chor的個人專頁

今日比較難得，終於可以大半日同朋友一齊去行下街，食下飯。出左泥社會真係冇咩時間可以夾得到一齊出，不過今日行完街出泥都開始涼。唔知係唔係因為呢排有小小落雨，搞到天氣都開始涼呢。　　我地原本係旺角行街既，不過旺角有人話食到厭，甘不如去九龍城到，睇下小泰國有冇新野食麻。入到九龍城反而小左泰國餐廳，多左唔少火鍋店。間間都擺個大魚缸係出面，搞到我地得兩個人都想入去烚下烚下。　　不過未入過去散叫既火鍋店，所以都唔知入邊間好。(同埋次次入九龍城都係食泰國野麻) 行前幾步望到之前OPENRICE上過榜既上品。甘係唔知邊間係伏個陣，都係搵間有信心既鋪入去食好啲。　　入到去，樓底寬敞，冷氣都夠晒大，因為我地兩個入到去都抖左一抖。哈哈。佢幾得意架啵，入面重有樓梯上去上層，唔知上面係唔係包廂呢。　　我地坐低左一陣，上左OPENRICE做陣功課，叫左芝士蝦丸拼墨魚滑，櫻花肥牛，手打豬肉丸拼山根，重有唔可以唔叫既即炸嚮鈴。湯底本身想食個花膠竹絲雞既，不過可惜冇丫，如果唔係都想飲下養顏既湯水麻。 　　不過錯有錯著。後面會提及到。　　甘我地Order左有職員上左個配料盆上泥，有沙茶醬，重有瑤咩醬，正常野都會有既。不過前兩者比例特別。湯都上左枱。　　睇落奶白色好似ok甘。佢好多大蔥係湯面，我地都食個陣要夾走小小。重點泥喇！呢個鍋真係好掂，佢用既係豬軟骨，咬落去口感係似日式果種豬軟骨！所以我地後期不斷揾佢地既蹤跡！本身以為80蚊一個底，貴之餘又唔抵。不過飲落去唔係味精湯，真係好飲既，似媽咪屋企煲既味，但上品就比較濃(不過佢地甘煲唔係好晒火咩?)飲完真係覺得好值。　　後來既火鍋料都上泥。其實嗌個陣，我地都想嗌多幾樣，不過2個人，食得到幾多丫。所以我地都係叫拼既，會淨一碟貴小小，但我覺得成件事開心晒。　　可以睇睇佢個櫻花牛幾正！！第一下上枱我都已經忍唔住食左兩塊。我係生食既，點個汁都好好食，酸酸地既汁，加上佢呢個牛入口係即溶，所以係會忍唔住食左好多好多塊。(搞到朋友都讓我食多d tim)　但我放落烚2-3秒，口感係冇甘好食既，我諗呢隻生食係最正！　　芝士蝦丸拼墨魚滑呢個真係值得推薦。因為我早幾日再落去食都係有叫呢個拼。　　丸既食評好簡單。因為一落去，粉唔粉就即知道。兩樣都係新鮮打起，完全唔粉，咬落去係彈牙既！不過芝士蝦丸就真係危險D，真係等一等先好咬開，事關入面D芝士都係會勁熱！唔好問我點解IG張相我個嘴係腫起既！你明既！　　重有呢個！　　嚮鈴其實可能我中意食比較吸汁既，不過朋友對於佢新鮮炸，加上比較薄脆呢點就，就不停夾。就好似我夾雪花牛甘。　　唔好睇我地食甘多肉丫，我地有食菜架。不過係湯入面附上既蘿蔔。好多都係切開係心形，情人節D餐廳咪好中意懶浪漫甘煮牛扒整成心形既，你地都可以考慮下呢間囉。塊塊都心型上，幾正丫。…查看更多

前排睇openrice 呢間 鳴Fusion 係餐廳排行榜出現，重好似拎第一，緊係有時同男朋友拍拖去食啦，同埋我呢排真係好想食火炙壽司咯！！一於去食到夠本！！咁去到附近，搵左一陣先搵到，因為我地都無留意到係樓上鋪，我地係望到有佢地餐廳既易拉架先搵到佢地係邊～上去要等𨋢，不過下次自己行上去重方便咁入到去，可能工作日啦，就無5算滿場，都有半成入座率既。佢地點餐5似出面啲放題係好多紙去寫，係一張紙比你填號碼，份量，感覺環保，5會浪費麻～上菜速度快，刺身方面無冰做底，唔會入口太過冰冷，口感都算唔錯，火灸三文魚肥美，但醬太多，令主角味道有啲影響，希望店家可以係呢點改善下。沙律方面都清爽，蟹籽都量多，唔會覺得有失望，小小一碗，份量合適。其他小菜方面就可以一試。飲品區選擇種類同外面差唔多，不過茶水方面係冷茶，無保溫，而且茶味淡，呢方面令我感到有些可惜。但甜品區有牛牛，兒時回憶，可以一試…查看更多

