KAPO3220的个人专页

難得同舊同事都放假所以約埋一齊食個Lunch,吹下水朋友介紹話屯門有間隱世Cafe於是我地特登去試一試餐廳內外環境都十分colourful感覺清潔舒服，令人心情都放鬆（加上我地係平日lunch比較少人）我地叫左2個Lunch SetAll day breakfast 🍳 🥓🍅🥐🥒味道唔錯，不過蛋唔夠滑同埋野食唔夠熱另外叫左個Burger 配炸薯條🍔🥒🥔其實味道真心係唔錯但點解會係凍冰冰？完全唔夠熱另外跟餐有湯（今日係南瓜忌廉湯）同埋有餐飲上圖既熱花茶係另加的（叫餐飲外其他飲品半價）整體我覺得環境舒服，服務態度好食物味道都唔錯，只係食物唔夠熱希望下次再黎既時候會有改善啦！…查看更多

琴日係同男朋友7週年紀念日因為我唔想食西餐關係男朋友book 左間食日本野既餐廳間餐廳環境都幾舒服，基本上都可以望到海景不過如果位同位之間再多少少空位就更完美冷盤我地今次叫得比較多因為樣樣都想試下😋冷盤上得十分快首先上左海葡萄海草沙律沙津另有一小碟醋汁淋上去酸酸地加埋新鮮菜好開胃跟住上左個海膽配高湯啫喱底層我估應該係蛋，有d 似布甸面就係啫喱咁，加埋海膽一齊食好好味呀！當然唔少得刺身啦我地選左個8款既刺身尚算新鮮，三文魚腩肥美，帶子鮮甜！登登登登！ 總於到我地最愛既大拖羅出場啦煙燻大拖羅佐蛋香醬油呢個食法我第一次食，上菜時係有個玻璃蓋蓋住，入面有煙燻一燻打開再配蛋香醬油食估唔到呢個食法又幾好味波！！！（由於太興奮既關係！我唔記得左影煙燻緊既相😭）天氣凍，點都要食反d熱野倒入濃湯同d泡菜加埋一齊食，味道岩岩好因為如果倒太少湯，泡菜會太鹹個卷既海膽好多好好味不過好可惜佢炸得唔脆，面太淋有d失望.....燒物都唔錯，但因為開始飽所以我地只係叫左幾串黎食😂之後仲叫左2杯野飲，不過野飲就真係得個樣一般般個酒吞童子有d似藥水味御守就還好，不過不失因為餐廳有少少熱，所以我想出去行下就叫男朋友叫埋單點知未叫埋單，侍應哥哥就已經過左黎收野，仲再放埋餐具tim我個時已經覺得好奇怪，不過我都無理跟住男朋友笑笑口，我就知有古怪啦哈哈！原來佢訂位時點左個甜品驚喜比我多謝❤️一個愉快的週年晚餐😘…查看更多

早2日去元朗YOHO睇戲，見睇戲前有40分鐘可以快食個晚餐！即刻周圍睇下有咩食，見戲院斜對面有間拉麵店，而且有位！！！就入左去試下啦😹因為要快食關係，我地淨係點左2個拉麵我要左個濃湯豚骨拉麵另加左1隻燻蛋隻蛋好好味，好流心而且好入味拉麵其實我本來無咩奇望但好驚喜，湯底濃得黎我唔會覺得好膩而且豚肉好林好香，薄薄地岩岩好我覺得唔錯！朋友就點左碗辛子黑蒜拉麵碗麵加左勁多京蔥拉麵加京蔥，再加埋蔥一齊放入口朋友話好正不過個黑蒜湯底，雖然勁香但黑蒜始終會帶點苦味，所以我唔係特別好朋友就覺得正🤣…查看更多

天氣咁凍，食羊就最暖身我本身唔好羊肉，但男朋友就勁鐘意佢一直想試＂貴州遵義黔營羊肉粉'' 咁岩落開旺角行街，就過去試下好唔好食！叫左幾樣野試下，下次會黎再試埋其他。…查看更多

有日出銅鑼灣行街，打算搵餐廳食晚飯點知途中經過FLIPPER'S 見唔多人排隊即刻，係即刻行過去排隊晚餐前黎個甜品先😋😋😋士多啤梨藍莓香蕉班戟雖然價錢有d貴，又一d都唔飽肚，但真係勁好味！所以點都要試下！！！如果唔係要去食晚飯我一定會食埋榛子朱古力焦糖香蕉班戟…查看更多

難得同男朋友一齊收早睇戲，睇戲之前又大把時間，所以我地決定食好d😝於是選左之前一直想試又試唔到既*炑八韓燒我地叫左個2人牛肉套餐，發現原來個份量好多，完全可以3個人食如果係女仔，4個食都好ok👍🏻個set入面有蝦有豬有雞，不過牛會比較多.牛方面最好食個人覺得係牛肋骨，燒一燒肉，包埋生菜，生蒜，泡菜食真係好好味呀🤤🤤🤤泡菜，牙菜等等既配菜仲可以任追加。另外值得一提既係佢既雞用左大量新鮮香草醃過，所以燒既時候勁香👍🏻👍🏻👍🏻不過如果可以多d菇類同菜用黎燒就更正太多肉食唔晒，最後要打包反屋企😂…查看更多