Vanness Fung的个人专页

今日同朋友試左大閘任食，首先無限時已經要讚，我拆蟹慢，無限時可以慢慢食第二讚係服務，收碟超快，基本上食完一隻蟹就有人黎換碟，樓面好有禮貌跟住任食片皮鴨不停出，見姨姨不停片，鴨熱好食大閘蟹小籠包最好食，一咬全部湯汁重點大閘蟹，上枱快，最滿意係每次都熱辣辣，食過好多間酒樓任食，好幾間D蟹黎到係凍架！今餐全部蟹公多膏，唯一要彈架係3種味其實差唔多，分唔到邊款係清蒸，邊款係花雕/鹽焗總結係：我暫時食過任食最滿意的一間，連加一$500哩1位，絕對會再幫襯…查看更多

見社交平台 自助餐群組多人推介，諗住試下，無群組講咁好食，試完無下次7點去到，已經無龍蝦食，等成半粒鐘先出一盤，好彩見住佢出即時沖出去，一人兩三隻排8個10個已經無晒，聽到個女人話「吓又無晒」根住又要再等半個鐘以上先再出，未遇過自助餐係咁囉除非你6點黎食，我7點哩去拎熟食，咩都無要等。。。羊架無，花膠無，燉湯無。。。D飛禪牛切薄片俾你，要係咁講大舊D大舊D先俾多D你D蠔唔洗講啦！睇相就知連我最愛的甜品都唔想拎，D蛋糕望到超一般等左差唔多1個鐘架燉湯係全晚早正囉！最嬲係8點左右隔離枱黎食，識得個經理，一黎幾隻幾隻龍蝦拎俾佢地，生蠔又大大隻，根本入面有貨係度，係專登隔好耐先出，唔係任食不如講限量啦，埋單都$1100，水魚做一次就夠…查看更多

環境幾好，D枱好鬆動一D都唔迫，氣氛算幾寧靜去過隔離，D枱好迫嘈過街市一黎坐低侍應就問飲咩，有🍊汁🍻任飲，聽唔晒有咩選擇，都有4至5款的，會不停幫你refill，食完仲會有杯餐茶刺身ok，龍蝦多膏，不過係無長腳蟹🦀同🦪，但整體新鮮唔過咸有燉湯超加分，湯有花膠熟食好好食，🥩唔干好好味，仲有乳豬都ok，還有咖哩/串燒/點心/粉麵無影相甜品好精緻，款式多🍮最一讚係侍應個個都好好禮貌，收碟快，沙律部姐姐會介紹有咩食…查看更多

見宣傳話龍蝦主題，朋友鐘意食龍蝦所以去試下🦞🦞🦞讚位：坐位好寬闊，食物補充快，不用排長隊服務員好好禮貌，全程笑住口凍龍蝦質素幾好，爽口彈牙，拎2次都高質，有膏幾甜甜品多款好味，細細份，可以試多幾款伏位：基本上所以熟嘅龍蝦食品款式都好鞋口魚生有骨熟食唔多，一張枱見晒樣樣都好一般，無特別好味生蠔有少少臭有D食物無影，因為都係一般般總括黎講$688＋再加1(特別信用卡先有折) 依個價錢，試一次無下次…查看更多

相約同朋友去撐下場，食過舊舖新舖第一次嚟！地方好大又有卡位，坐得舒服咗有午市套餐，唔太貴，不過今日想食烤魚，所以下次先再試午市套餐吧原想食雞煲，不過怕食唔哂，最後叫了泡椒烤魚，成條魚無咩骨最啱懶人嘅我入面仲有豆卜，雲耳配菜，好好味，最喜歡條魚煎得好香會越食越辣🌶️🌶️🌶️之後再追加了辣炒雞軟骨都好好食，炸得好香口，不過睇落好似好多🌶️，但其實一D都唔辣，送啤酒最正下次再嚟試埋其他嘢加油💙…查看更多

Openrice見依間舖新開有盤魚食, 就走嚟試下🐟$178一位, 配料任叫, 仲有肥牛供應條魚去咗邊, 因為太好食落晒我肚囉🤣🤣🤣依張係餐廳提供相片, 但條魚上枱同相片一樣, 第一次食江䐁魚, 無諗過咁咁咁滑無咩骨又鮮味, 真係成條清晒任叫肥牛唔差, 之前送一碟安格斯(無影)手打蝦丸墨魚丸每人仲送一隻鮑魚同蝦(無影), 上枱仲識郁㗎總括嚟講~任叫嘢食質素好ok, 老闆娘好招呼, 坐得都算舒適, 我一定會為咗條滑滑魚再嚟…查看更多

開完會經過, 見到有泰國名人胡慧沖推介, 入去試下午餐$50-60到, 包飲品價錢不算太平, 但試完覺得全部真材實料, 餸又多, 所以都值最好食係個炒金邊粉, 酸甜味剛好, 同老闆娘傾咗兩句, 原來廚師專誠係泰國請返嚟! 所以夠晒正宗下次試埋晚市先…查看更多

今日同爸爸食飯, 想食黃油蟹, 都驚季尾無得食, 所以專登續間問下有無先, 打嚟依間問話有, 咁我就即刻訂位! 嚟到個男部長話無蟹叫我地轉第樣, 我話我打咗嚟問有先嚟㗎! 個男部長話其實今日4點已經通知咗每個訂咗位㗎客人無蟹, 咁我話無人通知過我, 隔離個女部長即刻講"馮小姐吖嘛! 打咗兩次俾你啦! 你無聽之嘛!" 我話電話都無響過, 根手俾個電話通訊紀錄個部長睇, 個女部長即轉態話可能炒錯電話, 之後走咗去😑唔緊要....都算!之後落單個個仲攪笑, 漏單之餘仲九唔搭八:我: 個餐燉湯係咩湯?女部長: 廚房燉湯我: 即係咩呢?女部長: 都係個D啦(...)我: 咁有無得轉其他湯?女部長: 你想飲咩湯吖? 除咗個翅之外都可以選擇, 豬肺湯個D囉! 我: 咁好啦! 就豬肺湯(嚟到變咗第二樣, 問返個女部長)女部長: 吓! 乜我無講咩...轉頭走咗返嚟話: 餐個湯係無得轉㗎! 今日係咩就出咩!我: 我地問咗你話有得轉㗎喎...女部長: 係無得轉㗎! 我無講過可以轉喎! (............)嚟到依到真係忍唔住爆咗粗! 最後個男部長都轉返豬肺湯俾我地, 但係成餐飯都食到一肚氣! 其實所有嘢都好少事, 講句唔好意思我地絕對接受! 唔明點解要屈落顧客到先, 到最後都只有男部長講唔好意思...唉! 你請我都唔會再嚟😠…查看更多