lowbK的个人专页

買一送一，二人前往，每次order每人固定一set三隻，三款不能任選只食一種，即是日本、澳洲、法國每款每次一隻，食完才能order第二set，基本上一兩分鐘食完再平均等15至20分鐘才有。幸好三款味道都係好食嘅，日本肉質爽口帶點甜味，法國比較重味和大隻，生蠔口感尚算飽滿，也没有碎殼，但篤個生蠔邊唔見有縮埋，應該唔係最最最新鮮～因限時兩個鐘，坐低就會即時叫你揀選主食套餐，食咗第一set，雖然已即時叫佢來第2 set，但等咗一陣就開始嚟主食冇再上蠔，即中間至少45分鐘無理，食完主食都飽咗九成(可以選擇唔食嘅……但又唔想浪費😕)之後催第二set仲未嚟，佢話係即點即開，每枱輪流上所以慢啲(下⋯⋯？ what…？) 咁都冇理由要45分鐘啊……相信餐廳計過，每位客最多好趕好趕咁食到一打前菜：好薄好細塊的Parma Ham包住一堆火箭菜，味道濃烈到有啲苦餐湯：甘筍湯味道甜甜地還好，但忌廉湯底飲完都有啲膩手工意粉：雙色麵質幾彈牙，不會太爛，醬汁同蝦OK。主食：朋友點鵝肝牛柳要三成熟，但變了七成熟；羊架七成熟正常偏鞋，旁邊千層焗薯出色啲甜品：加錢升級了海膽雪糕，只能說打卡用，整體唔係好夾餐枱好細，店內播放的音樂是比較激昂的英文歌，絕對不是想像中法國餐廳的浪漫情調，食得唔係幾舒服，隔籬枱頭頂冷氣仲要滴水⋯⋯結論：如果要正價$1188絕對不會去，買一送一 原價+1相信也有其他選擇經理之後有吸收客戶反映的意見及誠意跟進，給了OK不致差評⭐️希望支持香港飲食業爭氣…查看更多

朋友話最近想食蠔🦪，本來冇諗住去西營盤咁遠，卻誤打誤撞遇上了驚喜🤩ABC set分別是8隻、12隻和24隻，三款都配支三百幾蚊的白酒，食蠔一於食豪啲😋 點了set C 再補錢點了經理推介Dry啲果香味白酒 (經理有問想要咩口味再推介)六款生蠔，每款四隻已定好，由淡至濃：美國太平洋、美國熊本、愛爾蘭Majestic(?)、法國黑珍珠、法國白珍珠(原本應該係吉拉多⋯⋯但原來無貨😞 食落覺得同太平洋差唔多🤔)、✨最後一款「法國金箔皇御」！✨朋友一食就話冇得輸，我一食都覺得好驚喜🤩 同之前幾款比又變咗另一個世界🪐但全部都好新鮮好肥美好出色，朋友好滿意👍🏼之後再點了「安格斯西冷牛扒🥩」和「波士頓龍蝦🦞」，可能生蠔太出色，感覺肉品就正常發揮～ 都係好食的👍🏼 龍蝦稍嫌肉質不夠緊實彈性。Cheese cake收尾，不會太甜🍰經理Mark Lee全程服務都好好，有禮貌又有笑容😄 個+1都俾得舒服啲～ 我覺得佢有啲似黃德斌😂 最後仲俾咗張九折coupon，冇限期可以兩間分店都用得😊環境唯一扣分位就係雖然播住好好聽英文音樂，但夾雜有一個Windows 不停彈Warning 背景音效🚫 對聲音較敏感的我覺得有點煩😂整體係good good的，會再encore試吓其他貝殼類💖…查看更多

