potato sister的個人專頁

見到下午茶3-40蚊有主食,餐湯,多士同飲品，旺角黎講都真係幾抵食，雖然見到openrice有唔少負評，但親身食又覺得唔差喎🫣我叫左忌廉湯，質地好杰身，有幾粒粟米之外冇其他配料。香草牛油多士好硬好脆，如果牛油可以再多少少就好，將佢浸落忌廉湯度淋少少先咬會好食啲主食嗌左吉列豬扒拼牛柳粒大碗飯，飯用珍珠米， 吉列豬扒啱啱炸起個皮好薄好脆，唔會甩出黎，配埋燒汁都幾好食， 牛柳粒咬落淋身唔韌，有少少調味，呢個價錢真係好抵食🫶🏻整體黎講，除左環境暗少少同餐牌有用耐左嘅油膩感之外，呢個價錢同味道可以講係幾好，老闆娘都好有禮貌~…查看更多

記得好多年前我都係排好耐隊先食到，隔數年之後經過見到，就想再試一試。$28蚊6粒呢個價錢以依家嘅物價黎講算係抵食，佢整定一盒盒放係度，所以唔洗等即刻有。章魚燒嘅外皮好淋，個人比較鍾意外脆內軟，蛋黃沙律醬又甜又鹹咁好好食，成粒最鍾意就係佢呢個醬😂…查看更多

咁啱經過vwalk遇到一間好香炸雞味嘅舖頭，門面又幾吸引，就決定去試一試啦✨咁我地就叫左一份衡常套餐(大份炸雞+小份魷魚+冷泡茶)同一份點心套餐(薯條+地瓜球*2)，原本衡常常套餐係跟汽水，我地想試下個冷泡茶所以+$10轉。開始就講野食先，佢地全部都係即叫即炸，所以落單嘅時候店員都好貼心提我地要等12-15分鐘，拎到手嗰陣真係好熱㗎~原味炸雞粉漿唔厚，咬落好嫩。醬蒜魷魚個汁真係好好食，見到店員係炸完再啲魷魚上醬加蒜， 每條都沾滿醬汁，有少少美中不足係佢炸皮好易甩，同埋耐少少個皮就會淋左冇咁好食，建議拎到手就要快手啲先呢個先🫣地瓜球一咬落去外面同裏面都係好軟好煙韌，但我鍾意嘅係有少少外脆內軟嘅感覺，如果可以再炸耐少少就好🙏🏻薯條同冷泡茶就普普通通都係正常好食好飲🤣整體黎講都好食唔差，特別係醬蒜真心推薦，不過可能人多嘅關係，如果全部都可以炸耐少少脆口啲就好🤤…查看更多

見佢開左咁多分店，但都係第一次試食犀牛犀牛嘅蛋餅今次我叫左韓式醬燒牛五花蛋餅($49)，再(+$40)要mega combo set，包一杯$30以下飲品,炸物，沙律。因為即叫即整嘅關係，都等得有少少耐，但經過15分鐘左右拎到返去食都仲keep到熱，都算等得值~✨首先就講韓式醬燒牛五花蛋餅，蛋餅皮咬落酥脆煙韌，張相淨係影到個頭好似好少料咁，但其實咬第二咬開始已經滿滿嘅牛肉同洋蔥，牛肉味濃多汁，仲要唔韌一咬就咬得開，洋蔥生菜索左啲肉汁，每一啖嘅口感都好豐富好好味~💕我仲加左+$6要芝士，不過食落唔多覺有芝士味啦😭跟住就到香香雞塊，因為即炸嘅關係所以個皮好熱好脆，佢本身自帶少少鹹味，所以唔需要點醬都好夠味沙律我就揀左鮪魚生菜沙律，佢本身跟一包丘比嘅沙律醬，鮪魚比我想像中嘅份量多同好食，一啖鮪魚一啖生菜都夠餸，所以我都冇落到醬啦最後飲品我叫左凍黑珍珠厚鮮奶，因為用明治奶，所以都理所當然好飲，但美中不足嘅係珍珠有少少淋，如果可以多少少咬口就好啦~…查看更多

