Alex Lam 81's Profile

好耐冇黎食過, 咁再番黎食, 點知就出事.雞翼肉燥飯 - d 肉燥油多過肉, d 味道好似工廠飯堂咁.... 雞翼好似番煮好多次咁, d 肉已經唔滑. 雞粒炒飯 - 哇, 真係爆勁快, 2 分鐘都冇就出菜, 你係叮熱佢都叮耐少少丫唔該~! d 雞粒好似煲完湯咁, d 飯一d 都唔覺炒過, 我不如去買個7 仔叮叮飯食仲好味 ~~~半年冇去, 以後唔再去....…Read More

路經過見到門面都ok, 咁就入去一試.叫左小籠包, 蒜蓉半邊蝦, 泥芋油鴨煲, 雞燉翅.雞燉翅 - $38 細得黎都算啦, 冇咩期望泥芋油鴨煲 - 我叫左呢個, 佢就落單落粟子泥芋油鴨煲, $58 同$78 o既分別係一個問題, 但佢係咁話冇就咁泥芋油鴨煲, 係要我篤住個餐牌佢先死死氣. 之後都換左黎, 味道都ok, 可能成肚氣, 冇乜味蒜蓉半邊蝦 - 呢個仲經典, 我地叫$58, 佢話呢個係細蝦價, 開唔到邊, 要中蝦先得, $88. 為左一試, ok 啦, 一黎到O 晒咀. d 蝦size 同平時食壽司果d 差唔多, 咁唔怪之後佢話$58 果d 開唔到邊, 果d 係蝦毛. 講味道, 都好味o既, 唔係話好好味果隻小籠包 - 估唔到佢買黎番叮... 多謝晒, 咁o既一餐成$278... 兩個人. 下次咪攪 …Read More

路過深井, 無意間見到有間cafe, 見幾乾淨同d 野食o岩口味就入去一試.前菜係磨菇湯, 味道淡, 要加番鹽先夠味. 但d 菇都ok 好食. 之後有沙津, 清清地都幾開胃.叫左一個雪花牛(7 成熟), 但係過左火, 我諗8成半都有. 口感唔太似雪花牛, 份量都比較少, 唔夠食. 如果compare 一般牛扒, 口感都幾好. 甜品方面, 係自家製綠茶紅豆蛋糕, 清淡而蛋糕都夠鬆軟, 不錯不錯 ~~ 環景方面, 坐得都還舒服, 不過洗手間就有d 恐怖..... 勁多煙頭冇人理 …Read More

正當唔知去邊度食果時, 響呢度搵到呢間, 咁就決心去試一試.夜晚去到唔多人, walk-in 都有位, 見到餐牌, d 野食好平 ~~ 之後叫左煙肉pizza又未去到好似pizza huts 咁多料, 但係廿幾蚊, 同埋味道不錯, 真係抵食 ~~ 蜆肉意粉意粉就硬左少少, 但都叫彈牙. 蜆肉都可以接受, 細少少, 但廿幾蚊, 都係果句, 抵食o架啦~ 辣味雞翼都煎得幾金香, 都幾野味. 蒜蓉焗田螺唔重味, 入口有肉感, 好味 ~仲要加廿幾蚊, 野飲任飲. Overall 黎講, 如果話要好高質素o既野食, 呢度就未必係首選, 但係如果係抵食 + 好味, 呢度係個唔錯o既選擇 …Read More

中秋諗住搵間新野試, 平時見到都少少貴, 所以特別日子諗住去試下. 但係有d 失望... 蟹肉沙津 - 真係"多到"呢.... 兩啖冇左....雜錦魚生飯 - d 魚唔新鮮, 唔夠凍, 再食d 飯果時, d 飯淋bebe 咁帶子壽司 - 一般, 因為唔夠大o既關係, 食落冇咩口感. 加上都係唔夠凍極上牛肉烏冬 - 牛肉還可以, 烏冬就似係浸左好耐, 冇晒口感…Read More

book 左19:15, 去到之後冇乜人, 俾左個夠大獨立o既位. 坐得好舒服, 加上唔係好嘈 ~~~之後order 左一個炸豬柳定食, 因為想食魚生o既關係, 所以都order 左一個魚生船 個service 幾好, order 果時會問埋上左乜野先, 黎左d 調味品都有講應該點整, 不錯~!首先黎左個刺生船, d 魚生都幾好, 食落係爽口o既感覺, 同埋夠凍, 所以有80 分啦 ~~ 加上d wasabi 係生磨果d, 又夠勁, 係咁食 ~~之後上炸豬柳飯, 見到已經有少少似炸黃金蝦球咁, 好似好正 ~~食落之後, 發覺d 炸法好正, 肉身都keep 到唔會好"鞋". 另外有叫一杯士多啤梨果酸, 好飲, 清清地, 唔似台式果d 勁甜, 飲完要用水洗口. …Read More