水準保持-漁之部屋新年想請家人吃一餐豐盛日式放題，不少人地點首選為選擇多的旺角，但半自助形式的員工和食客不停在走廊穿梭，感覺嘈吵又骯髒。故再次光顧了星級放題-漁之部屋。之前新張期內訂座光顧，每位贈送黑松露鮑魚一隻和三文魚腩，鮑魚炆得柔軟，三文魚腩油脂甘香，已是驚喜非常。今次再臨水準依舊，刺身選擇多，阿根廷紅蝦和大甜蝦甘甜鮮味，還有松葉蟹腳、藍青口和花螺任食。特別的食物有玉子春菊和燕窩四季，會加上少許檸檬絲，感覺清新胃口大開。奇妙脆脆即是以脆筒製作的迷你創意手卷，適合小朋友享用。軍艦類不是很特別，可以留肚吃以下誠意推介必試：燒牛舌、日式餅卷、火炙左口魚邊壽司、海鮮釀蟹蓋、紫心香芋年糕﹝炸物﹞、鹽燒鯖花魚﹝媲美平時六十多元一個便當，吃一條都抵﹞。蟹皇翅偏鹹但很足料，蝦蟹粥則是必點的項目，可以不用再到澳門吃幾百元一鍋但乏味的蟹粥⋯⋯邪惡一口芝士，外層鬆脆內裏芝士幼滑、鐵板牛油粟米上桌時還是熱氣翻騰、清酒煮蜆﹝肉味淡但清酒味濃﹞、天婦羅中有款櫻花蝦海鮮，炸皮鬆脆宜佐酒。海膽類不論壽司或手卷都稍失色，份量少之餘鮮甜味不足。飲品種類繁多，波子汽水梳打、果酒、梅酒、清酒、朝日啤酒都有，而幾乎每枱都有點100%純椰青水，日式薑蜜熱飲夠辣，吃多了生冷食物可以消滯暖身。最後不少得甜品，較特別的有水信玄餅加黑蜜汁，其他可以淺嚐。結賬時會再有一張每人限量一份Movenpick或Haagen-Dazs 雪糕，有岩鹽焦糖和抹茶杏仁粒雪條。記得先預訂以防滿座，生日惠顧更獲贈蛋糕。整晚感覺良好，每張椅子還可揭起作儲物空間非常貼心，地方乾淨但桌面太小，用膳時間兩小時也不用太急點菜可以慢慢吃，只是家人點的昆布海鮮湯没有昆布有點失望和有少許漏單情況出現。其實還有很多特色鍋物及軍艦……相信要再來第三次了！…查看更多

The Optimist人越長大就越忙碌，除了陪伴家庭，努力工作，還有很多朋友要聯絡。二月正值小妹生日，飯局約到三月終於可以見到難得聚首的友人。她們很好地挑選了一間以西班牙北部燒烤菜為主的餐廳—The Optimist，由開設Pirata 的團隊主理。開業兩年多，佔地三層，餐廳地下為酒吧，朋友早到了可以在此品嚐美酒慢慢等待。之後再移師到一樓主餐飲區，二樓則是現場燒烤區與私人用餐區。牆身顏色以深色的孔雀藍為主，加上牆上掛滿畫作很有特色，地方寬敞不會太迫。Grilled Galician Octopus 出乎意料之外，肉質細嫩易咬，加上西班牙常用於海鮮的調味ajada sauce令外脆內軟的馬鈴薯塊也很入味。whole grilled turbot 魚肉鮮嫩，還有我最愛的蒜茸製醬汁非常惹味。​Broken eggs “Huevos rotos”是西班牙家鄉菜，沒有什麼特別，只是很有住家的感覺，特色在於風乾火腿Ibérico和兩塊太陽蛋。Chateaubriand 選用牛腰部位，肉質幼嫩重牛味，伴碟的potato gratin，牛油下得很重，雖香且滑但吃了很有罪惡感。Tuna Tartar碗底以冰鎮着可以慢慢吃，但感覺有點鹹了。過程中招呼我們這桌的侍應都很風趣幽默，知道我生日還說要獻吻呢！最後的生日甜品都很驚喜，不同類型的甜品都有，適合不同人的口味。還可以把現場即影即有相片製成生日卡送給你，再附上一張一百元優惠券可以下次用。謝謝愛我的朋友們！(KK)…查看更多

原本只是逛逛官也街附近的食肆，都是葡國餐、火鍋、咖哩等等提不起興趣，朋友忽然想起曾見過一間很特別的日本餐廳，本來找了十分鐘都不見蹤影打算放棄，經小道回大街，卻是柳暗花明又一村，「棽莜」（音：心橋，豐收的意思）就出現在眼前！我倆事前都没搜尋過好吃推介，隨便點了「時令七品刺身盛盒」和數款串燒，握壽司以江戶前做法，上桌時已掃醬油，建議進食時不用再點醬油或芥末。小妹本身不懂欣賞白身魚，覺得沒味道，但這裡每一款味道都很突出，這裡出名「飛機貨壽司及刺身」（即特別的魚款，例如「間八」、「平鰺」、「依佐木」、「石垣鯛」、「熊本產岩蠔」及「活北寄貝」等等。）串燒不會很乾，每一款都很Juicy，之後還追加了幾款壽司，大滿足！美中不足的是他有上下兩層，地下舖面比較窄，廚房佔了一半，只有四五個座位，我們在上層樓底較矮，有張大枱坐了一大班朋友聊天令環境相當嘈吵，耳朵有點不舒服。…查看更多