今日經過突然好想雞，就睇吓觀塘附近邊度有得食🤤無意中發現了阿士伯鹽水雞🐔以前我有試過荔枝角分店，觀塘分店就第一次黎。當日大概夜晚5:40pm左右到，現場一個人都冇，所以我就影到以下環境相📸如下圖所見位置唔多，我黎到可以仼座🤓收銀隔離都有宣傳牌，介紹呢度特色調味和最受歡迎配菜。下單形式係填好落單紙，俾$等叫號碼，就可以拎餐🥳 當日時間大概5:45-55pm左右，我點了一份皇牌套餐😋包1/4隻雞和古早飯🍚配菜方面，我點了甜不辣和花枝丸，配阿士醬，微辣🌶一上菜就明顯知道係一人份量，個人覺得份量偏少（本人自覺大食），食完只有3/5飽肚感。味道方面，鹽水雞配阿士醬係我鍾意嘅味道💘雞肉鮮嫩爽口，配上胡椒味非常惹味，令我停唔到口😝微辣對於我來講剛剛好，本人唔太辣得，有微辣調一調未，令到雞肉和配菜都好出色。上面蔥花，剛好中和了微辣味道。古早飯係糯米飯，粒粒分明，飽肚感來自古早飯。一啖鹽水雞，再配上一啖古早飯，不用10分鐘我就清左成盤了。整體來講，阿士伯鹽水雞值得一試，味道出色，令我念念不忘。出菜速度快，適合速食，如果趕時間嘅話不妨過嚟一試。如果大食嘅話建議叫多份，因為我覺得我絕對可以食多份皇牌套餐🤣…查看更多

聽聞今次角落生物主題做到2月尾就完，所以想去嘅朋友仔就要快手啲啦💖講返今次我地係14號夜晚去食，所以人都比較多嘅關係，其中一個飯都等左接近半個鐘先上😖但平時閒日經過望到都唔算多人，應該唔洗等咁耐~一入到去成個環境佈置都好有feel，無論係枱面定牆身都有好多個落生物嘅插畫，椅背仲有唔同角色嘅小cushion~因為我地太晏食，幾乎係最後一枱客，所以好難得有呢個機會影到冇人嘅店內環境✨到食物啦~我地叫左個一人定食套餐要照燒雞扒定食($178)， 包一份定食,茉香芒芒芝士奶蓋同雙重芝士蛋糕，仲叫左一份吉列豬扒炸蝦便當($168)飲凍百香果綠茶($68)。首先講定食先啦，照燒雞扒鹹淡適中不過不失，白飯量有啲少，反而作為配菜嘅飯素同糯米餅有驚喜!!!佢飯素個味唔會太鹹，係啱啱好令個白飯唔會太單調嗰種好食🤣糯米餅外面甜甜地，入面超級軟糯，如果佢有得散叫嘅話我應該會再嗌一份~到講下吉列豬扒炸蝦便當，因為本身係炸蝦豬扒cp小粉絲，加上叫便當就可以送一個便當盒，所以就嗌左佢地。個炸蝦都幾好食，粉唔厚，蝦肉都唔細， 但係個炸豬扒就真係麻麻啦，一夾落去皮同肉已經即刻分開，咬落好韌同冇乜味道，如果唔點蛋黃醬真係好難食得曬🥲因為缺貨關係，所以便當盒要去到3月先可以拎到食完正餐之後就可以上甜品，佢套餐包左一份雙重芝士蛋糕，本身以為佢芝士蛋糕個餅底會係曲奇底，原來係好薄嘅海綿蛋糕底，上面仲有啲芒果汁點綴，不過食落有少少膩飲品唔記得左影相🙏🏻茉香芒芒芝士奶蓋嘅奶蓋頂有炸蝦圖案，真係好可愛好有心思，打卡一流~不過一插支飲管落去就乜都睇唔到啦😭 奶蓋微鹹芒果香甜，配埋茉香茶平衡到成杯唔太甜好好~突然想飲百香果綠茶所以叫左一杯，都幾好飲，不過可惜單叫冇得轉套餐款樽裝，如果唔係都想拎個樽返去做記念🤣要凍飲會送杯墊同鎖匙扣，留意返鎖匙扣款式係抽冇得換㗎入座嘅時候會比張入座需知你睇，內容大概係講用餐時間為75分鐘最低消費成人$150 小童$80…查看更多