　　星期三同朋友傾起去旺角行街，順便去先達睇下有無野可以買比朋友做生日禮物，朋友提議係附近間cafe Oasis食餐飯，咁book左張枱啦（我本身都覺奇怪，cafe要book枱😂？）可惜朋友臨時有事，要走先，咁飯始終要食，就去左呢間食嚕～　　一出四樓升降機門，已經望到個招牌，因為我次次入既樓上cafe都係伏，所以入去個陣心驚膽跳　　一入到去就見到間餐廳都滿滿地人，都有8成坐滿左，而且十六人枱果邊已經有人係到聚會緊～感覺nice nice　　Cafe都幾舒適，如果搞中型活動，例如聖誕p丫，生日P都可以係到搞，應該容納到35人都絕對無問題（事關兩張可以各坐16人既大枱！！重未計外面啲木枱啵）　　Menu 都好多野食揀，牆上面都有寫啲推介菜式既，最後係眾多主食中嗌左煙三文魚牛肝菌意大利燴飯，荔枝冰沙，加個脆脆薯條其實重想嗌多個雞翼，但一定食唔晒，所以留翻下次先嗌啦～　　事關其實一個人都有小小慘慘豬，因為呢到真係好熱鬧，好多人聚會，我後面果枱16座大枱客人帶埋私家版三國殺黎玩，我好羨慕😂好想join埋一份。　　飲品黎啦～荔枝沙冰　　沙冰堆到好高，量好足，但我好驚會雪崩😂😂荔枝冰沙甜味唔會過重，淡淡既荔枝甜味係味蕾上散開，唔會好似外面餐廳既死甜，感覺上清爽解渴，下次再黎都可以嗌沙冰系列～（十二星座特飲雙魚座既口味係隨意，啫係老闆特調，下次5知揀咩飲好的話，嗌杯雙魚座特飲都好）　　係我影相既同時，脆脆薯條都到左啦，脆脆薯條加黑松露汁（黑松露汁加小小錢）脆脆薯條伴黑松露醬汁　　脆脆薯條帶有薯皮，比起波浪薯條更香脆，比起粗薯條更有咬口，但薯肉方面唔會比兩種薯條少～因為啖啖脆，啖啖肉，加上廚師新鮮炸既關係，令人一條接一條，停唔到口！！　　一盆薯條瞬間已被消滅左一半煙三文魚牛肝菌意大利燴飯　　黃澄澄既芝士面加上食物既香味，如果唔係想影張真相引死我朋友，我一定食左先再講，係我“筆”第一啖既時間發生左件好重要既事！！　　燴飯都做到拉芝效果！！出面西餐做到唔出奇，但呢間cafe收你一百左右價錢，重包一杯野飲，出品重要咁正，埋單個陣都諗，呢個老細搵唔搵到錢架🤔　　意大利飯香軟濕潤，比以往食既燴飯味道更濃，芝士係其中一個要素，而且加上牛肝菌既味道，每一口都係一種享受，再加上煙三文魚既咸香，真係好正朋友無介紹錯缺值朋友表示羨慕嫉妒恨　　埋單果時，老闆們問我覺得餐飯有無咩問題，我照直同老闆講意大利飯超好食，好少cafe會水準咁高，芝士夠濃，菌類份量岩岩好，不過份量頗多，女仔可能會覺得多左啲，同埋冰沙我怕會雪崩，堆好高😂😂　　佢話係出面食過，覺得自家都整得到所以都引入左呢款主菜（自豪樣）～佢提我下次可以嗌少飯～　　小店就係有呢種人情味，拉近到客人同店家既距離，姨加出去食飯，有幾可店家會同客人直接溝通，問下意見，睇下有無邊到滿意／唔滿意？小小溫馨提示：　　提提大家。。呢間既燴飯飯量偏多，細食既朋友可以嗌少飯，唔好做大晒鬼丫～　　呢到廚師好有料…查看更多

