nicole 123 のプロフィール

男朋友生日，睇左好耐，終於俾我搵到哩間好心有機餐廳。餐廳分開兩層，下層光d，好少女心的裝修，而上層暗d浪漫d，靜靜地可以談下心。野食方面都唔錯，牛排都幾好食，幾厚身，不過漢堡就普通左d，價錢合理，環境幾好整潔，最好嘅係店員會不斷自動幫你斟水，好有禮貌。我提前卜左枱同WhatsApp左要畫碟，唔知可唔可以符合我要求，最後都勁驚喜同開心。師父畫得好有心機，我仲厚面皮要求佢寫日文字成餐飯都好滿意同開心，下次一定會再黎…さらに見る

星期日開開心心family day, 結果係惡夢開始，普通街坊茶樓質素仲好過哩間第一次食哩間酒樓，去到上左三層電梯之後冇路上，係三樓搭lift竟然係冇5樓，後尾先知係有一架獨立life，屋企人分頭去大家都兜圈。之後終於去到接代處阿姐態度都幾差，態度哩家野見人見智，我唔詳細講。食物質素真係唔講得笑，發左霉嘅馬拉糕都可以上枱，同佢地講完道歉都冇聲，我地仲要食左先見到，店員話馬拉糕唔收錢，到結帳時仲見到單據有收馬拉糕錢，即刻出聲同佢講。職員態度差，食物質素差，唔知點解仲咁多人食，自己都中左招，真心冇下次，一個美好的星期天哩間野搞砸了。…さらに見る

未試過幫襯哩間野，有次係網上見到佢d甜品幾吸引，一於去試下，個陣中午12:00幾，我係門口問佢係咪有甜品，門口個位小姐態度好似唔想做生意咁，佢問我：你想要咩甜品先？唔係樣樣都有，你諗好先同我講啦我打開menu,問有冇哩款甜品佢話：唔知呀，要問水吧之後就好大聲同水吧講，出面班人問你切好d芒果未？我地見佢咁趕客態度已經冇心情食，同佢講唔洗佢又好大聲講，佢地又話唔洗啦咁趕客就算，唔會想再踏入哩間店…さらに見る

經過門口已經俾佢吸引眼球，成間店都掛滿紅色燈籠，好有九份特色,不過坐得耐眼睛會有點唔舒服食物方面我覺得幾好食，如果叫滷肉飯可以選擇大細份量，唔怕食唔晒而浪費，而且有我最愛嘅酸黃瓜，加分雖然款色唔算多，但價錢都算係正常價，叫多d小食都唔怕啦…さらに見る

放工後去沙田行完Ikea, 見咁夜應該好多餐廳都last order,所以就腳夠近就決定食哩間，一入到去樓下冇位，就叫左我地上樓，上到去勁熱，冇開冷氣，我地搵個朋友落去請問佢開唔開得個冷氣，當然可以啦，落單都係茶記式落單，完全唔洗寫，就咁背到出黎，佩服我地5個人，咁就一人叫左一個餐，一飯一餸一湯一野飲（凍飲加錢），落單後好快上菜，餸嘅份量比較少，但勝在味道幾好，又可以一路食飯一路睇下貓仔。…さらに見る

去旺角唔知食咩好，見到有人係街到派傳單，咁就拎左一張傳單，上面有兩張寫住滿$100減$10，咁就諗住試下哩間。上到去環境非常日系居酒屋咁裝修，係有一點細但都坐得舒服，掃QR CODE自助落單，野食選擇唔多，冇壽司。兩個人食叫左刺身拼盤，刺身井飯，炸雞，牛舌串，其實叫個刺身拼盤都係搏下試下佢，唔好食就冇下次，因為之前試得太多間吞拿魚刺身口感好擦子膠feel, 海膽我都怕係臭，點知一黎到個樣膠膠地，食落有驚喜，真係估佢唔到，食物質素又唔差，哩個價錢雖然唔平，但起碼我食得開心。但炸雞比較鹹，要飲好多水，叫店員加左2次水，個店員好識做，直頭放低水壺俾我地自己斟水，哩個位加分，因為我叫人加水都好麻煩。最後結賬我俾頭先係下面拎嘅傳單俾佢，有兩張消費$100減$10，咁我地食左$400幾蚊，心諗只可以用一張，結果佢幫我地直接減$20，又真係有點驚喜。總結黎講哩間可以有下次。…さらに見る

