Bealo的个人专页

OpenRice見到有新火鍋店，一人一鍋，價錢幾好，於是去試吓。一入去已經聞到濃濃的麻辣香。新裝修環境整齊光猛。由於唔想食辣火鍋決定叫魚湯。每一個火鍋都係即叫即做。所以要排單等一陣。魚湯好鮮甜。配料新鮮。魚片分開上，自己落去滾熟，好滑好嫩。上菜時漏了上蜆，通知職員後，態度好好，即刻俾返我。雖然話唔食辣，但係見到枱面D辣椒油忍唔住食少少。辣椒好香，加上有少少麻辣味配火鍋食一流。我選擇咗配飯，嗰日啲飯有啲乾，所以決定將啲飯擺落火鍋湯底滾一滾先食。成為整個火鍋最後的重點精華。結果湯加飯全部清晒成個火鍋。😋我同朋友都一齊贊成，呢間可以再來🥳…查看更多

網上search到有間新開小店在石門，決定少吃正餐，留肚食甜品！😍我個人很喜歡吃crepe。在倫敦排半小時隊也會走去吃。我決定去試吓這間新店。我選擇了香蕉朱古力榛子醬。雖然是平平凡凡的餡料，但就可以試出他是否有好食之處。我說的真心好食，是他不但每一個crepe由做皮到完成都係即叫即做，crepe皮很軟熟，很香。我很怕香港很多的Crepe是用忌廉填滿餡料。這間做的crepe不但入邊餡料超級豐富，香蕉朱古力醬同忌廉亦好平均。咬下去不會像其他的只爆忌廉。店員好用心做，排放香蕉同醬同忌廉嘅位置，令到你由頭到尾都有食到這三種材料。這點值得加分。👍🏻這間也算是值得再次回頭再食嘅甜品店。作為朱古力烘嘅我，下一次會試特濃朱古力味。…查看更多

標題話齋，入冬梗係去食蛇啦！去中環熟悉嘅餐廳就係蛇王芬！知道沙田都有開分店，但係都係想去中環老店食。好在早去，還有位坐。原來係可以訂位。入面環境裝修很有懷舊feel。坐低睇個餐牌，好多都係傳統懷舊美食，樣樣都想食，但得兩個人，唯有叫咗二人餐，一人一碗蛇羹同臘味糯米飯。蛇羹足料好鮮甜。最鍾意佢落咗啲檸檬葉，帶出清清的幽香 。糯米飯有好多臘腸同潤腸。飯好軟熟，唔係太油膩。店員服務態度又好。亦都有好多不同國籍嘅外國人慕名去食。食完暖暖的走出餐廳！滿足！…查看更多

好耐未食過車仔麵，就會諗起呢個品牌。之前喺其他分店食過，今次就去試吓尖沙咀呢一間本身都知道要排長龍，所以早上12點前就到。還可以，沒有長隊。選擇了自選配搭。我食車仔麵，當然要食佢蘿蔔。果然不失所望，好嫩好甜。牛筋好入味，夠腍。魚蛋比較實，但份量不少，起碼有五六粒。整體來說，餸嘅份量真的不少。就算三餸都夠飽。不得不提個湯底，都夠濃但係會好鹹。整體性都不失所望。食完由於已經踏入午市高峰期，職員不停想收食完嘅碗碟，所以有點兒趕。…查看更多

約咗朋友慶祝生日，去咗諾士佛臺上樓Bar。呢度環境幾好，central bar枱背後牆身設計放置酒樽加logo幾特別。中央有兩張ping pong枱，又有飛標，pool table。好多野玩。呢度嘢食有日式同西式，我哋叫咗Pizza同串燒，每人叫咗杯特飲。Pizza皮好薄又脆。串燒係即叫即整。燒得剛剛好。 坐低食完冇幾耐就有live Band唱歌演奏。我順着點首Happy birthday歌俾朋友。隊band用咗另一個R&B風格去唱首歌，畫出完美的句號。…查看更多

