mc807的个人专页

即興端午節BBQ，第一次到呢度BBQ, 即日book只可訂基本A餐 ($268 per head). 其他有海鮮的餐要早些預訂。打電話訂枱問咗付人頭後可自携海鮮。 揸車到達有車位，坐小巴商場門口可達。港島區有燒烤地方，燒烤爐炭火準備好，戶外有遮蔽可避免落雨淋濕，環境廁所等清潔情度也可以。影咗隔離枱的海鮮餐有大蝦下次可試。…查看更多

職員態度差，企喺門口吉枱準備坐低都冇人出來, 行埋入去才走個冇表情人出來話要每位min charge HKD180, 坐露營櫈嘅set up收呢個價, 而家咁嘅市道，真係可以skip呢間。留港消費仲有其他選擇。完。…查看更多

睇社交平台介紹見歷史悠久的街坊小店，買少見少。附近中學食到大學再出來做嘢都仲幫趁緊！牆上的菜牌好多餸菜選擇，勁！真係叫得出都有！飯後跟one man band老板吹水知道他開店已有30年，16歲來港學做港式燒味粵菜，以前常備有燒味，現在要預先訂才即日製(老板有要求要預計pick-up 前才做)👍下次要試的還有新年蒸榚同米通！今次3人晚飯，點了:酸甜骨(傳統酸甜汁)土魷肉餅煲仔飯(用心即製有飯焦超正)椒絲腐乳唐生菜 (鹹咗啲啲)椒鹽白飯魚 (乾身唔會油淋淋)裝修有返咁上下歲月痕跡，枱櫈環境都係平實乾淨，食餐普通街坊晚飯是ok的，最緊要好味道！要注意係老板一人主理落單炒菜招呼兩三枱客上枱速度係可接受的。有黑meow🐱一隻不過今次冇出現～…查看更多

每日早上買早餐時都見新鮮製作，星期一至五每日轉換沙律餐單唔會悶，每日有5款沙律自選1款或3款或全部5款。材料新鮮，健康美味啱晒我要清淡中有好食嘅選擇。用心製作值得支持！！！每日11點半就望住whatsapp message update今日揀咩食Whatsapp落單超方便。早啲落單選擇多啲。附上whatsapp cap圖。…查看更多

中午佐敦搵嘢食，第一次幫襯，因為有人想食煎／炸魚，路過見餐牌兩人都搵到啱食嘅嘢就入去試試。食物新鮮即做價錢合理，環境清潔，用心製作食品要好好支持。小店只有廚師同店員兩人忙碌中要理解耐心等候，不過食物上桌也不用等太久。…查看更多

第一次去呢間outback, 好晏才決定去，到店已9點幾，好彩last order 9點半前，點了HSBC red credit card 優惠餐 。帶位，落單，上菜，添水員工都好nice。由第一樣上菜嘅麵包及其他熱食都夠晒熱，沙律都好味。希望能保持水準，下次再幫襯。好少寫食評都要支持香港應有的服務水準! …查看更多

之前坐車路經見到這cafe已想試了,去之前在oenrice望一下見咖啡三文治照片也不錯。趁放假第一次光顧，下午4點多到達還提供lunch menu!? all day breakfast 就收到menu後頁，侍應冇介紹，唔問都唔知有。Tea time 時間只有現成的muffin同cake選擇，欠缺鹹點。荃灣區小店收98蚊的all day breakfast 諗住試一試，冇跟餐飲品加杯咖啡已接近$140了。食物出品感覺不太專業，炒菇一灘水味道淡，一小堆黑松露放在炒蛋上未能跟炒蛋一起散發香氣，浪費。附上火腿煙肉同兩條腸也未煎香，多士是薄面包不是厚多，幸好還有微暖。希望廚師能提升一下食品要求及豐富一下menu才可值回價錢。枱腳斜台放腳不舒適是一個問題。唯值得一讚是有素食選擇。支持小店也希望收到意見能review一下啦～…查看更多

不會再幫襯!點了一個窩夫同一個朱古力pancake，飲品是cappuccino同凍啡. 窩夫普通，最要命是pancake不熱，食落去才發現是蛋糕來的。又太多cream。給照片騙了！ 看英文description明明是pancake!! 可能是新品種吧！至於杯cappuccino也出事，顏色沖出來比latte更奶，溫度是微温的，help!! 告訴仕應換了一杯都冇大分別。兩個人去吃個pancake 做tea,花了二百幾三百，如果係好食都冇問題，但係在這間店就不化算了！…查看更多