深水埗基隆街有好多唔同嘅食店，今日同朋友兩個人去試泰基隆😎呢間主要食泰國菜， 距離地鐵站兩三個街口，所以都方便就腳。我地大約夜晚7點左右就到，一入去就有位坐。 我地一共點左兩個飯，加一甜品share 食😋第一個飯 - 泰式海南雞配油飯($45)，油飯既份量比相像中多，雞肉肉質嫩滑🐔，配上酸辣汁一流😋第二個 - 泰式炒金邊粉($42)，惹味可囗，炒得很香，而且配料十足。唯一不足之處是金邊粉口感偏油，但整體來說這味也值得一試。最後甜品 - 芒果糯米飯，幾乎是泰國菜必吃的甜品。份量有大半個芒果完整放在碟上，芒果很甜。椰汁份量也很多，足夠送每啖糯米飯。😋是次晚餐感覺良好，上菜速度正常，食物滿意，價格合理，值得再來一試其他款式。…查看更多

今次透過朋友介紹，想搵間cafe傾心事，於是黎到葵涌既Cozy Cafe渡過一個悠閒下午☕地點有少許難搵，我地都花左d時間先搵到佢地位置。一入到去，整體裝修以木系色調為主，配搭乾花牆飾，都散發出文青既感覺😍內在不算大，可以坐下十餘人。 燈光溫暖，令人不自覺花了一整個下午。我地一開始只打算搵地方談心，所以只點了兩杯飲品。第一杯是Ginger Bread Latte($38)☕，有少少少少薑味嘅感覺，但整體配合起來都幾好味。值得一提他們用上龬管飲筒，支持環保為地球出一分力。第二杯點了 Hazelnut Latte ($38)☕，賣相好靚，仲有花花曲奇配搭， 帶有小可愛嘅感覺🌼整體黎講，Cozy Cafe適合三五知己談天說地講下心事既地方。Cafe有格調，飲品令人滿意，係一個可以令人休息避世放下煩惱既地方。…查看更多

今日有緣跟朋友去beans食下午茶，想坐得舒服可以傾下計。星期六既下午茶時段唔算多人，我地唔洗等位就入得去啦😎亦因為我地都唔算好肚餓，所以一人叫一樣之後share一齊食。第一樣叫左手撕豬仔骨漢堡，價值$116(包基本飲品)。有薯條，洋蔥，蔬菜和洋蔥做配菜。漢堡都大個，所以兩個人share食剛剛好。薯條外脆內軟，熱既薯條配茄汁好好食。不得不題重點豬仔骨，非常充料，十分惹味🌟起初以為過百元要一個漢堡有少許貴，但豬仔骨充料既程度很滿意，是值得的。第二樣叫子GAT，是期間限定的甜品。本身是隨心選擇，見到有期間限定就揀左佢， 點知上菜既時候充滿驚喜🌟 首先成個presentation已經好好，底下放左一d乾冰，所以會噴d煙出黎。右上角係乳酪雪糕， 清清地酸酸甜甜，感覺清新。 輪到重點三個桔仔，用咗薄荷葉黎扮桔葉。 桔仔係熱嘅麻薯，內裏係奶皇，感覺都幾得意。 桔仔係好味😋，不過食得多就有d濟。 另外仲有d柚子醬同朱古力碎做配搭， 加埋士多啤梨令顏色豐富。唯一要挑剔既地方，就係我地坐既位置比較細。因為我地二人只分到一張小枱， 勉強放下兩樣嘢食就已經冇曬位。旁邊既枱既距離有d近(GAT相可見兩枱相隔的距離)，有少少迫既感覺。整體黎講今次下午茶都好有驚喜， 兩款食物都非常滿意，上菜速度和服務態度都正常。…查看更多

