C_Candy11的個人專頁

🍢人氣串燒店燒烤堂，一直都大受歡迎👏🏻食物種類豐富，有各種不同特色燒烤。串燒即叫即燒，餐單上清晰介紹各款食物嘅風格。食物種類有豬、牛、雞、羊、魚、海鮮等等。餐廳亦會提供熱爐，保持食物溫度。今次食咗鹽燒雞頸肉、韓式燒惹味牛肋肉、中切鹽燒牛舌芯、手切新鮮牛胸爽、鹽燒豬肋肉、豚肉日本蘋果卷、紫蘇雞皮蝦、雞皮墨魚滑、蒜蓉燒生蠔、紅蔥油蒜蓉粉絲燒元貝、蒜蓉牛油酒煮蜆、札幌赤鯛一夜干、味醂魚干、焦糖青蘋果鵝肝多士、蟹肉芝士最中餅、胡麻醬稻庭冷烏冬。蒜蓉牛油酒煮蜆🧈蜆肉都算幾大粒，蒜蓉牛油嘅味道突出，蒜蓉牛油多士酥脆，單獨食就好好味了。蒜蓉燒生蠔🦪生蠔燒完仲係有好多汁，鮮甜可口，蒜蓉同生蠔呢個組合真係絕配。韓式燒惹味牛肋肉🐮牛肋肉肉質軟嫩，肉味濃郁。紅蔥油蒜蓉粉絲燒元貝原隻元貝連殼一齊燒，海鮮控一定要試下，元貝超大粒呀！加咗紅蔥油更香。焦糖青蘋果鵝肝多士🍞鵝肝表面燒得微焦，中間係用焦糖燒過嘅青蘋果，底部係多士脆脆地嘅口感，食到唔同嘅層次。新鮮椰青🥥解渴又消暑，飲完透心涼！青檸菠蘿梳打🥤清新嘅味道，酸酸地，非常適合夏天飲👏🏻…查看更多

旺角日式放題，午市$238就可以食到長腳蟹鵝肝海陸盛宴啦❣️食足3個鐘，食物款式豐富，仲可以任食馬來西亞極品榴蓮呀🤩🤩呢個價錢可以食到咁多款食物，真係超抵食！🐠刺身方面，我地食咗松葉蟹腳、三文魚腩、赤貝、希靈魚、阿根廷大赤蝦、劍魚腩、泰式生蝦、御•泰式鮑魚、 魚籽池魚王薄切、柚子醋花海蜇。各款刺身質素都唔錯，最特別係創作款式刺身，食物新鮮又好味！🍣火炙焦糖三文魚腩壽司，火炙過嘅味道好香，再加啲焦糖味，入口即溶。白松露鯛魚壽司，鯛魚味道淡淡地，加少少白松露係上面，更添鮮味。吞拿魚蓉手卷、海膽手卷，外型好似雪糕咁，份量細細個，啱啱好。🍢鹽燒雞軟骨、鹽燒牛舌、鐵板鵝肝、川燒蒜蓉焗生蠔。各款燒物，即叫即燒，食物惹味。凍鮮奶燉桃膠雪燕，用料十足，味道唔會太甜。除咗用QR CODE手機落單外，餐廳仲有提供好多熟食、凍食海鮮、炸物、甜品、雪糕、飲品、梅酒、清酒等等。食足3個鐘，時間充足，呢個價錢性價比黎講，真係唔錯！好適合約埋朋友一齊大食一餐！…查看更多

係中環享受四道菜午餐，只需$178/位就可以食到啦！走進餐廳，墻上掛滿不同特色的畫，紅色絲絨梳化，有一邊落地酒櫃，放滿各式各樣的酒🍾 室內景觀可以見到大館，環境舒適。更設有露台位置，等天氣冇咁熱時，約朋友飲返杯，認真chill❤🔅四道菜包括：餐湯、沙律、Pizza/Pasta 、甜品及飲品南瓜忌廉湯🎃口感順滑，質地濃稠，同忌廉好夾。沙律🥗加入了車厘茄🍅、紅洋蔥🧅、西瓜蘿蔔🥕，清新又開胃。Nduja di Manzo🍕加入了自家製辣牛肉🐮、手工番茄醬🥫、意大利水牛芝士、布拉塔芝士🧀、新鮮番茜🌿。手工pizza口感有別於其他pizza，燶邊香脆，薄批底，所有食材融合一起，味道恰到好處！Penne Arrabiata🍝加入了長通粉、車厘茄🍅、白酒🥂、鮮辣椒🌶️。嗜辣人士的最愛，味道都幾辣，撒上辣椒粉，令辣味更加突出。意式奶凍配雜莓醬🍧濃郁滑順的奶凍搭配酸甜清爽的雜莓醬，味道清新。Mini Tiramisu🍨入口即溶，口感幼滑又食到酒香同可可粉的苦澀味，層次豐富。🍹凍檸茶茶底清新，可根據個人口味加入糖漿，清爽解渴。…查看更多