去到銅鑼灣諗住食飯, 點知target 去果間要等三十張枱 =w=所以唔打唔撞之下, 去左wildfire.響門口已經有人serve, 介紹左幾野野食, 同埋有set.咁都覺得ok 咁就入去試下 ~~睇睇個set dinner, 都係覺得唔係超想食果隻, 所以就散叫 ~~首先頭盤叫左個Caesar salad, d 菜好爽好生鮮, 但除左菜之外o既野就好似少左d, 因為本人鍾意salad 唔係只係鍾意食菜果d 黎 之後叫左兩個main course, 一個係 - bbq meat lover(bbq sauce, mozzarella cheese, sausage, pepperoni, bacon, ham,grilled peppers & onions)少少辣, d 腸肉都適中, 都幾好味, 不過下次叫佢落辣少少好d ~~ 會更加有bbq 風味.另一個係 - wildfire beef burger with cheese and fries哈哈, 反而我鍾意食d 薯條多, 個beef burger 叫左6 成熟, 熟左少少, 下次可能叫5 成熟應該good fit ~~ 之外叫左杯荔枝 soda water, 清清地, 唔會好似出面包裝野飲果d 咁成啖糖漿. 清新o既荔枝味加上soda water o既氣, 好好飲 ~~ …Read More

Book 左夜晚19:30, 因為lunch 食得太飽, 所以都唔係好餓. 黎到果時送上左麵包, 軟度適中, 唔會好似外國果d 咁真係可以拎去打棒球. 太飽o既關係, 所以冇叫set, 都係散叫好味d ~ 點左:- 龍蝦意粉 $3xx- 燒羊架 $2xx- 一杯蘋果 + 士多啤梨- 一杯梨 + 楊桃龍蝦意粉: - 龍蝦肉起左做粒粒, 易入口之餘, 熟度剛好. - 意粉方面, 用左粗身少少果隻, 口感唔淋, 彈牙, 仲加左少少辣味, 個味道仲一直留響個口度. 燒羊架:- 有三件, 六成熟, 但唔會出面血咁. 加上燒汁o既味道, 可以話好味到極. (10 分的話, 俾倒9.8). 10 個推介!!! 蘋果 + 士多啤梨:- 甜甜地有幾重士多啤梨味, 好好味梨 + 楊桃- 好清, 冇乜味道 (可能係我鍾意同食慣濃味野)…Read More

今日夜晚見到有咁多人都話好好食, 咁就黎左試一試. 一黎到果時好多人排隊, 等左差唔多成半個鐘先有位. 響出面睇緊有咩食, 已經覺得都唔錯, 因為都幾多選擇, 都幾特別, 好多都係出面見唔到, 不錯 ~~ 等左一陣之後可以入去啦, 坐左響近門口果邊, 感覺有d 細, 但都唔係話坐得辛苦咁, 都舒舒服服. 打開menu 果時, 見到好多野都想試試, 豬扒, 雞扒, 漢堡扒咁.最尾就點左兩樣餸 "炸雞蓋飯加冷烏冬" 同埋 "漢堡扒定食", 一開始黎左個冷烏冬先, 加埋d wasabi 幾好食, 不過再凍d 就會一流 (因為響日本果時, even 食便利店已經超好食, 夠凍, 夠爽口. 卒之晚晚都買番酒店宵夜 ). 所以如果凍d 的話, 就有果時果種上癮o既感覺. 之後黎左"漢堡扒定食", 個賣相真係幾好, 但響觀感上, 欠少少氣味. 如果熱少少, 有陣陣香氣的話, 加埋個觀感真係perfect~! 食落去之後, 真係唔係好夠熱, 味道方面就真係好味, 推介 ~~ 之後黎埋"炸雞蓋飯加冷烏冬" 中o既炸雞飯. 唔知係唔係唔識, d 雞扒放響d 菜絲上面, d 菜絲就隔住d 飯. 因為太多菜絲, 所以食唔到d 飯, 要夾晒d 雞扒同菜絲去第二度先可以開餐 ~~ 食落之後, 本人唔太鍾意食菜絲, 可能太清. 雞扒就炸得好好, 唔會話太厚, 入面太熟咁. 不過用燒汁黎點雞扒, 就好似有少少搶左雞扒d 味, 覺得就咁炸雞扒 + 加七味粉落飯度食會o岩我口味 ~~ 不過, 已經幾好味了 ~ 推推 ~~ …Read More