apf8tvs9nrvy的个人专页

二人行點了兩款飲品和兩款食物，份量極細小，味道平平無奇。成餐感覺就係到喉唔到肺，食物不冷也不熱。但餐廳環境很好，香港少有高樓底，大拉閘餐廳，開揚，光猛。我自己點了iced chocolate和Slow cooked lamb。Iced chocolate用的杯是用餐廳提供開水的水杯同一款。是平時凍飲一半的份量。味道就一般milk chocolate的味道，幸好不太甜，比m記好飲。Slow cooked lamb甫一上枱已沒食欲。請原諒我沒拍照，真係勁失望。我一見到就開始諗開啲食完去另一間餐廳再食。份量少且賣相差。幾啖份量的羊肉扯爛哂變成肉絲，下面加三條類似芥蘭的西蘭花，賣相很差。份量又極少，我就係唔想食Pulled pork先點羊肉，點知蒞到又好似pulled pork咁。好地地的羊肉被扯爛哂，又硬又唔容易食的西蘭花就唔處理，成條上，唔知想點。因為Beef Benedict唔錯，所以有影低。…查看更多

一開頭坐低幾滿意，餐具幾靚、茶壺都有特色。然後叫咗幾款食物share食。兩個人叫咗海南雞、雞飯、蝦多、黃金雞軟骨，無樣嘢係上枱時係熱嘅。成枱只有熱茶係真係熱，而且味道幾好，真係幾滿意。海南雞唔去骨，肉薄，青瓜厚切，切到一碌碌，放係海南雞下面，沾滿海南雞啲不知名醬汁，唔係好啱食。黃金雞軟骨，鹹蛋味道ok，可以再重味啲，雞軟骨本身都幾好食，但係唔夠熱，同有少少濕，唔夠乾。總體味道係好食，都滿意。蝦多好香，食落好脆又唔會太乾太硬，非常好食。不過都係唔夠熱。雞飯就普通，唔明點解用個咁有質素嘅器皿裝，最後都係唔熱，整色整水。最後個茶真係幾好飲，個杯都幾輕又隔熱，冇手柄都唔會熱親手。…查看更多