Mooneeeeeee的个人专页

上OpenRice睇到佢收9:30，8:5x分行入去諗住點餐，擺明唔想做你生意話乜都冇，面底同埋啲餸大部分都話冇，望入廚房原來好多嘢收起咗入曬袋！算，走人！唔想做生意改收9點啦！成個foodcourt間間都仲做緊生意係得你哋明趕客…查看更多

其實一直都想試呢間餐廳，見網上好多地方都有介紹呢間，今日終於有時間過嚟試吓，平日下午茶時段入到餐廳企喺門口冇人理，望入去只有兩三台客人正在用餐，自己企喺門口繼續攞Menu睇都係冇人理，唯有行入啲自己搵位坐，坐低有侍應到杯水，過程中冇任何對話就擺低個QR code就走，當日係下午茶時間我同朋友點咗兩份餐，一個菠蘿炒飯啲飯仲係米嚟嘅，唔熟，另一個豬肉炒河粉啲河粉係好腍有啲爛嘅感覺，竟然啲豬肉係完全冇味嘅，感覺只係豉油炒豬肉河粉，係有啲失望嘅唯一值得讚嘅係環境舒服，服務呢…服務就冇服務可言啦，因為當中埋單嘅時候發生個小插曲，就係埋咗單之後我話想儲商場積分，個女職員話你頭先都冇講（我心諗你頭先都冇問😅）我忍！一次啫，自知冇下次😳…查看更多

公司Office喺呢度附近，每兩個月就要過嚟一次上堂，見到新開茶餐廳就試吓啦，下晝1:30鐘嚟到，見門口有幾個人等緊外賣都驚要等位，好彩唔使等直入，見到環境都好大而且好多卡位，肚餓即刻點咗個lunch食吓先，一入到舖頭姐姐都好好即刻攞杯水俾你再提你用枱上面嘅QR code點餐，我就點咗個午餐黑椒豬扒腸仔飯或意粉，不過最估唔到係可以加錢轉菜對於我呢啲減緊肥想減少食澱粉質嘅人真係啱晒🫢味道同份量OK啦，茶記唔會要求太高正常發揮！環境乾淨希望水準繼續keep到，會再嚟！…查看更多

平日lunch見新開走去試吓啦,值得讚嘅係卡邦尼意粉係好食😋，樣都唔錯👍🏻但burger就堅難食,塊假肉偏鹹,薯條係熱嘅不過感覺係翻炸嘅😰最反感係匙羹可以痴滿上手食完嘢嘅漬🤢🤢影響食慾,即刻叫店員換過,男店員都係收起換過隻,不過唔好意思都冇😟整體而言，lunch人均消費$16x都幾貴,貴唔算係重點，重點係衛生同食物質素先係重點吧！服務一般冇特別,只係難接受餐具都可以咁污糟😵‍💫😵‍💫…查看更多

今晚滿懷期待專程入荃灣食....坐咗梳化位置，不幸的遇上旁邊大叔好似痙攣咁係咁un 腳，坐埋同一張梳化當然影響埋我進食啦😢😢點咗泰式鳳爪味道偏淡，串燒一放低見到黑黑地諗住照食算啦...啲雞肉竟然係諧㗎...後悔無叫職員換過泰式炒飯，炒芥蘭係好大碟不過味道普通無咩鑊香炒餸味芝士薯條都係得個大碟，啲汁無咩芝士味兩杯青檸梳打最好飲👍🏻.... 總結，當自己點啲唔係最多人點嘅大路嘢所以都係失敗作一定唔會有下次....仲要俾人埋怨叫佢嚟食😭😭...兩個人埋單盛惠$450…查看更多

由新開嘅時候已經成日幫襯，當時啲員工都好親切，食物質素都算幾好雖然價錢比較偏貴，加上係黃店所以都有成日去食...但係近呢一月去食...食物質素已經一次比一次差，再加上每次見到有個戴眼鏡肥肥哋紮辮嘅職員係好冇禮貌，叫親佢都淨係識嘅人等陣，但係當然佢最後係冇過嚟幫你落單，最後都係我自己再叫其他人落單啦！近來又會落漏單...啲人態度又差，可以介食了。…查看更多

專登去開心慶祝生日， 今次第一次去tst揀咗個任食蒸氣鍋(兩年前食過大埔同旺角果間都幾好)，所以今次滿懷希望咁樣去食....點知食到一肚氣.... 話說我哋雖然係揀咗任食，但想食蟹咪諗住散叫蒸隻蟹食吓，咁我哋就揀咗隻膏蟹，點知放到埋嚟嘅時候發現係一隻肉蟹， 之後我哋搵返幫我哋落單嗰個男部長問， 佢答我哋係有少少膏㗎， 我哋梗係好愕然問 有少少膏就係膏蟹??? 我話我哋明明叫膏蟹 ， 咁呢隻係唔係膏蟹 ???佢就答唔到我哋 淨係話呢隻係有少少膏都好食㗎… 之後問我哋係咪唔要， 我哋梗係唔要啦!! 啲人咁唔老實.....在早兩日明明見到有人放上open rice既任食蒸鍋係有牛...而我哋 去嘅時候淨係得啲菜同埋丸係任食( 張紙仲要係黑白影印，明顯係啱啱更新)... 總括嚟講係勁唔抵食 因為只有第一輪係有每人一隻既海鮮 同埋啲人感覺係好唔老實.... 唔知係咪因為尖沙咀遊客區想劏遊客錢， 之前去大埔同旺角食都唔係咁㗎....總之呢一間真係blacklist…查看更多