食到火都黎唔會再去下次。Walkin去，七點入座話八半交枱，一開始就催落單並再三提醒八半還枱，咁我地明白都好快落左單。由催我地落單 到食野 到執清我地枱面 到埋單只係一個鐘內，之後未夠鐘就黑面趕你走⋯⋯衰過食快餐，途中亦無任何service，連斟杯水都無主動，D野食唔平⋯⋯二百幾三百蚊一道菜再加一，味道ok但份量少務求你快D食完走唔值呢個價。明明話 8:30 還枱，未夠 8:00 就隊張單俾你，之後個男經理 8:13 黎叫還枱，話有下一枱walkin客叫我讓番張枱出黎⋯⋯8:20 催落單個女侍應再黎騷擾你！再提你還枱，我即刻話洗唔洗不停催幾次呀？！仲好似可憐你話俾你坐多五分鐘！好似做少十分鐘間鋪會執笠咁！環境又嘈，服務又無，態度又差全程乸埋口面對住你，真係食完背脊骨落⋯⋯衰過去快餐店或者任食=_= 每人兩舊水都無乜野落肚！搞到之後再行去咖啡弄食多餐先平衡到心理！講番食物，難為個廚房野食整得唔差但因為D樓面，好難有翻頭客…查看更多

星期六晚飯，由於比較早去，七點前入座不用等位，坐近落地窗邊，坐位空間也闊落，唔會枱貼枱，感覺舒服，樓底夠高唔算嘈，也沒有見到其他人說會鬧人畫畫個位侍應，當晚見小朋友都畫得開心既。可能經過前一晚食第二間的不快經歷，所以這一間有主動加水，已經好感動，收幾十蚊加一"服務費"係應該要有服務囉⋯⋯俾都俾得順氣D。食物描述見圖，影相可能影得衰，但份量是ok的，三個人夠飽…查看更多

搬遷後未有裝修，環境尚算乾淨。也許是平日又改左地址，地點雖近地鐵站⋯但我們四人全晚包場⋯食物都是誠意之作～沒有點套餐只作散叫～價錢都相宜～一定會再光顧～希望能keep住質素～…查看更多

男友生日說想吃中菜，於是久久前研究下訂了位，仲係經openrice網上訂，說可有九折，既方便又抵左。八點半到，鋪頭沒滿座，門口帶位女侍應呆呆的臉臭臭，我地兩個人帶我地坐張六至八人枱⋯我呆左⋯好彩原來有卡位⋯⋯點菜，沒有主動給餐牌： 1. 招牌螺頭湯$65—真的不錯，幾甜，其實一壺也可二人喝，每人都有四杯仔。不過得半粒螺，勁～多⋯2. 竹笙如意素羹$58—雖知是素，但確實麻麻，無咩味也無特別⋯$58唔值3. 黑魚籽蜜味溏心蛋$78—內裡甜味其實幾好～可惜過熟不夠溏心，陪碟的菜寧願沒有⋯4. 蒜泥白肉$78—喜歡～包住菜的，比平時純一塊肉油油的好，也不會過多蒜泥蓋過原來的味道5. 蟲草牛肉卷$118—樓面推介，但完全無考慮過客人胃容量⋯ 圖片看很小，一上桌，八大舊⋯ 蟲草很爽，牛肉吸左蟲草的味道都幾夾～ok6. 靈芝野菌燒豆腐$118—豆腐滑，菇唔腥7. 陳皮燉雪梨$48—好味，水甜梨爽，只點了一個夠兩人食，不過話左叫先起，我地食飽都未回氣，個樓面飄過時就話起緊，時間才九點多⋯彷彿趕人走⋯一小碟前菜加晚市茶，約$18一位，沒主動加水，茶也是平時普通個D潽洱鐵觀音等。四周環境其實好嘈，對住間無關門的房，負責serve間房個侍應，執D碗羹筷出黎放落架下欄車度時好重手，碰撞聲令人煩躁，條巷也近廚房，成日有人行黎行去，無想像中寧靜⋯未能好好享受⋯最後，這環境、服務、食物質素水準都欠奉的食肆當然也忘了給我打九折⋯⋯白白多給了六十元⋯可以食多個燉雪梨有找。所以⋯價錢就只貴在藝人相片而已⋯…查看更多

