chiyingman的个人专页

作為香港仔人但係冇喺Southside食過野，次次都係兜uniqlo+citysuper，呢間burger見咁多人吹奏咪試下😗嗌左classic跟餐要薯條+單點caramelised onion個包嘅質感好得意，好易撳得扁，所以classic一啖咬哂咁多層都冇難度👍🏻食落肉味完全唔出眾😑最大嘅問題黎喇，兩個包塊肉都只係微暖，classic啲蕃茄同紫洋蔥直頭係凍嘅🫣 焦糖洋蔥亦都係凍嘅😵‍💫薯條又係微暖，m記啲野食都熱過佢喎😂當日星期日人唔多，兩個包亦都等左5分鐘以上，又冇相機食先，溫度都可以差過m記😵‍💫自問垃圾口，但係食完係冇滿足感覺，未食過咁差嘅burger😑…查看更多

星期六1:34pm落單，炸雞黃薑飯等左30分鐘到，燒雞班蘭飯要45分鐘🥹食客有9成都係印尼人，我見隔離枱個個都係等咁耐，但係佢地又唔會顯得唔耐煩或者問職員😲食食下開始人少，我見有人落單都係10分鐘就有野食🥹 我去嗰陣係滿座，所以要等勁耐😵‍💫炸雞髀好老，未去到𡁻唔完，但係食落好鞋口🫣 炸雞髀飯有4舊巴東牛，香料味重啲會更好😗燒雞有細半隻，啲肉又係好鞋口🫣佢個雜菜啲醬好好味，但係食完就辣到痴線，要嗌多杯野飲😂我見啲印尼人係戴手套用手食飯，我地仲以為手套係比我地好似kfc咁食雞😂…查看更多

lunch menu花多眼亂，仲要唔止星期一至五先有，店員話星期六日都會有😆 經openrice訂位有折，就算要加一都可以慳左佢😆石鍋飯個石鍋唔大，所以撈起上黎都幾困難，好易就跌哂啲料出黎，唔撈又驚燶哂🙈 味道相當唔錯，入面啲料都算多，所以先話難撈😆韓式炸雞配年糕有4件雞(好似kfc咁髀+上髀)，啲汁淨係得面頭有，所以唔會啖啖都有醬，咬完有醬個位就變左原味炸雞🫠年糕係失敗之中嘅失敗，可以留返比阿婆食....年糕淋到一個點，炆左1個鐘咁款🫠…查看更多

呢間一直都想試，呢排佢比食環投訴所以冇得堂食，只限外賣。我地行左去對面公園食，好彩有4張阿伯捉棋枱可以食野😂 冇噴蚊怕水嘅人就唔好坐，因為我噴左都咬左一啖🫠星期六佢都做lunch menu價$65。Pad thai有三隻蝦(哈哈哈?!)，個身去左殼所以都易食。但係味道方面真係爭咁啲，我唔將佢同泰國食過嘅比較，同香港嗰啲比佢都輸左🫣 味道比淡，tamarind嘅酸味唔夠，純粹打開個盒聞就ok🤣船麵又係唔夠濃，色水係有，但係完全係冇落冇豬血/牛血嗰種濃味，只係食到basil味😑 銅鑼灣大城船麵完勝 <<<呢間最似我喺泰國食過嘅味道+$10要左杯凍泰茶(wan noi)，偏細杯，但係個味都有返泰國嘅水準，希望佢唔係用手標三合一加多啲水變wan noi啦🤣唔會話差，但係唔可以expect有泰國水準（明明係泰國人開....)…查看更多

呢間餐廳喺屋企附近，9成香港仔人都唔睇好佢嘅前景，最近由放題only變到有lunch set，告急feel重😬早排有個香港仔朋友話佢食左幾次，食物都幾好，咁我就的起心肝boxing day五點入座試試佢。入到去已經有兩枱人食緊😲食物種類都算多，刺身唔會話好鮮味但係至少唔會腥，我會話壽司郎level咁囉😅熱食真係好癲，未試過香港餐廳啲野熱辣辣得咁緊要，平時唔熱唔食應該就黎口腔癌嘅我，都要攤一陣先食到😂 鍾意多菜少肉嘅人可以嗌炒雜菜同飛天通菜，數量寫1但係個份量都算係放題嘅2人份😙 吉列蠔好食過焗蠔，羊架夠淋唔騷但有羊香味，呢個我自己encore左😝 冬蔭功湯唔ok，三文魚蕃茄湯有淡淡魚味👍🏻 牛肉壽喜燒鍋一定要第一轉就落單，因為佢去到中後段先到，食到飽左真係唔太食得落😭甜品每人揀2款，另外h記雪糕就每人一杯。雪糕嗰到有菠蘿雪葩，食落真係有一絲絲菠蘿而且唔甜，必點😍 其實去到尾都好飽，所以限量甜品都冇所謂，百福豆腐花直頭拎返屋企算😅服務態度好到我懷疑人生😵‍💫 樓面全部都好好禮貌，食到夠鐘冇趕我地走，只係叫我地冇野加就可以埋左張單先，仲想加埋茶比我繼續坐🙈 佢地嘅服務就好似fg出社會好有衝勁嘅感覺😂總結: 17:15前入座的確可以試試，要我正價食就覺得唔太值(香港仔黎講)…查看更多

