JenniferChan6700的个人专页

天時暑熱 又想食大排檔，我會話楚撚記大排檔係一個無措既選擇。尼間餐廳又係人山人海既，所以最好訂左位先去！ 今次我同一班好同事訂左1900，準時到就可以即刻入座，安排好好！一大班人去大排檔食野就可以叫好多個小菜開心share!雖然入座起計有限時90分鐘，但由於佢上菜時間好快，所以都無問題！ 尼間餐廳唔單止提供傳統既小菜，同時都有好幾款新式d 既小菜，適合有時想試下新野既朋友！我地果日叫既每款菜，無論係傳統既定新式既都好好食，全部都熱辣辣，夠鑊氣！我地果日貪新鮮叫左碟燕麥黃金蝦 ，結果係超好食！ 尼間餐廳我地絕對會再encore ! …查看更多

之前有朋友試過尼間餐廳話好食，所以今日決定黎尼間餐廳farewell 一位好同事！我地一早已經訂左6人枱，希望可以4+2 咁坐附近，方便傾計。但係最後餐廳職員堅持比左一張 4人方檯同埋一張6人圓檯比我地，中間仲要隔條行人通道，所以都有少少唔開心。不過好彩餐廳大部分既菜式都好好食，咁先無咁唔開心！個人黎講，覺得香芒軟殼蟹米紙卷、鴨肉生菜包、泰式甜品大拼盤最吸引。尼間餐廳其實好適合三五知己一齊去食，咁就可以試多好幾款菜！希望下次去既時候，座位安排上可以再做好D啦，畢竟隔著條通道同同事farewell 感覺真係好怪！…查看更多

星期日瞓晏左無食lunch直落去尖沙咀做嘢，做完嘢之後行過La Postre 見到Tea Set 餐牌好似幾吸引咁，所以臨時決定入去食！兩個人分別叫左一個鹹點同一個甜點。食完之後覺得兩款食物既味道落差太大，無比較無傷害。鹹點- 豬肉腸薯仔雜會都幾好食。將兩隻蛋撈埋D薯仔同埋香腸再用多士點黎食，都幾好食嘅！好可惜，甜點-朱古力金寶班戟配雪糕就大打折扣，因為真係太甜啦！全碟都係朱古力醬，連我鐘意食甜野既人 都話太甜就真係唔得啦 ！ 下次都係食番鹹點好啲！…查看更多

今日行開大角咀，意外地發現呢一間好食拉麵店。開頭我哋都冇諗住試呢一間餐廳，不過行吓行吓都睇唔啱其他餐廳，又見到尼間餐廳出面時不時都會有人排隊，所以決定返轉頭一試呢一間日式拉麵小店！我哋好好彩返轉頭嘅時候唔使排隊有得直接入去。由於店裏面得10至12個位，所以如果想來試下拉麵嘅朋友記得要留返少少時間排隊。我地叫左一碗蝦丸、一碗大丸特製蝦味拌面同埋一份關西風煎餃子。蝦丸 有好多櫻花蝦，蝦味湯底好夠味，上碗時湯底及面底都好夠熱，好味道！大丸特製蝦味拌面 有驚喜！ 開頭見到枱枱都係叫熱拉麵，但由於天氣太熱所以我就想試一試呢一個拌麵。尼個蝦味拌面既味道一啲都唔輸比蝦丸，配埋溫泉蛋、蔥花同埋櫻花蝦 入口既味道都一流！由於我係餃子控既關係，見到餐廳有賣餃子，我一定會想試一試。尼個關西風餃子 食落去有大阪燒既味道，餃子肉多汁，不錯不錯！ 最後，值得一讚係呢一間餐廳嘅侍應同安排都好細心。如果見到食客着白色衫或者有長頭髮，佢哋都會主動提供圍裙或者橡筋，以防大家整污糟。…查看更多

德美壽司一直出名性價比高，以前讀大學已經成日食。今日一早去完尖沙咀做野，知道附近有分店，決定12:00準時上去食個人正lunch 。好彩我地早左到咋，因為12:30打後餐廳外面已經開始有好多人排隊等枱啦。德美既Lunch set 性價比真係好高， around $80-120 到就食到好好味既日本餐！我哋叫咗一個野菜牛肉鍋定食同埋一個壽司定食配牛肉烏冬。野菜牛肉鍋定食超級足料，男友人話啲牛肉食極都仲有，同埋覺得個湯底有D似壽喜燒嘅湯底配飯食一流。雖然壽司定食配牛肉烏冬只係得六舊壽司，但成個set（包埋蟹子沙律同埋茶碗蒸）食起上嚟都超級飽肚，偏向細食嘅我直情差啲食唔晒。牛肉烏冬湯底比較淡，味道較為一般，但係壽司就冇得彈啦！6舊壽司都好新鮮，好好食！最後成個lunch set有包埋一個小甜品包括呢一個三色糕同埋日式蕨餅，食完真係大滿足啊！…查看更多

