lamlamlee10的个人专页

訂咗位到這間餐廳午餐，叫了兩個set lunch再加一個德國豬手，再加一個蟹餅小食。整體食物非常美味。明太子天使麵味道唔太漏，恰到好處，如果個天使麵唔係煮得太淋，留返少少彈牙口感就更好。另一面係牛扒，朋友有人唔食生的，所以叫咗全熟，但竟然煎得一啲都唔韌，呢個真係要俾like ！前菜嘅沙律同薯條都好味，沙律的鴨胸少了一點真實感，薯條炸得非常脆，唯獨是追加的小食蟹餅只有一個，份量略嫌少了一點佢餐追加水果茶只加$8 ，非常抵飲，比較特別之處佢嘅生果係用乾果！…查看更多

與朋友慶祝生日，訂咗尼間日式放題，見價錢可以，重點係可以坐到6:00pm，諗住可以慢慢食傾下計，結果食物質素太低，結果錯咗個兩個鐘就走了。一看肥牛顏色就知係放耐左，已經轉緊色準備變壞，連菜都係一般（老殘）樣子還可以，但侍應話第一round  通常會俾好啲，所以三文魚叫左十件有多，其他我唔太食，但結果上咗好多件，基於唔浪費食物嘅原則下焗住食，感覺餐飯唔係食緊自己鍾意食嘅嘢最後一樣就係啲枱同碗碟，癡粒粒，唔太清潔嘅感覺。…查看更多

一行六人聚舊，星期五晚飯餐廳限時，傾得意猶未盡，最好的決定當然係轉戰食糖水，雖然晚飯食得飽，但係呢間糖水係可以開動第二個胃嘅。尼款夏日之戀，係選擇困難時最好嘅選擇，有鮮果、兩球自選口味雪糕、大西米、加上美國味嘅芒果汁，一個既健康又邪惡嘅消暑選擇！如果想唔咁邪惡，戒食雪糕，咁尼個彩虹明王水又係一個喜歡鮮果嘅必選，不過今日嘅奇異果太酸了，唯有撈多啲芒果汁一齊食。芒果涼粉，食飯物本質已經好夾，芒果濕熱，涼粉清熱解毒，配上椰汁更香甜。芒果西米露，平凡中不失水準。椰汁紫米露，加錢配埋台灣嘅芋圓、地瓜圓，口感不錯！如果覺得仲係未係好消暑，一碗刨冰係必然嘅選擇！…查看更多

有啲凍又有啲落雨，喺油麻地附近，最想食一個熱辣辣嘅煲仔飯，呢間係之前一直想試嘅，所以今次得償所願啦！因為疫情嘅原因，係唔需要排隊就可以入座啦！一份細的鴨蛋煎蠔餅有兩塊，剛好與朋友一人一塊，送飯一流！這個臘腸排骨飯，臘腸肥美，排骨肉滑，飯到粒粒分明，暖胃飽肚之選！這個鳳爪排骨飯，排骨一樣好滑，可惜鳳爪只得一隻，如果多隻可以試吓就好啦！天氣凍食個美味熱辣辣嘅煲仔飯，食完之後滿足好開心！今次唔使排長龍食，真係好值！…查看更多

今次因為特別原因，沒有食lunch，而係來試左下午茶，原來like and share FB仲有指定飲品送，係fruit pinch，唔錯！送的飲品，幾好飲！仲有送的蒜蓉包，夠蒜蓉香，可惜有啲燶得黎又唔係太脆，少許失望。佢嘅tea menu有set 亦有a la carte，有頗多甜品類嘅選擇，由於有送飲品，所以選咗一個單叫嘅小食拼盤，另外其他都叫咗甜品set。呢個拼盤唔算太heavy，每樣食物都OK，最啱幾個人share。呢個焦糖燉蛋好香甜，焦糖做得好脆，值得回味！個疏乎厘都係高水準之作，配埋雪糕食，一冷一熱，感覺一流！最後芝士餅，賣相好靚，可惜個餅底做得一般，感覺有啲濕同鬆散，可以唔使encore。整體來講，餐廳嘅環境係舒服嘅，食物水準都唔錯，想過一個休閒嘅下午茶，都係一個好嘅選擇！…查看更多

一班朋友食飯，想傾耐啲坐cafe，尼間唔似可以坐得耐，但算平價。六七十蚊一個西餐，有餐湯（忌廉粟米湯，冇得揀），有野飲，算係咁。羊脾仔扒配薯菜，看似牛扒。西冷牛扒，味道不過不失，唔係靚扒級別，有啲韌，但一分錢一分貨。黑毛豬扒，朋友話好味。不過，細心啲睇，三個扒餐的汁都係一樣，感覺猶如快餐店的，或讀書時飯盒的汁，無論西班牙汁、瑞士汁定日式燒汁，一樣色的😂最正都係野飲，凍飲唔加錢，檸樂都唔加錢，飲完，舒服晒。…查看更多

