adakwan94的个人专页

朋友仔喺尖沙咀收工🙈 OT完唔想再周圍走了，於是決定去留返喺尖沙咀食！上網一睇，先發現原來姚姚酸菜魚已經開到去尖沙咀🤣而且有好多唔同嘅套餐，性價比都幾高。今次我哋冇食酸菜魚，叫咗新出的雞煲二食。本身見佢兩百幾蚊，預期應該都係細細煲。冇估到嚟到都幾大，而且五顏六色好多配菜🥳食完雞煲仲可以加湯打邊爐，湯好香胡椒味，加埋雞片、雞雜、雞皮等都幾夾。最後加埋個蔬菜清一清腸胃🥰抵食！除咗雞煲，我哋仲叫咗半隻片皮鴨再加一個臘味炒飯🤣🤣片皮鴨熱辣辣又香脆，最後未食晒啲飯已經飽🤣估唔到佢份量咁足😋今次唔小心叫多咗，飽到上心口。🙈…查看更多

好耐冇見嘅朋友約我食飯，當然要搵一個寧靜方便傾偈嘅地方啦🤣🤣今次揀咗去尖沙咀食，貪呢度安靜而且每圍都有一個獨立包廂，好有私隱度。我哋叫咗雲吞雞、鐵板小籠包、海鮮炒飯。不得不說三樣嘢都高於水準🥰🥰完全對得住佢嘅價錢😍個人最鍾意雲吞雞，佢嘅湯底好似平時飲嘅湯一樣咁濃郁，而且雞肉唔會好嚡熠熠雖然煲完但係都仲有好嫩滑嘅質感😙而且呢度服務好好😋😋仲會幫手分湯、拎啲雞肉出嚟分切，值得一讚。此外小籠包亦都一定要試，平時食開嘅小籠包都係蒸熟，好少有鐵板上，原來都唔錯👍🏻個底脆脆哋，裏面保持肉汁豐富，整個體驗感覺好新鮮💕最尾海鮮炒飯係佢哋嘅招牌，食落覺得好足料，而且每粒飯都炒得好乾，瑤柱嘅味道同埋雞蛋好配合，睇落簡單的炒飯好有鑊氣🥳🥳下次嚟會再試吓佢其他菜式～🏠个園竹語 (尖沙咀)尖沙咀廣東道3-27號海港城港威商場3樓3202號舖…查看更多

終於又到開心快樂嘅happy Friday～當然要四處搵嘢食啦！今次去咗荃灣食任食牛肉火鍋🍲揀咗個中間級別lv4的美國牛同埋澳洲黑牛火鍋任食，呢個套餐仲有包海鮮任食㗎～佢都幾有誠意，唔係求求奇奇得啲蜆嗰種海鮮任食，有扇貝、生蠔等等貴價食材🥰食落唔腥，幾鮮甜，唔錯。牛肉上碟都幾快，幾有牛味，而且肥瘦均勻，唔算好多雪花，但絕對唔係乾爭爭好瘦嗰一種～值得驚喜嘅係出邊任食嘅蔬菜欄裏面發現佢部份蔬菜係日本直送🤣食落鮮甜，而且新鮮。蔬菜同埋面類嘅選擇都幾多，仲有豆腐花同埋紫米露！ ！比起西式甜品更加鍾意呢啲中式甜品🥰🏠牛気 (如心廣場二期) (荃灣)荃灣大河道98號如心廣場二期1樓104號舖…查看更多

食燒烤又使乜返大陸啊💕荃灣一樣大把選擇！今次我哋去咗呢間串燒店度試吓簡簡單單，叫咗幾樣燒烤🥳收工飲住啤酒食燒烤真係好正。我最鍾意係粉絲扇貝超級多蒜蓉同埋粉絲包裹住扇貝肉成粒Part落口飽肚之餘好有滿足感🥰雖然呢度舖頭細細，但係唔會一食完即刻吹你走，感覺幾有人情味🥰呢個位值得一讚。串燒即叫即燒，但係等待時間都唔算好耐，所有食物都熱辣辣😝不錯！🏠川燒王 (荃灣)荃灣德海街18號富利達中心地下F2號舖…查看更多

放工之後甜一甜💕去咗葵芳買衫，順便食返個靚靚嘅甜品今次買咗雪糕窩夫同埋六格窩夫返屋企慢慢食😙熱辣辣嘅窩夫配上凍冰冰嘅雪糕真係好夾，窩夫咬落鬆軟之餘個底又脆卜卜～本身打算啲窩夫返到屋企會再整熱食，但係太懶於是就咁食咗一嚿🥳估佢唔到凍咗竟然都係脆嘅！我最鍾意芝士口味嘅窩夫🥰成個口感好特別❤️我鄭重宣佈窩夫除咗甜仲可以係鹹㗎 ！味道特別之餘唔算奇怪，幾好食。大約$20一粒左右性價比都唔錯👍🏻🏠1/2 Sweet (葵芳)葵芳葵富路7-11號葵涌廣場2樓C97A號舖…查看更多

