B wong~~的个人专页

黎左呢度食午餐好多次喇😂😂午餐有沙律/餐湯，主菜加飲品，大份又好味，仲坐得舒舒服服。餐湯飲過雜菜湯、南瓜薑湯。兩隻素湯都唔油，好味中意佢主菜risotto 同意粉既味道，creamy!Burger 好大塊香脆魚柳，唯一配千島醬帶唔出魚味，但side dish 既fries 夠脆另加既雞翼都好食…查看更多

第2次來補幫襯。上次既黑松露意粉好creamy....今次當然要試試別的菜式。雖然次次經過都話想食梳乎厘pancake, 但中午就以甜品作lunch真心接受唔到。點知比我遇上呢個option.. 印度烤雞配pancake/ rice. 勁想試pancake 既我，當然試試whole wheat pancake！呢個pancake 實在有驚喜，估唔到咁好食，充滿牛油和麥香，而且同咖哩雞件好夾。初初我仲以為兩塊會唔夠飽，點知食落都好ok喎。沙律配上西柚同橙，十分香甜清爽，岩哂夏天。雞件數量不多，但味道不錯，沒有腥味。整體賣相及味道👍👍👍有菜有肉有carbs👍👏先自聲明，價格真的不太親民，set lunch 都$9X-$1XX，但係環境裝修靚靚，而且味道不錯，能夠慢慢享受一個lunch，實在正！下一次，我一定要搵機會來試試。bookmarked😉…查看更多

荷里活鋪新開張，店面乾淨企理，裝修得好可愛吸引。作為雞蛋控，當然要來試一試。晚上7:00到達，估唔到都幾多人食。拎完票，好快就到我喇！首先，當然要試試蛋包飯。是日點左白汁三文魚蛋包飯。雞蛋果然不錯，有蛋香，配上香濃幼滑既白汁及菠菜，沒有讓我失望呢！驚喜是上面配上紫蘇葉及明太子。大愛紫蘇葉既我當然開心滿滿。之後，點一個基本的菜式——雞肉親子丼。賣相一般，食落雞肉沒有腥味，不過不失。主打既雞蛋半熟，保留蛋香及質感，👍。亮點是旁邊既柚子芥末，令整個感覺提升了。甜品方面，我點了雞蛋梳乎厘。空氣感滿滿，有蛋香，不會漏，連不好甜既米大人也說棒呢！上面既cream 真係好正既，甜香令我想起日本旅行呢！整體來說，裝修及味道不錯，雖然價格不是太親民。不過，以荷里活既日本餐廳來說，也很不錯呢！…查看更多

食過好多次exp... 因為地點真心方便，而且佢野食、環境同service 唔錯，係又一城價錢合理。朋友聚餐又得，兩個人撐下枱腳又得。今次就寫下食評啦！次次都中意叫果汁，聲稱先搾，雖然唔多唔少應該有少少糖，但接受到！今次叫deep greeen 貪佢有superfood Kale飲落清新，亦見到攪拌後既青瓜皮，感覺更原味。不過今次比平時甜左，唔知係青蘋果落多左定點。夏天太熱，試左大蝦冷蕎麥麵。唔錯wor!! 消暑一流！連隻碟都時冰凍既，正。汁同蔬果（西柚，芒果及蕃茄）係夾既，汁既份量好夠，麵爽口，大蝦都彈牙，量方面有3隻算唔錯。蕃茄水牛芝士pizza 都唔錯，芝士會拉到絲，味道同預期一樣，冇驚喜但亦冇失望，pass... 友人略嫌pizza 面少少較焦。我就覺得個底硬左少少，小心刮口。試埋小食手指泡菜露筍，話哂之前食開主菜多，都要一試。不過呢個就麻麻。泡菜量唔夠，露筍同個類似spring roll 既皮都太燶啦！賣相唔得，油感亦好重。食春卷好過PS 果個醬是千島醬，夾既！之前食過烏卒卒麵同牛油果大蝦pizza .. 兩者唔錯…查看更多

見肚仔有啲餓，就想買下小食。呢間鋪仔幾骨子，買既主要係台式飲品及香港街頭小食，好似長州大魚蛋，咖哩魚蛋，雞蛋仔咁。今次叫左豆腐花同咖哩魚蛋。豆花得返凍既，同埋原味。男店員好好服務，雖然佢話有糖，但食落唔太甜，接受到！👍碗比出面外賣盒細少少，但份量都滿碗。$9唔錯，食得過。佢亦另有豆腐花珍珠既豆腐花飲品，幾特別。不過因為我唔想成日飲珍珠，就作罷。依家做緊$23，有興趣可以試試～另外既咖哩魚蛋中規中矩，價錢合理，不過太餓冇影就食完～…查看更多