　　今日係荃灣見朋友，見完見餓就入左勁多食店既大鴻輝到搵地方食個lunch，咁已經2點幾，我諗應該過左食飯時間，就5洗等位就入到去。　　裝修用白色為主，餐廳感覺夢幻中帶一點華麗。餐牌主要48-70蚊左右，會收加一服務費既，不過包野飲都可以對得住呢個價既。　　我同朋友share一份卡邦尼意粉，同嗌左杯可樂，咁happy share卡路里，係非常值得稱讚既一件事，哈哈。　　上到枱，意粉量偏少，但汁多，有小小稀左啲，掛5到意粉。煙肉5係香脆果種，而係條既，厚身，口感豐富既，5會得個香，但口感係柴皮既。　　菇類都有2種係入面。因為正常黎講，菇係5會整到難食既，加上佢吸左卡邦尼汁之後，感覺佢好有水分。四者（汁，煙肉，菇，意粉）但整體上ok。不過你嗌呢個，枱既餐具位無匙的話，你記得問人拎，5係你係食5到汁架，真係掛5到湯汁。　　但講到值5值58蚊？5多值。因為水都無杯，餐具花到乜咁（應該用左好幾年既感覺），汽水係機上，淡而無味，汽呢？有一兩啖氣既。　　下次應該5會再入黎食lunch。因為佢稀到係湯意粉。　　…查看更多

　　半個月前~ 男朋友請我食woooooolo..... 果間，今次都請佢一餐好既~以前成日都係佢請~ 係時候做番d野~ 同佢食留餐好既~　　咁就去左正宗水上人到食海鮮大餐！！！　　　　因為平日既關係，7點半入去都冇咩人，但坐多一陣，大概8點左右就開始人多~ 如果星期五六日都係最好就book定，甘就唔會怕要等~　　我地2個人都唔係好餓，所以就揀左個398左右既套餐，咁人少少又可以食多幾樣，會化算啲，不過其實我勁多野想食咯，下次嗌多啲朋友一齊黎食先！！　　咁我落左單之後，自己就出去拎醬啦，望住幫我地落單職員叔叔係大魚缸前面等拎我地啲海鮮，望住啲海鮮係即時撈出黎～搞到我對等陣既菜式越黎越期待～始終食海鮮一定要新鮮麻！！　　無耐之後就上左好多海鮮　　　　　　咁枱上面有得校時間提醒蒸幾耐既，夠中佢就會咇咇咇咁響，不過有專人幫我地整，我地負責食同食，哈哈　　男朋友幫我拆晒啲肉出黎～好正咯，好鮮，重正過係福建食果啲蜆仔，又清甜又無沙！我食5隻都無中一隻蜆係有沙既～正　　我地重有個黑松露蒸扇貝，本身都無留意上面既係黑松露，以為係秘製醬汁，食完先覺得好夾，幾得2既味道。而且，個扇貝我一口食5晒，分左兩啖～好滿足咯！！　　呢個應該係芝士象拔蚌，加左金菇係底，呢個好想再黎多2隻，可以因為我重口味掛，但我從來無諗過芝士汁可以蒸咯！！龍蝦黎啦　　個蝦殻紅紅色已經好吸引我既食欲，其實我本身諗住比男朋友食既，因為我本身有濕疹5敢食咁多海鮮，但我望到佢食得咁正，忍5住食左舊肉，蝦頭就等佢食，哈哈　　肉質好彈牙，雖然話靚海鮮就咁食就最正，咩都5好加，但我食左啖原味就沾左小小加左辣椒既豉油，點完之後鮮味更出，好好食咯！！　　我同蟹哥無緣，比哂男朋友食，佢一路食一路話正，好多膏，好香～　　去到後面就有怪味豬肉同埋菜芯，怪味豬肉我本身抗拒既，因為我怕5好食，不過男朋友話好食就姑且一試，佢用豬頸肉夾住醬汁，入面原來係咖哩膏果類醬，其實口感都幾好丫，爽爽地加啲醬汁～nice nice～　　最後食埋個粥，南瓜好綿～我中2加菜脯同埋芫茜葱既，我食落就覺得清清地，幾好食既，但我好想岩岩既蜆仔配埋咁就超正啦　　重有廿，佢個馬拉糕真心讚讚，無諗過5係酒樓都可以有咁鬆軟既馬拉糕，一籠8件，但我食左6件！無錯！係6件！其實我已經食完個餐已經好飽，但佢呢間馬拉糕係口感綿密鬆軟，加上邊蒸邊食，比係酒樓食馬拉糕更有一個優勢！我已經覺得佢既馬拉糕成為左我心頭好～…查看更多