中環街市新開了一間用心製作的有機豆乳甜品外賣店🥡所有食物都是每天新鮮製作，100%有機豆乳。主打用有機豆乳製作，以黃豆磨煮後，不添加糖或任何化學成分，保留最完整的營養及黃豆本身的香氣。食物種類有豆乳意式雪糕、有機豆乳布甸、有機豆奶、經典豆乳系列、豆乳奶蓋系列、黑糖豆乳系列、濃茶豆乳系列及豆乳奶蓋咖啡系列。同時亦係一間純素飲品店！追求健康飲食嘅你，下次經過中環街市，不妨試試呀❣️黑芝麻有機豆奶🖤🥛飲落聞到濃郁的黑芝麻、豆乳味，口感順滑，令人意外，竟然一啲都唔甜。健康又好飲！豆腐意式雪糕🍦第一次食到咁濃郁嘅豆腐味雪糕，順滑口感。黑芝麻雪糕🍦帶有濃郁的黑芝麻香氣，質地柔軟，好似食緊芝麻糊咁，但明明係雪糕，綿密又順滑。開心果雪燕桃膠西米露豆乳布甸🍮滑嘟嘟嘅豆乳布甸，用料豐富，用杯食甜品都係第一次，感覺新奇，本身以為會好甜，唔甜但又食到各種食材嘅香味，咁健康又好味嘅甜品，好值得encore！…查看更多

二訪人氣燒肉店，餐廳最近推出了全港最平牛舌、蟹黃海膽月見飯😍估唔到烤肉店，都可以食到咁高質嘅蟹黃海膽月見飯🦀🍚，滿滿的蟹膏、蟹肉鋪滿成個碗，加埋海膽、生蛋黃，撈勻再食，啖啖都係精華！會令人忍唔住食晒成碗飯❣️全港最平牛舌‼️一碟只需要8蚊，份量都有十幾片㗎，薄薄地，燒兩燒就好快熟了，呢個價錢竟然可以食到咁有質素嘅牛舌，真係好難得！上·九宮格🍱九宮格包括：一口牛、韓式護心肉、厚切牛舌芯、和牛三角腩、和牛五花、手切牛頸脊、栗子豬五隻、鮮雞爽肉、活白鱔。一次過滿足晒我所有願望❤️有豬、和牛、雞肉、白鱔。份量適合2-3人，和牛花紋分佈均勻，入口即溶。護心肉肉味濃郁，厚切牛舌芯肉質鮮嫩帶有嚼勁，雞爽肉食落有彈性，爽口又唔油膩，白鱔燒完特別香脆。柚子漬雞肉山（半份）🐔雞肉用柚子漬醃製過，燒完充滿一陣柚子香味，雞肉嫩滑。韓風護心肉🐷肉質厚實帶點嚼勁，油脂感唔重，充滿香濃肉味，烤肉必點。柚子檸檬芝士蛋糕🍰味道清新、酸酸甜甜，解滯開胃。冷泡荔枝烏龍茶（無糖）🥤荔枝烏龍茶的味道清爽甘醇，帶有淡淡的荔枝果香。冷泡白桃烏龍茶（無糖）🥤帶有芳香的白桃果味，不苦澀。…查看更多

近年，越黎越多集團式餐廳進駐將軍澳。好多人都覺得將軍澳係美食沙漠😅好食嘅西餐真係太少了🙈 今次，介紹大家黎試下呢間高質西餐🍴❤️ 性價比真係冇得輸👍🏻餐廳更提供戶外座位，啱晒養寵物嘅人士呀❣️帶子海蝦八爪魚番茄醬扁意粉🍝賣相吸引，濃郁的番茄醬，融合了帶子、海蝦 、八爪魚一齊，扁意粉吸收了濃郁的醬汁，口感軟硬適中。炭燒安格斯牛肉芝士漢堡🍔配酸菜沙律及薯條🍟安格斯牛肉用炭燒的方式，牛肉厚實又juicy，配上芝士，絕對是最佳搭配。漢堡包焦脆的口感，讓人一試難忘。粗薯條🍟香脆、酸黃瓜爽脆又開胃。朱古力香蕉士多啤梨奶昔🍹絕對是小朋友最愛的飲料，三種不同的味道：朱古力🍫香蕉 🍌士多啤梨🍓，是一杯香甜濃郁的奶昔！開心果哈哈果沙冰🍧Mousse上撒上開心果粒點綴，沒想到開心果和哈密瓜融合的味道，是那麼地清新！…查看更多