今晚同8個朋友仔去打邊爐食雞煲放題，所以一早打電話預先book定位。不得不讚經理服務態度好好，本身book左7點半，未齊人都可以入去座先。本身限時兩個鐘，但都俾我地延遲計入座時間（可能平日卦😂）。鍋匠好容易搵到，距離地鐵站幾分鐘，樓下有塊大招牌，又有電梯直到，好方便👍🏻一入到去，環境幾日式feel，感覺都乾淨企理。坐底之後，員工就拎左一盤醬料俾我地調味。醬料方面，都係大路既野，例如蔥，蒜，麻油等等。我地選擇了花膠雞湯鍋，同重慶雞煲鍋。重慶雞煲鍋有好多雞夠我地分黎食😋我地叫左小辣，口味偏重，食到個嘴有麻既感覺。花膠雞湯鍋都幾好，清清地，岩我地唔辣得既人。本身平均每人$158，我地加$38(位)升級火鍋放題優惠，可以點選美國S.R.F.和牛及羊卷肉。呢個升級一定要加，牛牛好好味，口感不錯。其他打邊爐材料，就可以到隔離櫃自己拎。選擇唔多，但基本既都有齊，例如丸類，蔬菜類等等。另外，佢有甜品櫃，因為太飽所以就冇試到糕點。有食到糯米糍同雪糕，味道偏甜，不太推介。總括而言，鍋匠係一個平價任食火鍋既選擇，整體黎講我都好滿意。…查看更多

今次食賞茶嘅晚餐，平日夜晚店入面冇乜人，地方唔大但都有三張卡位，坐低食野都幾舒服，坐底揀完就去counter度比錢，之後職員就會送餐過黎🤤佢豬軟骨個飯好好食~好食到男朋友仔每次黎都要叫呢個🤣個豬軟骨煮得好淋好入味，配飯真係一流🥰不過留意返佢外賣個盒擺餸個位比較細，堂食個碗會多啲豬軟骨而我試左煎豬扒腐皮花枝丸卡邦尼起司撈麵，個麵有少少乾好難撈，卡邦尼起司嘅味道唔算濃，淡淡地有豬扒同花枝丸送就會好啲，而且塊豬扒都幾大塊下~加左個小食鹽酥花枝丸拼薯條，薯條啱啱炸起好熱好脆，裡面又好有薯味，好食~不過真係有少少細份🤫檸檬賞紅茶用左新鮮檸檬，飲落好清新好香，甜酸度啱啱好一間台式飲品店可以坐，仲有有台式小食同飯賣，價錢仲要唔算貴，算唔錯㗎啦…查看更多

琴晚心思思想食pizza hut個蜜糖芥末薯條，咁啱佢新出個二人套餐有，所以就順便試下埋個新批「海中狂熱」。10點關門9點幾先行入去真係有少少唔好意思😔但係店員都仲好好服務態度，落完單大約15分鐘已經上齊，每樣食物都好熱好高質👍🏻「海中狂熱」真係好推，個醬同個pizza好夾，而且非常足料，每啖都食到唔同配料，而個蘑菇更加係令到個味昇華左🥰佢係雙色芝士扭扭批邊，一如既往嘅好食，唔太使點個芝士醬都已經好夠味！不過落單叫走椒，佢淨係走左青椒冇走到紅椒，唯有自己挑返出黎🥺本身最想食嘅蜜糖芥末薯條反而就變得一般🤔佢將個蜜糖芥末醬跟埋薯條一齊焗過，熱左嘅醬變得比平時酸同芥末味出左啲，而平時單點果陣個醬係凍，好似凍啲甜啲好味啲🤣大蝦蜆肉焗飯入面比我想像中多蝦🦐！不過冇乜特別就唔多提啦🤫…查看更多

今日星期六同屋企人去飲下午茶，就揀左呢一間電台成日賣廣告嘅舊式酒樓。呢間酒樓有兩層，環境望落乾淨闊落，今次我地就坐係二樓，三個人坐五人枱唔使搭枱，等左大約15分鐘就有位。講返野食，下午茶逢星期六日加$3，但計落都係比其他酒樓平，而且份量好足，3個人叫9樣餸都只係$200，係飽到食唔落咁飽🤣不過留意返佢收13%服務費，比一般茶樓貴少少。相入面排骨飯、金銀蛋瘦肉粥、鹹水角、鮮蝦腸都冇影到，太肚餓忍唔住食左先啦🤫無論係腸粉、燒賣定蝦餃，佢啲蝦都好大隻，不過略嫌佢腸粉個皮太厚，豉油唔夠鹹。佢有個幾特別嘅點心「抵食五式點心併盤」，$26.8可以食到幾款飲茶必叫點心，好啱每樣都想食一兩嚿嘅人~p.s.唔知係啲姐姐太忙定點，成日想叫人都叫唔到😣…查看更多