男朋友知我不嬲都鍾意試吓啲小店，所以今次我生日正日，佢就帶咗我嚟Starry Night 食威靈頓牛柳套餐。呢間小店座位唔多，建議大家去之前可以訂咗。呢個套餐包左兩個餐湯、兩個前菜同埋兩個主菜，包括威靈頓牛柳。周打蜆湯好足料好香，入口好creamy 好滑！前菜有輕煎鵝肝 同磯燒鮑魚揀。由於我對鮑魚敏感所以我選擇咗鵝肝。鵝肝都幾肥 但又唔會太油膩，配合埋紅酒會蘋果入口一流。男朋友話個磯燒鮑魚都唔錯！呢個白酒蟹肉燴飯有驚喜，開頭我哋以為只係有少少蟹肉嘅啫，點知原來一上枱見到有一整隻軟殼蟹喺面,超級足料！廚師成功煮到一個好creamy 嘅白酒燴飯,同時又保持到軟殼蟹個外皮好脆口，好味！黎到今日嘅主菜英式威靈頓牛柳啦！個人認為呢個價錢食到呢一個質素嘅威靈頓牛柳已經好唔錯！一上枱，用匙羹敲落去出邊嗰層酥皮係聽到聲好乾身好脆口，而裏面嗰層蘑菇醬包住牛柳都做得好唔錯！牛柳大約係五成熟到，好嫩口！ 最後值得一題呢間餐廳嘅侍應好細心！因為當日我坐咗係風口位，侍應聽到我細細聲講好凍之後，佢哋有調教好個冷氣同埋俾咗杯熱水我飲！如果大家經過開大角咀，不妨去嘗試一下呢一間有心又好食嘅西餐廳小店！…查看更多

夜晚同朋友係厚福街食完晚餐覺得未夠喉，想傾多陣計 所以行咗去附近嘅The One搵甜品舖。我哋一行過呢一間「宏」就被櫥窗既靚靚卷蛋吸引咗😆 我哋試咗四款卷蛋包括原味、草莓麻薯味、綠茶味仲有Bailey味，款款都好好食 唔會太甜。除咗呢四款味之外，其實仲有其他未㗎包括芝麻味同朱古力味，不過因為朋友想試吓佢個pancake同埋京都宇治抹茶雪糕芭菲，所以我地無試其他蛋卷，但我下次一定會再試！除咗卷蛋好食之外 Souffle Pancake同埋抹茶雪糕芭菲都好正。特別係Souffle Pancake，咬落去空氣感一流！最後最後，值得一讚 係尼間餐廳樓底好高 座位幾舒服，所以如果係附近行完街 食完正餐 ，真心推薦可以黎尼間餐廳食個甜品！ …查看更多

天時暑熱 行行下街 就會想行入甜品店 食個正甜品 抖一抖！今日係深水埗行完黃金 本身想去食一間係附近既甜品鋪 但行到去見到無開鋪🥲 所以即時用Google Map 揾下有無其他食芋圓既甜品店，就係咁我地去左荔枝角道既康瑞甜品！ 我地一人叫左一碗 < 特色仙草配> 同< 紫米露配>。兩碗糖水都好好食 裡面配有份量都幾多既小丸子、芋圓同地瓜圓。<特色仙草配>既味道唔會太甜同埋唔會太飽肚，相反<紫米露配>就甜D同埋有比較易食滯🙈 所以如果你唔係好餓 同埋個胃比較細 但又想食芋圓的話，建議你可以選擇仙草配😉 最後最後，不得不提尼間小店既甜品真係好抵食 大大碗都係$26咋，依家係香港好少地方有平過$30既糖水架！因此，行過深水埗又想食糖水，可以去試下！ …查看更多