好耐冇飛韓國🇰🇷，太掛住啲美食LOL…朋友帶咗我去佐敦，試下呢間90分鐘無限任食醬油蟹🦀😍原來係13年老字號店，自家醃制醬油蟹，聽職員講，老闆每日朝早6點就返餐廳做準備👍🏻設有⁠獨立房間，韓式餐廳裡面常見的前菜，仲可以無限追加🤩90分鐘無限任食醬油蟹🦀任食包括：醬油蟹、小花蟹湯、紫菜飯、辣醬蟹、泡菜餅、炒年糕、炒粉絲。韓式餐廳裡面常見的小菜，充滿韓式風味，味道地道，非常入味。主角醬油蟹🦀，蟹膏都幾多下喎😱味道新鮮，唔會太鹹，肉質細嫩，入口即溶，將啲蟹膏筆出黎，倒入紫菜飯度一齊食，飽腹感十足。再飲啖熱騰騰的小花蟹湯🍲，清甜的湯頭，用料豐富，暖胃的最佳選擇。我地另外加咗醬油蝦🦐試試，大大隻蝦，口感彈牙，鮮味十足。鍾意辣蟹嘅話，要試下辣醬蟹，加上韓式辣醬，口感、味蕾又是一番體會！🍺酒精飲品做緊買一送一優惠，超抵呀！初飲初樂（西柚）🍹係一款果味燒酒，味道清新爽口，帶少少果香味。氣泡燒酒（菠蘿味）🍹菠蘿味道突出，入口順滑。…查看更多

由韓國人主理的餐廳，餐廳的餐點只有幾款食物，都是大家經常在韓劇中看到的排骨辣湯飯、紫菜包飯、餃子、五花肉等等。2人套餐🥘🍜套餐包2款主食排骨辣湯飯🥘熱騰騰的辣湯飯，味道微辣，排骨燉得軟化，吸收了湯汁。水冷麵🍜炎炎夏日，蕎麥麵清爽的口感，加了雪梨、雞蛋絲，吃一口水冷麵，透心涼的感覺。小食迷你紫菜包飯🍙泡菜餃子🥟份量小小的，對於2人份量來說，剛剛好。熱五花肉🐖簿切的五花肉，肥瘦適中，沾醬一起吃更美味。追加食物蜆- 鮮甜美味，湯底清甜。牛肉絲🐮- 清淡的口感，加入排骨辣湯飯也不錯，也可以單吃。飲品甜米露🥤甜甜的味道，米露的味道也是淡淡的，忌廉溝鮮奶梳打🥤韓劇中常出現的飲品，夏日必喝。…查看更多

觀看體育賽事、演唱會🎵，一定要醫飽肚先啦❣️位於啟德體育園零售館內，餐廳店內有以一千個網球佈置的牆身，打卡一流😍餐廳位於停車場旁，泊車方便👍🏻番茄牛肉醬意大利飯🍛讓人垂涎三尺的意大利飯，拉絲感十足，味道濃郁。 自家製煙潮豬腩窩夫三文治配薯條🧇自家製煙豬腩肉，口感爽脆，窩夫鬆軟，擺盤上更有太陽蛋、薯條，食物層次豐富。小食拼盤🍖🍗🍟食物豐富，香脆可口。有炸洋蔥圈、炸雞軟骨、炸雞、薯條，更有三款醬料：蛋黃醬、蕃茄醬、芝士醬。雜莓醬千層塔配草莓雪糕🍧將士多啤梨、藍莓、千層酥、吉士醬、忌廉堆積成塔，無論味道或打卡，絕對一流！經典提拉米蘇🤎超級可愛的企鵝🐧 ，好似浸浴般享受，提拉米蘇的酒味突出，味道絲滑香甜。香蕉朱古力奶昔🍌🍫🥤奶昔口感棉密細滑，結合了朱古力的濃郁、香蕉的香甜。藍檸檬梳打🍸口感清新，藍色漸層的視覺效果，非常吸睛！攪勻後，整杯飲品顏色變得更藍。…查看更多

