yan02518的个人专页

一家人嚟食飯，嚟咗幾個餸，爭4個小菜，知今日人手唔夠等咗超過一粒鐘先追，點知著晒成套西裝嘅經理同我講，叫我取消啦，我話等咗成粒鐘先同我呢句說話？！佢話你要等咪等囉，唔知等到幾時㗎！我話你唔早講，等咗超過一粒鐘你先同我講呢D嘢！真係嬲咗，勁不負責任！道歉都無句！其他枱都追緊餸，團年飯食到一肚氣，仲要受佢氣！嬲上加嬲！…查看更多

同大小姐出嚟食嘢，一定要搵間有特色嘅餐廳，我就要睇埋食物啱唔啱食。9 3/4 cafe大家都覺得ok, 亦算易搵！今日唔多人，所以比較寧靜，仲可以幫大小姐影幾張靚相。～辣味蒜香三文魚意粉，最驚喜最突出，食落好惹味，蒜味濃～咸蛋黃軟殼蟹意大利飯，食落又係咸蛋黃味好濃，但唔會有咸蛋皇果種口感，唔太鐘意食咸蛋黃嘅質感都覺得呢個唔錯～黑松露帶子意粉，差D搵唔到隻帶子喺邊，穩陣，唔突出，3個之中比較失色，但係好味嘅～芝士煙肉焗薯條，夠熱又好食～美中不足係只收現金，因為我呢D係習慣咗碌卡嘅人…查看更多

假期lunch同晚餐同價，宜家promotion 點一客吉列牛第二客半價，3個人order咗兩客吉列牛，一客吉列和牛！味道ok,比起銅鑼灣另一間上樓嘅吉列牛好食，宜家無得去日本，食住佢頂住當先咁當然佢嘅質素係嗌$298果個吉列和牛set先可以同日本連鎖店好抵食果間比啦！間舖唔大，都有兩枱日本人食！無得去日本住，呢度都係唔錯嘅選擇！…查看更多

好多酒店嘅Afternoon tea環境好正，偏偏我就最愛呢度，雖然無靚景，但成個set都係我鐘意食又啱食嘅嘢🥰其他酒店有靚景，但個set我好多嘢都唔食，所以都係寧願揀返呢度！唔係第一次食，所以更加會揀返佢😋今次疫情關係阿囡唔洗返學，可以同我哋一齊慶祝，佢一路食一路讚猛咁話好好味！🤣🤣🤣咁就18週年喇！真係好想食埋佢個初夏鮮果下午茶，可惜太飽喇，又要兩份起，如果可以嗌一份我會試㗎！😆😆😆…查看更多

好想食片皮鴨，朋友提議試呢間，我地喺灣仔返工，灣仔有兩間佢已經食過，所以話試下呢間，不過佢都有D擔心，見評價好壞參半。片皮鴨3個人嗌咗半隻，一上枱O咗嘴，$298好細碟， 數量少，仲要細件，連包片皮鴨塊皮都少！朋友話好酥，我唔怕酥，所以無感覺！另外仲嗌咗秘制骨同小黃魚，秘制骨就幾好味，小黃魚就無特別！朋友原本想再叫嘢，問個侍應拎餐牌，哦完就算無咗件事，最後都係放棄，出去聰嫂食甜品算！服務一般，但茶係麥茶好好飲。不過唔會吸引到我再去！…查看更多

之前有fd食過，睇到佢post張相好吸引，我就話生日揀食呢間！咁大堆頭係要人多食先至覺得正！7個人湯底都係得一款，其實可以選擇嘅湯底我就麻麻地，因為火鍋我只愛沙嗲湯底，佢無，唯有揀海底椰，飲落都唔錯，幾鮮甜，襯晒海鮮！海鮮係超生猛，送上枱隻蟹同龍蝦🦞仲郁緊，嚇到我個fd彈起身！麵包蟹超多膏，龍蝦我地就煮得耐咗少少，有少少韌。出面好多款丸，叔叔仲好好人介紹我地食邊隻丸。嘢飲都ok多， 生果唔甜（西瓜望落好靚，食落就，哈密瓜仲衰），爆谷好難食又淋，甜品一般（brownie 連少少朱古力甜味都無），反而雪糕幾好食，有果肉唔錯。其實食完個海鮮鍋都飽咗大半，都唔洗突登加錢食刺身！平日去唔爆佢唔會趕我地走，亦無催我地，呢樣最值得加許！…查看更多