好想飲奶蓋又怕肥肥，就試試nut tea... 呢間以堅果奶做主打，應該健康d kakakak。睇餐牌，飲品選擇都充足，不過座位較少，所以都係外賣啦！叫左2杯飲品。第一杯火龍果奶蓋茶。$30佢用紅肉火龍果整既，紫紅色咁好搶眼球，加埋奶蓋既奶白，好靚呀！火龍果有抗氧化功效，紅肉既含鐵量高啲，補血。本身唔中意飲太甜，冰凍野又太傷身，就揀左無糖同少冰。不過，飲落一啲都唔會唔夠味道。先飲奶蓋。有堅果既香味，質地打得夠creamy 夠濃厚.. 唔錯！飲落茶飲有火龍果既清甜，仲有少少火龍果粒係底，清新。係茶底唔夠香，但同飲品既味係夾，而且唔會澀，亦冇搶主角奶蓋同火龍果！整體來講，呢杯飲品係推介既，清新之選。另一杯揀左堅果奶。$34。一樣選無糖少冰。想試試佢既原味道。相較奶蓋，佢就冇咁thick 同埋濃，但好易入口，淡淡地又有堅果香，唔錯！總括而言，呢間推介，會下次再試其他款～…查看更多

適逢父親節，加埋mood麻麻，想話食cake，點知唔得！鑽石山果便同層有東海堂同A1 揀，東海堂食開係正既，所以想話試埋A1，平時見佢麵包唔錯，咁d cake 平均每件cake 30-32蚊件，合理，就試試。Crepe 雪到cream 冰硬既，皮唔夠軟熟，個底無拉拉加個厚蛋糕，唔好食。味道正常。黃色果個唔係芒果，係焦糖。麻麻。難怪3款cake 3送1！特濃朱古力cake 係黑森林底但冇berry jam.. 朱古力味唔夠濃，cake 本身唔算新鮮，好乾身，係得面頭果塊既朱古力唔錯，濃滑creamy日式既感覺。芝士餅唔係咁濃香，好失望！估唔到麵包咁好食，d cake 唔得，下次都係食返東海堂。散買原因純粹是想試多不同味道。同埋佢既cake（一個）果d雖有2個size.. 價值128/208咁都fair, 但實左太細，睇落真係唔得大方。仲有一樣好扣分就係唔環保，每件cake底都有咁厚既膠，有必要？！…查看更多

又去覓食啦！今次試下街坊風味，聽講好味就去試試，果然唔錯！唔好睇佢咁大排擋，服務相當好，唔知係老闆定經理會主動比水及推介菜式，見有老人家仲會主動畀暖水，後生就凍水，唔使叫到出口，! Order 左咩呢？嘩哈！好有口福青咖哩：少辣，但惹味，量多呀仲有咁多汁，忍唔住叫多個薄餅（8件，都大大件，唔算油）送埋d汁，正！豬肉軟滑，汁好濃青咖哩味道！海鮮金邊粉：賣相好，仲要好好食，加埋青檸汁，花生碎～yumm海南雞飯：去骨冇咩血（最怕有血水），而且好嫩滑，好味。如果可以加多2隻醬就仲正啦！馬拉盞炒通菜：好香。中意佢d蒜片，可以食埋唔辣但好香。雞翼拼盤：煎炸野都整到好香口好脆！加埋甜酸汁一流！海鮮菠蘿炒飯：飯粒乾身，菠蘿甜，唔錯！叫左半隻燒雞！好香既個皮，肉又firm好好食仲有3杯野飲，全部升級叫特飲～有柚子梳打（梳打係泰國牌子黎）、咸檸七同熱薑蜜。冇hea整，薑蜜底飲完仲有，refill水飲埋😂 其他凍飲咁岩哂食香口野！總結：大排擋得來又有服務，食物量足夠而有水準！推介！PS 總共6人食，除左1位老人家細食少少，其他人都食到飽飽，岩哂大胃既food lover 。…查看更多

生日又點少得食birthday cake?!之前食開A1 bakery 既cake 覺得好味，今次想試試新野，咁岩原來佢係A1 group 旗下，期待！原本係想試群星樂園, 但係原來已有客人book jor.. 唯有放棄！今次walk in 買15cm繽紛樂園，仲可以寫埋祝福牌即場寫的。不過牌偏細，唔建議寫太多字，唔係好難睇！賣相精緻，有埋紅絲帶，好靚呀！少女心爆發呀～～唔係少女先岩，老人家一樣見到心心眼！食落蛋糕同水果好新鮮。水果有芒果同士多啤梨。士多啤梨完整唔會太熟，少少酸，食左芒果先會口感好啲！佢芒果夾心層，係鮮芒果做既，好清新。cream 層唔會太厚，加埋岩岩好！不過，雖然15cm... 食開兩磅蛋糕既我都係覺得份量偏少，唔夠喉！整體不過不失～…查看更多