見到有新開嘅食市當然要試下啦，新開期間牛肉井半價，原來大約$80嘅牛肉井半價後$40，$40哩個價錢值得一試，食完真係覺得只值$40，完全唔值$80，$80可以食其他，哩個價錢一定唔會揀佢。感覺上似係一早煮好晒，有客人order就放入微波爐叮一叮咁，連個碗都係膠。d飯用左珍珠米，但食落比較乾身同口感一般，另外個珍寶吉列蠔又細粒又貴$58/3隻，味道一般但都有好嘅，叫左個豚軟骨井個軟骨幾好食，環境裝修都幾靚，紙碗同餐具嘅包裝有design…さらに見る

今日同屋企人去咗沙田度食pizza Hut， 見到yuu仲有啲積分剩，所以用埋啲積分去食pizza Hut。咁我哋就開咗個apps嚟睇pizza hut有啲咩優惠， 然後我哋決定叫嘢食就叫個女職員幫我哋落單， 當時我係拎住手機開咗yuu版面， 同店員講要哩個pizza,係結帳時先拎個電話出嚟定係而家可以即刻購買分， 店員話而家即刻扣分， 然後個店員就擅自幫我哋撳確定掣， 然後佢見到冇反應再撳多次個定制， 結果被佢扣多左一次，成5000分一次。我同佢講你撳完之後係要去另一個版面開返個QR code, 然後我再問佢，咁你撳多咗嗰個可唔可以取消返，佢叫我自己打去yuu問下，連講聲唔好意思都冇，當冇事發生過…さらに見る

去完屯門staycation後中午醫肚仔，喺商場行咗一圈都好似冇咩啱食咁，行行下來到呢一間台灣嘢食門口，睇完個餐牌就決定試下。鋪頭都比較細，位置似特登間出黎咁，座位都唔太多，而且店舗內都比較熱，完全feel唔到冷氣（用商場中央空調），食湯面時比較辛苦，食到出晒汗。落完單之後都好快可以上菜，係估唔到味道都唔差，份量都算適中，價錢方面都算係中等（如果係v city黎講），但飲品方面有待改善，叫咗個茉香珍珠奶茶完全唔似平時飲開個味道，怪怪地，但下次會再黎試下其他菜色。…さらに見る

今次叫左丼飯，三文魚配吞拿魚碎， 如果你比較細食的話， 的確係一個不錯的選擇， 但如果你是男人或比較大食的話， 呢個份量一定食唔飽， 而且價錢都要成八十幾蚊，都唔係太值得我見其他同事中午的時候食佢哋個午餐精選， 感覺上會比較抵食， 分量都ok而且味道都唔錯， 如果想食魚生丼飯就未必會選擇喺呢一度食。環境方面都很大比較廣闊， 因為本身想食樓下間韓國嘢， 但因為冇位嘅關係所以先上嚟食， 一嚟到即刻有位， 而且我都幾鍾意佢嘅飯後甜品， 下次都會試下佢個午餐精選。…さらに見る

假日想食個all day早餐，去左哩間野試下，拎左飛我當時係46號，見到門口好多人，咁我都係附近行一陣，返到去已經叫到51號，我俾張飛門口個店員，佢話過左5個號碼要重新拎飛，我同佢講，未過呀，啱啱好5個號碼，佢即刻黑我面，當然最後係可以入去，因為始終未過5個號碼。去到叫野食，個all day早餐5~10分鐘好快已經上左，但個抄意粉好耐都未上，等左20分鐘問下個侍應，但到30分鐘先上到，隔離枱遲我地入黎叫同一個意粉竟然一齊上，姐係佢走左我地單，人地10分鐘食到個抄意粉，我要30分鐘先食到。不過好老實講，服務質素一般，但食物質素唔錯，味道都幾好食，如果有時間都會再去試其他野食。…さらに見る