之前見到佢做芒果主題已經想試，今次生日就一於試下佢個Twinings Mango Afternoon Tea Set.酒店環境舒適，人唔多，好舒服，職員亦好有禮貌。個tea set望落好似好細，但食食下已經好飽。每一樣我都覺得唔錯，係個沙律我就麻麻。對於一個有嚴重偏食習慣嘅我嚟講，已經好滿意，Afternoon tea 好鞋樣樣都啱食，呢間絕對係我首選！香脆雞翼伴芒果莎莎～炸粉唔厚，雞搥好滑，讚👍🏻日本南瓜蟹籽沙律伴脆牛蒡～我唔鐘意食南瓜，所以一般，牛蒡唔脆但味道ok喎，平時唔會食。忌廉芝士焗黑松露薯蓉～好好味川寧豪門伯爵茶牛油鬆餅～唔錯川寧檸檬薑茶法式焦糖燉蛋～好得意，好似食緊薑汁豆腐花咁！煙三文魚開面三文治～包就一般，煙三文魚啱我，唔會太咸太濃味。芒果蟹籽手卷～好好味鮮芒果布甸～好滑，好似食緊mousse 咁。芒果班㦸～皮唔厚，軟熟，芒果唔夠多。皇牌芒果拿破崙～果然係皇牌，比天后出名果間拿破崙更加好食，佢可以用刀切得開，天后果間唔得，但佢當然無天后咁多層啦！對於今日呢個Afternoon tea set,我好滿意！唯一係用咗信用卡優惠就無得儲Asia miles,有D失望…查看更多

間嘢就好似好多嘢食，但實際上無乜嘢食！我喺出面睇到個menu見到好多嘢食，點知入到去就中伏唔好食唔會再嚟！炸醬麵辣到趴街，跟果個清湯，咸到阿媽都唔認得南乳豬手撈面味道好怪，難食過惠康D豬手！茄汁豬扒豬叫做最正常，但無乜味，得豬扒有味! 奶茶紅豆冰唔夠甜，經典紅豆冰冰好嗱甜，攪完成杯都係白𠽌𠽌！一睇就知唔夠紅豆水啦！同阿姐講，點知佢用鄉音同我講紅豆冰係咁㗎，用花奶係白色，我無出聲，唔想同講嘢！搵返個香港人同佢講，佢即刻話整過杯比我。紅豆冰都係美心，大快活果D正宗D! 最正常應該得阿華田脆脆！油炸鬼果然油淋淋，似係返炸，好油！…查看更多

睇OpenRice 周圍搵食, 大家話呢間新鮮就嚟試試，細舖仔，幾張枱，招呼都ok！ 可以自選刺身丼的確唔錯！一碗全蟹三文魚丼（蟹肉，蟹膏，蟹鉗），蟹膏超甜，蟹鉗就迷你咗D。另一碗半板海膽，三文魚，帆立貝丼，海膽都ok。整體唔錯，又無加一，支持小店！…查看更多

今日慶祝結婚16週年，好想試下D未食過嘅餐廳，因為臨時決定試呢間所以無book位，但好彩都有位，只係要限時交枱啫，都夠時間食！食物選擇唔算好多，但啱晒送酒! 呢度好啱同fd飲嘢傾計。之前喺OpenRice 見過呢間餐廳，覺得佢D食物好得意好吸引，唔係淨係得個樣，真係堅唔錯！ 摩天輪嘅炸物啱啱好，食落熱熱地又脆！龍蝦汁意粉好野味！鐵塔甜品係為慶祝而嗌，對我嚟講太甜，同埋無cake食! What the duck好可愛，味道都唔錯，完全飲唔到有酒精嘅苦！Night Cape同Virgin Colada都ok. 價錢唔貴， happy hours 仲全單85折！即刻抵咗…查看更多

年初三想食嘅又無開，路過見D嘢啱食就揀呢間！嘢食尚算唔錯，凍檸茶就唔掂，完全唔夠甜！D餐都幾抵，有阿囡鐘意嘅生蠔餐都係$99，散叫轉餐亦好平，但埋單果陣發現唔對路，服務費點解咁貴，明明2百幾，但就收40幾蚊，問下侍應佢話要收加二，我問佢有無寫明要加二？（因為門口，餐廳入面，餐牌， 口頭都無話新年要加二）佢答得好妙：話成條街新年都係咁！我即刻話佢：咁即係無寫明啦！隔離枱聽到先發現比人收加二，新年流流又唔係多錢我就算…查看更多

0係果度食團年lunch, 環境唔錯, 0野食就麻麻! 主菜order0左意粉, 硬身同埋偏咸0係Salad bar攞0左個硬過石頭0既麵包, 好彩我未食, 我同事已經中伏! 反而中大塊薄脆就唔錯, 夠脆! Pizza 都OK, 唔多0野食埋單每人差唔多$220, 真心覺得唔值! 上次同同事去QRE食semi-buffet lunch都多0野食過呢度, 仲平少少,最緊要d0野好食過呢度! …查看更多

其實呢間D包無特別，只係果度得佢一間獨市無得揀。包款又少，D包攤晒出嚟無嘢蓋住引晒D飛飛嚟，其實都唔係好衛生。我果日買完個包，返去至發覺入面仲奉送1隻飛飛tim😖😖…查看更多