位於美麗華商場的日式餐廳Hiroshi，推出了夏季蛋白質套餐，享受美食的同時可以吸收蛋白質，營養豐富。以自家製日式卷蛋及甜品作主打，每天新鮮手工製造❣️汁燒牛舌枝豆飯🍱厚切牛舌有驚喜，汁燒的味道適中，配合枝豆一齊吃，健康又美味！明太子御好燒🫓特別限定，下單時候可備註代切，方便進食。份量小巧，明太子混合了沙律醬，粉漿表面微焦，再加入木魚絲，香氣十足！凍芝麻鮮奶配小芝麻卷🥛超濃郁的芝麻鮮奶，口感綿密。小芝麻卷蛋，芝麻香味濃郁，下午茶來一小口，愜意又悠閒。凍抹茶香芋鮮奶配小香芋卷🍹打卡吸睛的飲品，輕盈而絲滑的滋味穰人沉醉。小香芋卷蛋，清新撲鼻，濕潤綿密入口即化。梳乎厘班戟配雪糕球🥞富有輕盈的空氣感，加上濕潤的口感，加入楓糖漿、牛油及忌廉，香甜軟滑。…查看更多

人氣日系裝修風格cafe，木框玻璃趟門的設計，入內便聞到陣陣手沖咖啡的香氣。餐廳主打西日式料理、自家製甜品，更設立烘焙咖啡豆的銷售架，主要供應本地烘焙豆，及每月都有來自不同產地的單品咖啡豆。鹽燒安格斯封門柳定食🐮安格斯風封門柳係牛肉中最嫩滑的部位之一，肉味濃郁，口感嫩滑，鹽燒的烹調方法，帶出牛肉的肉味！香煎海蝦龍蝦汁捲捲意粉🍝捲捲意粉口感比一般意粉有嚼勁，加入濃郁的龍蝦汁，爽口彈牙的海蝦。開心果芝士蛋糕🍰芝士非常creamy，開心果同芝士融合嘅味道，層次分明。士多啤梨野莓窩夫配雪糕🧇窩夫香脆，沾少許士多啤梨醬，酸酸甜甜，作為飯後甜點也不錯。維也納咖啡🍹苦甜交織的味道，忌廉絲滑的香甜，咖啡的苦澀味，一杯咖啡飲出不同的味蕾體驗，包括苦、甜、香、滑等等，味道獨特。🍽️餐廳更設有晚市套餐，附送餐湯、熱洋甘菊茶，更有加購甜品或小食優惠。…查看更多

🌟🌟安平推出 全新Menu ～120分鐘日本A4+和牛饗宴🐮❣️燒肉迷唔好錯過啦😍😍除咗可以任食日本和牛，全新餐牌仲有海鮮、壽喜燒👍🏻燒肉竟然有壽喜燒食，非常驚喜👍🏻「極．厚切檸檬牛舌」會附有刀叉和沙漏，親手喺砧板上面切牛舌，儀式感滿滿。揀咗日本A4+和牛饕宴，仲可以任食澳洲M8和牛宴、SRF極黑牛餐套餐內所有食物，非常豐富呀～真正的食到飽😋 肉類方面，食咗幾款：日本A4+和牛、蘭王蛋月見牛、極.厚切檸檬牛舌、台灣醬燒牛腹肉、壺漬特調牛肋肉。海鮮有：炙烤生蠔（鹽蔥）、黃油蒜烤帆立貝、炙烤霸王蝦、培根帶子串。日本A4+和牛花紋分佈平均，肉味濃郁，除此之外，仲可以任食日本A4+和牛壽喜燒，有一個細細嘅爐，火候唔算大，將啲和牛放入個鍋度，等佢慢慢煮熟。厚切檸檬牛舌嘅肉質爽口。蘭王蛋月見牛，攪勻個蛋黃後再燒，味道都唔錯👍🏻飲啤酒🍻唔少得下酒菜，台灣直送嘅西門町香烤鴨舌，蜜烤豬肉乾、黑金墨魚香腸、火烤魚干佐蛋黃醬。…查看更多

