經過大角咀無意中見到呢間鋪，離遠望一望佢裝修幾特別；今日下午又咁鬼熱於是就入去飲杯野。入到去叫左杯鹹檸柒同兩餸飛碟，個老闆又幾好傾同幾nice,一路吹吹下水，乜都傾下咁就整好左野飲同飛碟。鹹檸柒又唔會太甜，味道對我來講岩岩好；一飲落去勁涼快同潤喉，夏日佳品👍👍兩餸飛碟我叫左芝士同炒蛋唔會好咸恰到好處，芝士入口即溶感覺好舒服； 配埋老闆火候適中，香噴噴既炒蛋簡直係best match。而且飛碟外層整出來唔濃又有脆口感覺。如果下次再經過大角咀都會再幫襯，支持香港特色小店👍👍💪💪
…查看更多
…查看更多