想食真正嘅burger，所以選咗尼間名都叫burger 嘅餐廳。叫咗一款小食同三款burger 同朋友share黎食。炸雞好鬆脆，肉仲好juicy, 芝士汁又香，美味之選！尼個「大啡菇芝士漢堡」都好好味，菇好新鮮，burger 牛肉味濃又juicy，係好味之選！但食到最後先醒起order嘅係黑松露大啡菇芝士漢堡，咦，食唔出黑松露味道，所以叫返佢做「大啡菇芝士漢堡」啦😂雖然係咁，佢都係一個好味嘅burger尼個牛油果醬燒雞漢堡就好有牛油果味啦，個醬唔膩，仲有啲refreshing嘅感覺添尼個煙肉芝士牛肉burger 係經典嘅burger配搭，牛肉一樣juicy，煙肉係靚嘅少脂肪嗰種，煎到亅玩脆地，增加左成個漢堡嘅口感層次。三個漢堡都夾有新鮮嘅蕃茄同沙律菜，令個堡好味得來添多新鮮同健康感。食burger當然配我喜愛的可樂。By the way, 有個侍應姐姐超好笑容同周到，見我哋三個話share 已立即主動俾三個細碟我哋！☺️…查看更多

今朝早餐，去咗尼間好街方好舊式嘅粥舖。一入門口，右邊廚房位煮粥，一眼見到成底好大嘅蘿蔔糕，感覺係自家製的，叫咗來試吓。可惜上到碟，賣相一般，蒸糕，並冇煎，所以糕水分太多太軟，口感一般，不過係見到有蘿蔔絲，起碼唔會面粉多多唔見蘿蔔，不過臘味太少，唔夠香。叫左豬䏴粥，加左皮蛋。粥底好綿好香，但豬膶太熟同硬，好彩皮蛋加粥已經好味。蝦米腸味道不錯，但如果腸粉再彈牙冇咁腍更好！炸兩冇令人失望，外香軟內脆，👌🏻味！…查看更多

大年初一，屋企食完齊菜，出去行下街覓下美食。下午六點，早早食個飯返屋企，簡單的選左尼個麵食。屋企人叫左清一式：小雲吞米缐。小窩上枱，好熱辣辣嘅感覺，小心「辣」親手同嘴，要細啖啲食。米缐煮得腍滑，但小雲吞就如平時大牌子的急凍小雲吞，猶如屋企平時hae煮一樣，在商場餐廳食，就性價比一般啦。尼個雲吞雞，餐牌上的雞金黃大隻，好吸引，所以即使尼個餐只係自己一兜雲吞雞，要自費一碗白飯，也想試一試。可惜，大失所望，上到枱，雖然如餐牌說有半隻雞，但size如平時啲雞嘅四分之一，唔通係BB雞？而且雞已煲到又老又嚡又冇味，唔會再試。真係圖片只供參考啦！Ps. 餐廳外是廁所入口，味道甚濃，幸好餐廳內沒什麼味道，但唔知係咪初一冇咩客開少咗冷氣，定係佢啲野食真係太過熱辣辣，除晒頸巾外套食，都食出一身汗…查看更多

同兩個同事食收爐飯，由於好想食海鮮，天氣又開始凍，尼个海鮮邊爐係兩位同事之前各自都試過，又唔介意同我再食，真好！先上個燉湯，清甜暖胃，足料湯品！刺身好新鮮，不過大家要小心，佢嘅wasabi超級攻鼻，冇錯！係超級嗰隻！我同事先咳左一次，以為佢唔小心攻到，之後到我，係攻到標眼淚嗰隻，然後隔離枱陸續有人中招😂紅豆卷，幾好食，但唔多覺紅豆，本人喜歡大量紅豆的，如果好似銅鑼燒內嘅紅豆餡就正啦！不過只不過係前菜，唔緊要，海鮮先係正題。食海鮮前有雞煲，分量啱啱好，太多嘅話就冇空間海鮮邊爐了。like 佢FB有象拔蚌刺身，都幾鮮味。好啦，終於到打邊爐啦！龍蝦、鮑魚都好新鮮！生蠔大大粒，好肥美！喜歡食魚的，唔好錯過斑片，好滑同好鮮味！整體來講，所以我哋叫咗嘅食村都好新鮮高質！驚喜位係泥鯭，本身已經唔係好多地方食到，打邊爐有已經好特別，更特別嘅係⋯⋯睇相！點解要用個蓋蓋位上菜，係因為即使已經劏左，佢地都係扎扎跳，店員千叮萬囑我哋唔好自己落，仲好細心咁話等水滾左佢黎落！佢黎到，先叫我地坐開啲避下，三條魚一落鍋，勁扎扎跳，好彩職員眼明手快，蓋得實！真係跳得出鍋嘅新鮮！成餐飯，服務都好好，仲周不時幫我哋換骨碟，有一種去緊飲宴嘅感受！…查看更多