其實訂了八半枱...但九點二先入得，三個人點左三樣小食一款意粉三杯飲品，說實在的全都好好食呢~~~燒骨肉夠軟，尼泊爾風味雞串夠入味又嫩，飲品virgin colada 因為有菠蘿味以幾FRESH, 朋友話如果加埋RUM酒就一流了~!唯一我覺得蒜香薄餅或許其特色是稍韌, 但咬得我口有點累.賣相方味也不馬虎呢~ 伴碟的沙律記得吃, 好新鮮呢.我最喜歡他的心型碟, 令成道菜都高貴起來了~!至於服務方面也是很好的呢, 他們都是印度人(應有混血的), 大部分都聽得明廣東話亦好友善,除了店的面積比較細, 坐得有點迫或許要同人搭台外,其他都好好呀~!仲會播放有民族特色的歌, 不會太靜啦, 如果情侶想談心就不太適合了~相信還會有下一次的光顧呢~!^^…查看更多

見儲滿印花～有兩樣免費～咁放左工６點前就入座～（因為印花會double）比較早～無乜人～靜靜地～幾好呀～Milky Green Tea~真係超級Milk~這是儲滿印花送的~^^~焗芝士年糕～好得意＞＜上面的芝士鹹鹹地～下面的芝士可以拉到好長呢～這也是儲滿印花送的~^^~和風石鍋蘸湯麵～為保持溫度的食法～自己鐘意食咩就夾落湯撈兩撈～好味，不過係麻煩Ｄ～因為兩個人食要夾落細碟～如果一個人食可能好Ｄ～廣島燒餅，蠻喜歡的～不過呢間Ｄ餡稍遜～豪華壽司盛盒~^^~（炙燒帶子、鮭魚海鮮、鰻魚）覺得最好味係中間那款～其次是前者～…查看更多

為預祝男友生日，找到了這間“一門”看了多篇食評，先點的當然少不了“蟹肉厚燒玉子”，一上台的時候沒有想像中的有份量，玉子上也沒有印着一門的招牌~不過男友吃第一啖後即刻話好味道><又係咁點頭XXXDDD咁我就快快的也試一口，果然~!雖然沒有像過往照片中的蟹肉滿滿~但因為很juicy，即使只有蛋的部份也滲着很濃的蟹肉汁~夾埋一點點的(別太多了)蘿蔔蓉又的確係唔同D~第二道菜是“東洋卷”，果然如食評中說的，因為裡面是蟹子、牛油果&鰻魚的組合，所以整個卷都是‘林bedbed’的~但又因為有蟹子，所以咬落都有點爽爽的好得意~而且牛油果味很香~兩人都很喜歡~^^~第三道是“銀雪魚西京燒(?)”，又係一放上黎就覺得怎麼燒得這麼燶@@”(但男友說這些才好味=.=最後果然一丁點皮也沒留給我試試…)沒想到煎到咁，裡面都仲好juicy~放落口成舊都好滑~不過略嫌汁醬&墊底的菇鹹左dd~難怪本身$68，而家都賣$88了~~~第四樣是“鰻魚鍋巴茶漬”，因為未食過，男友很衝動的夾起米通想就咁浸落個壺…=0=|||…我當然沒讓他這麼做…選擇了一個較溫和的食法，佢俾左兩個碗仔~先放一小塊米通，上加一小塊鰻魚，之後就倒d茶(又似湯…鹹鹹地)落去，米通半軟時吃就最好味~^^~如果加埋wasabi&小蔥粒~味道更好><最後就是“燒帶子薄餅”，雖沒什麼期望，但比想像中ok~一粒粒的帶子~如果加多幾粒就好~不過加了一段段蔥，有爽脆&清新的感覺，不至於太膩或不會只覺在吃粉團…總括黎講~對於喜歡吃日本菜但又不想一直吃放題，重質不重量又的人來說，這是不錯的選擇~價錢也是中等的~坐得幾舒服(全部兩個人都係坐四人台~可以放下重重的包=.=”)侍應都有禮貌~…查看更多

8月1日晚，兩人到了旺角這間紅蔥頭，叫了一飯一意粉，一個加$18轉餐，另一個加$35有一份皇牌鐵板拼盤意粉：巴薩酒醋縈鴨胸意粉(聞落&食第一啖似出面茶餐廳的叉燒炒意，漸漸就有一陣酒醋味浮出來，蠻有趣的，是我比較驚喜&全晚最喜歡的一道菜，同埋D意粉我諗係專登硬身少少，因為如像平時的軟身意粉就會太膩也不配酒醋了…但可能油了少許)飯：芝士焗忌廉牛柳粒飯(好多芝士鋪面，牛柳粒好焾，7成熟少少紅，白飯依然是白飯，像欠了什麼的…可能跟意粉有比較了~)加$18轉餐：蒜茸包好細塊=.=我最喜歡的東西不合格=.=湯唔夠熱~加$35拼盤：雞翼無特別、墨魚仔幾鮮不過唔入味、蒜蓉青口一般大但乾身D總括黎講其實都滿意的~D侍應無乜笑容呢...聽晚會同其他朋友去食朗豪坊附近個間，之後再為大家報導!…查看更多