同事話呢一間好食， 咁所以我都嚟試下， 因為間野喺街市嘅關係所以 感覺上比較唔衛生， 但有另一翻風味。我叫咗個豬頸肉胡椒湯底油面加杯 山楂冰， 豬頸肉就冇乜特別， 但個胡椒湯底就非常好味， 估唔到個胡椒湯底可以咁濃味同埋有少少辣， 唔怪得閒嘢咁多人排隊咁多人食啦。杯山楂冰都幾好飲，酸酸甜甜好開胃。最估唔到係竟然街市熟食店啲服務態度竟然咁好， 啲員工都非常nice同好熱情， 臨走時我拎住張餐紙影相， 佢好熱情咁樣同我講話成張拎走都得㗎。下次我會想試下佢個海南雞飯同埋喇沙湯底…さらに見る

放工時段，每間餐廳都要等位，唯獨哩間唔洗等，一問就入得，坐個位置唔太舒服， 張凳一挨後就成個會跣落去， 而且我哋個位係最近商場， 所以啲人行嚟行去都會望住我哋食嘢， 幾乎行人一伸手就可以掂到我哋，所以個位唔係坐得咁舒服。食物方面落咗三樣嘢食， 一樣係牛扒， 一樣係黑松露薯條， 另一樣嗌咗個漢堡包。首先講個牛扒， 牛扒都算係好有牛肉味， 因為之前試過其他餐廳啲牛扒係冇味嘅， 而且多真係五成熟，都幾好。另外個黑松露薯條， 薯條非常之白色， 睇落去好似炸得唔熟咁， 因為我見隔離嗰枱啲薯條係黃金色， 食落個感覺好似啱啱好熟咁， 個黑松露醬係好食嘅， 因為我哋未上薯條嘅時候聞到隔離枱個黑松露醬味好香。最後嗰個漢堡包， 漢堡包肉扒 比較韌， 唔係好趙得開價錢雖然都算係中常比較貴， 但so far都ok嘅…さらに見る

基本上諗唔到食咩先會食佢，因為真係唔係特別好食，除左佢個炸雞脾真係好食之外，其他都不過不失。之前食過牛排個d,唔算好食，肉質比較韌，所以今次試下個早晨全餐，同求其叫個卡邦尼螺絲粉。早餐全餐大多都現成野，例如個磨菇仔同蕃茄豆應該係罐頭嘢， 而腸仔同埋薯餅都係煎一煎炸一炸就可以 ，個茄汁螺絲粉啲茄汁味勁淡 ， 好似用茄汁加水開稀整成嘅湯底So far, ok la , 味道唔係太特別，對食冇要求嘅人都可以一試，但有要求嘅人就建議要考慮下…さらに見る

從來未試過食一餐飯食物要等成個鐘先上到枱，我地7點30開始等位，8點30先入到座，咁都正常嘅，間野又細間，又多人食，等位耐都好正常。8點30入都去我地就立即叫野食，叫左米酒同一個大鐵盤芝士烤雞，order完大約10分鐘就上左米酒，之後一直等，因為唔想空肚飲酒，所以等到d米酒出晒水隻雞都未到。大約30分鐘後，店員先俾個gas爐我，我地順便問佢大概仲要等幾耐，佢話已經幫我地問左廚房，過多10分鐘再問佢話廚房放緊雞上盤，但我眼見遲過我入坐個d人都已經左晒野食。9點15分店員同我講話因為廚房俾錯單，所以你盤雞同事俾左前面個枱客，你介唔介意食?我話我見到佢已經撈左芝士，我唔會食佢食過嘅野(我望住前枱上盤後5分鐘個店員先同佢講盤雞唔係佢oder嘅雞，竟然個店員問我介唔介意食上手d野)9點30終於上到枱，佢重新整其實15分鐘係可以上到枱，但我要等成個鐘先食到，到上枱時個店員依依哦哦咁話會俾折我地，但要問問老闆娘睇下點(佢講得好細聲，唔太聽到佢講緊咩)到埋單睇返張單，完全冇折過，要我出聲問個店員話你頭先唔係話有折咩，佢先幫我地free個服務費。總結:我由7點30排隊，8點30入座，9點30先有野食落肚，如果你大把時間可以去哩間浪費時間…さらに見る