又到左一個星期最最最難熬既星期三，今日放工後同男朋友約左係尖沙咀食飯。由於我地兩個都太忙所以無book到餐廳食飯，所以要搵餐廳walk-in 食dinner 。我地係K11附近行左幾條街 都無咩心水 直到行到去棉燈徑既街未 見到焱丸水產。睇左兩睇個餐牌 見到好吸引 所以就決定行入門口問下試下有無Walkin位。點知打開門之後 見到裡面座無虛席 ，好好彩咁啱有人走有一張Bar檯空位，所以我地先有機會試下！ （大家想去既話 記得要book 檯啊 😉）餐牌裡面樣樣野都好吸引，我地樣樣都想試不過礙於兩個人既胃容量有限，所以我地好努力先選到以下既野食。< 松葉蟹膏帆立殼燒>< 焱丸蟹噌甲羅燒>< 醬汁焗原雙魷浜燒>< 三文魚雜菇牛油燒>< 日本甜湯牛肉鍋+烏冬>以上樣樣野都好好食，個人最鍾意係個帆殼燒同甲鑼燒，蟹膏真係好正！同埋，由於我係一個鐘意食牛肉鍋既人，所以我都推介 如果想食熱食 同少少飽肚既野食 可以一試牛肉鍋。因為尼個牛肉鍋既湯底 同好多係其他店食都既好唔同，唔會好鹹或者得甜豉油味，反而係一種淡淡既甜味，令你食左都唔會覺得濟，同埋最緊要之後 我地唔會瘋狂想飲水！總括而言，今次walk-in 食尼間餐廳 有好大驚喜！環境好 日本氣氛濃厚 加上野食樣樣都好食，搞到我地真心想即日比個好評佢！👍🏻（ps 我同男朋友已經決定左 下次慶祝咩節物節 真係可以再 Encore尼間餐廳 試埋其他野食！）…查看更多

星期三翻工好鬼攰，所以同兩位同事決定夜晚收工要一齊去食好西，叉叉電先再戰星期四同五既工作！ 今次我地選坐係銅鑼灣利舞雞Sodam Chicken。其中一位同事食過尼間餐廳好多次都覺得好好味，所以覺得一定要帶我地去試一試！去試餐廳好多時都怕期望更高，失望越大！ 不過，今次好好彩地我地期望好高，但食完之後真係覺得無失望啊😆我地一行三個女仔叫左三樣野食，樣樣都好好食，重點係每碟野食上菜既時候都係熱辣辣，令到好食嘅指數再上升！<蜜糖蒜香烤雞>食烤雞最忌係食到d雞肉好乾身，sodam chicken 既蜜糖蒜香焗雞就無尼個問題！每舊雞都好入味，超夠肉汁，食落去唔會覺得D雞肉好鞋口！<韓式芝士炒拉麵年糕> 上次同事都有叫過尼碟菜，不過由於上次佢地叫左好多野食食唔切，所以覺得碟凍左既炒年糕麻麻地！今次人少少，又唔係叫得多野，同事決定再試多次，結果，我地一至認為熱辣辣咁食呢一碟炒年糕真係超級正！怕辣既朋友唔使太擔心，因為我都唔係一個好食得辣既人，但我都食到，d辣味剛剛好，芝士嘅份量都唔少，好好食！<芝士玉子燒>小食方面，我地叫左個芝士玉子燒。一開始我地以為個玉子燒既份量唔會太大份，點知原來條玉子都幾大份，好飽肚！條玉子燒裡面有多芝士，切開一舊舊係可以見到拉絲既效果！（不過，好可惜我地掛著食，所以唔記得影番張相🙈)總括而言，我下次會想叫埋多D朋友一齊黎尼間餐廳，再試多幾款野食！…查看更多

作為一個餃子控，我對餃子同餃子湯底既要求都幾高。自從食過一次同路既甜記餃子之後，佢就變左我既Comfort-food!甜記餃子有好多選擇，每款餃子都提供湯餃 同煎餃既選擇。我個人因為怕煎餃比較油膩，所以比較鍾意食湯餃多D！如果選擇湯餃，湯底都有兩款選擇，包括雞湯同蕃茄魚湯，兩款都唔錯，不過個人就鍾意蕃茄湯多D！甜記既湯餃隻隻都好大隻，餃子皮又唔會太厚，好夠料！係咁多款既餃子當中 我既最愛係京蔥羊肉餃！ 我之前都試過係唔同餃子店試過羊肉餃，但Ｄ調味都唔係太出色，唯獨是甜記既羊肉餃先令我有種想食過返尋味既感覺！ 如果你鍾意食羊，一定要去試下啊😆同埋，尼間小店時不時就會出下新款既餃子，最近新出既南瓜雞肉餃 都好唔錯！ 另外，不得不提尼間小店既辣菜脯都超正！ D菜脯係小店自家用蝦米炒架，辣辣地，好惹味，配餃子食一流！作為一個長沙灣街坊，真心推介尼間性價比好高既餃子店！ …查看更多

