加麥茶；唯一不足是座位較大冷氣。…查看更多

偶然喺Open Rice見到柚屋，於是午後大概1點半去試試。地點對深水埗友應該唔難搵，不過其他人就可能要google map一下，但就因為小偏僻，更加有悠閒既小店感。坐低左，侍應哥哥有再作簡單提示，講返有咩餐牌外/蛋糕可以叫，好溫和貼心既感覺。我自己叫左牛肝菌汁煙肉雜菇意粉，ok的，份量啱啱好，味道正正常常，但又無話有特別驚喜感覺。男朋友叫左柚子胡椒海鮮意粉，侍應哥哥有提返係辣既，問要小辣定正常辣，我地就叫左小辣。但後來發現，真係幾辣，所以有特別反映返，侍應姐姐解釋返因為係用日本青辣椒加柚子醬，所以可能比一般胡椒辣，但都好好咁話下次會輕手返d :) 講返個意粉，海鮮有蜆肉、細細隻既蝦、魷魚，仲有d粟米比到d甜味，都唔錯，只係太辣扣左分。之後店家知道我覺得好辣，特登請我食糖解下辣，好窩心！糖係日式手拉糖，有佢地既店名喺上面，幾正。另外仲叫左柚子胡椒雞翼，一份三隻，有切開變單骨，share都容易既，味道ok，不過略微覺得可以再燒香多少少。（無影相）兩個意粉都跟小沙律，凍/熱黑咖啡或日本煎茶，可以再加錢叫其他飲品。今次飲既黑咖啡(Long Black)都唔錯。好鍾意店內裝修簡單又舒服，餐牌有用黑板，唔會太多座位，人唔多好有度假feel，可以好好同友人/情人傾下計。侍應（其實可能係情侶老闆？）好nice，微笑又友善。今次無試到柚子cheesecake，下次會帶朋友再去試唔同既野。總括黎講係幾滿意既。…查看更多

餐廳的裝潢非常有氣氛，有外國咖啡小店的感覺；背景音樂都是Acoustic感覺的，很輕鬆；服務也不錯，店員都友善有禮。可惜，食物很一般。 之前看過雜誌介紹，說啤酒炸魚薯條很不錯，魚會有淡淡啤酒香，然而我們這晚點的並沒有這令人期待的淡啤酒香，只感覺炸粉太厚，而且油膩感太重，完全掩蓋了魚的味道，即使下了點檸檬汁，吃下去仍只覺得油，而且是超乎平常炸物的那種油膩感；薯條呢？粗身瘋薯條，除了溫度很足夠很熱外，感覺沒特別。Pizza只有兩款，我們不想試有花生醬那款，所以點了這個。芝士很足；本應有點睛功能的炸蝦卻成了致命傷，因為一吃炸蝦，很！油！ 也是比一般預期的那種油膩感嚴重得多！另外pizza上有紅黃椒，但菜單上沒特別註明，如有對椒類抗拒的客人，可能會對此的印象大打折扣。Pesto Chicken pasta(忘了中文名)，剛上桌時，會感覺比預期的青醬意粉淡色，所以結果味道也是較淡，但入口也！是！油！配菜有青、紅椒、洋蔥、煙肉(如果菜單上有寫會更好)，卻奇怪地沒雞肉。我們向店員查詢，她抱歉地說為我們再弄一碟，但我們怕食不完所以只要求補上雞肉。店員以小碗補上雞肉，帶有較濃的青醬忌廉汁 —— 結果這碗小雞肉就是全晚最好吃的！因為味夠濃，也沒了那種重油膩感！所以總結還那一個字：油。然而，菜單上的手沖咖啡這次沒有嘗到，下次大概還是會再來，但就只限品嚐咖啡了。…查看更多

畢左業好耐無返黎食原野，好懷念！以前不嬲都叫便當，lunch time $20-30，但原來晚市要成$63…講真飯無咁好食，因為有少少一舊舊痴埋……不過識食，一定係落醬汁！就係沙律醬同鰻魚汁，任落唔嬲！新嘗試，要左半條蒲燒鰻魚$70好味！不過份量真係唔算抵…今次見$220有野送，於是叫左碟蟹籽沙律湊數，然後要左炸蝦：炸蝦好味！蟹籽沙律收$30但無青瓜絲就略嫌慳皮……不過點都好，每次入原野，見到個幅中學生任意塗鴉既牆，真係好懷念😊😊…查看更多

元氣不嬲質素都唔錯，但要喺分店入面鶴立雞群，一定會推薦呢間喺西九龍中心既分店。😄😄因為堅係比其他地方大件又新鮮，仲要由一開到而家都維持到呢個高既水準，令人讚嘆！今次一黎喺迴轉帶見到呢碟，心諗咩事，咁大舊豬既？！正！😍😍然後係一向去元氣都必點既，尤其炙燒辛辣三文魚腩，超爆好味！鰻魚亦都微暖，好味！但花之戀師傅依舊重手，所以稍為多左少少沙律醬。今次既驚喜絕對要數呢件燒帆立貝！上枱時仲出緊煙，啱啱燒好出場！粒貝亦好大粒！芝士味濃！正！woooo.....😋😋😋希望呢度繼續努力！繼續保持高水準！！…查看更多

餐廳入面氣氛幾好 除左有兩部大電視播無記令個場平民化之外首先食左呢個。個汁比平日第二度食既杰好多，但味道幾好。金邊粉，揀左豬，有比lime、糖、花生、辣椒粉比你自己mix。朋友落晒成個青檸所以好酸！😖之後要另外再拎糖溝返好……可能本身已有少少酸味，所以建議試下味先撈。正常，肉質爽口既，個味都ok。無乜驚喜。叫就叫左青咖哩，落枱都係話青咖哩，但唔知點解黃色…又完全唔辣……😳叫左個餅點咖哩食，呢張圖係兩份既，勁大個，點咖哩超好味😋玫瑰益力多，應該溝左玫瑰糖漿，比平時益力多甜，隱約有少少玫瑰香，可以一試。相對呢個檸檬益力多無乜特別，只係益力多加幾片檸檬😅😅ｰｰｰｰｰｰｰｰｰｰ整體黎講，餐廳環境好，有水準。推介情侶一試😜…查看更多