前陣子苦惱與男友半週年紀念該往那裡吃飯慶祝，轉接間看到這裡對紅茶館的食評好像蠻不錯的，平時經過這裡也覺得好像挺浪漫幽靜的，又有優惠可用，於是決定來這裡慶祝~~~怎料6點多來到的時候，已看到有不少人…有一張台仲係內地人…好大聲呀講野=.=不過又唔怪得…始終呢度只係普通餐廳~我地叫左一個紐西蘭肉眼扒餐，由於係餐，所以無得用優惠~餐有一份頭盤是兩塊肉腸(點左少少醋幾好味)、湯選了忌廉蘑菇湯(口感不膩，好大碗，夠兩個人飲，不過侍應開頭話要等15分鐘，之後佢唔記得左要催佢，隔離台都係咁)、主菜肉眼扒天使麵(本來話要8成熟，但黎到起碼有9成甚至9成半，硬左D)、甜品是青檸味的啫喱&有一杯餐飲，都幾大杯~~~另外仲叫左一份羊架伴薯菜(不過沒有想像中或食評中咁juicy，仲煎得耐左少少，所以有點硬，都ok ge…配菜無乜問題)開頭想叫兩杯紅酒，個侍應姐姐話12-16號做緊週年紀念，所以支裝酒全部半價，咁我就叫左佢俾少少我試下，不過好蠢…因為未試過，最尾叫了一杯BloodyMary(血紅瑪利?)&PinkLady(紅粉佳人?)，前者原來=辣椒油，後者=咳藥水…我呢一世都唔會再搵佢地同我一齊渡過重要的日子=.=|||最後想講係服務方面，可能真的是自己期望太高…但我諗就算再普通不過的茶餐廳都唔會咁…請左佢(男)拎個餐湯&蒜蓉包黎，佢放低個籃時好大力fing，差點就掉落地了…仲明明左邊大把位…唔明點解要係右邊攝過黎…而個女的…問都無問就拎走我地未飲完ge湯…好彩叫番佢放低…唯一慶幸ge係唔知週年紀年定我男友即時入會，全單半價，兩人都係$108埋單…只可說一分錢一分貨…我諗會去多一次...俾多次機會佢...起碼試下個法國田螺提下大家，如果有興趣join member(免年費)或飲酒半價，promotion只做到7月16日……查看更多

尋晚同個好耐冇見ge fd研究今日去邊度食lunch好,上黎openrice搵左一陣,就發現"菓一道",見佢好評唔差,決定一試...今日同fd兩個12點多到左,冇乜人,坐低好快落左單:::我叫左"紅酒汁鴨胸伴三色糙米飯",餐湯我揀左南瓜燕麥湯&一餐包,成個餐都係$45,如果加多$5仲有特別餐飲~見好評如潮,我亦滿心期待~^^~果然不負所望~南瓜同燕麥d味好夾,燕麥ge清中和左南瓜平時ge甜膩,飲落就覺得健康~~~而餐包係有提子乾的麥包~唔似平時用牛油整的餐包~~~而鴨胸,我叫的時候冇留意,亦唔記得左呢度係健康食物,所以唔會用煙燻,上台ge時候有點奇怪點解個樣同平時食的鴨胸唔同~~~有點厚,亦冇平時見到ge皮~煮得幾稔,不過味道似牛肉~(可能呢d先係鮮鴨胸吧@@)而我個fd叫左個什菌xxx紅糙米飯(唔記得全名,sor)入面有唔同菇類~仲有幾粒肉丸咁ge,我fd話係整碎左d牛腩加豆腐渣整成噃...唔知呢~鹹左dddd~~不過都係好食的~!!!佢就揀左熱奶茶做餐飲/湯~都係一樣價錢~所以我覺得南瓜燕麥正d~~~!!!總括而言~~~物有所值~~~我這個午餐連早餐一齊食,都已經好飽~之後一路都冇口癢~~~食少好多零食~gd~!!!…查看更多