咁我地平日去既，亦都無訂枱，walk in入既，正常應該有枱既，但埸內人未多，點員工安排坐位個陣要求限定時間，咁5緊要啦，可能再晏小小會旺場。上黎呢間係因為想食德國咸豬手～見食評啲人推呢間～緊係試左先知道龍與鳳！！咁因為基於豬手份量會多，所以我地嗌左份西班牙海鮮飯就無叫其他小食，因該我真係5餓廿今日～另外嗌左杯西柚茶（左）同5記得咩嘢飲～我發現我影杯影得幾有feelhaha呢杯真心好飲既，而且係成餐入面，我覺得可以推薦既食品～西柚有兩塊，加左紅茶底，督幾下未出味就督多左兩下，西柚既汁同茶本身既甜結合，飲落既感覺覺得幾奇妙～因為我平時淨會叫檸茶，～所以西柚茶呢杯真係好值得嗌西班牙海鮮飯係偏細碟，但腥味比較重，5知係唔係煮既過程有啲香料未落呢～例如辣味無食到，可能甜椒粉真係落少左～同埋黃姜粉既獨特味道，好似真係無發現到佢🙈🙈🙈🙈但唧左檸檬汁就會覺得個味感好過啲，雖然正常黎講係用黎提鮮，但佢偏腥，用完檸汁黎除腥之後，令個小小鑊飯易入口啲，但兩三啖中，會覺得有啲未夠熟既感覺，硬硬地既生米係口中。但賣相好靚～而且海鮮料都有比足既～主角既咸豬手5記得影全相添🙈豬手上枱就見佢比較暗，切開之後，肉同皮係炸到分離，食落去只覺得非常乾，無應有既肉汁:(☹️好sad 丫我，特登黎食豬手架麻☹️😘好彩有西柚茶陪我渡過呢個難關😘講翻豬手。其實豬手呢家野，我男朋友比較在行，佢以前有做過呢個菜唔止10幾20次（職業需要啦～）咁佢碎比朕食個陣，個樣一臉惆悵，好似重慘過係佢跌爛電話😟佢話乾到紙皮咁，調味又無入到去（因為豬手炸前要浸夠味先可以拎去炸／焗），所以佢寧願食埋個海鮮飯佢😒咁我就靠個芥辣（現成醬）同西柚茶，重有燒汁既，食埋佢～…查看更多

譚仔譚仔～心情5好既時間一定係食譚仔，又抵又飽又多野簡～例牌就酸菜腩肉走韮其實三哥酸菜比起譚仔好食啲，會有爽口啲～而且大小，適中，一條酸菜一啖米線配就最正既配搭～加上配菜腐皮芽菜，真係令人都係無從抵抗三哥既誘惑如果可以食埋香草雞翼就非常滿足啦我記得細食既人嗌小米，會減一蚊之餘唔會做大晒鬼麻…查看更多

原來鴻星入面，餐具可以做到咁精緻，定係每間鴻星都定位唔同，所以用既野都唔同？呢個我就無留意，但佢呢套山水畫餐具好得我心，有餐具控愛好既我，心中對呢間茶館滋生一份好感～ 咁睇點心紙嗌野食啦～點知睇黎睇去都唔知嗌咩好，因為同老闆們一齊食，雖然係好nice既上司，但都要有後輩既禮貌既，前輩食咩就食咩麻～同埋5知大家有咩想食有咩5想食架麻～ 不過！因為佢地嗌左我係酒樓永遠唔敢叫既野, 海哲！ 👆🏻👆🏻👆🏻👆🏻👆🏻👆🏻非常好食👆🏻👆🏻👆🏻👆🏻👆🏻👆🏻 海哲呢款涼菜係有好多間都會有，但就好多時都會偏硬口感，唔會係爽脆，而且會有陣怪怪既水味，所以我一向5敢嗌海蜇既原因～ 但呢間海哲係爽脆，有彈口既口感，加油適當既麻油，醋與糖，灑上小許芝麻，令人情不自禁夾多兩轉以前食咖哩魷魚係咬5開架，呢個係咬落，係ok既，咁5會有簡水味既，咖哩5算好香，但都惹味既～三個白包係叉燒餡！皮算薄，中間係好食既叉燒餡，有粒粒叉燒係入面，所以好正～但如果係傳統果隻包皮我會更滿意，因為呢種包係工埸做既，再5係人手師傳包。鹹水角～其他同事中2食既～但我無試～春卷係即叫即炸即，上黎係脆卜卜～入面5係蔬菜春卷餡，係肉！係肉！係肉！（👇🏻我的廢柴女友截圖）內部裝修5錯架～…查看更多