一直都唔明，點解香港人食印度咖喱要求少啲香料味，要少咪食返阿活咖喱囉🤷🏻‍♀️🤷🏻‍♀️ 搞到市面上啲咖喱都係遷就香港人口味💩💩呢間真係適合唔鍾意香料味嘅人，個咖喱雞同屋企咖喱薯仔炆雞翼一樣味，完全冇香料味🙄 同埋得4舊雞肉仔咁大把咖喱羊又冇羊味，個咖喱香料味只係比咖喱雞多少少咁大把🙄好彩冇加錢飲mango lassi，我好肯定係唔會有任何香料味🥱鍾意香料味嘅人千祈唔好試，會係嘥quota嘅一餐🙄 都係去返重慶大廈算，想平啲又夠香料就去西灣河嗰間😊呢間唯一好就係個naan好好咬，鍾意chewy嘅人。同埋星期一至五先有lunch menu，星期六日冇。…查看更多

路過見到muffin買一送一，咁岩又諗緊聽朝早餐，咁就二話不說入去買。$16.9一個，得兩隻味揀，咁梗係各一啦。賣相唔掂，諗住味道同口感可以搭救。第二朝叮返暖食，口感好黏，咬幾啖就吸哂我啲口水，飲啖咖啡再吞都爭啲哽死咁🙄唔鬆嘅鬆餅，好似食緊一舊膠咁。…查看更多

星期日碌Openrice搵晏食，比我見到間新野，睇完menu唔算貴就試試佢🤔12:40pm左右，喺門口見到入面冇客就即刻想縮沙，但係因為唔太貴就比次機會🤐午市套餐$68起免加一，見食評啲人話蜆夠多又好味，咁就唔考慮其他。除左鯷魚湯麵，其他都要+$20，後尾見隔離枱嗌辣拌麵真係得啲麵，好似冇乜餸咁🤔 英文寫with mixed vegetables，但係裝到隔離枱係得大豆芽🤔我地帶旺左間舖，食食下已經8成滿座，有日本人,韓國人,ABC,香港人😂一坐低已經每人一碟泡菜，跟餐有一隻大餃，同一罐汽水/雀檸，可以揀支裝水，但係枱面已經有水比你任斟😂 大餃嘅肉餡好多，每一啖都覺得滿足🥰 泡菜餃有少少辣，完全唔食得辣嘅人請唔好揀😛 蜆有超級多隻，唔會淨係比殼你食，因為甩左嗰啲真係搵得返蜆肉😆 極少量係有沙。圖2係兩個人嘅蜆殼🤭翠肉瓜都唔少，麵量更加係食到你飽飽 (佢冇少麵呢個選擇)🤢 湯底好有蜆味，但係完全唔會覺得咸，味道岩岩好，好難得食完野唔會覺得口渴👍🏻環境方面，佢樓底唔高，坐邊個位都會比個冷氣吹住哂😅總結: 絕對會再食，希望之後仲keep到水準，怕佢蝕住做就減少蜆嘅份量☹️…查看更多

重慶大廈初體驗。上網見呢間同珍珠皇宮同一個老闆，但係呢間口味比珍珠皇宮偏濃，所以就試呢間。因為我幾欣賞東南亞同中東食物嘅香料🥰唔知係咪樓面見我地係香港人，就叫廚房減輕香料嘅味道，食落係冇香料味，最怕就係餐廳遷就返香港人嘅口味🥲 Mango lassi只有好微嘅香料，微到直頭唔覺有。下次再食印度餐廳，會試下同staff講more spice，希望唔會聽錯more spicy啦😂佢星期六都有lunch set，揀左一個chicken curry，set包左plain naan+印度白飯+mango lassi。另一個Roganjosh就係單點，因為openrice book有9折可以豪下😙 單點份量的確多啲，兩個人食岩岩好。冇揀辣度，全部都唔太辣🤔另外Pani Puri就幾辣，呢個香料味就多返少少。總結: 有少少失望，本身想食正宗口味。可以話係香港人口味嘅咖喱，食完係有啲口渴嘅。我唔會話佢差，因為佢都係驚香港人食唔慣姐😅…查看更多

