Kawa li的個人專頁

麻辣乾鍋（牛肉）味道ok，炒得乾爽入味，偏大陸既炒法。但係肉既份量少得可憐，表面得5-6件大舊d既牛肉，底下係細粒既牛肉粒同埋大量既蓮藕、薯仔、椰菜花。午市連加一$61畀呢個份量既肉真係好低性價比，普通茶記既乾炒牛河都抵過佢。大陸人生意手法，唔額外加錢唔會畀返同價錢相等既肉量，唔會再幫襯！！！…查看更多

晚市時間入去食飯，只有晚飯套餐選擇，冇得單點主食。套餐叫左滷肉飯+雞扒+台灣腸，送餐湯及青瓜。餐湯極咸極重味精，青瓜口感爽脆開胃但只有可憐既2條。滷肉飯既滷肉唔多，食落都冇乜調味，可取之處係白飯用珍珠米及飯量夠一般女仔食。雞扒其實就係鹽酥雞扒，唔熱唔脆唔嫩，冇肉汁可言。感覺上係預先炸定翻熱，唔係即叫即炸。台灣腸正常水準，都係買返黎煎就唔會太難食既🙂埋單要$71，得台灣腸同青瓜算ok，其他都唔推介。區內有更多其他選擇好過佢，完全唔明佢邊到性價比高？食物選擇少，味道差，叫左套餐但好多樣野要另外加錢。同區既鐵牛或者阿木點都好過佢，冇下次！…查看更多