適逢端午三連假，加埋屋企人幾個都5/6月生日，就趁埋父親節一次過食飯啦～～叫左A宴，有：1. 全隻乳豬—脆卜卜，大部分既位都有肉食，唔係全肥，唔錯！👍2. 上湯龍蝦伊麵—我大愛既龍蝦，好新鮮。食左1隻，同2個鉗🤫，好味道！鉗會剪開哂，拉一拉開一開就食到，正！伊麵淋左啲，但索哂d上湯，唔錯啦！3. 清炒翠肉瓜象拔蚌片—爽口！食食食就食左4片😆4. 炸蝦🍤棗—係燶左少少，加喼汁味道唔錯～5. 竹笙雞絲翅—味道一般，料正常量。6. 清蒸龍躉—啖啖肉！雖然大大條，但肉質firm唔韌！中意佢夠多蔥，加埋豉油，好味！7. 金錢鮑：目測12頭鮑，都淋，味就冇咩鮮味，少少失望😞冬菇發到好大好淋，生菜又太油，呢個麻麻！8. 穗香雞—紅左啲，唔得喇🙈，要叫佢翻蒸！不過蒸完都好滑，夠咸香。我杯茶！9.瑤柱蛋白炒飯：飯都算乾身，味道唔錯，夠鑊氣但唔會好油好咸！10. 壽包：正常～呢餐以中菜黎講，份量夠多，賣相唔錯，岩哂一家人食。而且，重頭菜交到貨！唔錯！…查看更多

話說好想食新鮮既日本魚生，見到呢間食評話每日新鮮運到，唔會隔夜就試下啦！呢間好方便，可以直接open rice book 不同時段仲有折添入到去，環境好舒服，居酒屋格局，兩個人坐四人位超闊落。可能7:00緣故，人流唔算多。服務亦好殷勤。晚餐叫左個上壽司拼盤，有8件。魚生新鮮，厚度適中，而且每種魚上配既配料唔同，有驚喜！再order 左青瓜牛油果軟殻蟹卷物，有4件。賣相好靚好吸引，軟殻蟹整得超脆香口，但食落而唔會油，亦唔會好咸，剛剛好，正！加埋青瓜～清新！只係牛油果略嫌太少，幾乎食唔到佢！呢個位扣左d分～再叫左d三文魚壽司，魚生同飯比例岩岩好。但以價錢來講，不過不失。因為唔食牛既關係，牛肉昆布烏冬口感就不得而知，但賣相唔錯。總結黎講，魚生新鮮好吃，環境好舒服，服務一流。以價錢來說，性價比不算高，對大食既朋友亦未必好夠飽。但若想舒舒服服，食新鮮壽司，飲返兩杯，傾下計確實唔錯之選！…查看更多

食完飯，就梗係想食埋甜品啦！咁岩呢間養生燉湯專門店係正隔離，而且門面企理，價錢合宜，又走去試啦！燉花膠wor... 岩哂女仔，即係叫返客，其他甜品都係燉花膠或者燉雪耳，所以叫左個燉湯試試啦！原本想叫原盅椰皇燉雞既，但冇哂就改為川弓白芷魚頭湯，諗住可以去頭風頭痛！岩哂平日用腦多既上班族～燉花膠既花膠大隻，亦有膠質，鮮奶唔會太甜，味道剛剛好。不好甜既人亦ok魚頭湯好足料，唔會太咸，飲完湯仲有魚頭肉食埋，唔錯。不過個湯可能紅棗較多既緣故，少少偏酸，而且薑味唔係好夠。但整體還好。飲完唔會好口渴。:)…查看更多

話說上星期食左間貴夾唔飽既日式壽司晚餐見到呢間d食物好吸引，好新鮮，仲要價錢合理，就急急腳book jor~~~我地叫左蟹膏軍艦同三文魚壽司各一客。我食上盛海膽丼，海膽量偏少，但新鮮好味。之後忍唔住叫多客海膽軍艦。甜蝦大大隻又鮮又甜。帶子唔錯！驚喜係有三文魚籽！d飯唔係平日既日本米，係赤酢既飯，酸甜d幾特別，唔落醬油都夠味。見食完哂d魚生，仲有飯剩，叫埋三文魚刺身😋😋夠厚身，正！（太好味冇影到🙈）米大人不吃太多生野，所以叫左黑蒜豬軟骨拉麵。豬軟骨食落口感唔錯。拉麵略嫌唔夠彈牙。湯底唔夠香。都係繼續我地丼好了😂😂沒有失望，食到飽飽大滿足先走！謝謝米大人萬歲！…查看更多