如果想食燒肉，又想有專人幫你燒埋，極力推薦你黎試吓呢間啦‼️ 主打韓式岩石板燒肉嘅餐廳，環境舒適，同朋友聚會傾計嘅好地方👍🏻岩石板燒 Set B(2-3人用) 🥩好特別嘅係用罈子裝住啲五花肉 ，份量足450g ，每人有6宮格調味醬汁，可愛哈哈笑圖案調味。因個人口味，夾住五花肉沾醬一齊食。除咗五花肉之外，仲有泡菜、杏鮑菇、菠蘿及蒜片，五花肉肥瘦相稱，職員代燒嘅時候，已經聞到陣真香味。套餐包咗炒飯或炸醬拉麵，我哋就揀咗炸醬拉麵，職員會放喺岩石板度炒勻，每人一碗份量啱啱好，炒麵汁香濃。芝士大醬湯飯🍲湯底濃厚帶少少辣味，裡面有飯粒，撈埋湯一齊食，味道唔錯👍🏻韓式特飲～士多啤梨米酒🍓米酒香醇，入口嘅味道冇燒酒咁濃烈，加咗士多啤梨醬，飲落酸酸甜甜。…查看更多

尖沙咀新開咗一間串燒店，價錢平民化，款式豐富、口味特別，有冇諗過$10就可以食到串燒⁉️最平係10蚊咋‼️而且仲有專人燒埋，性價比唔錯👍🏻約埋一班朋友，飲住嘢食串燒確實幾正呀❣️我地食咗鹽燒西班牙五花腩🐖、蜜糖牛油栗米🌽、黑松露燒雞肝、味噌松板豬、泰式燒墨魚鬚、豚肉荔枝卷、鹽燒雞腿肉、黑松露金菇卷、蟹粉日式豆腐、免治雞肉棒（配日本蛋）、韓風燒牛肋肉、芝士菠菜卷、芝士年糕、墨魚滑紫菜大蝦、芫荽雞絲手抓餅、港式蜜糖多士夾雪糕、椒鹽紫菜泰式辣醬九肚魚。飲品嗌咗青檸菠蘿gin、薄荷桔仔gin。飲品清新又解渴，啱晒夏天飲。大推墨魚滑紫菜大蝦，口感酥脆，紫菜上面包住墨魚滑、蝦粒彈牙，點少少醬汁一齊食，味道非常夾。港式蜜糖多士夾雪糕，口感好似以前韓國大熱嘅多士雪糕，多士甜甜地，中間夾咗雪糕，入口即溶嘅感覺。椒鹽紫菜泰式辣醬九肚魚，切到細細粒嘅口感，九肚魚炸完之後撒少少椒鹽粉、紫菜碎上去，再配埋泰式辣醬，胃口又滋味。…查看更多

坊間好少見自家釀製梅酒嘅日式餐廳🏮，仲有自家風乾肉類。最特別嘅係熟成刺身，口感特別嫩滑，鮮味更濃郁！咁特別嘅餐廳究竟係邊⁉️餐廳有一張長形bar檯設計嘅座位，可以近距離見到師傅處理食物嘅過程，亦有卡座區，裝修風格以木系為主調，環境舒適。午市套餐 拖羅刺身• 二重丼🍱迷你蟹肉魚籽丼、迷你雜錦角切魚生丼、拖羅刺身兩塊。份量一啲都唔少，拖羅嘅口感超嫩滑，好鮮甜！蟹肉魚籽撈勻後，送飯超正👍🏻雜錦角切魚生加咗少少醃過嘅青瓜🥒，口感爽脆。原條鰻魚定食🍚原條鰻魚上碟，燒得好香脆，色澤鮮豔。午市套餐送和風沙律、麵豉湯前菜開胃，麵豉湯幾濃下，麵豉調配嘅鹹度啱啱好，唔會過鹹或太淡味。燒雞皮🐔18小時風乾日本雞皮，口感香脆可口。博多糖心蛋🥚外層豚肉燒完再捲住糖心蛋，賣相吸引。博多蘋果卷🍎單從外表睇，以為只係普通嘅燒豚肉，其實內有乾坤，裡面係蘋果粒，幾有驚喜。明太子醬燒翠玉瓜🫒滿滿嘅明太子舖係翠玉瓜上面，明太子本身帶鹹味，中和返翠玉瓜嘅淡味。月見免治雞肉棒🐔免治雞肉燒得好香口，再蘸少少生蛋黃食，美味多汁。自家釀製梅酒🥃餐廳一角擺放咗自家製嘅梅酒，今次飲嘅係2023年期嘅梅酒，酸酸甜甜，酒味香醇濃厚，入口清新。…查看更多