咁今日落雨落到咩心情都無晒，但超想食熱辣辣既粉類，本身想去食意粉既，但望到佢外賣有折扣，梗係入去買個翻公司食啦，慳得一蚊得一蚊麻～ 入去要左個a餐，黑椒雞扒腸仔意粉，飲檸茶～咁大概加埋外賣盒費用42咁，佢折扣完就39.5⋯⋯其實有咩分別。。。。。。 不過由佢，對於朕黎講，一蚊都係錢！ 咁場入面得3，4枱客，所以等左10分鐘左右就有飯，包好拎得走～ 打開飯盒重暖暖地，但意粉得好少～雖然我係女仔，但我真心想食飽飽廿今日正所以填滿左個胃，心就會暖啲，無咁難過。 朕重要捱騾仔架麻 黑椒雞扒上面既黑椒咬落好香口，真係好似係口中爆發佢個辣味，真心覺得個汁5錯～雞扒學我男朋友話齋，點都唔會難食既，奶佬雞扒今日不過不失，但有黑椒汁既配套就送飯一流～ 雖然我係嗌意粉，都ok既，5會煮到好林，但撈汁5多方便，因為盒既空間好細～ 經過今次經驗，下次嗌飯可以撈汁方便啲，咁已經決心好下次嗌飯～順便試下米飯呢個位有無做功課先…查看更多

係旺角行，望到貢茶附近有新野啵，就走左去試。好基本一杯珍珠奶茶就知道一間野好唔好飲~因為，呢個都真係好基本既飲品~入口奶滑重，但茶味比奶味盖過左，但好彩都合我口味~唔會過於死甜~ 而且珍珠有咬口，會帶出小小甜味(啫係用糖水煮佢出泥，甘樣會肥d架)，飲到最後會淨番幾粒冰~ 本人幾中意呢一種珍珠奶茶~ 因為附近間貢x係死甜珍珠，而且又冇咬口，唔q唔彈!! 所以對比之下都係呢間比較好~ 但價格唔多成正比…查看更多

一入去，覺得其實環境幾好，D燈SET得幾好~ 唔係太光，又唔會太死暗-V-甘我地3個女仔，叫左2個小菜, 1個涼菜~之後一個鍋，好似係美人鍋? 3個女仔一定要食美人鍋喇!!!拉芝果個係薯仔既,但上桌就溫溫地 NOT GOOD 囉!!!呢個韮菜餡既，都算唔錯，脆脆地既皮~~~~其他都一般般涼菜我地叫麻辣鴨腎，唔麻唔辣，我一向係小清新都唔覺辣, 淨係好多唔辣既紅油囉0^0去到個鍋,ok 既~ 佢好似有加對藥材入去, 有小小藥香，總體來講係OK既~但美顏方面就= =唔好諗太多，番屋企去飲花膠湯就算~總體黎講，麻麻地，埋單5舊水可以有更好既選擇～所以5會再翻轉頭～…查看更多

睇完戲去左石澗到食，係外國番既表可嫂嫂超開心~佢地話要食多d唔同既野，最好成張都揀晒佢~哈哈~ 有野心係有野心，但邊有可能廿-v- 甘圖一就係佢入面幾環境喇~幾好既~ 但坐既位都有d細，地價貴掛~ 明既~~~ 但如果鬆d就好喇~~~~~食方面其實唔錯，我本身真係唔中意食三文魚既，不過呢間我幾中意食~可能比較鮮? 佢刺身果d真心唔錯，而且嫂嫂最擔心佢個玻璃肚既問題，結果係冇事架!! 大家可以對佢地衛生放心~~~~~同埋!!!勁推佢個火灸三文魚~~~雖然不嬲我對火灸三文魚都好有興趣，但成日去放題食就會中伏，因為佢地灸得唔夠耐- -會係超生囉- -OMG不過佢呢間就岩岩好~~~~好正~…查看更多

今日去食，坐低望到重撞到奶奶雞週年慶，有半價優惠超抵囉!!不過今日我地兩個都冇咩胃口，淨叫左一個奶奶雞~ 但足足等左成大半個鐘~!!! 後泥既客重快過我地上菜囉 T^T 好SAD~!!!!!!不過味就好足既，雞都唔算小~~~~~ 如果下次唔洗等甘耐就好嚕 …查看更多