cyncynshare的个人专页

今日好凍行左幾層樓梯上嚟試新餐廳～想食啲未食過既野所以叫左啤酒鴨飯。唔上到嚟真係唔知咩一回事哈。好開心佢係濕濕地可以撈飯食，啲鴨肉幾軟熟，入面仲有好多薑中和返鴨同啤酒既寒性。有好多菜真係好佛心🥰出街真係好想唔洗特別加錢但食到好好好多菜，有冇人明😂 啲飯係軟綿綿好易夾個種。仲有舊蕨餅，口感好特別，唔知係自製定成品呢？想買🤣 總結嚟講係食得幾開心既一餐！環境裝飾都好用心，鍾意影相打卡應該都唔錯（雖然我淨係影左個餐）。啲碗碗碟碟都好有特色，都花左唔少心思，幾別緻。…查看更多

好開心新店開張啲人未發現呢間寶藏炸雞店！可以唔洗等位即入座，入到去啲位都好闊落，仲有第二層！點餐試左秘製炸雞同蜜糖蒜香炸雞秘製炸雞甜甜地有啲肉桂味好香～蜜糖蒜香炸雞就好脆！加配芝士醬真係一流！好大份，啲芝士醬多到食唔晒真係有啲可惜佢地獨有既bb.q lemon boy好好飲，配炸雞都好夾兩個人食其實8+8兩款炸雞都已經好夠飽，但事前無知既我地仲食埋芝士雞肉炒年糕。啲芝士醬依然好重手，年糕同寬粉係細條版既，仲有雞肉洋蔥腸仔煙肉香菇，真係份份都咁足料。食完可以唔洗食晚飯喇成間店好似都係韓國人～佢地話呢間係韓國第一既炸雞店喎，睇到店入面啲電視播大胃王食炸雞啲片，諗起又想食了…查看更多

好難得今日lunch時間可以食到呢間茶記，可能大家仲去緊旅行，所以等3張飛就好快有位。前兩日突然想食咖哩，今日就試下日式咖哩野菜飯配牛肉飯啦～當諗緊點樣走牛肉既時候，侍應話改配雙倍野菜就Okay喇🤤開心仔🥰61蚊食到有咁多菜既咖哩素飯係香港真係唔簡單架🤣…查看更多

琴日同朋友去左呢間cafe食下lunch傾下計，叫左碟黑松露野菌意大利麵同橘汁沙律，同一杯抹茶拿鐵。飲品上既時候見到拉花真係好靚，但係係啡色既？發現係上錯左拿鐵，唔飲得咖啡既我都掙扎好唔好換，好彩朋友同店長都幫我換左。然後見到杯野真係笑出嚟，呢隻咁似Melody is a bitxh既Melody嘅？唔通係咖啡師用佢超高既技術表演下乜野係真。綠茶婊😂😂😂😂…查看更多

最近啲天氣仲多變過以前，忽冷忽熱，今日就凍到好似冬天咁，所以去食碗辣既油渣麵啦！其實同上次唔辣既分別就在於多左佢既辣菜脯🤗🤗見到張相紅噹噹都知真係幾辣架🫣🫣不過係過癮嘅辣！可以試試～…查看更多

好癲好痴線好好味勁爆多醬既泡芙，先賣$20，份量係人地連鎖店兩三倍，真係食過返唔到轉頭。夾起放落麵包盤個一刻已經feel到勁墜手，知道肯定比足料但估唔到真係咁多充滿晒成個泡芙🤤食得最爽既泡芙omg…查看更多

成日行出油麻地A出口都見到呢間食店但無食過，今日終於有機會品嚐下喇！原來有油渣麵食！好鍾意上海粗麵既韌度🤤🤤🤤叫左唔辣，但成碗野都好和味，啲油渣好香脆🤤值得一試～…查看更多

天啊啊啊好好食，開心果乳酪醬味道十分濃郁但一點都唔會話好甜，麵包卷軟硬度岩岩好，濕濕地唔會太乾！中間卷卷既抹茶內餡似係抹茶蜜瓜包入面個啲🤤份量岩岩好，唔會話好似蜜瓜包個啲一大舊咁甜。完美🤤…查看更多

嚟到觀塘就會好想食格仔餅🤤🤤即叫即整最香脆，伯爵茶味好濃，而且好大份，一個人食真係好夠飽🤣可能係夜晚嚟既關係，都幾多人排隊，好彩都係太大影響，整完就食得，唔洗十分鐘🤗…查看更多

麵包🤤好鍾意食麵包🤤 今次試左伯爵茶黑糖麻糬麵包，28蚊一孖，本身已經好鍾意伯爵茶既香味，點知咬落麵包軟熟而啲黑糖麻糬又好柔軟又唔會好甜！！原來只係諗住食一半🥹結果太好味成個食晒😂講真睇佢樣無諗到會咁好味🤣…查看更多

今日約左朋友係九龍灣嘅荳子食好野🤤 本來大家都想食甜品，但朋友就臨時改變主意叫左手撕豬肉漢堡，勁大份。我就仍然係甜品派！人生咁苦要食甜品安慰自己🤣🤣上次食左焦糖窩夫，今次試下抹茶味！上碟之後先醒起呢度啲窩夫唔係一格格個啲（個人比較偏好格仔窩夫🤣），唔緊要啦！都好食既😆 個人好細食，所以做正餐都好夠飽喇～反而如果食主食既話，咁大份，應該要分兩餐先食得晒🤣…查看更多

今次同朋友嚟到呢間店食餃子，真係勁多人，等左十幾張飛先入到座！於是用左好耐既等候時間嚟掙扎食湯餃定煎餃好。想食芝士粟米就要食煎餃啦，但佢個濃湯又好吸引喎。最後都係揀芝士！！！好味！！唔後悔🤣🤣🤣…查看更多

同朋友book左12nn到5pm時段來到呢度玩玩食食，睇到啲boardgame都幾得意，食物都還好啦～大家都見到Ig相既芝士牛肉漢堡好似唔錯，所以全員叫左🤣 玩左條女、9Xpper同密室逃脫。真係好燒腦🤣🤣5個鐘都幾抵玩～…查看更多

Dinner同朋友係旺角呢間樓上Cafe悠閒食～環境坐得幾舒服，都算闊落～原木風裝修～粟米脆片一致好評✨️黑松露帶子野菌燴飯都好香，但係份量就有啲小喇🤏 小食拼盤好香脆😝 煙三文魚牛油果薄餅就還好咁啦～平時悠閒坐下都真係唔錯架～…查看更多

朋友誠心推介，凌晨12點要網上訂座，手慢啲都搶唔到位。係中環地鐵站一路行上去，轉個彎就見到。一入到去懷舊金曲在播，已經有唔少人入座，隨身物品可以放入坐個個鐵桶度，好得意。齊人侍應會埋尼介紹今日新鮮既牛肉，唔同部份有咩食法，等大家點菜時可以選擇，我地緊係要個大拼盤乜都有得食啦。所有野都足料濃味，夠晒滿足。…查看更多