AnnabelleChow的個人專頁

見偶爾都會有人喺呢間餐廳門口等位，而且相中的燒味非常吸引，所以決心今日一行6人去食個晏。＄58.一個燒鵝飯，係呢區算合理。食物質素對得住個價錢。我地每人叫左一個餐，起初落單既待應啊姐都尚有笑容，仲同朋友約定下次可以再來食晏。不過食咗大概30分鐘，侍應已經不停過嚟收野。香港地鋪租貴，食晏時間想做多幾枱客非常合理，作為香港人點會唔明白。但係去到個情況係出口鬧客人食得慢實在係第一次遇到。去到最後嗰5分鐘，有一兩個朋友飲埋杯餐飲就起得身，不過當時有三個阿姐貼住企咁圍住我哋張枱。其中一個竟然拍我個朋友膊頭話「肥仔，你做乜食咁慢架。」。另外兩個企喺旁邊既待應直情俾埋個外賣杯俾飲緊野既朋友示意佢離枱。我自己見有人等都急急腳出定門口，唔想阻人做生意。點知去到收銀嗰度，收銀嗰個阿姐又問「點解你班朋友夾錢都夾咁耐嘅。」😮。當時大家已經企左起身拎緊袋。加上通道窄，係待應行過會(意外?)用patpat撞落你個頭到既窄，行出黎到要小小技巧同時間... ... 做餐廳，食物質素當然重要，但都不能彌補待應集體出言難為客人呢個缺點，不能接受。希望貴店如見評論，能認真檢待客(甚至只能說是待人)之基本尊重，天后到處都是美食，請不要自視過高。…查看更多

其實既然無心做烏冬點解要叫自己做自家烏冬？其他分店都正正常常，但呢間真係好難食！明明好肚餓，入到黎好想食野都比呢間自家烏冬搞到冇曬胃口，食完第一啖已經完全𠱸想再食落去。牛肉煮得太熟，蕃茄烏冬冇番茄味，大佬，真係我自己係屋企煮用罐頭湯都有味過佢，吉野家既牛肉真係好食勁多！！啲玉子小食啲玉子煮到老。好難食！如果你有心整蠱你朋友可以帶佢黎試吓不過公平D講，店員無辜嘅，服務不錯。希望佢啲野食真係可以改善下啦！…查看更多