膽粗粗去粗菜館食豬油餐- 豬油撈飯- D豉油甜甜地幾好味，但豬油香未有我想像中咁凸出。豬油渣炒飯- 呢個炒飯比較香口，豬油渣一粒粒好脆口。飯又乾身，粒粒分開。炸蓮藕餅，新鮮炸起肉質厚，粒粒蓮藕都好爽。豬頸肉切嘅紋路係順切，但還好豬頸肉都唔韌，但外面就乾少少。同我鍾意嘅魚皮😊好爽脆。我唔覺得鮏。蒜蓉炒菜心 - 菜就好嫩，但係成碟好油。我見隔籬枱炒豬什都好舊火喉咁，但係我哋有人唔食內臟，下次可以考慮。由於整體成餐飯比較油膩，店員都好樂意不停幫我們斟茶解油膩感覺。👍🏻…查看更多

同朋友聚餐選擇咗食Pizza。 佢嘅Pizza真係幾好食，媲美真正意大利做法。我建議食薄批，因為咁樣會食到餡料真正的味道。 雖然是薄批，但係餅底夠乾身，唔濕又唔油。佢嘅Mushroom pizza有好多 shaved truffle喺上面。好香。亦都有叫 Carbonara意粉。佢啲意粉係手工制, 可能就番香港人嘅口味，所以只是近乎al dente 嘅質感。意粉汁亦都很香濃。最後當然不少得食gelato on cone。今次選擇Cookies & cream，質感好滑完全沒有冰塊。餐廳環境裝修好似去咗意大利，但有點兒嘈吵，所以不是情侶撐枱腳的好地方。…查看更多

天氣咁好，踩單車入大埔周圍搵好嘢食。呢間主打台灣菜。天氣熱熱地我叫咗拌麵。佢嘅麻辣鴨血就正常口味。值得推介嘅係蝦卷同埋送嘅兩粒花枝丸，好彈牙，好好食。鹽麴雞啲雞好滑好入味。碗飯已經撈咗醬油，再加隻煎蛋喺上邊，真係冇得輸。望到隔籬枱叫牛舌，已經諗定下次想試埋佢嘅厚切牛舌飯。午餐包一杯凍黑糖珍珠奶茶。踩單車之後熱熱地，飲番杯涼透心嘅珍珠奶茶，好爽。間餐廳裝修好新淨，裝修主掉用白色加橙色，令到環境好光猛清新，坐得舒服。服務員嘅態度好好，我對辣有問題同要求，佢都會好細心為我解答同解決。呢度值得俾個讚👍🏻。…查看更多

開工前食返個茶餐先。行下行下經過呢間，見係新開的茶餐廳，環境光猛寬敞，就決定入去試吓。紅磡區一般茶餐廳下午茶餐粉麵飯一般$45-50，呢度$3x就可以食到，👍🏻! 叫咗個黑椒牛肉炒烏冬，食物方面都OK。絲襪奶茶有濃濃嘅茶香。新張期內，仲送雪山朱古力特飲👍🏻下次試吓先。我估計由於新開店，人手不足，落單有啲慢，同收錢機未用得，只可以收現金。運作上仲有代改善。但以價錢同食物來講，呢度係可以再幫襯之選。…查看更多

今日超熱，同家人去西貢，其中一個景點就係呢間必食的牛腩粉麵。佢D牛腩一片片，好夠淋的同時又有牛肉texture｡我選擇食牛肚米，D牛肚淋又爽口彈牙的。不同其他餐廳制作牛肚只是淋。地方不大，staff好friendly都會讓我地選擇喜歡的位置坐低。佢有semi-outdoor枱，但由於太熱，我們選擇坐室內😁。…查看更多

去到中環行吓行吓見到呢間井，價錢又唔貴，入去見冇咩人，環境又幾好，就決定去試吓先⋯⋯ 11: 45am叫完餐坐低，15分鐘後全塲爆滿😂Ordered Pork and Beef Don. Flavour is good The meat is good in thickness, but the texture is abit tough.個set包一個大福，個皮好軟身，但入面D cream打得over咗😮‍💨如果係雪糕就加10分😅#記得走洋蔥…查看更多