不知不覺就捱到星期五啦～當然要食返餐好嘅獎勵自己！今次去咗海邊食西餐夠晒浪漫呀💕我哋揀咗西班牙炒飯、大蝦沙律同埋雙層芝士牛肉漢堡🍔每款款都好好食，我最鍾意西班牙炒飯，因為有超級多海鮮啊🥳而且每一粒飯都包裹住醬汁牛肉漢堡仲有煙肉喺中間，口感好煙靭，食落充滿肉汁😝好食最尾當然要食返個好fresh嘅大蝦沙律埋尾啦～海邊食吓嘢吹吓水，真係好relax心情🥰臨走見到佢仲有聖誕節🎄節日set menu😙328$包主菜同埋頭盤，加$38仲有甜品🍧下次經過都會再過嚟試吓～🏠The Salted Pig (蘇豪東B期) (西灣河)西灣河鯉景灣太康街45號蘇豪東B期地下GB8-10號舖…查看更多

平靚正韓國菜🥰餐廳換上咗聖誕嘅裝飾，有氣氛之餘感覺都幾有韓國家庭傳統嘅裝修feel。今次我哋叫咗牛肉石頭鍋飯和牛肉拌飯套餐🫶🏻感覺同喺韓國食味道都差唔多，食落好正宗。石頭鍋飯熱辣辣，仲聽到渣渣聲咁樣上。牛肉份量和調味都唔錯，配埋小伴碟就更加有層次💕牛肉拌飯超多餸，食到最尾都食唔晒分咗俾啲朋友仔～套餐仲有一支細細嘅益力多做甜品，感覺好可愛🏠 家家戶戶 (尖沙咀)尖沙咀金巴利街1B恆港中心地下1號舖…查看更多

轉咗工，就變咗半個新界人🤣🤣 happy Friday就會去嗰邊覓食。留意到香港好多食肆都平咗，質素好咗🥰大家多啲留港消費啦！今次去咗大埔呢一間冰室，位於住宅區裏面，價錢平而且食物新鮮😍我同朋友揀咗唔使加錢嘅胡椒雞煲🥰每人$208就可以任食牛肉、蔬菜、小海鮮、飲品、甜品等😋連鍋底都包埋！第一感覺係選擇都幾多，之後食落估佢唔到地每樣都好新鮮！估唔到呢度連蜆、生蠔🦪蟶子仔同埋鵝腸都有🥳🥳仲要一啲都唔腥，食落好清甜🥰真係有少少喜出望外。蜆仲要好大隻，唔係平時食豉椒炒蜆嘅細size。值得一提的是，呢度有手切牛😋食落好新鮮，回本必拎！最後飽到甜品都冇食，飲埋支水果茶就走咗啦～🏠撈得喜火鍋冰室 (大埔)大埔翠樂街6號菁泉雅居A座地下1-4號舖…查看更多

朋友仔生日到啦，決定搵間靚啲嘅餐廳同佢食飯慶祝🥰近近地揀咗太和呢間法國菜我哋叫咗兩個晚餐套餐，會包前菜、湯、餐包、主菜、甜品🍮。我哋加咗$58餐飲轉酒🥳拎住隻酒杯🍸氣氛即刻唔同咗。前菜都幾誠意，可以揀生蠔、焦糖焗鵝肝等貴價食材。豪少少我地又加$38仲有金箔魚子醬生蠔🦪。一上碟已經哇咗一聲，個賣相好靚😋食一啖魚子醬，一啖生蠔🥰好矜貴！主食我哋揀咗七成熟的牛柳、羊架🐏，羊架食落好嫩加埋少少羊脂嘅香味🥰正呀！牛柳多汁，伴碟的薯蓉同埋紫薯蓉都整得好好味～🏠大埔太和路15號太和中心地下38號舖…查看更多

一路都好鍾意食任食燒肉，貪佢食物選擇多之餘，性價比仲好高🥰今次我哋揀咗澳洲和牛海鮮放題，因為啱啱日本返嚟，就冇食到日本和牛啦🙈🙈呢間一上枱會俾好多種唔同種類嘅肉類放係木架上面，每樣都有少少🤏等你試真啲鍾意食邊隻再叫。推薦大家叫和牛肩🥰油脂分布均勻，食落唔會太油，但係非常香。除咗和牛，海鮮都一定要食🥳扇貝超大粒，大蝦🍤食落都好新鮮彈牙出邊平時起碼都要30$ －隻，呢度係有得任食！如果鍾意食海鮮嘅朋友仔，記得揀有包海鮮放題嘅餐，因為仲可以點埋連殼嘅生蠔、青口😋😋加少少蒜蓉醬落去燒，就係出邊嘅燒烤生蠔啦！🏠佐賀燒肉谷 (屯門市廣場1期) (屯門)屯門屯順街1號屯門市廣場1期3樓3229號舖…查看更多

