yuminnn的个人专页

想搵間cafe做下doc,經過歌賦街見到間新開嘅coffee bar就即管試一試，有驚喜發現🥰有別於連鎖cafe,佢冇精美蛋糕意粉小食，咖啡口味都冇嗰啲玫瑰小糖更多款式，就係專注做咖啡，應該係因為專注所以專業，杯啡嘅quality真係好好，啡濃奶甜，balance得好舒服☺️同咖啡師傾兩句就知道佢哋要選用嘅豆係香港本地豆房烘焙，混左日曬巴西同水洗哥倫比亞，所以會有果香同花香。仲有其他唔同地區品種嘅精品豆，可以揀手沖，下次可以試試😋中上環 $40可以飲一杯高質Latte ，坐左成個鐘禁下電腦，又學到野，我比十分🥰咁正既coffee bar ， 唔可以淨係我一個知道😈…查看更多

啱啱喺日本返嚟，有鋪拉麵癮，行過見到打住博多拉麵嘅旗號，做特價就試試。$38一碗 再加$6加一塊叉燒賣相都還可以嘅，但係一放入口真係好唔開心😭湯底完全冇豬骨味或者醬油味，剩係得個鹹字，仲要係好鹹。個面底勁唔得，一啲都唔煙銀，放多陣就淋曬。都唔緊要！仲要黐埋一pat野，平時我都好少浪費食物，但係呢個我真係食唔落肉就冇乜大問題，因為係外購返嚟直接切落去。其實服務還可以嘅，但係喺西九美食廣場食完就要自己拎返個碗返去。整體來講，$44咁細碗，仲要唔好食，真係太失望啦…查看更多

哈哈哈我又食串燒啦，今次係78蚊一小時仼飲仼食 懶人自助燒烤！行過觀塘駱駝漆大廈，有人派傳單見到$78蚊午市放題咁抵就衝左上去啦。閒日午市黎講，生意算唔錯，見到有啲人氣，所以決定試試！除咗串燒之外，仲有啲熟食、沙律同甜品，款色選擇都幾多。雖然串燒係主打，但其他野食一啲都唔馬虎，大讚下個波羅雞粒炒飯，有泰國餐廳嘅感覺，炒得好好食！不過放題點可以食飯咁冇大志！所以同朋友share每人幾啖剛剛好。不得不推薦既當然係串燒，其實好好玩😂睇住佢一路自己轉轉轉，同朋友傾下計得閒搽下醬汁就食得啦。老闆仲好貼心行過嚟教我地燒菇嘅技巧整體來講CP值勁高！大推！！…查看更多

萬聖節就快到，呢間酒吧就佈置得最有特色啦！除咗佈置有氣氛之外，連餐牌都勁有心思！其中一杯叫M魔女，係死去嘅妓女用經血扶助天下間嘅男人，見血者一柱擎天，真係笑死我😂不過好啤酒嘅我都係叫返生啤啦。食飯時間仲係酒吧既happy hour 所以叫串燒餐超抵食！$78-118 就有串燒又有野飲。串燒水準還可以啦！不過不失，係炸豆腐十分有趣，有啲似豆卜同豆腐既合體。雞皮燒得岩岩好！完全唔會油膩！餐飲我就加$20轉生啤，Murphy係我比較少見到嘅Irish啤酒，平時完全唔會飲黑啤，但見服務員哥哥推介就試試，果然完全唔苦，仲有陣陣咖啡味回甘，一定會為左呢杯黑啤再黎咕嚕🥰餐廳既氣氛就係我最滿意既地方，有情調得黎又有趣味，餐廳將自己包裝成一間日本妓寨，好有特色！情侶黎食晚飯會要有feel D☺️整體黎講，呢個地段晚餐算幾抵，服務唔錯，環境ok，可再一戰！…查看更多

位於馬鞍山廣場嘅大快活，旺中帶靜，慢慢嘆下午茶就一流啦！望出去就係一片綠油油嘅樹木同埋藍藍嘅天空，簡直係心曠神怡！今日食嘅係蜜汁燒雞比拼煉奶西多士，雞髀都算肉滑但表皮又以為硬咗啲，西多就維持到一貫水準，不過紅豆冰就有少少出事啦，太甜太沙。整體上都對得住$40呢個價既。…查看更多