約咗個朋友聚舊，忙左三幾個月冇見，諗住搵嗰舒舒服服嘅cafe坐下食下傾下計。綱上睇餐廳環境，主要影牆上裝飾，感覺不錯，就試吓啦！點知，行到門口，望入去，枱橙係飯堂setting，由於有訂位，所以同朋友企係度等人出嚟confirm booking。餐廳當時只有一枱客同一個外賣員取外賣，但冇職員理會我哋。最後我只好行入餐廳最入處收銀員問（全間餐廳，一眼望去最容易確認到佢係職員，其他三幾個唔肯定係未坐好嘅客、買外賣嘅定係職員😅）佢同我講confirm booking，我望一望setting，唯有問係咪自己搵位同要到counter 先付款買野食，答案「係」同朋友唯有叫左一個pizza同一個意粉，都係廚師推介的。上意粉時，嚇左一跳。尼個係外賣嘅買相，味道還可以，畢竟松露同卡邦尼尼個配搭好難煮到難食，但只有汁同幾片煙肉碎，佢唔算好好食，並冇令人想encore 嘅意欲。pizza 買相好一點，但味道依然不夠香，topping上的海鮮唔算多。最令我食得唔舒服嘅係佢全部餐具都係即棄，堂食變咗食外賣嘅感覺都算，最重要係實在太唔環保啦！期望與現實落差太大，只好急急食完離開。…查看更多

今日與朋友食午餐，之前都有食過尼間，感覺唔錯。但今日就一般了。由於繁忙時間，一張四人枱，二個人坐一邊，明白嘅。但食到一半有五人入黎，竟然將另一四人泊埋我哋枱以騰出空間係另一邊加一個位，形成七個人圍住我𠉴在長檯的一角，我哋出唔返去同埋變成九個人high table😂 問題係大家冇交流而且同朋友對話毫無私隱可言，傾計聚舊就免了，急急吃了便走。到食物，尼間性價比高，$50-60左右的午市套餐，送湯送豆漿，豆漿豆味香濃，以現在的物價指數算係咁。 可惜尼個宮保雞丁，只有辣味同甜味，沒有咸味，最大嘅問題係，雞丁真係好「丁」，唔細心啲搵下，同混埋一齊煮嘅花生米一樣，可能肉貴，所以「丁」咁細😂陳醋豬軟骨反而分量好多，燜到好腍，易入口，但口味都係偏甜，少左醋酸同咸味。生煎包餡靚有汁，不過如過底面都煎埋就更香脆內軟。…查看更多

尼間泰國餐廳唔算大間，但原來有二樓，好處人唔多，有時只自己一枱客，係二樓大聲講大聲笑冇人理，唔好處要叫食物加單時冇人理😂但佢嘅午餐係抵食同美味的！尼碗冬蔭公好多料，加$6有其他肉類，加$10可以加海鮮，我今次加左豬頸肉，燒出嚟的，肉多汁又香。冬蔭公湯底比較啱香港人口味，香濃得黎唔係極度酸辣，作為lunch 幾開胃又飽肚！海南雞飯係毎次諗唔到食咩嘅時候必選，品質有保證，但同事怕肥，選左白飯，個人來講，我喜歡佢嘅油飯，有雞油香味，特別之處當中加左少少薑蓉煮飯，雞也香滑，值得一試！…查看更多

昨晚與朋友試下尼間餐廳推介緊嘅vegetarian 素食menu，佢哋嘅餐包款式多，分量也多，每人起碼食到兩件。佢個焗大蘑菇好鮮好味，d toppings 好夾又唔膩，當然都可以叫一啲唔係素食嘅，當中個海鮮焗飯好香，芝士味唔算太濃。不過，真真正正要講嘅係佢嘅餐湯—南瓜湯！冇錯，辣嘅！唔係辣椒嘅辣，亦都唔係黑椒嘅辣！睇樣，大大碗，夠料，唔係水汪汪的！但勢估唔到食落去係薑味，第一啖有啲抗拒，第二啖感覺幾特別，第三啖接受咗，第四啖唔錯，食多啖，覺得太多了😂哈哈，如此起伏，夠薑嘅你，必試！（不過，餐湯嘅款式唔知係咪每日供應一樣）…查看更多

收工，辛苦左一日，同兩個同事去咗食下午茶。尼間下午茶有好多選擇，最好選咗卡路里超邪惡的豬扒炒麵同埋芝士黑松露炒蛋豬仔包！個炒麵超乾爽，炒嘅唔係即食麵，而係粥舖嗰啲炒麵質地，有啲彈牙而不覺油膩，配上芽菜、洋蔥𢇃，夠香夠鍋氣，但豬扒稍乾，如果再juicy一啲，就perfect la. 尼個真係正！芝士有拉絲，本身黑松露同炒蛋已經係絕配（但唔食黑松露的勿試），加埋芝士，好有飽足感！最重要係，佢個豬仔包係仲熱嘅同埋脆嘅，千祈唔好攤凍先食吖！唯一美中不足的，我叫左杯杏霜，未夠香甜。…查看更多