Zantiago's Profile

好差 真係好差五月一號去食晚飯時間 都唔駛等位我應該要有所警惕咁計其實係我自己既錯唔應該怪間餐廳🤥嗌咗個和牛set 都要298諗住嗌貴啲應該冇事點知問題係出喺個爐度自問都成日食燒肉一個月閒閒哋一兩次但佢呢個爐真係搞唔能掂唔知係邊個天才設計爐火同放肉既爐面超級近結果就係咩呢？就係燒兩下就燶Q哂已經係較最細既火 但都係燶搞到食咩都係濃厚又強烈既炭燒味苦到癡孖辮另外個檸茶又係出色到不得了做咗三十幾年人第一次見枝篤檸檬既羹係浸哂落杯茶入面真係建議大家俾多啲錢食其他選擇唔好食到一肚氣Btw隔離枱女士都食到發哂脾氣證明唔單止係我個人咁諗🤷🏻‍♂️…Read More

「此用餐並無獲得任何形式之招待」是日1月25星期六 唔算爆場時間夜晚六點九到 冇訂位店員貓貓尚算友善 （係店員同埋貓貓）嘢飲好快就到咗嘢食就等咗約莫半個鐘先至到我行完兩三圈 同啲貓貓影完寫真 食物都仲未ready 以為係精心炮製啦 點知係我癡心錯付我嗌既嗰個係菲力牛柳配粉紅胡椒黑松露燒汁唔知做咩事 竟然切完係全熟 又實又鞋今次真係一啲血色都冇喺觀塘店都幫襯過嗌過牛嚟食 明明質素就冇咁差劣惟有當我今日唔好彩🤷🏻‍♂️…Read More

十世冇寫過食評 但今次真係唔寫唔得好嬲 俾咗百六蚊食個咁求其既炸豬扒去駱駝漆拎嘢 順路食飯是日六月五日 閒日傍晚五點幾入面得我一個想試個炸豬扒飯$108 加咗$38轉套餐嚟咗個紅湯 偏水 味道還可以但塊多士硬過餅乾 都算個沙律 唔知係咪沙律醋就到期淋咗勁多 條條狗牙都係包裹住醋汁酸到癡孖辮都唔緊要 畢竟我係嚟食豬扒可惜一上枱就知出事見到一塊飛起咗既炸皮切開咗既豬扒都明顯皮肉分離一睇啲炸皮呈深啡色 都心知不妙一咬落去師兄 唔好話鬆 脆都唔脆㗎喎炸豬扒用粉加蛋加炸粉係基本大佬 你炸嗰個部份都未攪得掂仲學人厚切 4cm? 我俾你塊豬扒40cm都冇用啦自問食過唔少相近價位既炸豬扒 唔好話貴到Porker嗰種就算係宴美豚 抑或係とん吉都已經diao打佢塊所謂炸豬扒千萬倍未講完 個飯配嗰啲椰菜絲 都唔係 應該叫椰菜碎（利申冇叫碎上）唔知係洗唔乾淨 定來貨太差 有好明顯既苦味假使你係收我七八十蚊 我都可以收嗲 當我唔好彩但當你收過百蚊仲要咁樣hea9人真係攪唔掂喎我都想支持下小店 但你比啲咁既嘢出嚟 點撐得落希望我出呢個po可以避免其他人中伏第樣嘢食唔知但 千。祈。唔。好。食炸豬扒…Read More

早在前天經電話order, 碰巧是上班的日子, 想著要否先下訂金, 但原來只需經電話要貨, 不必煩瑣的手續, 著實挺方便的說。約定了下午二時半在油糖交收, 早到了二十分鐘, 急忙經手電詢問能否提前交收, 結果送貨員也在五分鐘後到達。送貨員有禮之餘, 還清晰說明所配備之餐具, 以及盒子內冰袋所能發揮效用的時長。開盒後, 實物還真跟網上的圖片相距甚微, 果然是「掛羊頭賣羊肉」。廢話不多, 開始逐一略評︰円(綠色): 濕潤的蛋糕 本來乾澀的抹茶因水分而變得容易入口 整個蛋糕由抹茶 到紅豆 到蛋糕本身都是恰好地甜 但感覺上硬度應稍作調高 似乎真的太軟了花(紅色花形): 以櫻桃酒 雜莓 朱古力入味 櫻桃酒(外)和雜莓(內)的味道也是淡而輕的 可能是被相對濃郁的朱古力味蓋住了 但總言是比戀的味道容易接受的音(黑色): 主味調為伯爵紅茶和朱古力交融而成的味道 但朱古力味轉瞬即逝 讓醇香的伯爵茶味在口腔中徘徊 甚有英倫風味 再而細嚼 就會感到配襯的牛油忌廉味漸浮漸現 說個笑 其實像固體的朱古力奶茶 戀(紅色心形): 味道是獨特的 個人很少吃到紅桑子 更少喝酒 外層的桃紅慕絲則將兩者混在一起 造就難忘的味覺刺激 蛋糕中心有醇厚的朱古力和碎粒杏仁 為蛋糕添上幾分味感柚(白色): 本以為用白朱古力為主調的它會甜到不行 結果卻是藏在內部以的柚子果肉味最為凸出 餅底是配以白朱古力脆脆 顛覆了個人對一般蛋糕的印象(畢竟這是日式甜點) 此外還有一陣熟悉卻又陌生的酥味 此餅是云云中最讓人感到新奇的今天也算大快朵頤, 惟一美中不足的, 是女性友人因故未能一同分享如斯不俗的甜點, 實屬可惜。 …Read More