行過見到有啲人食，本身又諗住出返旺角搵雞蛋仔食，咁就試下佢。佢個主打應該係蜜糖星星雞蛋仔，但係太特別就唔試喇。本身想食$22原味當係試下先，但係男朋友話想食$35流心蜜糖咁就嗌左呢個。要等20分鐘。由於今日得14度，個雞蛋仔好快就已經唔熱。第一啖想用手搣一粒出黎，但係佢一啲都唔脆，又唔係叫做淋，係un嘅🤔諗住流心蜜糖係吱左啲真正蜜糖落去，話哂都係$35唔係平嘅價錢。點知係擺啲啲爆珠落去，簡直係垃圾😐😐😐😐😐😐 冇左粒珠佢只係原味，口感差到一個點🤢🤢🤢…查看更多

有啲車仔麵舖嗌肉類會收多幾蚊，但係鍾記唔會。就咁叫兩餸絕對係窮人恩物，餸嘅數量都唔會姑寒，好過食譚仔😅 要去康怡Aeon買野而又諗唔到食咩，想慳慳地我就會揀佢! 辭左職唔再喺呢區返工，唯有假日黎幫襯😊佢啲汁有4種，最鍾意腩汁+麻辣/咖哩，覺得唔夠可以叫呀姐比多啲，佢地都好好人嘅😊比較特別嘅係可以揀粉絲，浸耐左都唔會淋哂糊哂咁，仲係好爽口👍🏻 仲可以揀菜底，不過都係得生菜，N年前好似有通菜可以揀🥺餸方面，個人鍾意麻辣雞絲牛腩,齋,魚肉春卷,蘿蔔。當然其他野都唔差啦，蘿蔔大舊有少許湯味，牛腩唔姑寒，雞絲冇乜麻辣味但係量算多。唯一缺點就係唔岩啲鍾意乾淨清新嘅港女，呢間係街坊唔算乾淨嘅舖頭🤭 lunch time叫啲港女同事食可能會一臉嫌棄🤭 武肺其間裝修過但係睇唔出有咩分別，都係好暗好有歷史🤣…查看更多

7點半前離座$298加一，新join會員迎新有9折，姐係免加一😆呢間性價比真係好高，$298就可以食到牛小排,m5和牛,牛頸脊! 仲有好多款海鮮可以任食，唔洗成枱人加錢但係得一個人會食海鮮好蝕。湯底選擇多，試過苦瓜同胡椒豬肚，前者唔會覺得苦，後者胡椒味太重，平時當湯飲ok，用黎打邊爐有少少太搶味，但係鍾意呢個湯嘅人一定覺得ok。出面夾嘅配料又有好多選擇，手機落單嗰啲又多，每樣都食啲都真係會食唔落啲牛😂 最後仲要留肚食甜品，雪糕有好多唔同牌子，唔同牌子又有幾隻味，鍾意榴槤嘅一定要嗌榴槤炸彈🥰…查看更多

星期六兩點幾，間舖一個客都冇，係我太早定係熱潮過哂?買左個tiramisu包，咬落去好軟熟，但係我淨係食到麵包味，少少tiramisu必有嘅咖啡味/酒香味都冇。同男朋友一致認同嘥quota。…查看更多

明知負皮多都照試，我仲要抱住中伏心態咁買6個係發生咩事😂Lunch time排隊唔洗5分鐘，喺收銀落單講要咩之後就有職員對住黎執，算快手。菠蘿皮$8，非菠蘿皮$7，不論口味一律同價原味真係好原味，諗住試下會唔會有啲香味，點知少少甜或者香味都冇，似食緊一舊少咸粉糰，怪怪地🤢同有味一樣係$7好明顯唔值😐 斑蘭味食落有好微微微微微微微嘅斑蘭味，但係嗰隻係好假嘅味，我叫佢做塑膠cheap味😂口感係軟糯嘅，但係軟嘅感覺重左啲，追求好彈性彈性嘅人會失望🥺結論: 慳返quota試其他啦🙄 bonbon好食過佢，但係兩間嘅性價比都真心低🙄…查看更多

之前好似喺社交平台見過呢間野，食完之後好肯定係😵‍💫買左4件細: 原味 桃 芒果糯米飯 黑芝麻湯圓見間舖寫住用天然糖，冇諗過食落係完全冇味😐 食甜品完全唔甜係咩玩法? 香港人唔嗜甜姐，都唔洗走甜呀嘛?我冇食過咁唔滑嘅tiramisu，原味都可以極得咁差，呢啲叫tiramisu簡直係侮辱緊個甜品😐 用mascarpone就叫自己做tiramisu，口感同mousse冇分別😐好彩唔係貴同埋唔係大件，覺得難食都嬲少啲😐…查看更多