TEMPO001的个人专页

同屋企人食咗一個有龍蝦嘅海鮮套餐。每位$388 每人有半邊龍蝦，半隻蟹，貴妃蚌，北寄貝，元貝，鱔，九節蝦，黃金蜆，蔬菜同埋海鮮粥底 海鮮上枱嘅時候，絕對感受到店家嘅專業同誠意，因為所有貝類都清洗得非常乾淨，連鮑魚所有邊位係白𠽌𠽌！作為一個潔癖人都自愧不如。。。最重要係所有海鮮都係當日店主親自採購處理，非常新鮮。 黃金蜆同所有貝類都冇沙，唔需要點任何醬汁或者豉油，完全食到海鮮嘅鮮甜味。 店主好體貼，除咗有非常詳細嘅講解，仲喺中段時間先奉上新鮮劏嘅龍蝦，所以肉質非常鮮甜彈牙。除套餐嘅食物之外，我哋額外加咗安格斯牛肉同埋雞件。雞件醃味適中而且非常嫩滑。 最後嘅海鮮粥亦都係亮點，有唔同嘅配料可以加落去。 但粥底嘅珍珠米同腐竹，加上海鮮精華已經非常吸引，鮮甜唔過鹹，唔似坊間不斷滚住嘅海鮮粥咁鹹。明明中段有大部份嘅人已經覺得好飽，但結果都食咗兩碗粥🤣🤣🤣食物份量非常足夠結果都食唔晒要打包。誠意推薦！必定再訪！…查看更多

氣溫突然下降喺荔枝角附近想打邊爐搵到原來有間大公別館大公館中菜一向口碑不錯相信火鍋應該都唔會太差決定一試花膠濃湯雞鍋招牌四寶丸本地牛頸脊新鮮花枝片海蝦風琴萵笋花膠濃湯雞鍋，鮮雞另上侍應上鍋時提示可先喝湯再開始打邊爐湯底材料豐富非常濃郁美味海鮮類材料都非常新鮮牛頸脊油花亦不錯價錢雖然唔算特別平但全部交足貨比較特別係風琴萵笋切成風琴狀爽脆但更掛湯入味尾聲只餘1／3湯底竟然仍不過鹹即使已經好飽都要叫個白飯做泡飯食絕對會回頭再幫襯嘅火鍋店！…查看更多

高水準粵菜地裝修雅致地方乾淨企理侍應有禮強烈推介大家去試吓！*** 麻辣牛柳粒牛柳又香又嫩少少麻辣但無蓋過牛肉味非常開胃建議每粒都配脆蒜同蔥一齊食更惹味*** 生炸皇子鴿即叫即炸，皮脆肉汁多剛好夠惹味但又唔會太鹹味道啱啱好完全唔需要點其他調味食完都唔覺食過鴿胸因為連胸肉都非常嫩滑*** 粉絲大蝦煲大蝦新鮮彈牙啲粉絲又索晒啲蝦嘅精華真係無得輸！*** 雞油花彫蒸馬友平時唔太食魚嘅我聽到馬友其實有啲擔心點知，我食咗半條魚😅行動證明條魚新鮮又好味雞油花彫蒸鹹香得嚟仍然食到魚嘅鮮味*** 甜菜蒸芥蘭遠清清哋嘅菜式梅菜甜甜哋配埋爽脆芥蘭好夾又唔會太寡*** 芝麻卷+沙翁芝麻卷味香濃，食落滑嘟嘟咁強推即炸沙翁我平時好少會叫一咬落去驚為天人外脆內嫩蛋香味超濃郁！…查看更多

人家都說要到LE PAIN GRILLE吃飯, 要預早一個月訂位.我們前一晚才致電訂位, 純想碰碰運氣,以為自己很好彩嘛.... 原來是另有原因.....侍應介紹了一些當日推介, 有我們喜歡的食物,再加上洋蔥湯和 BABY BLUE, 應該剛好了.前菜1: 魚籽醬配吞拿魚魚生 (當日推介$175)我完全沒有興趣, 丈夫覺得太多汁, 魚和魚籽味道過份被搶去了前菜2: 白酒忌廉青口, 醬汁沒有甚麼特別, 青口也不見得特別新鮮,要比較, 在IFC GRAND PLACE吃過的更好吃....洋蔥湯, 就是很一般的洋蔥湯味道, 不過已是整晚最出色的一道菜.主菜: U.S. PRIME SIRLOIN STEAK,(當日推介$325)怕吃不完, 又想吃甜品, 所以一人一半,切呀切, 切呀切, 切了十多下, 仍然未可以切出一塊放入口,明明已經是肉的位置, 為何可以切了十多下仍切不出???那堅韌的程度, 令我們的餐桌一再陷入七級半地震災區,震震震震震震震震震震震震震震震震震震心裡有點氣, 售價超過$300, 竟是如此質數???不過丈夫說, 算了吧, 以後不再來好了.... 就決定不主動投訴.好不容易吃了大半, 突然有位侍應小姐過來問我食物是否合用,沒道理說謊吧, 立即告訴她那塊牛扒有多堅韌,她沒有致歉, 但說入去廚房跟進一下,5分鐘後, 她拿了兩把不同的刀子出來, 叫我試用另一把刀!!!!!婉拒了她的好意, 因為碟上只餘下兩小塊牛扒, 小姐 , 是牛扒的問題, 不是刀的問題呀!你們沒有打算換另一塊牛扒給我, 也沒有送咖啡或甜品賠罪,甚至連一句簡單的道歉, 或"唔好意思"也沒有, 真的完全叫人失望!!!!!這頓飯, 吃得很貴, 也吃得很氣!!!!!!!氣得連我最喜歡的甜品咖啡我也不肯叫便走了!就這樣, 我的生日被這晚餐破壞了.至於這餐廳, 我一定一定一定不會再去!!!!!!質素如此, 難怪不用訂位了!…查看更多