今日天氣幾好，我同朋友決定到梅窩，經過麥生記冰室門口，醒起之前喺網上見到有人介紹港女三層架下午茶，決定要去去試一試左個真 港女！尼個港女下午茶超級豐富，三層架都係裝到滿滿的，另加三杯飲品！第一層- 公司三文治四件文治 有兩款味道 大大件 面包keep到脆口 夠料 幾唔錯！第二層- 邪惡炸物 炸物有四款，每款有三件，包括薯條、炸蝦餅、春卷同咖喱角！樣樣都係即叫即炸，上碟後等左一段時間先食落口係會熱辣辣 出埋煙😂 炸物大致上都好食 唔會好好油膩。不過 當日唯一有少少美中不足既係 咖喱角有少少炸過火 比較燶！最後一層-港式甜品6個小玻璃瓶裝著三款甜品，包括 大菜糕、啫喱 同埋杏仁豆腐。食曬D熱食後，一口氣食埋D 甜品 真係會覺得大滿足！ 最後最後，一定要提提大家 如果兩個人去食尼個港式high tea,一定要一早留肚去，因為尼個tea set 應該係比3個人都夠食架！(Ps 同場見到好多街坊食豬扒包 同熱狗，都好似好正咁，我下次有機會再去梅窩 都會想試下）…查看更多

每次去台灣，我都會有一餐一定要食滷味。見到香港開左-燈籠滷味，網上見好多blogger foodie推薦，就一早Bookmark 左要去試一試，去找回台灣的味道。星期日下午14:30係銅鑼灣行完街覺得肚餓，經過見到門口見到只係得4-5人排隊，就覺得係時候去試下啦。今日好好彩，排左大約15分鐘到就可以入左啦！由於，太懶去諗食咩，所以我同友人直接叫左個二人餐食。如上圖所示，二人餐包 一碗齊集8款推薦滷味加粉絲、一碗台式滷肉飯、一客shakeshake炸雞 同兩杯飲品。碗滷味真係好有台灣既味道，朋友第一次食都覺得好正！特別係我地選做冬粉底，吸曬D滷味汁 好好味！ 至於Shake shake 炸雞更加比想像中好食，值得推介。炸雞既外面好脆口，裡面就夠肉汁，食落口一Ｄ都唔油！所謂既shake shake 就係店員會比埋一個紙袋同海苔粉你，待你自行混合埋D雞食，想法都幾有新意，味道都不錯。不過個人黎講，我覺得就咁食雞 已經好好食！不過，美中不足係碗滷肉飯就麻麻地，一黎係因為上菜時碗飯比較凍 同埋滷肉既味道唔係大路既滷肉味 我地有少少食唔慣。總括而言，滷味我都係會encore 再食 ，滷肉飯就不了。…查看更多

疫情之前我每年都會去台灣旅遊至少一至兩次。基於疫情,有一年半都冇去過台灣啦，個心超級掛住台灣美食。所以直至有一次係堅尼地城行完山，就計劃好去阿元來了食下台灣菜。星期日既中午1:30都有唔少人排隊同埋等外賣，不過好好彩等左20分鐘就有位。餐廳有限時，不過由於上菜速度好快，所以都夠時間食！我地叫左阿元滷肉飯、爆蛋雞肉飯、豪華海鮮煎、香脆大雞扒 同埋一杯小芋圓香芋奶茶。阿元滷肉飯好有台灣風味，同預期中一樣咁好食。爆蛋雞肉飯雞絲比預期中多，好足料！如果你唔鍾意食油膩既滷肉飯，可以試下佢。豪華海鮮煎本身想叫蚵仔煎，不過友人想食豪D 所以就一試豪華海鮮煎。佢既味道同蚵仔煎一樣不過裏面就多咗幾款餡料包括蝦仁同埋帶子，令到煎餅口感更加豐富！香脆大雞扒份量好夠，大過我塊面😂本身好擔心炸雞扒會好油膩，但係尼個雞扒完全唔油，外身好脆口，內裡雞肉有肉汁！…查看更多

呢間傳說中既勝香園主打蕃茄湯，仲有脆豬，每次食完都覺得正。雖然啲服務態度勁差，又唔可以加單，但唔明點解有咁多負評。琴晚突然勁想食蕃茄湯，第一時間就諗起呢間，就約左朋友今日去食個靚brunch~對上一次黎己經係疫情前既事嚕，宜家每個座位之間既隔離冇之前咁迫，坐落都舒服好多。不過繁忙時間應該條隊又再長啲喇~我地叫左蕃茄餐肉蛋雞翼通粉，蕃茄餐肉蛋雞翼米粉，牛油檸檬汁蜜糖脆脆。蕃茄湯底勁濃郁既蕃茄味，而且仲有茄肉架。每次都忍唔住飲哂啲湯~ 呢個價錢既份量好合理，加埋個脆脆啱啱好~ 牛油檸檬汁蜜糖脆脆，檸檬汁加蜜糖既味道酸甜酸甜得黎勁好味，口感脆卜卜! 但唯一美中不中既係個脆脆唔熱，如果熱既話一定好食好多~…查看更多