朋友介紹既大廚房，openrice 都幾多好評所以特登同男朋友lunch Time試一試環境都OK舒服嘅 一到12點都幾多打工仔會過嚟食lunch點左呢度最出名嘅喇沙雞絲喇沙湯飯($52)澳洲牛肉喇沙河($52)本身唔係喇沙既專家 都唔識點評一碗好喇沙我只係以普通人既角度睇~佢個味道 係幾香椰汁味但鹹過出前一丁 唔知落左幾多斤鹽！配上吸湯既飯 食完可能血壓急升！雞絲有雪藏味 零特別牛肉切得太細 差啲變咗牛肉碎 仲有陣牛臊味🤦🏻‍♀️本人食過嘅劣食當中都算數一數二🤦🏻‍♀️一上到枱 男朋友就扭計 因為隻隻蛋都爛曬😂加上個飲品 凍可力同凍華田10分足料！我指糖漿方面🤦🏻‍♀️可能有半杯都係糖漿 食多幾杯既刻有糖尿病..總結.重口味 唔代表濃味 唔代表足料 更加唔代表有特色！但基於勁咸同太甜既關係 成個餐一半都食唔到 已打差評！自問自己要求唔高大家樂下午茶都會食得好開心😨究竟係今日廚房師傅冇返工 定係我咁唔好彩叫做中最難食嗰兩樣？好L難食呀！…查看更多

我呢啲新界妹成日覺得去銅鑼灣食野想坐得舒服少少點都要成舊水走唔甩O'saca中位價 食台式野同西洋野最緊要坐得舒服環境燈光同氣氛都正👍🏻Lunch & tea menu 👆🏽同區相比價錢算合理豬軟過煮得好淋 但得兩舊仔 有啲唔開心麵就真係勁普通 759啲刀削面可能正啲湯有少少藥材味 有台灣feel😻鹽酥雞糖心蛋肉噪飯 簡直可以用正形容menu上最平既餐亦係最好食既餐雞炸得好脆且唔硬 炸粉幾正所以餐都包一杯$32既野飲 多左補錢就得所以好多野飲揀 唔係得奶茶咖啡玫瑰咖啡泡打得唔夠密 個圖案未上枱就花左玫瑰味 聞落去都香 但唔多飲得出玫瑰草莓Latte呢個正呀！好似玫瑰味既士多啤梨奶咁👍🏻…查看更多

講真 炒雪糕係幾有噱頭呢間雪糕店嘅老闆係口味設計方面都幾有諗頭各式各樣嘅口味都有而我就揀咗 忌廉芝士繽紛樂其實真係比佢個名吸引左炒雪糕嘅過程👆🏽佢真係落完整一條繽紛樂 再加忌廉切碎再攪勻 之後就鋪好卷雪糕啦過程1分鐘都唔使最後加上忌廉同木糠總結:味道好一般 口感同食一球球嗰啲雪糕差別唔大忌廉芝士冇忌廉芝士味加埋條繽紛樂有少少花生醬味添 完全冇朱古力嘅感覺應該係享受睇佢炒雪糕嘅過程多過食＄30食個零滿足感嘅雪糕 唔抵食呀😭…查看更多

高質素有特色嘅茶記！成日喺觀塘返工嘅我 龍門餐廳都差唔多成為咗公司嘅飯堂😛勝在平！靚！正！幾十蚊嘅價錢 環境算唔錯 一定坐得舒服嘅過咗下午茶時段都唔緊要 全日供應餐都好抵食呢個就係我最鍾意嘅常餐啦！＄28有粉有包有3.6牛乳炒蛋有嘢飲 邊度搵？多士款式多到你唔信 奶醬奶占奶油 奶乜夥計都會整俾你☕️去茶記識飲一定飲茶走 即係奶茶嘅煉奶版會香滑過普通奶茶好多架！不過因為成本問題越來越多餐廳都冇做啦最後梗係主角沙嗲牛啦 🐄🐄俾我撥埋一邊咋其實佢多到食完個面都未食完啲牛 大滿足！同事叫嘅肉醬意粉 意粉真係Q版左少少比着我一定夠飽 不過見佢芝士同肉醬好似都幾好食咁 下次一定要試試 同埋＄30 百搭餐都抵食嘅…查看更多