邊個話夏天熱辣辣唔好打邊爐？喺冷氣房裏面打邊爐都係感覺好正🥰今次我哋去咗上環冷氣超級足嘅火鍋店打邊～我哋揀咗椰子雞和喇沙湯底，湯底好足料椰子雞湯底的雞件非常滑溜，而且椰水好甜拎嚟打邊爐感覺好特別。喇沙湯底裏面會有好幾隻食落彈牙新鮮的大蝦，兩個湯底加埋已經好足料啦！我哋今次叫咗蝦滑、龍蝦🦞魚片等等食材，好食之餘，我發現卡路里好低🥰減肥都可以食住減！呢間舖頭的食材全部都好新鮮，龍蝦切好上碟之後個頭竟然仲郁緊🙈🙈值得一讚的是自助吧仲有水果、肉燥飯、魚皮等小食任拎🥳而且質素都唔錯㗎～環境舒服，收工過嚟食吓嘢傾吓偈都幾開心🥰🏠湊湊火鍋‧茶憩 (Nan Fung Place) (上環)上環德輔道中173號Nan Fung Place 1樓1-2號舖…查看更多

今次去到前身為蓮香居的舊茶樓食晚餐！雖然依家改左名做六安居，但係食物嘅質素比起以前絕對唔馬虎～而且價錢仲幾抵食添🙈🥳我哋今次叫咗脆皮雞、椒鹽魷魚同埋魚香茄子煲❤️每樣都超高質素！我最鍾意食脆皮雞，外皮好香脆，而且裏面嘅肉好嫩滑🥰真係少啲功夫都唔得。魚香茄子煲有濃濃嘅鹹魚同埋其他香味，食落超惹味好送飯🥰魷魚都係即叫即炸，加埋調味啱啱好！🫶🏻埋單都係$350左右，抵食兼好食絕對有下次🥳🏠六安居 地址:上環德輔道西40-50號2-3樓…查看更多

考完試當然要開開心心食返個大餐慶祝吓啦！除咗北上消費，香港都仲有好多抵食又正嘅餐廳架～例如今次我哋喺旺角食咗一間好正嘅澳洲和牛海鮮放題，仲要撞正餐廳痛風海鮮祭😍可以食埋大大粒嘅海鮮🥰好滿足呀和牛種類有好多種，有啲雪花好均勻肥美，有啲牛肉味好香濃🥰呢個餐除咗和牛仲會有雞肉同埋豚肉任食🥳當然唔少得超正嘅海鮮啦。扇貝超大粒，青口同埋螺都好新鮮🥰呢個價錢可以食到和牛同埋海鮮，質素仲要好唔錯，真心好抵食！出邊啲餐廳食和牛閑閑地都要200$一小碟，呢度講緊係任食！！食完最後用一杯雪糕❤️結束美好嘅一餐，捧住個肚走啊🥳😇🏠佐賀燒肉谷旺角雅蘭中心地下 (部份) 及 1樓116 號舖…查看更多

白色情人節🤍簡簡單單去食個西餐～今次揀咗銅鑼灣嘅Mercury Recalls餐廳新開張所有裝修都好新淨🥰而且唱片主題好有氣氛今次我哋揀咗牛扒、德國鹹豬手、牛尾貓耳朵粉作為主食👅👅因為太飽就冇叫甜品啦～牛扒🥩叫咗五成熟，咬落肉汁好豐富加上少少海鹽🥰簡單的美味。德國鹹豬手熱辣辣即刻整，外皮香脆裏面的豬手肉仍然保持多汁嫩滑🥳一口接一口咁食，正呀！食到最後嘅貓耳朵粉已經超級飽🥰牛尾切到一粒粒方便食，份量都比得唔少㗎！每粒貓耳朵粉都掛滿醬汁，好惹味。🏠Mercury Recalls by Lost Stars (銅鑼灣)銅鑼灣百德新街51號華爾大廈地下A號舖…查看更多

深圳先有得食嘅探魚殺到嚟沙田啦🤣🤣🥳之前因為嫌返大陸好遠所以冇食過，但係一早已經聽過好特別幾好食！🥰今次終於都喺沙田試到，超級開心。我哋叫咗把把燒天團，入邊會有三種唔同嘅把把燒🥰$68就有成15串！抵食！另外我哋仲叫咗小食天團易燃已爆，其實是類似一個炸物拼盤🥰炸得好香脆，而且好特別仲有炸金菇！不過一定要講嘅就係佢嘅烤魚好特別👅我哋叫咗燒青椒哈哈烤魚，裏面分別有烤魚同埋牛蛙🥰嚟到嘅時候大大盤好滿足。烤魚可以選擇魚嘅種類，我哋喺三種裏面揀咗淩波魚🤣食落近乎冇刺而且都好滑，推薦比怕魚骨嘅你！食完仲可以加啲麵同埋其他配料落去，感覺都有少少似打邊爐好豐富🥰媽媽話青椒嘅感覺好麻好正，下次經過會再食！🏠探魚烤魚 (沙田)沙田沙田正街18號新城市廣場一期6樓626號舖…查看更多