Crada的个人专页

好評咁多，就mother’s day 試吓啦！一行八人去，我唔能夠話佢唔好食，只係唔係好值。因為唔想咁趕，所以就揀最貴個package, at least 2 hours , 好過得100分鐘（如果其他packages，但係其實2hours 都係趕到食唔到佢好味唔好味，都係自己失敗，仲加埋魚生，根本冇時間食，呢個價錢，唔應該去任食燒肉火鍋，可能食啲唔使自己用時間又要點餐又要自煮….. 會感覺良好啲，好彩大家無怪我呢個攪手，啲媽媽出街食又係要煮，唔好意思啊。:(ps. 叫做有長者優惠好啲，如果全部同價，真心仲唔值，得罪哂覺得正嘅客人，可能兩個人去會好啲，見個爐size適合兩個人多啲。…查看更多

如果接受phone reservation, 但又長期無人接電話係點呢？:(結果打咗去cwb 嗰間有人聽，知道我想book嘅時間係接受reserve 嘅，但我係想book tst 喎，要打到幾時呢？…查看更多

已經唔係第一次去，不過真係好想寫吓食評，一個裝修好用心嘅foodcourt, 一家用心經營的店，去咗數次，都想公開讚吓，等多啲人知。不過我就唔係文化人，所以輕輕寫吓啦，個雞真係滑到呢，無得頂； 重有片皮鴨，味度係唯美好多專食片皮鴨嘅餐聽，更可況係我最鍾意皮有啲肉咁食，一流啦。…查看更多

父親生日加父親節快樂！食物係非常好味！環境不錯（除咗......）大膽openrice 搵間有海境嘅泰菜試試，其實餐廳一早話8人冇咁大枱係窗邊，我諗住餐廳中間都望到啲境卦....點知？ ！比咗張最邊（近shopping mall 邊嘅枱（本來問題都唔大如個果唔係呢度，因為餐廳唔係有密封，I mean 佢地special design 用木條間開shopping mall 同餐廳，出面啲聲入哂嚟，坐大排檔咁，真心頂唔住！）要求三次换枱，強調迫啲冇所謂，只係唔想好似同shopping mall 啲人食飯咁，佢地堅持唔夠坐，第四次，終於有個肯聽吓我地講，比我地坐六人枱，須然好迫，不過真心好過坐街，幫我地嗰位男waiter ( maybe manager) 好好，見我地真係迫嘅，再安排將兩張四人枱合拼比我地仲加埋係窗邊，係感激嘅！比呢個價先比得值啲丫！Suggestion to restaurant : 封咗嗰個位啦，冇人比呢個價想有大排檔街市feel 㗎！Ps. 本人係會食大排檔㗎…查看更多

住樂富又未試過，見幾有特式，就約爸媽同男友去lunch 啦，都等咗一陣位，都期待試吓佢，見咗waitress 落order, 爸見圖個圖（飽）吸引，就指圖落order 。waitress : 唔好指圖叫，睇名，我點知嗰個係咩？！咁我真係好有禮貌問：咁想問吓圖呢個係咩？Waitress: 我唔知㗎！你地睇字啦！咁我地就搵，以為係某一個餐就話：咁呢個，之後叫咗第三個餐，waitress : 飲咩？（佢由我地第一個問題已經好唔耐煩）我話：等等，叫埋餐先！Waitress : ( 不滿様）講啦！咁我地就講埋個餐加野飲。結果嚟到，我地叫錯咗， 爸的餐唔係burger 餐（咁係我地睇錯嘅）， 不過我同意爸話：我地指張圖應該係魚柳burger 之類，我地叫嗰個得魚柳，不過waitress係咪可以提提我地叫𠴱個唔係burger呢？雖然價錢平，不過唔會再去受氣𡀔！個兩個魚柳冇氣影，影都係交功課，openrice 唔知會唔會post la , 又一次bad comment另一間，sent 三次都唔post ! Thanks anyway! …查看更多

今天是父母的結婚周年, 一行五人因為知道有恒生信用卡優惠所以到這酒家晚飯, 是因為CREDIT CARD OFFERS來當然不為他們的HARD SELL所動, 雖然對他們一次又一次的推銷的千幾完一隻龍蝦感煩厭,但都知道搵食難, 忍下來! 點菜時,好辛苦先叫番個部長來(因為之前拒絕了他們的推介,所以走開了),明明佢見到我舉手先走過嚟,點知一埋到嚟,佢就同隔離枱個"咩生咩太"打招呼後再寒暄,完全漠視我在叫她,我終於忍唔住,大聲叫佢:你究竟係咪幫我地落單呢?佢先停下來唔同佢地傾,但一聽到用信用卡優惠，好似唔想落單咁。好丫，佢話要出示信用卡先，我照比佢，佢竟然對住張＂恒生優惠ＭＥＮＵ＂拎住我張＂恒生卡＂，話:"你呢張係恒生卡唔係匯豐卡喎!"，我地大家都呆咗，呢個咪係恒生卡優惠囉，佢先訓醒，睇清楚張ＭＥＮＵ："呀！上個月做緊匯豐卡！記錯！"ＯＭＧ！記錯？睇住張ＭＥＮＵ點解要記呀？？？？(同埋佢第一句係問我:你要用恒生卡付款喎,有無係度?) 但一分鐘後佢話我張卡唔啱囉?!!唔通佢返咗七日工無訓過覺?結果我們都叫了差不多優惠MENU內的2/3菜式, 又花膠、鮑魚、和牛粒、帶子、乳鴨、龍蝦烏東底, 還另叫了一個西瓜盅和甜品, 埋單一千零幾。說說菜式~花膠味道合格但太咸了點和牛粒半碟可以，半碟咬唔到囉。帶子西蘭花又是太咸。乳鴨尚可，但都係咸。（都不用佢地比啲調味料）龍蝦當然不能同千幾蚊隻比呀（我地個碟１７０）最值得一提是鮑魚，佢地話六頭呀，十六頭就差唔多。西瓜盅和甜品就ＯＫ，可能唔係ＣＲＥＤＩＴ　ＣＡＲＤ　ＯＦＦＥＲＳ啦！最後搵發票去簽停車場，唔知樂富轉咗要兩張發票才可簽２小時，連ＣＵＳＴＯＭＥＲ　ＳＥＲＶＩＣＥＳ都叫我地問酒樓拎多一張（因為我地手頭個張係５００元的，當然我知唔係老溤佢地要比），結果入番去，佢地話：唔關我地事，呢Ｄ係你同其他商店傾，我當然知道佢唔比有佢Ｏ既理由，但都惠顧咗千幾蚊呀，咁Ｏ既人情都唔比，真係有點兒那個，可況連ＣＵＳＴＯＭＥＲ　ＳＥＲＶＩＣＥＳ個姐姐見我地拎唔到多一張都奇怪地話：ＨＵＨ？無理由喎，通常佢地都會比Ｏ架！咁奇怪？唔知呢啲係咪食優惠餐Ｏ既服務呢？可能其他客食幾千蚊野啦，我地食得個千零蚊。。。…查看更多