通時去很貓貓cafe都預左比人鋸一鋸唔少鋪都又貴又唔好食 要收入場費 七八十蚊都係得杯野飲今次終於搵到間野食放得入口既貓貓cafe啦！價錢都幾合理 都幾多選擇最抵食梗係set lunch啦 有湯有野飲又飽肚杯朱古力勁香濃 估唔到唔使加錢嘅嘢飲 都ok仲要有cream添 即刻香滑左！芝士多到鋪滿曬成個意粉 滿足感爆登但黏住啲肉醬 一大舊咁咬 撈勁都撈唔暈茄汁多少少會更好 味道可以再香濃啲係貓樣既肉噪飯 小朋友見到實會好開心加埋超香嘅蘑菇湯 唔似罐頭煲出嚟咁簡單生芝貓 都好惹味 不過得4舊 認真唔夠喉貓貓cafe當然係去服侍貓仔啦佢哋完全唔驚人 有啲仲會自己痴過黎添💕💕…查看更多

良景一直以宵夜而聞名而眾多小食檔入面 赤葉本目質素最好多款小食只係$9-$30 絕對飽得死人買完可以係旁邊既摺枱櫈坐低 好多燒物炸物都係即叫即整 味道正過幾百蚊既放題特別推薦燒物！炸蝦都ok大隻 $13蚊兩隻算係幾扺每次黎都一定要叫 唐揚雞軟骨(又唔記得影相添🤦🏻‍♀️)$26蚊一大份 重點係真係好食 外脆內軟 軟過唔會大硬 有啲肉可以食下麻醬冷麵 $28太肚餓為填飽個胃而叫的唔好大高期望 特別在有叉燒絲幾得意.🥃🍹🥂呢間野周不時有飲品優惠 之前送果汁先生琴日就+2蚊有支裝烏龍茶…查看更多

吉野家最出名就係下午茶新出咗個芝士黑松露牛肉飯聞落去有黑松露香味既撈落去個飯就會變咗怪味芝士汁太太太太太多啦 又太杰食半碗就好滯 結果浪費左好多芝士味一般 仲要遮蓋晒牛肉嘅好味 好難食總結 太杰冇芝士味嘅芝士汁 同牛肉飯一啲都唔襯好似為咗追潮流 而硬推出嘅飯😡😃炸雞係喜出望外嘅好味！炸粉好食 炸完都好有肉汁完全冇硬梆梆乾爭爭 😒不過芝士汁都係冇乜芝士味＄12而言係絕對抵食 唔係劣食題外話 呢個早餐有豬骨湯烏冬真心吸引 一定要搵日試一試銅鑼灣分店 座位係好舒服但洗手間係十級污糟！…查看更多

餅店係冇餅賣 係賣小食的係香港老店 要到前台比錢先 再扲住張單扲野食 都幾得意四五點已經好多人排隊芝士漢堡包 $15個 聽男朋友講原來加價唔少 漢堡包 有茄汁同沙律醬漢堡少牛肉 多粉個包唔係幾好食 會漿住漿住個口雞翼＄12有3隻 細隻冇肉炸到乾爭爭 食下懷舊風都可以既 唔好期望水準好好…查看更多

環境:入到門口已經覺得勁有型勁有style每一個角落都好有藝術氣息每一張客人坐既櫈都唔一樣好似入左外國人既屋企食野咁食物:Lunch set 會包自助沙律bar一次係每一樣野都好食 蔬果好新鮮好靚其中一個沙律醬係芝士味的好食到喊出黎！麵包係加埋芝士粉烤 正！有高級既煙肉粒主食就ok la 都唔錯既All day breakfast 好大份 一個人可能會食唔曬最後大愛焦糖咖啡！奶打得夠密 飲到低拉花都未化開甜味剛好 唔使再落糖咖啡香濃 唔酸 順喉 飲落去好舒服！整體都10分好 貴少少都值得…查看更多

一心諗住飲杯咖啡叉下電 Tea set +$5 可以轉特色咖啡揀咗cappuccino 點知係用紙杯裝 即刻心情灰左1秒咖啡質素中等 朋友叫榛子咖啡 佢唔使落糖都甜到漏炸魚薯條 魚柳都大件 滑身 外脆內軟但薯條炸得太窿 凍左仲好硬添韓式雞肉卷 都幾有墨西哥卷嘅feel用韓式辣醬調味 菠蘿配雞肉 配搭唔錯但係肉可以多少少 食到尾嘅時候淨係食到乾爭爭嘅皮好就好在相當飽肚！…查看更多